Lajmet

​Masat në kalimin kufitar Kosovë-Shqipëri, bie numri i turistëve në mënyrë drastike

Hoti thotë se për dy javët e fundit numri i vizitorëve ka rënë përreth 90 përqind.

Published

4 years ago

on

Ka rënë përreth 90 përqind numri i vizitorëve nga Shqipëria dhe dëme të mëdha financiare janë shkaktuar për të hyrat e shtetit dhe sektorin e turizmit nga masat për parandalimin dhe luftimin e pandemisë COVID-19, veçanërisht masa që çdo person i cili hyn në Kosovë të posedojë certifikatën e vaksinimit me tri doza ose edhe me dy doza, por me një test PCR negativ të 48 orëve të fundit.

Heqjen e këtyre masave për kalimin kufitar Kosovë-Shqipëri e kanë kërkuar sot nga ministri i Shëndetësisë, dy unionet Unioni i Turizmit të Kosovës dhe Unioni i Turizmit të Shqipërisë. Ani pse shëndeti mbetet prioritet, kryetari i Unionit të Turizmit Kosovar, Baki Hoti thekson për KosovaPress se masat e fundit kufitare duhet zbutur, pasi një gjë e tillë sipas tij ka reflektuar negativisht tek sektori i turizmit dhe për të hyrat buxhetore të shtetit.

Hoti thotë se për dy javët e fundit numri i vizitorëve ka rënë përreth 90 përqind.

“Vendimi i fundit ka shkaktuar shumë probleme sidomos tek pjesa e kalimit të kufirit. Vetëm gjatë dy vikendeve sa ishte në fuqi ky vendim ka pasur anulime të mëdha të grupeve për qëndrimet në Kosovë. Vendi ynë deri në një masë e ka të zhvilluar turizmin dimëror dhe të gjitha këto asete që i kemi mund të themi që kanë qenë diku 10 përqind të mbuluara me vizitorë, dhe 90 përqind kanë qenë të atakuar prej këtij vendimi që kanë pasur një mungesë të theksuar të vizitorëve… Ne kemi pritur që këtë sezon ta shfrytëzojmë dhe sa do pak këto biznese të ringjallen. Kjo ka shkaktuar një dëm financiar të cilin mund ta quaj milionësh, mjete këto të cilat do të derdheshin tek komuniteti që pastaj edhe në institucionet relevante me anë të tatimeve dhe TVSh-së dhe shteti do të ishte ai që do të përfitonte. Ky ishte shqetësimi ynë kryesor dhe qëllimi i këtij takimi”, u shpreh ai.

Rishikim të masave nga autoritetet e Kosovës ka kërkuar edhe kryetari i Unionit të Turizmit të Shqipërisë, Rrahman Kasa i cili thotë se ky sezon dimëror në Kosovë shfrytëzohet më së shumti nga qytetarët e Shqipërisë.

“Ne në Shqipëri e kemi turizmin sektor prioritar dhe çdo e ardhur që i mungon ekonomisë nga ky sektor prioritar, është një gropë financiare në ekonominë e vendit. Kështu që ne kërkuam që të rishikohen masat midis kufijve të dy vendeve sidomos për këtë periudhë e cila shfrytëzohet më së shumti nga qytetarët e Shqipërisë që vijnë në Kosovë për sezonin dimëror. Dhe na premtuan që do të bëjnë të pamundurën që të arrihet diçka sa më pozitive në interes të përbashkët”, thotë ai.

Kasa thotë për Kosovapress se në këtë kohë dëmi më i madh ekonomik është për Kosovën.

