Lajmet

Institucionet e drejtësisë nënshkruajnë Deklaratë të Zotimit për reformë në drejtësi

Kjo deklaratë kanë konsideruar si mundësi për fuqizimin e sundimit të ligjit në Kosovë.

Published

3 years ago

on

Ministrja e Drejtësisë, Albulena Haxhiu së bashku me krerët e sistemi të drejtësisë sot kanë nënshkruar Deklaratën e Përbashkët të Zotimit për reformën në sistemin e drejtësisë.

Kjo deklaratë kanë konsideruar si mundësi për fuqizimin e sundimit të ligjit në Kosovë.

Deklarata është nënshkruar nga ministrja e Drejtësisë, Albulena Haxhiu, kryesuesi i Këshillit Gjyqësor, Albert Zogaj, kryesuesi i Këshillit Prokurorial, Jetish Maloku, ushtruesin e detyrës së Kryeprokurorit të Shtetit, Besim Kelmendi dhe Mejreme Memaj, ushtruese detyre e kryetarit të Gjykatës Supreme.

Ministrja e Drejtësisë, Albulena Haxhiu është shprehur se kjo deklaratë parasheh një plan të detajuar të veprimeve të përbashkëta për adresimin e reformës në drejtësi.

Ajo ka theksuar se reforma në drejtësi ka pasur dy drejtime, derisa ka rikujtuar se amandamentet kushtetuese për vetting tashmë ndodhen për vlerësim në Gjykatën Kushtetuese.

“Kjo deklaratë parasheh një plan të detajuar të veprimeve të përbashkëta për adresimin e reformës në drejtësi, kontrollin e integritetit të gjyqtarëve dhe po ashtu të prokurorëve gjithashtu vlerësimin e performancës dhe disiplinimin dhe njëjta do të bëhet përmes forcimit të mekanizmave ekzistues të integrtietit, performancës or edhe disiplinimit ashtu siç edhe ka kërkuar Komisioni i Venecias që ka dhënë për reformën në drejtësi. Vlerësimi përfshinë verifikimin, kontrollin e integritetit dhe vlerësimin e performancës të dyja janë procese të ndara të cilat zhvillohen në të njëjtën kohë arsyeja pse po e përmend këtë është se lidhet direkt me deklaratën e përbashkët”, ka thënë ajo.

E para e drejtësisë në vend është shprehur se brenda këtij viti synojnë ta përmbyllin edhe vlerësimin apo identifikimin e nevojave edhe ndryshimet adekuate ligjore.

“Sipas planit të veprimit dhe deklaratë së përbashkët të zotimeve, identifikimi i nevojave për ndryshime përmes një procesi të vlerësimit do të bëhet deri në qershor të vitit 2023 pra këtij viti. Ndërsa, ndryshimet adekuate ligjore bazuar në identifikimin e nevojave dhe ndryshimet eventuale që mund të bëhet në legjislacione deri në dhjetor të vitit 2023. Pra, brenda këtij viti synojmë që ta përmbyllim edhe vlerësimin apo identifikimin e nevojave edhe ndryshimet adekuate ligjore. Jemi treguar gogja optimist në atë që mund të arrijmë, prandaj edhe secili prej nesh e ka për obligim që me stafet profesionale me ekspert që na mbështesin të arrijmë që ta jetësojmë dhe të jemi në këtë plan ta zbatojmë planin që e kemi paraparë“, ka thënë ai.

Kryesuesi i Këshillit Gjyqësor të Kosovës, Albert Zogaj është shprehur se ndonëse kanë qëndrime të ndryshme sa i takon amendamenteve kushtetuese për vettingun në sistemin e drejtësisë, si KGJK kanë identifikuar tema që përbëjnë reformë për çka shpreson që do t’i kontribuojë sundimit të ligjit.

“Është e rëndësishme të theksohet që ne kemi arritur deri tek kjo deklaratë tek ky proces duke nis nga fakti që të gjitha institucionet që nënshkruajnë këtë deklaratë kishim dhe vazhdojmë të kemi qëndrime të ndryshme lidhur me çështjen e amendamenteve kushtetuese. Megjithatë, ne kemi vendosur të mos paragjykojmë fare procesin e amendamenteve kushtetuese është mandat i Kuvendit, do të kemi edhe vlerësimin e Gjykatës Kushtetuese për këto amandamentet, pra është jashtë mandatit të institucioneve që nënshkruajmë këtë deklaratë çështja e amandamenteve kushtetuese. Përndryshe, bie në përgjegjësinë e institucioneve tona çështja e reformës që për vlerësimin e KGJK ne kemi identifikuar tema mjaftë substanciale që përbëjnë reformën dhe që shpresojmë shumë që ka me i kontribuar sundimit të ligjit në Kosovë“, ka thënë Zogaj.

