Teknologji

Vendet ku Bitcoin ndalohet me ligj

Status ligjor i bitcoin dhe kriptomonedhave të tjera ndryshon nga një vend tek tjetri.

Publikuar

3 vjet më parë

më

Me lançimin e bitcoin në vitin 2009, shumë kriptomonedha ndoqën rrugën e hapur prej saj. Edhe pse kritikohet ashpër për luhatjen e madhe të vlerës, përdorimin në transaksione të dyshimta dhe konsumin e lartë të energjisë për tu gërmuar, bitcoin shihet nga disa, shumica në vendet në zhvillim, si një parajsë e sigurtë gjatë paqartësive ekonomike.

E ndërsa më shumë njerëz po përdorin kriptomonedhat ose si investim ose si mundësi për të siguruar pasurinë, problemet e lartpërmendura janë manifestuar në kufizim të përdorimit të saj.

Status ligjor i bitcoin dhe kriptomonedhave të tjera ndryshon nga një vend tek tjetri ndërsa në të shumtën e rasteve është i paqartë.

Disa vende kanë vendosur kufizimeve në mënyrën sesi mund të përdoret me bankat të cilat kanë bllokuar transaksionet. Vende të tjera kanë ndaluar plotësisht përdorimin e tij dhe që dënohet penalisht.

Në këtë artikull mësojmë më shumë rreth marrëdhënies së brishtë mes bitcoin dhe shteteve.

Algjeria

Aktualisht ky vend ndalon përdorimin e kriptomonedhave me ligj falë miratimin në 2018-ën të një ligji financiar që e shpalli të paligjshme blerjen, shitjen dhe përdorimin e monedhave virtuale.

Bolivia

Vendi i Amerikës Latine ka ndaluar rreptësisht përdorimin e bitcoin në Bolivi që prej 2014. Banka Qendrore lëshoi një rezolutë që ndalonte çdo lloj monedhe që nuk kontrollohet nga një vend apo zonë ekonomike.

Kina

Presioni ndaj kriptomonedhave në Kinë është rritur përgjatë 2021. Autoritetet vazhdimisht kanë paralajmëruar njerëzit të qëndrojnë larg këtij aseti dixhitale.

Përpjekjet për të bllokuar bitcoin shihen pjesë e planit të Kinës për të implementuar monedhën e tyre dixhitale. Banka Qendrore Kineze synon të bëhet ndërsa të para në botë që lançon një monedhë dixhitale të cilën mund ta përdorë me më efektivitet për të monitoruar njerëzit.

Më 24 Shtator banka qendrore ndalon çdo transaksion në kriptmonedha brenda vendit.

Kolumbia

Në Kolumbi autoritetet financiare nuk lejohen të mundësojnë transaksione në bitcoin. Të gjitha institucioneve financiare ju është kërkuar të mos mbrojnë, investojn, apo menaxhojnë para virtuale.

Egjipti

Institucioni Egjiptian i Çështjeve Fetare Dar al-Ifta lëshoi një dekret fetar në 2018-ën duke e klasifikuar bitcoin si të ndaluar (haram) dhe ndaluar atë rreptësisht nën ligjin Islam. Ligjet financiare u shtrënguan më tepër në Shtator të 2020-ës për të parandaluar tregtimin dhe promovimin e kriptomonedhave.

Indonezia

Banka Qendrore e Indonezisë lëshoi një urdhër që ndalonte përdorimin e kriptomonedha përfshirë bitcoin si formë pagese më 1 Janar 2018.

Irani

Marrëdhënia e bitcoin dhe Irani është më komplekse. Për të shmangur pasojat ekonomike të sanksioneve, Irani është kthyer drejt praktikës joshëse të gërmimit të bitcoin për të financuar importet.

Edhe pse banka qendrore ndalon tregtimin e kriptomonedhave, ka inkurajuar gërmimin e bitcoin. Afro 4.5% e bitcoin të gërmuar vinë nga Irani. Sipas firmës analitike Elliptic, nga gërmimi Irani gjeneron të ardhura prej 1 miliardë dollarë në vit.

Irani ju ka ofruar gërmuesve enegji me kosto të ulët por që ata duhet tua shesin kriptomonedhat bankës qendrore.