“Në një takim me ministrin e Shëndetësisë, kërkuam që të rishikohen masat pasi janë shumë drastike sidomos në kufirin Shqipëri-Kosovë… Të rishikohen këto masa, sepse shkëmbimet turistike ndihmojnë fuqishëm ekonominë e dy vendeve për sa i përket shkëmbimeve tregtare, po flasim në aspektin ekonomik… Nëse ne i referohemi këtyre dy jave, kur një turist në vikend që shpenzon 200 euro për një natë, janë para të cilat i mungojnë ekonomisë së birshtë të Kosovës dhe Shqipërisë si vende të vogla. Por, akoma më i madh është dëmi ekonomik për Kosovën sesa për Shqipërinë. Sepse dihet që nga Kosova në Republikën e Shqipërisë vijnë mbi 2 milionë turistë gjatë gjithë vitit”, thotë ai.

Kreu i Unionit të Turizmit Kosovar, Baki Hoti thekson po ashtu se në takimin që kanë pasur me drejtues të Ministrisë së Shëndetësisë, kanë kërkuar edhe lirim të masave sa i përket hapjes së gastronomisë dhe heqjen e orës policore në Kosovë.

Aktualisht Komiteti për menaxhimin dhe vlerësimin e situatës epidemiologjike është duke mbajtur mbledhjen e saj për të rekomanduar masat e reja. Masat e fundit antiCOVID të cilat janë marrë para dy javësh janë në fuqi deri më 4 shkurt.

Related Topics:
Continue Reading

Lajmet

Tentativë për vrasje të rëndë në Rahovec: I maskuari me armë të gjatë qëllon mbi veturën e tre personave

Published

1 hour ago

on

August 3, 2026

By

Mbrëmjen e kaluar në Rahovec është raportuar për një tentim vrasje, ku tre burra kanë rënë pre e një sulmi me armë zjarri.

Sipas raportit të Policisë së Kosovës, viktimat ishin duke lëvizur me veturë kur kanë vërejtur një pengesë në rrugë.

Në momentin që kanë dalë nga automjeti për ta larguar atë, atyre u është afruar një person i maskuar dhe i armatosur me armë të gjatë, i cili i ka kërcënuar dhe u ka kërkuar para.

Pasi viktimat kanë refuzuar t’i bindren dhe janë futur sërish në veturë për t’u larguar, i dyshuari ka shtënë me armë zjarri në drejtim të tyre, duke qëlluar rrotën e pasme të automjetit.

Në vendin e ngjarjes kanë dalë njësitë relevante policore, ndërsa në konsultim me prokurorin rasti është cilësuar si “Vrasje e rëndë në tentativë”. Hetimet për identifikimin dhe kapjen e të dyshuarit po vazhdojnë. /E.A/

Continue Reading

Lajmet

Gjendet pa shenja jete një person në bodrumin e një ndërtese në Pejë

Published

1 hour ago

on

August 3, 2026

By

Sipas raportit 24-orësh të Policisë së Kosovës, një person është gjetur pa shenja jete në Pejë.

Viktima, fillimisht është vërejtur i shtrirë në bodrumin e një ndërtese në gjendje të rëndë shëndetësore.

Ekipi mjekësor ka dalë në vendin e ngjarjes dhe e ka transportuar atë në Spitalin e Pejës, ku edhe është konstatuar vdekja e tij.

Me urdhër të prokurorit, rasti është inicuar dhe trupi i pajetë është dërguar në Institutin e Mjekësisë Ligjore (IML) për obduksion. Policia ka bërë të ditur se rasti ndodhet nën hetime. /E.A/

Continue Reading

Lajmet

Kate Moss përballet me humbjen e 2 milionë eurove të agjencisë së saj “Kate Moss Agency”

Published

1 hour ago

on

August 3, 2026

By

Kate Moss ka regjistruar humbjen e parë të biznesit të saj prej afro 2 milionë euro brenda një viti në agjencinë e saj të modelingut “Kate Moss Agency” e themeluar në vitin 2016.

Modelja britanike themeloi “Kate Moss Agency” me dëshirën për të mbështetur talente në një mënyrë ndryshe teksa kishte shprehur lodhjen nga pagesa e komisioneve të larta për agjentët.

