Aktualitet

Kuvendi ka miratuar vetëm katër ligje për katër muaj

Published

5 years ago

on

Që nga 22 marsi, kur është konstituar legjislatura e tetë e Kuvendit të Kosovës dhe kur është miratuar agjenda legjislative e Qeverisë, e deri më tani, nga 26 projektligje sa janë në procedurë, Kuvendi ka miratuar vetëm katër prej tyre. Një nga këto miratime është ratifikimi i një marrëveshjeje ndërkombëtare.

Sipas vlerësimeve nga Instituti Demokratik i Kosovës (KDI), organizatë kjo që monitoron punën e Kuvendit, Qeveria është vonuar në miratimin e agjendës legjislative dhe, rrjedhimisht, ka edhe vonesa në miratimin e ligjeve.

Agnesa Haxhiu, hulumtuese në KDI, tha për Radion Evropa e Lirë se dinamika e punës në Kuvendin e Kosovës duhet të rritet, në të kundërtën miratimi i ligjeve do të mbetët shumë mbrapa.

“Dinamika e punës së Kuvendit të Kosovës, në aspektin e ligjbërjës, varet shumë nga puna e Qeverisë. Edhe, në fakt, Qeveria është vonuar goxha shumë deri në miratimin e agjendës. Mandej, ka edhe vonesa të tjera për miratim të ligjeve”, tha Haxhiu.

Brenda këtij viti, në agjendën legjislative janë paraparë për shqyrtim 193 ligje.

Kryetari i Komisionit për Legjislacion në Kuvendin e Kosovës, Adnan Rrustemi, deputet nga Lëvizja Vetëvendosje, tha se deri në fund të vitit do të miratohet një numër i konsiderueshëm i ligjeve.

Sipas tij, janë disa afate të brendshme brenda Kuvendit, që e pamundësojnë kalimin më të shpejtë të projektligjeve.

“Kuptohet, tash jemi në fund të sesionit pranveror dhe Kuvendi pritet të shkojë në fillim të gushtit në pushim, për t’u kthyer në sesionin vjeshtor në javën e dytë të shtatorit. Unë pres që punë shumë e madhe do ta presë Kuvendin dhe deputetët, në kuptimin e shqyrtimit të projektligjeve në vjeshtë, sepse tash janë disa projektligje që kanë kaluar në leximin e parë e që pritet të kalojnë në grupet punuese”, tha Rrustemi.

Nga ana tjetër, deputetja Time Kadrijaj, nga radhët e partisë politike opozitare, Aleanca për Ardhmërinë e Kosovës, tha për Radion Evropa e Lirë se Qeveria është vonuar shumë në sjelljen e ligjeve në Kuvend.

“Është një Qeveri që shumë pak ka punuar në hartimin dhe në sjelljen e projektligjeve të reja dhe në miratimin e votimin e tyre. Ato afatet kohore që janë paraparë për sjelljen e ligjeve te shumica e komisioneve, janë shtyrë. Tash është edhe koha e pushimeve dhe Kuvendi do të shkojë në pushim. Duke e ditur se cilat janë procedurat për miratimin e ligjeve, unë them se deri në fund të vitit, do të ketë shumë pak ligje të miratuara”, tha Kadrijaj.

Një nga problemet në Kuvendin e Kosovës është mosarritja e kuorumit. Edhe më herët në legjislaturat e kaluara, por edhe tani, Kuvendi nuk ka arritur që të bëjë ratifikimin e disa marrëveshjeve ndërkombëtare në mungesë të kuorumit.

Deputeti Rustemi tha se opozita duhet ta kryejë punën e saj dhe të marrë pjesë në seancat e Kuvendit, kurse deputetja Kadrijaj tha se opozita kryesisht është e pranishme në seanca dhe në takimet e komisioneve dhe grupeve parlamentare.

Pa një bashkëpunim ndërmjet partive në pushtet dhe opozitë, ratifikimi i marrëveshjeve do të jetë i vështirë, tha Agnesa Haxhiu, nga Instituti Demokratik i Kosovës.

“Është shumë e domosdoshme që të krijohet një rrugë bashkëpunimi, një gjuhë e përbashkët me opozitën, sepse kjo është e vetmja mënyrë që këto projektligje të kalojnë. Duke pasur parasysh që projektligjet janë proceduar prej Qeverisë, i takon shumicës parlamentare dhe Qeverisë që të kultivojnë një qasje më bashkëpunuese me opozitën”,tha Haxhiu.

Për t’i ratifikuar marrëveshjet ndërkombëtare në Kuvend, nevojiten votat e 2/3 të deputetëve (apo 80 nga 120 deputetë).

Marrëveshjet që pritet të ratifikohen, janë amandamentimi i Marrëveshjes ndërkombëtare me Bankën Evropiane për Investime (BEI), për financimin e Projektit për rehabilitimin e linjës hekurudhore, Marrëveshja e bashkëpunimit ndërmjet Ministrisë së Arsimit, Shkencës, Teknologjisë dhe Inovacionit dhe Agjencisë Austriake për Zhvillim, Marrëveshja e kornizës së kredisë ndërmjet Republikës së Kosovës dhe Bankës Zhvillimore të Këshillit të Evropës për financimin e projektit “Reagimi Emergjent ndaj COVID-19”, etj.

