Lajmet

​Institucionet diskutojnë për mbrojtjen dhe të drejtat e fëmijëve

Publikuar

3 vjet më parë

më

Aktet nënligjore të parapara në ligjin për mbrojtjen e fëmijës janë në proces të hartimit dhe harmonizimit në mes të gjitha institucioneve të përfshira, para se ato të dalin në dëgjim publik dhe për votim në Qeverinë e Kosovës, kanë deklaruar nga Zyra e Kryeministrit.

Për të drejtat dhe mbrojtjen e fëmijëve është diskutuar sot nga deputetë, përfaqësues qeveritar e shoqëri civile, me qëllim të hartimit të akteve nënligjore të parapara në ligj.

Habit Hajredini, drejtor i zyrës për qeverisje të mirë, të drejtat e njeriut, mundësi të barabarta dhe jodiskriminim, pranë Zyrës së Kryeministrit, ka thënë se deri në vjeshtën e këtij viti kur pritet dëgjimi publik dhe miratimi në ekzekutiv, kjo zyrë bashkë me ministritë përkatëse, komunat dhe shoqërinë civile, do të harmonizojë aktet nënligjore në mënyrë që ato pastaj të gjejnë zbatim.

“Kemi pasur sfidë kur e kemi hartuar këtë, dhe kur ka ardhur në parlament, dhe që nuk ka pasur gatishmëri për të buxhetuar këtë ligj, ehe pse ka të bëjë me fëmijët, kjo është ajo që ne gjithmonë e kemi ngritë, në kuptimin profesional jo politik, prapë e ngris, kemi shumë sfida në resurse njerëzore, ne si trupë koordinuese në qeveri nuk kemi staf të mjaftueshëm por njëjtën kohë kërkohen shuma, kosto financiare dy nisma, ajo që ka të bëjë me linjën e telefonit, që vitin tjetër do të duhej ne si qeveri të nisim këtë proces, dhe ato shtëpi pilot projekt që ne parashohim në disa komuna, brenda aspektit ditor të strehohen fëmijët në këto qendra, që ne i kemi si pilot projekt në disa komuna, ato kërkojnë kosto financiare. Por është tepër me rëndësi që resurse njerëzore duhet të ketë”, ka thënë ai.

Ndërsa, koordinatorja për të drejtuat e njeriut në Ministrinë e Arsimit, Merita Januzi ka thënë se kjo ministri është e ngarkuar të nxjerrë një akt nënligjor që ka të bëjë me edukimin për mbrojtjen e fëmijëve.

“Ne kemi pasur detyrim me nxjerr një akt nënligjor që është edukimi për mbrojtjen e fëmijëve. Ky akt nënligjor është në proces adreson konceptin e edukimit, shtrirjen e temës së edukimit ose ndërgjegjësimit për mbrojtje të fëmijëve brenda sektorit të arsimit. Dhe qellmi i këtij udhëzimi është që nëpërmjet sektorit të arsimit të ndërgjegjësohen dhe edukohen të gjithë ata që punojnë me fëmijët edhe në sektorë të ndryshëm”, ka thënë ajo.

Në takimin e Komisionit për të Drejtat e Njeriut, Barazi Gjinore, Viktimat e Dhunës Seksuale të Luftës, për Persona të Pagjetur dhe Peticione, lidhur me ecurinë e nxjerrjes së akteve nënligjore të parapara në Ligjin për Mbrojtjen e Fëmijës, kryetarja Duda Balje kërkoi nga Ministria e Arsimit që të eliminohen pengesat në të cilat hasin fëmijët me nevoja të veçanta nëpër shkollat e Kosovës.

“Ata nuk kanë pasur mundësi me hy deri në klasë, mos me kompliku shumë, nuk kanë pas mundësi me hy në klasë, për shkak të barrierave, në radhë të parë fizike”, ka thënë ajo.

Ndërkohë përfaqësuesja e Ministrisë së Arsimit, ka theksuar se shkollat e reja ofrojnë qasje për fëmijët me nevoja të veçanta, ndërsa ato që janë ndërtuar më herët janë modifikuar në mënyrë që kjo kategori të ketë qasje në shkolla.