Më 22 Shtator autoritetet imponuan një dëbim 4 mujor të përdorimit të bitcoin.

Iraku

Pavarësisht përpjekjeve të autoriteteve për ti bllokuar, kriptomonedhat po përdorin çdo ditë e më shumë në Irak. Banka Qendrore ka qenë armiqësore ndaj kriptomonedhave që prej 2017-ës kur ndaloi përdorimin e tyre.

Nepali

Banka Qendrore e Nepalit ka shpallur bitcoin të paligjshëm në gusht të 2017-ës.

Maqedonia e Veriut

Është vendi i vetëm Evropian që zyrtarisht ka ndaluar përdorimin e kriptomonedhave si Bitcoin, Ethereum dhe të tjera.

Rusia

Ndërsa kriptomonedha nuk janë të paligjshme në Rusi, një konflikt po zë fill ndaj përdorimit të tyre. Rusia miratoi ligjet e para për rregullimin e kriptomonedhave në Korrik të 2020-ës.

Ligji që hyri në fuqi këtë vit, ndalon punonjësit e administratës të blejnë kriptoasete. Presidenti Rusi Vladimir Putin vazhdimisht e ka lidhur përdorimin e kriptomonedhave me aktivitete kriminale.

Turqia

Ishin të shumtë ata që u orientuan drejt bitcoin ndërsa lira Turke ra. Edhe pse është një prej vendeve me përdorimin më të lartë të kriptomonedhave, rregullimi i ashpër ka ndikuar me inflacionin që preku vlera rekord.

Më 16 Prill 2021 Banka Qendrore Turke ndaloi përdorimin e bitcoin në mënyrë direkte dhe indirekte. Madje presidenti Turk Erdogan tha se bursa e kriptomonedhave duhet të mbikëqyren nga autoritetet kundër pastrimit të parasë dhe financimit të terrorizmit.

Vietnami

Banka Qendrore e Vietnamit ka shpallur të paligjshme përdorimin e kriptomonedhve si formë pagese. Përdorimi i tyre dënohet me gjobë nga 5,600 deri në 7500 euro. Megjithatë nuk ndalon tregtimin e tyre apo mbajtjen si një aset. /PCWorld Albanian

Etiketa
Vazhdo të lexosh

Internet

Gjermania paralajmëron pasoja pas sulmit të dyshuar kibernetik rus

Publikuar

3 ditë më parë

më

3 Maj, 2024

nga

Rusia do të përballet me pasoja për sulmin kibernetik, që dyshohet se është orkestruar nga një grup që ka lidhje me inteligjencën ushtarake ruse, tha ministrja e Jashtme e Gjermanisë, Annalena Baerbock.

Gjermania është në mesin e shteteve perëndimore që i jep ndihmë ushtarake Ukrainës në luftën e saj me Rusinë.

Dhjetorin e kaluar, presidenti rus, Vladimir Putin, tha se raportet mes Rusisë dhe Gjermanisë janë gjerësisht të ngrira.

Në janar të vitit 2023, Berlini tha se hakerët rusë kishin sulmuar disa ueb-faqe gjermane, duke i nxjerrë nga përdorimi, në përgjigje të vendimit të Gjermanisë për të dërguar tanke në Ukrainë. Megjithatë, atëbotë autoritetet gjermane thanë se sulmi nuk kishte ndonjë efekt të ndjeshëm.

“Tani ne qartësisht mund t’ia atribuojmë sulmin e vitit të kaluar grupit rus, APT28, që kontrollohet nga shërbimi rus i inteligjencës ushtarake, GRU”, tha Bearbock gjatë një konference për media në Adelaide më 3 maj.

“Me fjalë të tjera, hakerët shtetërorë rusë kanë sulmuar Gjermaninë në hapësirën kibernetike”, shtoi Bearbock.

Kryediplomatja gjermane e cilësoi si të papranueshëm një sulm të tillë dhe tha se ai “nuk do të mbetet pa pasoja”.

