Lajmet

Tahiri: Barrikadat nuk do të hiqeshin pa marrëveshje politike, Kurti e pranoi Asociacionin

Sipas saj, brenda kësaj marrëveshjeje është Asociacioni për çka thotë se Kurti pranoi të diskutonte për të.

Published

4 years ago

on

Ish-kryenegociatorja e Kosovës në bisedimet me Serbinë, Edita Tahiri thotë se barrikadat në veri të vendit nuk do të largoheshin po të mos kishte një marrëveshje politike në mes dy shteteve, e ndërmjetësuar nga amerikanët dhe evropianët. Sipas saj, brenda kësaj marrëveshjeje është Asociacioni për çka thotë se Kurti pranoi të diskutonte për të. Ajo kritikon Kurtit se po i mban të fshehta marrëveshjet me Serbinë derisa shton se qeveria duhet të dalë me një plan për shtrirjen e sovranitetit në veri të vendit.

Tahiri thotë se tërheqja e komunitetit serb nga institucionet e shtetit të Kosovës është bërë me qëllim të rritjes së presionit për themelimin e Asociacionit.

“Shumë keq po bën (Kurti) duke mbajtur të fshehtë marrëveshjen, të cilën e ka mbajtur të fshehur, pastaj në çdo tension që kemi pasur ai ka bërë një kompromis, a ishte çështja e targave, nuk u koordinua, hyri ta zbatojë nuk arriti ta zbatojë sepse minoriteti serb i keqpërdorur nga Vuçiq e refuzoi, ky as nuk e koordinoi as nuk e zbatoi, as nuk na tregoi neve opinionit, dhe kështu duke menduar që po e fsheh realitetin nga opinioni dhe populli, unë po mendoj që qeveria Kurti po mashtron vetveten, pse, për kënd janë këto marrëveshje, për Kosovën, e kujt është Kosova, e popullit, si është e mundur me i dalë ballë, për shembull e ke deklaratën e Kurtit ku thotë ‘vet e bënë barrikadat vet i hoqën’, kjo është një dyfytyrësi, një hipokrizi, pse, sepse këto barrikada nuk do të hiqeshin po të mos kishte marrëveshje politike, e ndërmjetësuar, me Serbinë, dhe brenda saj po të mos ishte Asociacioni”, thotë Tahiri.

Tahiri shprehet e bindur se kryeministri Kurti e ka pranuar Asociacionin si pjesë e procesit të marrëveshjes finale.

“Kjo marrëveshje që u arrit në mes Kurtit dhe Vuçiq dje (të mërkurën) me ndërmjetësimin e amerikan dhe Bashkimit Evropian, sigurisht pati një marrëveshje të madhe e që është pra sinjali i Kurtit që e ka dhënë që do të trajtojë Asociacionin, pra e ka pranuar, se ai ka refuzuar fare të flasë për të, prandaj jam e bindur që ka pranuar Asociacionin si një pjesë e procesit të marrëveshjes finale që do të negociohet, ai nuk ka pranuar marrëveshje, por ka pranuar të hyrë e të vazhdojë bisedën”, thotë ajo.

Sipas ish-kryenegociatores Tahiri, tregues për këtë është deklarata e ambasadorit amerikan në Beograd, Christopher Hill një ditë më parë.

“Jam e sigurt, pse, sepse unë jam njohëse e proceseve të negociatave edhe kur bëhen publike, siç po praktikon Kurti, atëherë duhet përcjellë indikatorët apo treguesit e procesit, cili ishte treguesi kryesor që unë po pohoj se e ka pranuar Kurti Asociacionin, treguesi kryesor është deklarata e ambasadorit amerikan Hill i cili menjëherë (të mërkurën) pasi u arrit kjo marrëveshje politike tha ‘nuk bëhet më fjalë për zbatim të Asociacionit por bëhet fjalë se si do të duket Asociacioni’, pra me fjalë të tjerë është punë e kryer, që ka pranuar Kurti që do të hyjë në procesin e bisedimeve për Asociacion dhe zbatim”, shton Tahiri.

Me veprimet e saj, sipas Tahirit, Serbia po i thotë botës se nëse Kurti nuk e pranon Asociacionin, serbët nuk kthehen në institucione.