“I kemi të dhënat brenda sektorit të arsimit se nga i kemi fëmijët më aftësi të kufizuar, sa janë brenda sistemit, por sa nuk janë regjistruar fare, janë zona të caktuara të mbulimit, nëse nuk ka raportim cilësor prej komunave ne nuk informatë shtesë”, ka thënë Januzi.

Ligji për Mbrojtjen e Fëmijës ka hyrë në fuqi më 17 korrik të vitit 2020.

Etiketa
Vazhdo të lexosh

Lajmet

Kurti: Avancimi i statusit të Kosovës në NATO është një hap i rëndësishëm në integrimin euro-atlantik

Publikuar

43 minuta më parë

më

27 Maj, 2024

nga

Kryeministri i Kosovës, Albin Kurti, ka thënë se avancimi i statusit të vendit për anëtarësim në NATO është një hap i rëndësishëm në integrimin euro-atlantik.

Kurti njëkohësisht ka falënderuar ata që e ndihmuan Kosovën për avancim të statusit të saj.

“Me shumicë dërrmuese të votave të delegatëve nga vendet anëtare të NATO-s, Kuvendi i Republikës sonë tash ka statusin e anëtarit të asociuar në Asamblenë Parlamentare të NATO-s. Në prag të 25-vjetorit të çlirimit, Sofja, kryeqyteti i shtetit që 25 vjet më parë hapi hapësirën e vet ajrore për aeroplanët e NATO-s në fushatën kundër Serbisë, sot ishte vendtakimi në të cilin bëmë një hap të rëndësishëm në integrimin euro-atlantik, përkundër fushatës së Serbisë. Përgëzime të gjithë zyrtarëve të shtetit që punuan për këtë arritje, e shumë urime qytetarëve të Republikës. Falënderim dhe mirënjohje për të gjithë miqtë e partnerët që me votën e tyre sot i dhanë mbështetje avancimit të statusit të Kosovës në Asamblenë e Parlamentare të NATO-s dhe që i qëndrojnë përkrah Kosovës përherë”, deklaroi ai.

Asambleja Parlamentare e NATO-s e ka miratuar të hënën rekomandimin për avancim të statusit të Kosovës nga anëtare vëzhguese në anëtare të asocuar.

Shumica e vendeve kanë votuar për, një votë ka qenë kundër dhe 14 vende tjera kanë abstenuar në takimin e Asamblesë, që po mbahet në Sofje të Bullgarisë./UBTNews/

Vazhdo të lexosh

Lajmet

​“Kosova, histori suksesi e NATO-s”, Konjufca i gëzohet vendimit të Asamblesë Parlamentare

Publikuar

50 minuta më parë

më

27 Maj, 2024

nga

Kryetari i Kuvendit, Glauk Konjufca e ka quajtur të shkëlqyeshëm vendimin e Asamblesë Parlamentare të NATO-s, që Kosovës i dha statusin e anëtarit të asociuar.

Në një postim në Facebook, Konjufca ka uruar të gjithë qytetarët e Kosovës dhe ka shprehur mirënjohje për të gjithë anëtarët e Asamblesë Paralementare të NATO-s që sot me votën e tyre i dhanë statusin e anëtarit të asociuar të NATO-s.

Kryeparlamentari Konjufca ka thënë se Republika e Kosovës është histori sukesi e NATO-së, ndërsa NATO është destin i Kosovës.

Asambleja Parlamentare e NATO-s e ka miratuar të hënën rekomandimin për avancim të statusit të Kosovës nga anëtare vëzhguese në anëtare të asocuar.

Shumica e vendeve kanë votuar për, një votë ka qenë kundër dhe 14 vende tjera kanë abstenuar në takimin e Asamblesë, që po mbahet në Sofje të Bullgarisë.

Vazhdo të lexosh

Kulturë, Lifestyle

Përvijimi kulturor: Arbërishtja shpallet gjuhë zyrtare në mediat e Italisë pas 49 vjetësh

Publikuar

1 orë më parë

më

27 Maj, 2024

nga

Në një njoftim të fundit nga Qendra e Studimeve dhe Publikimeve për Arbëreshët, datuar më 27 maj 2024, u bë e ditur se arbërishtja është shpallur gjuhë zyrtare për shërbimet e gazetarisë dhe programeve në kanalet e RAI Calabria në Itali.

