Mobile

Çfarë ka rezervuar e ardhmja për Apple?

Raportohet se synimi tjetër ambicioz i “Apple” është prodhimi i një automjeti elektrik autonom.

Publikuar

3 vjet më parë

më

Dhjetë vjet më parë, Steve Jobs humbi jetë nga kanceri i pankreasit, në moshën 56-vjeçare. Ai luajti një rol të madh që kompania “Apple” të ishte një nga kompanitë më të suksesshme në botë. Por si duket e ardhmja e Apple?

Steve Jobs ndërroi jetë më 5 tetor të vitit 2011, pas një beteje të gjatë me kancerin e pakreasit. Ai ishte një njerëzit më të suksesshëm në botën e teknologjisë dhe pas vdekjes së tij, janë shkruar shumë libra e janë bërë shumë filma mbi jetën e tij.

“Ai i dha kompanisë fytyrën e tij, ai ishte sinonimi i Apple-t. Dhe natyrisht, Apple u bë personifikim i botës së re, botës dixhitale ku ne jetojmë, që ishte shumë më ndryshe përpara se ai të bëhej pjesë e saj”, thotë Robert Thompson, profesor në Universitetin “Syracuse”.

Në moshën 21-vjeçare, në vitin 1976, Jobs themeloi kompaninë “Apple” me mikun e tij Steve Wozniak. Më pas ai nxorri në treg një kompjuter të ri që e quajti “Makintosh”, shitja e të cilit i siguroi përfitime të mëdha.

Jobs u largua nga “Apple” në vitin 1985 për shkak të disa konflikteve. Ai u kthye sërish në vitin 1996, ndërsa kompania kishte humbur klientë. Me Steve Jobs në krye, Apple rifitoi kohën e humbur. Me produktet si iMac, iPod, MacBook, iPhone dhe iPad ai filloi të ndryshojë botën e teknologjisë.

“Apple nuk ishte vetëm një revolucion teknologjik, por një mënyrë jetese”, thotë Robert Thompson, profesor në Universitetin “Syracuse”.

Edhe pas vdekjes së Jobs, gjiganti i teknologjisë vazhdoi të hyjë në tregje të reja e të thyejë rekorde. Në vitin 2018, “Apple” u bë kompania e parë në botë me një kapital tregu prej një trilion dollarësh. Në vitin 2020, ky numër u dyfishua.

Krahas “iPhone-ve” kompania hodhi në treg gjithashtu produkte të reja, mes tyre kufjet pa tel (AirPods) si dhe një orë inteligjente “Apple Watch”.

Ekspertët thonë se është Tim Cook ai që duhet të marrë meritat e plota për suksesin e kompanisë në dekadën e fundit. Cook mori drejtimin e kompanisë “Apple” pas vdekjes së Steve Jobs.

“Natyrisht, Steve Jobs ishte një vizionar. Por kur ai vdiq, kompania ishte në një pikë që kishte vërtet nevojë për një njeri që merrte vendime dhe jo për një njeri vizionar. Tim Cook ishte përzgjedhja perfekte për atë fazë të jetës së Apple-t. Ai ishte gjithmonë në prapaskenën e kompanisë”, thotë Paul Meeks, analist i tregjeve financiare.

Por disa analistë financiarë thonë se trashëgimia e Steve Jobs nuk është e mjaftueshme dhe se për të mbetur një gjigant i teknologjisë “Apple” duhet të bëjë diçka të jashtëzakonshme.

“Parashikimi im për të ardhmen është se rritja e kompanisë do të ngadalësohet në mënyrë dramatike. Kështu që Apple ka nevojë të dalë me një strategji të re. Dhe problemi është se kur bëhet fjalë për një kompani kaq të madhe sukseset e vogla janë të papranueshme. Duhet diçka e madhe si dhe duhen miliarda dollarë shitje që të quhet sukses”, thotë Paul Meeks, analist i tregjeve financiare.

Sipas një njoftimi të agjencisë së lajmeve “Reuters”, synimi tjetër ambicioz i “Apple” është prodhimi i një automjeti elektrik autonom, por deri tani kjo gjë nuk është konfirmuar. Por ekspertë të kompanisë thonë se është e mundur që një ditë njerëzit të mbajnë radhë për të blerë një automjet të tillë./PCWorldAlbanian

Etiketa
Vazhdo të lexosh

Internet

TikTok paralajmëron SHBA-në: Ndalimi i mundshëm i TikTok-ut “shkelje e fjalës së lirë”

Gjatë muajve të fundit zyrtarët amerikanë kanë shprehur alarmin për popullaritetin e TikTok te të rinjtë.

Publikuar

5 ditë më parë

më

21 Prill, 2024

nga

TikTok thotë se ndalimi i mundshëm i aplikacionit në Shtetet e Bashkuara të Amerikës do të konsiderohet “shkelje e fjalës së lirë” të 170 milionë amerikanëve.