Në mars, agjencia gjermane për siguri kibernetike dhe hulumtuesit që punojnë për Alphabet, të kompanisë Google, thanë se grupi i ngjashëm, i quajtur APT29, ishte kapur duke shënjestuar disa parti politike gjermane, me synimin që të vidheshin të dhënat e tyre./REL

Vazhdo të lexosh

Internet

BE nis hetimet për dezinformim ndaj Meta-s

Publikuar

4 ditë më parë

më

2 Maj, 2024

nga

Komisioni Evropian ka nisur hetimet ndaj gjigantit të mediave sociale, Meta, për dezinformim.

BE-ja nisi të martën hetimet ndaj Meta-s, meqë ka dyshime se kompania amerikane ka shkelur rregullat e bllokut lidhur me përmbajtjen në internet. Para zgjedhjeve të BE-së që do të mbahen në muajin qershor, Brukseli ka rritur përpjekjet për të shtypur dezinformimin.

Komisioni njoftoi se përpjekjet e Meta-s për të moderuar përmbajtjen janë “të pamjaftueshme” dhe se nuk po arrijnë të trajtojnë reklamat mashtruese dhe dezinformatat.

Akti i Shërbimeve Dixhitale (DSA), i cili hyri në fuqi vitin e kaluar, kërkon që “Big Tech” të bëjë më shumë për të kundërshtuar përmbajtjen e paligjshme dhe të dëmshme në platformat e mediave sociale./UBTNews/

Vazhdo të lexosh

AI

Microsoft do të investojë 1.7 miliard dollarë për AI në Indonezi

Publikuar

4 ditë më parë

më

2 Maj, 2024

nga

Microsoft ka njoftuar rreth planeve për të investuar 1.7 miliard dollarë në shërbimet e inteligjencës artificiale në Indonezi.

CEO i Microsoftit, Satya Nadella, njoftoi se gjiganti i teknologjisë do të trajnojë 840 mijë njerëz në Indonezi në përdorimin e AI-së dhe do të ofrojë mbështetje për zhvilluesit e teknologjisë në vend.

“Kjo gjeneratë e re e inteligjencës artificiale po riformulon mënyrën se si njerëzit jetojnë dhe punojnë kudo, duke përfshirë edhe Indonezinë. Investimet që po i njoftojmë sot – që përfshijnë infrastrukturën dixhitale, aftësitë dhe mbështetjen për zhvilluesit – do ta ndihmojnë Indonezinë të lulëzojë në këtë epokë të re”, tha ai.

Sipas tij, investimi i Microsoftit do të sjellë infrastrukturën më të fundit dhe më të madhe të AI-së në Indonezi./UBTNews/

 

Vazhdo të lexosh

Internet

Pronari kinez i Tiktok-ut e paralajmëroi ShBA-në se ky aplikacion nuk do të shitet

Senati amerikan e miratoi ligjin i cili parasheh që kjo platformë duhet të shitet ose të ndalohet në Shtetet e Bashkuara të Amerikës.

Publikuar

1 javë më parë

më

26 Prill, 2024

nga

Kompania kineze ByteDance, e cila ka në pronësi TikTok-un, se nuk e mendon shitjen e aplikacionit të famshëm, pasi senati amerikan e miratoi ligjin i cili parasheh që kjo platformë duhet të shitet ose të ndalohet në Shtetet e Bashkuara të Amerikës.

Në fillim të javës, TikTok-u paralajmëroi se do të ankohet në gjykatë ndaj këtij vendimi, të cilin e konsideron “jo kushtetues”.

Ndërsa presidenti amerikan, Joe Biden, nënshkori të mërkurën ligjin mbi të cilin do të ndalojë TikTok-un në Shtetet e Bashkuara, gjë e cila pritet të ndodhë nëse pronari i saj nuk do ta shesë atë brenda një viti.

Shqetësimet mbi këtë platformë janë shprehur edhe nga zyrtarët ligjorë dhe të inteligjencës, se autoritetet kineze mund të detyrojnë ByteDance-in t’ia dorëzojë të dhënat e më shumë se 170 milionë amerikanëve që e përdorin TikTok-un.

Kjo kompani ka thënë se kurrë nuk i ka ndarë me autoritetet kineze të dhënat e përdoruesve amerikanë dhe se nuk do ta bëjë këtë edhe nëse i kërkohet./UBTNews/

Vazhdo të lexosh

Të kërkuara