Kryesuesi i Këshillit Prokurorial të Kosovës, Jetish Maloku është shprehur se kjo deklaratë është dokument për avancimin dhe fuqizimin e ligjit.

Duke u zotuar për kontributin që do të japin për arritjen e kësaj reforme, Maloku ka thënë se ky dokument eviton çdo sfidë apo shqetësim të ngritura nga MD, KPK e KGJK.

“Nuk ka dilemë se kjo deklaratë është një dokument drejt avancimit dhe fuqizimit të ligjit e cila pikërisht buron nga rishikimi funksional i sundimit të ligjit dhe bazuar në raportet e Komisionit Evropian dhe Komisionin e Venecias… të gjitha rekomandimet specifike nga ky dokument dalin nga strategjia e sundimit të ligjit e të cilat në një mënyrë fuqizojnë kuotën ligjore në kuadër të KGJK dhe KPK. Pastaj, fuqizojnë funksionimin e gjykatave dhe prokurorive në drejtim të vlerësimit të performancës së gjyqtarëve e prokurorëve, llogaridhënies, integritetit efikasitetit që ka të bëjë me gjyqtarë e prokurorë“, ka thënë ai.

Related Topics:
Continue Reading

Lajmet

Aktakuzë ndaj gjashtë serbëve për barrikadat në veri të Kosovës

Published

9 minutes ago

on

June 10, 2026

By

Prokuroria Speciale e Republikës së Kosovës ka ngritur aktakuzë ndaj gjashtë personave të nacionalitetit serb, të dyshuar për përfshirje në organizimin dhe vendosjen e barrikadave në veri të vendit gjatë vitit 2022.

Sipas aktakuzës, të pandehurit dyshohet se kanë marrë pjesë në planifikimin dhe realizimin e bllokimit të rrugëve në komunat veriore të Kosovës, duke vendosur automjete dhe pengesa të tjera në infrastrukturën rrugore. Këto veprime, sipas prokurorisë, kanë pasur për qëllim pengimin e lëvizjes së lirë të qytetarëve dhe institucioneve shtetërore.

Barrikadat në veri u vendosën në një periudhë tensionesh të shtuara politike dhe të sigurisë në fund të vitit 2022, duke shkaktuar situatë të ndërlikuar në terren dhe duke kërkuar ndërhyrje të institucioneve të sigurisë dhe praninë e mekanizmave ndërkombëtarë, përfshirë KFOR-in, për të ruajtur rendin dhe stabilitetin.

Prokuroria Speciale thekson se për këtë rast janë mbledhur prova materiale dhe dëshmi që lidhen me përfshirjen e të akuzuarve në organizimin e barrikadave, dhe se rasti tashmë ka kaluar në procedurë gjyqësore.

Të pandehurit do të përballen me proces në gjykatat kompetente, ku do të shqyrtohen akuzat dhe provat e paraqitura nga prokuroria. /Ekonomia online/ /E.A/

Continue Reading

Lajmet

Aktakuzë ndaj gjashtë serbëve për barrikadat në veri të Kosovës

Published

41 minutes ago

on

June 10, 2026

By

Prokuroria Speciale e Kosovës ka ngritur aktakuzë ndaj gjashtë serbëve, të cilët dyshohen për veprat penale “Bashkim për veprimtari kundërkushtetuese, me qëllim të sulmit kundër rendit kushtetues të Republikës së Kosovës” dhe “Pengim i personit zyrtar në kryerje të detyrës zyrtare”.

Sipas Prokurorisë, të pandehurit D.M., D.D., M.R., N.J., N.O. dhe S.V. dyshohen se, nga 10 deri më 29 dhjetor 2022, në komunat veriore të Kosovës kanë vepruar në bashkëkryerje për të penguar institucionet e Kosovës në ushtrimin e autoritetit shtetëror dhe vendosjen e rendit kushtetues.

Aktakuza thotë se ata kanë organizuar dhe vendosur barrikada në rrugët kryesore duke përdorur mjete të rënda, përfshirë kamionë me zhavorr, ekskavatorë, autoambulanca, autobusë dhe automjete të tjera.