Dhoma e Përfaqësuesve e SHBA-së votoi të shtunën për të ndaluar TikTok-un nëse pronari i aplikacionit nuk i ndërpret lidhjet me Kinën.

Legjislacioni është pjesë e një pakete të politikës së jashtme të SHBA-së, ku mes tjerash përfshihej ndihma për Ukrainën dhe mund të bëhet ligj që në fillim të javës së ardhshme.

Gjatë muajve të fundit zyrtarët amerikanë kanë shprehur alarmin për popullaritetin e TikTok te të rinjtë. Ata pretendojnë se pronari i TikTok, Bytedance, është i nënshtruar ndaj Pekinit – akuza që ai i ka mohuar vazhdimisht./UBTNews/

Vazhdo të lexosh

Mobile

​Pas një viti të zymtë Samsung parashikon rritje 900 për qind në fitim

Gjiganti i teknologjisë koreano-jugore vlerëson se fitimi i tij operativ është rritur në 6.6 trilionë won korean (monedha zyrtare e Koresë së Jugut).

Publikuar

3 javë më parë

më

5 Prill, 2024

nga

Samsung Electronics ka thënë se pret të raportojë një rritje të madhe të fitimit të saj operativ në tremujorin e parë, duke ofruar shpresa për një rikuperim të fortë pas një viti të zymtë në vitin 2023.

Gjiganti i teknologjisë koreano-jugore vlerëson se fitimi i tij operativ është rritur në 6.6 trilionë won korean (monedha zyrtare e Koresë së Jugut) në tremujorin janar-mars, nga 0.64 trilion won të raportuar një vit më parë, sipas një udhëzimi fitimi të publikuar të premten. Parashikimi është më i lartë se vlerësimet e konsensusit prej 5.4 trilionë fitimesh nga FactSet.

Shitjet pritet të jenë rritur me më shumë se 11% në 71 trilionë won. Kompania pritet të publikojë rezultatet e detajuara të fitimeve më vonë këtë muaj.

Parashikimi optimist vjen pasi Samsung raportoi katër tremujorë radhazi të fitimeve në rënie, por kompania është optimiste për këtë vit dhe tha në janar se pret një ringjallje të kërkesës për pajisjet celulare, veçanërisht me paraqitjen e produkteve të reja si telefonat e zgjuar me inteligjencë artificiale.

Kompania gjithashtu pret që biznesi i saj i çipave të rimëkëmbet këtë vit “përkundër pengesave të ndryshme të mundshme, duke përfshirë politikat e normave të interesit dhe çështjet gjeopolitike”, ka shtuar kompania.

Vazhdo të lexosh

Mobile

​SHBA padit Apple

Apple është zotuar se do ta luftojë “fuqishëm” padinë dhe i mohon pretendimet.

Publikuar

1 muaj më parë

më

21 Mars, 2024

nga

Shtetet e Bashkuara të Amerikës kanë ngritur një padi kundër Apple, duke akuzuar gjigantin e teknologjisë për monopolizimin e tregut të telefonave të zgjuar dhe shtypjen e konkurrencës.

Padia pretendon se kompania përdori fuqinë e saj për të kufizuar konkurrentët, si dhe opsionet në dispozicion të konsumatorëve.

Apple është zotuar se do ta luftojë “fuqishëm” padinë dhe i mohon pretendimet.

Kjo është hera e tretë që kompania paditet nga Departamenti Amerikan i Drejtësisë që nga viti 2009.

Vazhdo të lexosh

Lajmet

Fortnite do të kthehet në iPhone në BE

Epic Games e tërhoqi lojën e suksesshme Fortnite nga App Store pasi nuk u pajtua me politikat e Apple.

Publikuar

3 muaj më parë

më

28 Janar, 2024

nga

Videoloja e famshme Fortnite do të rikthehet në iPhone pas një mungese katërvjeçare. Sipas një ligji të ri të Bashkimit Evropian (BE), i krijuar për të rritur konkurrencën, zhvilluesit Epic Games do t’i mundësohet të drejtojë dyqanin e vet të aplikacioneve në pajisjet Apple.

Aktualisht, kushdo që ka iPhone mund të shkarkojë aplikacione vetëm nga App Store i Apple. Por Apple duhet t’ua mundësojë klientëve të saj të qasen në dyqanet alternative të aplikacioneve në pajisjet iOS të blera në BE nga muaji mars.

Apple u angazhua vazhdimisht që përmes rregullave të saj të mbrojë sigurinë e përdoruesve.

Epic Games e tërhoqi lojën e suksesshme Fortnite nga App Store pasi nuk u pajtua me politikat e Apple. Nuk ka qenë i disponueshëm në App Store që nga viti 2020, megjithëse është e mundur të luhet përmes ueb-it./UBTNews/

Vazhdo të lexosh

Të kërkuara