“Pse Serbia tërhoqi serbët, për shkak të Asociacionit, jo vetëm për targa, sepse targat besoj që do e kalonin sepse është më shumë teknike, por me këtë rast Serbia dhe Vuçiq po i tregojnë botës nëse Kurti nuk hyn në procesin e Asociacionit as serbët nuk kthehen në institucione”, shton ajo.

Tahiri thotë se është mirë që po largohen barrikadat në veri të Kosovës por, sipas saj, në atë pjesë po mungon sovraniteti.

Sipas saj, Qeveria e Kosovës duhet të dalë me një plan për shtrirjen e sovranitetit në atë pjesë të territorit.

Lidhur me këtë ajo përmendi marrëveshjen e vitit 2013, çka sipas saj, duhet të jetë bazë për veprimet e qeverisë.

“E para është mirë që nuk ka tensione, është mirë që po hiqen barrikadat po bëhet mirë, por çka po mungon, po mungon sovraniteti, ne i patëm institucionet në veri, patëm serbët e veriut të inkuadruar në strukturat e shtetit të Kosovës, kishim zhbërë disa struktura ilegale dhe kriminale, tash ata nuk mund të themi që janë të zhbërë, sepse ata u ringjallën dhe vendosen barrikadat, pra kjo është gjendja, kjo zmbrapsje e veriut nga sovraniteti është punë e madhe që menjëherë Kurti prej nesër ditën e parë, pavarësisht që jemi duke hyrë në festa, duhet të dalë me planin si do të shtrijë sovranitetin në veri”, thotë Tahiri.

Tahiri shton se Qeveria e Kosovës duhet të jetë çdoherë e koordinuar me partnerët ndërkombëtarë derisa nuk përjashton mundësinë që Serbia të provojë të shkaktojë skenarë të tjerë që prodhojnë tensione.

Related Topics:
Continue Reading

Lajmet

FSK merr pjesë në ushtrimin shumëkombësh “Saber Junction 26” në Gjermani

Published

13 hours ago

on

September 10, 2026

By

Kontingjenti i Forcës së Sigurisë së Kosovës (FSK), i përfaqësuar nga një kompani këmbësorie e Regjimentit të Tretë të Forcave Tokësore, ka marrë pjesë në ushtrimin shumëkombësh “Saber Junction 26”, të zhvilluar në Qendrën e Gatishmërisë Shumëkombëshe në Hohenfels të Gjermanisë.

Sipas FSK-së, kompania kosovare është integruar në Brigadën Ajrore 173 të Ushtrisë së Shteteve të Bashkuara, përkatësisht në Batalionin 3-504 “Blue Devils”.

Pas fazës së planifikimit, koordinimit dhe trajnimit, pjesëtarët e FSK-së janë angazhuar në operacione të ndryshme në terren, përfshirë operacione sigurie në mbështetje të zbarkimit ajror, patrulla luftarake dhe operacione mbrojtëse.

Sipas njoftimit, pjesëmarrja në këtë ushtrim ka mundësuar zhvillimin e mëtejshëm të aftësive të komandimit dhe kontrollit, planifikimit dhe ekzekutimit të operacioneve, si dhe rritjen e ndërveprueshmërisë me Ushtrinë Amerikane dhe forcat e vendeve partnere.

Integrimi i kompanisë së FSK-së në një formacion shumëkombësh ka shërbyer edhe për testimin e aftësive të saj në një mjedis kompleks dhe dinamik trajnues, krahas njësive partnere.

Gjatë “Observation Day”, aktivitetet e kontingjentit të FSK-së janë përcjellë nga Komandanti i Komandës së Forcave Tokësore, gjeneral brigade Mehmet Lladrovci, dhe rreshter majori i KFT-së, Naim Smakolli.

Pjesëmarrja në ushtrime të tilla, sipas FSK-së, kontribuon në rritjen e gatishmërisë operacionale, profesionalizmit dhe kapaciteteve për të vepruar krah për krah me ushtritë partnere në operacione shumëkombëshe./A.K/

Continue Reading

Lajmet

Gjashtë motoçikleta sekuestrohen në Pejë për kundërvajtje në trafik

Published

14 hours ago

on

September 10, 2026

By

Policia e Kosovës ka njoftuar se sot, më 10 shtator, në Pejë janë sekuestruar gjashtë motoçikleta për kundërvajtje në komunikacion.