Sipas Prokurorisë, anëtarët e grupit kanë qenë të gatshëm të sulmonin zyrtarët policorë në rast të ndërhyrjes për largimin e barrikadave dhe rivendosjen e lirisë së lëvizjes.

Ndërkohë, hetimet ndaj 11 personave të tjerë janë pezulluar përkohësisht, pasi ata ende nuk janë të arritshëm për organet e ndjekjes.

Barrikadat në veri ishin ngritur pas arrestimit të ish-policit Dejan Pantiq, i cili më vonë u dënua me dy vjet burgim për organizimin e sulmit ndaj zyrave të komisioneve komunale zgjedhore në veri të Kosovës. /A.K/

Continue Reading

Lajmet

Fazıl Say dhe Filharmonia e Kosovës sonte në koncertin përmbyllës të Chopin Piano Fest

Published

47 minutes ago

on

June 10, 2026

By

Prishtina do të mirëpresë sonte një nga ngjarjet më të rëndësishme muzikore të vitit, me koncertin përmbyllës të edicionit 2026 të festivalit Chopin Piano Fest.

Në skenën e Klan Arenës do të ngjitet pianisti i njohur turk Fazıl Say, i cili do të performojë së bashku me Filharmoninë e Kosovës, nën dirigjimin e maestro Aurélien Azan Zielinski.

Koncerti, që nis në orën 19:30, pritet të sjellë një mbrëmje të veçantë artistike, duke kurorëzuar programin e festivalit me interpretimin e njërit prej pianistëve më të vlerësuar në skenën ndërkombëtare.

Për publikun kosovar, kjo paraqitje përfaqëson një mundësi të rrallë për të ndjekur nga afër virtuozitetin e Fazıl Say, i njohur për interpretimet e tij të jashtëzakonshme dhe kontributin në muzikën klasike bashkëkohore.

Koncerti përmbyll një tjetër edicion të suksesshëm të Chopin Piano Fest, festival që prej vitesh sjell në Kosovë emra të njohur të muzikës klasike nga mbarë bota./A.K/

Continue Reading

Lajmet

Inflacioni në Kosovë arrin 6,8 për qind në maj 2026 

Published

1 hour ago

on

June 10, 2026

By

Agjencia e Statistikave të Kosovës (ASK) ka publikuar Indeksin e Harmonizuar të Çmimeve të Konsumit (IHÇK) për muajin maj 2026, duke zbatuar klasifikimin e ri COICOP 2018, me vit bazë 2025 = 100 dhe metodologji të përditësuar.

Sipas të dhënave zyrtare, shkalla e inflacionit vjetor në muajin maj 2026 ka arritur në 6,8 për qind, ndërsa krahasuar me muajin prill 2026 është shënuar rënie prej 0,4 për qind në nivel mujor. ASK ka bërë të ditur se indeksi i përgjithshëm i harmonizuar i çmimeve të konsumit në maj 2026 ishte 6,8 për qind më i lartë krahasuar me majin e vitit 2025.

Rritja vjetore e çmimeve është ndikuar kryesisht nga transporti me 14,1 për qind, strehimi, uji, energjia elektrike, gazi dhe lëndët e tjera djegëse me 13,2 për qind, si dhe pijet alkoolike, duhani dhe narkotikët me 5,6 për qind.

Rritje janë regjistruar edhe në restorante dhe shërbime akomodimi me 5,3 për qind, ushqime dhe pije joalkoolike me 5,1 për qind, shëndetësi me 4,1 për qind, mobilje dhe pajisje shtëpiake me 3,6 për qind, si dhe në kategori të tjera si rekreacioni, veshja dhe komunikimi. Ndërkohë, rënie e çmimeve është regjistruar në grupin e shërbimeve arsimore me 0,6 për qind.

Sa i përket ndryshimeve mujore, ASK ka bërë të ditur se në maj 2026 krahasuar me prillin 2026 është shënuar rënie prej 0,4 për qind.

Kjo rënie është ndikuar kryesisht nga ulja e çmimeve në transport me 2,0 për qind, strehim dhe energji me 0,7 për qind, ushqime dhe pije joalkoolike me 0,2 për qind, si dhe në disa kategori të tjera me luhatje më të vogla.

Në anën tjetër, rritje mujore e çmimeve është regjistruar në pijet alkoolike dhe duhan me 0,7 për qind, shëndetësi me 0,7 për qind, mobilje dhe pajisje shtëpiake me 0,6 për qind, si dhe në kategori si informacioni, veshja dhe shërbimet e restoranteve. /A.K/

Continue Reading

Të kërkuara