Kuvendi, deri më tani, ka miratuar ratifikimin e marrëveshjes financiare Programi i Instrumentit të Para-anëtarësimit [IPA] ndërmjet Kosovës dhe Bashkimit Evropian, si dhe ligjet për drejtësi, infrastrukturë dhe buxhet.

Related Topics:
Continue Reading

Lajmet

Numërimi i votave nga KQZ: Kush janë kandidatët më të votuar pas 35% të kutive?

Published

6 hours ago

on

June 9, 2026

By

Komisioni Qendror i Zgjedhjeve (KQZ) po vazhdon me procesimin e rezultateve për zgjedhjet e parakohshme parlamentare. Sipas të dhënave zyrtare të orës 16:20, ku janë numëruar 35.27% gara brenda listave partiake tashmë ka marrë formë.

Në listën e Vetëvendosjes, garës i prin bindshëm bartësi i listës dhe lideri i partisë, Albin Kurti, i cili deri më tani ka grumbulluar 80,669 vota. Ai ndiqet nga Glauk Konjufca me 63,340 vota, ndërsa e treta radhitet Albulena Haxhiu me 36,623 vota. Në vendin e katërt pozicionohet Hekuran Murati me 31,943 vota, i pasuar nga Donika Gërvalla-Schwarz me 29,592 vota dhe Xhelal Sveçla me 23,830 vota.Dhjetëshen e parë e përmbyllin Avni Dehari me 21,718 vota, Hajrulla Çeku me 20,472 vota, Mimoza Kusari Lila me 20,464 vota dhe Ejup Maqedonci me 17,858 vota.

Te PDK-ja, procesit të numërimit i prin me shkëputje të ndjeshme bartësi i listës Bedri Hamza, i cili ka siguruar 38,800 vota. Ai ndiqet nga Përparim Gruda që mban vendin e dytë me 24,616 vota, dhe Arian Tahiri i treti me 21,411 vota. Në pozitën e katërt gjendet Uran Ismaili me 19,265 vota, i pasuar nga Sala Jashari me 13,605 vota dhe Vlora Çitaku me 13,369 vota. Lista e më të votuarve te kjo parti vazhdon me Ganimete Musliun me 10,344 vota, Arben Mustafën me 9,374 vota, Mërgim Lushtakun me 9,137 vota dhe Enver Hoxhajn që mbyll top-10-shen me 8,864 vota.

Në radhët e Lidhjes Demokratike të Kosovës, garën e udhëheq bartësja e listës Vjosa Osmani Sadriu, e cila ka marrë 25,820 vota. Ajo ndiqet ngushtë nga kryetari i partisë, Lumir Abdixhiku, me 23,384 vota. E treta në radhë është Doarsa Kica Xhelili me 18,358 vota, e pasuar nga Hykmete Bajrami me 14,488 vota dhe Avdullah Hoti me 13,215 vota.Në vendin e gjashtë radhitet Ukë Rugova me 11,061 vota, i ndjekur nga Kujtim Shala me 10,723 vota dhe Anton Quni me 8,956 vota. Dhjetëshen e parë për LDK-në e plotësojnë Armend Zemaj me 8,103 vota dhe Lutfi Haziri me 7,925 vota.

Në AAK, garës aktualisht i prin kryetari i partisë dhe njëherësh bartësi i listës, Ardian Gjini, me 13,407 vota. Pas tij renditet Ramush Haradinaj me 12,089 vota, ndërsa i treti është Daut Haradinaj me 9,196 vota. Në pozitën e katërt radhitet Besnik Tahiri me 8,066 vota, i pasuar nga Bekë Berisha me 6,451 vota dhe Burim Ramadani me 5,972 vota. Listën e dhjetë kandidatëve më të votuar e përmbyllin Time Kadrijaj me 5,839 vota, Agim Çeku me 5,168 vota, Arbër Tolaj me 4,771 vota dhe Albana Bytyqi me 3,211 vota. /E.A/

Continue Reading

Lajmet

Gjimnazi Natyror në UBT International Smart Schools, arsim modern me diplomë të njohur ndërkombëtarisht