Sekuestrimi është kryer nga Njësia e Trafikut për Qytet e Stacionit Policor në Pejë, në kuadër të planit operativ “Siguria në shkolla”, i cili do të vazhdojë edhe në ditët në vijim.

Sipas Policisë, motoçikletat janë sekuestruar për kundërvajtje të ndryshme, përfshirë drejtimin pa patentë shoferi, pa regjistrim dhe pa helmetë.

Drejtoria Rajonale e Policisë në Pejë ka bërë të ditur se aktivitetet në terren do të vazhdojnë me qëllim të parandalimit të aksidenteve në komunikacion.

Policia ka paralajmëruar “zero tolerancë” ndaj të gjithë kundërvajtësve në trafik./A.K/

Continue Reading

Lajmet

UBT vazhdon të forcojë bashkëpunimet ndërkombëtare dhe lidhjet institucionale me partnerë evropianë

Published

14 hours ago

on

September 10, 2026

By

UBT vazhdon të forcojë bashkëpunimet ndërkombëtare dhe lidhjet institucionale me partnerë evropianë. Në kuadër të këtyre përpjekjeve, Zëvendësdekani i Departamentit të Turizmit në UBT, Prof. Alban Fejza, zhvilloi një takim në Ambasadën e Italisë në Kosovë, së bashku me Prof. Raffaella Ritucci dhe Lirdion Blakaj.

Gjatë takimit u diskutua për mundësitë e konkretizimit të bashkëpunimeve të ndërsjella me UNITO – University of Turin dhe UNITA – Universitas Montium, aleanca universitare evropiane e koordinuar nga UNITO.

Diskutimi u fokusua në mundësi konkrete për bashkëpunim akademik, mobilitet, ndërkombëtarizim dhe zhvillimin e iniciativave të përbashkëta, me synim që interesat e përbashkëta të shndërrohen në hapa konkretë.

Ky takim përbën një hap të rëndësishëm në drejtim të forcimit të lidhjeve akademike dhe institucionale ndërmjet UBT-së, partnerëve italianë dhe hapësirës evropiane të arsimit të lartë.

Continue Reading

Lajmet

Tenderi afro 400 mijë eurosh për kamionë në Ekoregjion, aktakuzë ndaj tre personave

Published

15 hours ago

on

September 10, 2026

By

Prokuroria Speciale ka ngritur aktakuzë ndaj tre personave, B.Sh., A.G. dhe R.Z., si dhe ndaj subjektit juridik SH.P.K. “D.C & E”, për veprat penale “Keqpërdorim i pozitës apo autoritetit zyrtar”, “Keqpërdorimi dhe mashtrimi në prokurimin publik” dhe “Mbajtja në pronësi, kontroll ose posedim të paautorizuar të armëve”.

Sipas aktakuzës, më 7 qershor 2023 dhe gjatë periudhës 18 shtator 2023 deri më 16 nëntor 2023, në Prizren, B.Sh., në cilësinë e kryeshefit të KRM “Eko Regjioni”, në bashkëkryerje me zyrtarin e kësaj kompanie, A.G., kanë tejkaluar kompetencat e tyre me qëllim të përfitimit të dobisë pasurore për vete dhe për subjektin juridik SH.P.K. “D.C & E”.

A.G. dhe B.Sh. akuzohen se, në kundërshtim me legjislacionin për prokurimin publik, kanë krijuar mundësi që tenderin “Furnizimi me kamiona kompaktor dhe autobusë për nevojat e KRM ‘Ekoregjioni’”, në vlerë prej 385 mijë e 500 eurosh, ta përfitojë SH.P.K. “D.C & E”.

Sipas Prokurorisë, me këto veprime buxhetit të KRM “Ekoregjioni” i është shkaktuar dëm në shumën prej 233 mijë e 685.37 eurosh.

Ndërkaq, R.Z. akuzohet për veprën penale “Keqpërdorimi dhe mashtrimi në prokurimin publik”. Sipas aktakuzës, ai u ka paguar B.Sh. dhe A.G. shpenzimet e një udhëtimi jashtë territorit të Kosovës, me qëllim të koordinimit të veprimeve inkriminuese dhe ndikimit në dhënien e tenderit.

Prokuroria pretendon se R.Z. paraprakisht kishte arritur marrëveshje të kundërligjshme me të pandehurit, përmes së cilës ishin përshtatur specifikat teknike të tenderit./A.K/

Continue Reading

Të kërkuara