Agjencia e saj ka përfaqësuar ndër vite modele, artistë dhe figura të njohura, duke u fokusuar në zhvillimin e karrierave dhe menaxhimin e imazhit të tyre.

Modelja 52-vjeçare vazhdon të jetë aktive në fushatat e markave prestigjioze dhe në eventet më të rëndësishme të modës, ndërsa nuk ka komentuar ende publikisht mbi rezultatet financiare të kompanisë./ / Dosja.al/A.K/

Continue Reading

Lajmet

Përmbyllet edicioni spektakolar i “Sunny Hill Festival”: Tri net të paharrueshme me yje botërore e vendore

Published

2 hours ago

on

August 3, 2026

By

Mbrëmë është përmbyllur edicioni i sivjetmë i “Sunny Hill Festival”, i cila për tri ditë me radhë nga 31 korriku deri më 2 gusht e shndërroi Parkun e Festivalit në Bërnicë në qendrën e energjisë, muzikës dhe festës. Me pjesëmarrjen e dhjetëra mijëra artdashësve dhe performancave nga emrat më të mëdhenj të skenës ndërkombëtare e asaj vendore, festivali përmbushi pritshmëritë e organizatorëve për të mirëpritur mbi 100 mijë pjesëmarrës gjatë tërë edicionit.

Nata e parë (31 korrik) mbërriti kulmin me ngjitjen në skenë të superyllit botëror, Katy Perry. Rreth orës 22:30, skena kryesore shpërtheu nga dritat dhe energjia, ndërsa zona përballë saj ishte e stërmbushur me publikun që po e priste me padurim artisten amerikane. Perry bëri një dalje spektakolare dhe e ndezi atmosferën që në momentet e para duke u përshëndetur me turmën: “Përshëndetje Prishtinë. A jeni shqiptarë, a do të festoni me mua?”. Në skenën kryesore dhe skenat e tjera performuan gjithashtu emra të njohur si Dhurata Dora, Manifest, Blanco, Sahati, Salomé Le Chat, Seth Troxler, Tommy Gold, La Fazani, Ilo, Ereza, Jolle, Caboo, Sindicato Del Baile, Malix dhe Uran B..

Nata e dytë (1 gusht) solli një tjetër emër madhështor të skenës ndërkombëtare, këngëtarin e njohur Lewis Capaldi, i cili interpretoi hitet e tij më të mëdha përpara mijëra adhuruesve. Përveç tij, skenat elektrizuan edhe artistët e njohur si Esdeekid, Auxlua, Lumi B, Ledri Vula, MC Kresha, Lyrical Son, Buta, Eko, Kamelia, Pawsa, Gjin, Asgjë Sikur Dielli, Bana Zahiti, Rreze, Hawolf, Deezy, Locky, Halfpint dhe Artssassin.

Atmosferës elektrizuese të edicionit të sivjetmë i dha vulën në natën e tretë (2 gusht) rikthimi i një prej DJ-ve më të njohur në botë, Martin Garrix. Ylli holandez, i cili është shpallur pesë herë numri një në botë dhe ishte pjesë e “Sunny Hillit” që në edicionin e parë në vitin 2018, u rikthye për të dhuruar spektakël me hitet e tij globale si “Animals”, “Scared to be Lonely” dhe “In the Name of Love”. Në këtë natë përmbyllëse performuan edhe Tyson O’Brien, Roya, Bees & Honey, Kim Turnbull, Adam Port & Rampa, Carlita, Sytë, The Milk Snatchers, Sancet, Disco Magic Band, Caboo, Us Two B2B Nautica, Us Two, Nautica dhe Anitë.

Përgjatë tri netëve, me një gërshtim të përkryer mes emrave me famë botërore dhe artistëve më të pëlqyer lokalë, “Sunny Hill Festival” dëshmoi edhe një herë statusin e tij si ngjarja më e madhe kulturore e muzikore në rajon. /E.A/

 

Continue Reading

Të kërkuara