Sipas publikimit të botuar në Gazetën Zyrtare me numër 121 të datës 25 maj 2024, kjo nismë është pjesë e kontratës së shërbimit për programet e RAI Calabria për periudhën 2023-2028. Kjo kontratë zyrtarizon përdorimin e arbërishtes si gjuhë të pakicës gjuhësore historike arbëreshe, e njohur nga ligji nr. 482/99, raporton Agjencia Telegrafike Shqiptare.

Ky hap shënon një moment historik për komunitetet arbëreshe të Italisë dhe është një fitore për përpjekjet e QSPA-së në thellimin e përdorimit të gjuhës arbëreshe. Kjo nismë e rëndësishme pritet të zgjerohet edhe në rajonin e Piemonte-s, duke sjellë një përparim të rëndësishëm për të drejtat gjuhësore të kësaj komuniteti.

QSPA ka vënë në dukje rëndësinë e kësaj çështjeje nëpërmjet konferencave ndërkombëtare dhe aktiviteteve të tjera gjatë katër viteve të fundit. Kjo arritje shënon një hap të rëndësishëm përpara në përdorimin dhe njohjen e gjuhës arbëreshe në shërbimet e gazetarisë dhe në arsim në Itali, duke vënë në dukje nevojën për respektimin e diversitetit gjuhësor dhe kulturor në vend./UBTNews/

Vazhdo të lexosh

Lajmet

25 vjet burg ndaj të akuzuarit për vrasjen e nënës së tij në mënyrë mizore në Pejë

Publikuar

1 orë më parë

më

27 Maj, 2024

nga

Gjykata Themelore në Pejë e ka dënuar me 25 vjet burgim Urim Hyseni, i cili akuzohej për vrasjen e nënës së tij në mënyrë mizore.

Shpallja e këtij aktgjykimi është bërë të hënën nga kryetarja e trupit gjykues, Violeta Husaj-Rugova. Sipas aktgjykimit, në dënimin e shqiptuar të njëjtit do t’i llogaritet koha e kaluar në paraburgim nga data 14 prill 2023, e tutje, konform neni 35 par.1 të KPRK-së.

Gjykata të akuzuarit Hyseni krahas dënimit i shqiptoi edhe masën e trajtimit të paraburgimit të detyrueshëm psikiatrik në ndalim të Institucionit të Kujdesit Shëndetësor e cila masë do të mbahet në Institutin e Psikiatrisë Forenzike në Prishtinë.

Gjyqtarja Husaj-Rugova tha se masa e trajtimit të detyrueshëm do t’i llogaritet në dënimin e shqiptuar.

Sipas aktakuzës së siguruar nga “Betimi për Drejtësi”, e ngritur më 9 tetor 2023 nga Prokuroria Themelore në Pejë, i akuzuari Urim Hyseni më 14 prill 2023, në shtëpinë e tij në Pejë, ka privuar nga jeta në mënyrë mizore nënën e tij H.H., në rrethanat e përgjegjësisë së zvogëluar mendore në shkallë esenciale. Aktakuza thotë se pas një mosmarrëveshjeje mes të akuzuarit dhe viktimës, për motive ende të panjohura, derisa gjendeshin në paradhomën e katit të parë të shtëpisë, i akuzuari në mënyrë mizore kyen vrasjen e viktimës.

Me këtë, akuzohet se ka kryer vepën penale “vrasje e rëndë”, nga neni 173, par.1, nënpar 1.3 e 1.4, lidhur me nenin 18, par.2 lidhur me par.1 të Kodit Penal, ku dënimi parashihet me burg prej 10 vitesh deri në burgim të përjetshëm. Neni 18, paragrafi 2 dhe paragrafi 1 shpjegojnë se personi që ka paaftësi mendore dhe aftësi të zvogëluar mendore konsiderohet penalisht përgjegjës, por këto rrethana merren parasysh nga gjykata kur vendos për kohëzgjatjen dhe llojin e sanksionit ose masës së trajtimit të detyrueshëm.

Më 14 prill 2023, Policia e Kosovës kishte konfirmuar se një person dyshohet se e ka vrarë nënën e tij në Pejë. Më 11 maj i ishte vazhduar edhe për dy muaj paraburgimi Hysenit.

Vazhdo të lexosh

Të kërkuara