Published

6 hours ago

on

June 9, 2026

By

Nëse dëshironi një arsimim modern që kombinon shkencën, teknologjinë dhe zgjidhjen e sfidave reale të botës së sotme, atëherë Gjimnazi Natyror në UBT International Smart Schools është zgjedhja ideale për ju.
Falë akreditimit nga Cambridge International Education, nxënësit përfitojnë një diplomë të njohur ndërkombëtarisht, e cila u hap dyert drejt universiteteve prestigjioze dhe mundësive të shumta akademike në mbarë botën.
Nxënësit përfitojnë nga laboratorë modernë dhe të pajisur me teknologjinë më të avancuar, ku teoria shndërrohet në praktikë përmes eksperimenteve dhe hulumtimeve shkencore. Këtu, të rinjtë nuk mësojnë vetëm konceptet shkencore, por i zbatojnë ato në situata konkrete, duke zhvilluar aftësi analitike dhe kërkimore.
Programi mësimor është i orientuar drejt zgjidhjes së problemeve reale, përmes projekteve inovative që fokusohen në teknologjinë e gjelbër, qëndrueshmërinë dhe zhvillimin e ideve kreative për të ardhmen. Nxënësit angazhohen në projekte të bazuara në realitet, të cilat i përgatisin për sfidat akademike dhe profesionale të shekullit XXI.
Një nga veçoritë kryesore të këtij programi është mësimi praktik, ku çdo njohuri teorike shoqërohet me aplikim konkret. Përmes projekteve ndërdisiplinore, nxënësit mësojnë të punojnë në ekip, të analizojnë të dhëna dhe të zhvillojnë zgjidhje inovative.
Për më tepër, ata përfitojnë mentorim nga ekspertë të fushës, profesionistë dhe akademikë që i udhëzojnë në zhvillimin e ideve, projekteve dhe karrierës së tyre të ardhshme.
Në UBT International Smart Schools, Gjimnazi Natyror nuk është vetëm një program mësimor, është një hap drejt krijimit të shkencëtarëve, inovatorëve dhe liderëve të së ardhmes.
Edhe pak vende të lira kanë mbetur, ndërsa regjistrimet e hershme po vazhdojn në UBT International Smart Schools.

Continue Reading

Lajmet

UBT vazhdon mbështetjen për maturantët: Mijëra nxënës ndjekin javën e dytë të programit përgatitor për Testin e Maturës 2026

Published

6 hours ago

on

June 9, 2026

By

Nxënësit e vitit të fundit të shkollave të mesme anë e mbanë Kosovës po vazhdojnë të ndjekin me interes të lartë programin intensiv përgatitor për Testin e Maturës Shtetërore 2026, i cili po organizohet në ambientet moderne të UBT-së.

Ky program tashmë ka hyrë në javën e tij të dytë, duke bërë bashkë qindra dhe mijëra nxënës të cilët synojnë të konsolidojnë njohuritë e tyre përpara këtij rrugëtimi të rëndësishëm akademik. Për t’u siguruar që studentët e së ardhmes të jenë sa më të gatshëm, trajnimet po fokusohen me përkushtim në lëndët kryesore si Gjuhë Shqipe, Gjuhë Angleze dhe Matematikë, si dhe në lëndët kryesore zgjedhore si Teknologji e Informacionit dhe Komunikimit (TIK) dhe Biologji.

Për t’u dalë në ndihmë të gjithë nxënësve dhe për të lehtësuar qasjen e tyre, UBT e ka shtrirë këtë program përtej kryeqytetit.

Përveç në Prishtinë, trajnimet përgatitore po zhvillohen paralelisht dhe me të njëjtin intensitet edhe në qendrat e UBT-së në qytetet e tjera përfshirë Ferizajn, Prizrenin dhe Pejën. Përmes angazhimit të kuadrove profesionale dhe stafit të përzgjedhur akademik të UBT-së, maturantët po marrin njohuritë e nevojshme, strategjitë dhe teknikat e duhura për ta kaluar me sukses këtë sfidë.

Ky organizim tradicional rikonfirmon përkushtimin e vazhdueshëm të UBT-së për të ngritur cilësinë e arsimit dhe për t’i përkrahur të rinjtë në tranzicionin e tyre drejt studimeve universitare dhe karrierës profesionale.

Continue Reading

Aktualitet

BBC: Mbi 300 migrantë drejt Britanisë u rrëmbyen dhe u kërcënuan me heqje organesh në Libi

Published

8 hours ago

on

June 9, 2026

By

Më shumë se 300 migrantë nga rajoni i Kurdistanit të Irakut, të cilët po tentonin të mbërrinin në Britaninë e Madhe, janë rrëmbyer në Libi nga një grup i armatosur, i cili më pas ka kërkuar shpërblim nga familjet e tyre. Kështu raporton një hetim i publikuar nga BBC.

Sipas raportit, migrantët janë mbajtur në kushte çnjerëzore dhe janë torturuar, ndërsa rrëmbyesit u kanë kërkuar familjeve të tyre rreth 5 mijë dollarë për secilin person. Ata janë kërcënuar se, në rast të mos pagesës së shumës së kërkuar, mund t’u hiqeshin organet, përfshirë veshkat.

Dëshmitë e mbledhura nga BBC tregojnë se një numër i madh migrantësh janë mbajtur në ambiente të mbipopulluara, ndërsa të paktën një person raportohet se ka humbur jetën gjatë periudhës së robërisë.

Rasti ka rikthyer vëmendjen mbi rreziqet me të cilat përballen migrantët në rrugët e kontrabandës drejt Evropës, veçanërisht në Libi, e cila prej vitesh konsiderohet një nga pikat më të rrezikshme të tranzitit për emigrantët që synojnë të arrijnë në vendet perëndimore. /BBC/

/E.A/

Continue Reading

Të kërkuara