Shëndeti

Si të merrni 100% të hekurit prej ushqimeve?

2 deri 20 përqind e hekurit që gjendet në produktet me origjinë bimore ia del të shkojë nga sistemi tretës në gjak.

Publikuar

Ekzistojnë dy lloje të hekurit, njëri që përthithet shumë mirë nga trupi dhe tjetri që thithet më me vështirësi. 

Vetëm 2 deri 20 përqind e hekurit që gjendet në produktet me origjinë bimore ia del të shkojë nga sistemi tretës në gjak, krahasuar me 15% deri 35% e hekurit që arrin të përthithet nga produktet me origjinë shtazore.

Por kjo nuk duhet t’ju merakosë nëse keni vendosur të hiqni dorë nga produktet shtazore. Mjafton që në ushqimet tuaja të shtoni vitaminën C.

Kjo vitaminë do të ndihmojë hekurin që përthithet me vështirësi, duke gjashtëfishuar aftësitë e tij për të kaluar nga sistemi tretës në gjak, duke ndihmuar kështu edhe nëse jeni anemikë.

Më poshtë do të gjeni listën e përgatitur nga AgroWeb.org me gjashtë ushqime të pasura me hekur që mund të kombinohen shumë mirë me një frut ose një perime të mbushur me vitaminë C.

Por nuk ka pse t’i qëndroni strikt këtyre kombinimeve, mund edhe të bëni të gjitha kombinimet që dëshironi. 

1. Spinaqi (hekur) + specat e kuq (vitaminë C). Sipas kërkimeve të AgroWeb.org, mënyrat e kombinimit të këtyre dy ushqimeve janë të shumta.

Mund t’i bëni sallatë, mund të bëni speca të mbushura me spinaq, apo t’i gatuani së bashku duke shtuar vaj ulliri, hudhër dhe piper të kuq

2. Brokoli (hekur) + domate (vitaminë C). Mund të përzieni brokolin me një salcë domatesh të thata.

Mund të shtoni qepë, kërpudha, vaj ulliri, hudhër dhe erëza të tjera dhe t’i gatuani së bashku.

Mund të shtoni edhe një ushqim me proteina (mish pule, sardele ose fasule) ose të bëni një mëngjes të shëndetshëm duke bërë një omletë me brokoli dhe domate.

3. Fasulet e zeza (hekur) + lakër (vitaminë C). Edhe në këtë rast është në dorën dhe shijen tuaj se si mund t’i kombinoni këto dy ushqime fantastike plot me vlera ushqimore.

Mund të bëni sallatë, ose t’i gatuani veç e veç. Sipas hulumtimeve AgroWeb.org, e rëndësishme është që të dyja bashkëpunojnë më së miri.

4. Lakra të egra (hekur) + portokalle (vitaminë C). Tingëllon çuditshëm, por ju mund t’i përzieni këto dy produkte në një lëng të vetëm, mund t’i shtoni në sallatë dhe ta konsumoni në drekë ose në darkë sipas preferencave.

5. Thjerëzat (hekur) + lakra të vogla (vitaminë C). Lakrat e vogla, ose siç njihen rëndom Lakra Brukseli mund të përgatiten në zgarë, në tenxhere ose në tigan.

Ato mund t’ia bashkangjisësh sallatës, ose mund të bësh lakra të mbushura me thjerëza.

6. Çokollata e zezë (hekur) + luleshtrydhe (vitaminë C). Bëhet fjalë për një kombinim aq të shijshëm sa të lëpish gishtat. Çokollata e zezë është një burim i pasur hekuri.

AgroWeb.org ju tregon se mund ta shkrini atë, të zhysni luleshtrydhet e t’i shijoni për një mbrëmje të këndshme.

Ose mund t’i shtoni në mëngjës kur jeni dukë ngrënë tërshërë, t’i ktheni në lëng, ose të bëni kos me luleshtrydhe dhe çokollatë për ëmbëlsirë.

A e dini se?

• Po të gatuani me produkte hekuri (tenxhere, tiganë, tepsi) nxehtësia do të bëjë që thërrime të vogla hekuri të futen në ushqim duke shumëfishuar kështu dozën e hekurt që merr në ushqim.

Kjo vlen kryesisht për ushqimet e lëngshme dhe me aciditet të lartë, siç është salca e domates.

Një studim tregoi se niveli i hekurit në një salcë domatesh për makarona u rrit me nentë herë pas gatimit në një enë prej hekuri.

• Kalciumi dhe tanina (një përbërës që gjendet tek çaji dhe kafeja) ndikojnë negativisht në përthithjen e hekurit nga trupi.

Ndaj përpara se të nisësh një dietë ushqimore të pasur me hekur, hiq dorë nga suplementët e kalciumit, çaji dhe kafeja./AgroWeb.org

Shëndeti

Disa përfitime shëndetësore për trupin tuaj kur agjëroni

Agjërimi ndikon tek cilësia e gjakut.

Publikuar

nga

Agjërim do të thotë të heqësh dorë me dëshirë nga konsumi i disa ose të gjitha ushqimeve ose pijeve kalorike, për arsye terapeutike, shpirtërore ose politike.

Së pari, agjërimi është po aq i vjetër sa vetë historia, tregojnë studiuesit. Në ditët parahistorike, paraardhësit tanë ushqeheshin kur kishte ushqim dhe agjëronin kur nuk kishte. Kjo ishte një mënyrë mbijetese efikase.

Agjërimi është sot pjesë e kremtimeve të ndryshme fetare, duke filluar nga feja muslimane, hebraike, e krishtere dhe ajo ortodokse. Besimtarët e këtyre feve agjërojnë për një total prej 180-200 ditësh çdo vit.

Në mjekësiagjërimi është gjithashtu pjesë e përgatitjes së operacionit. Nëse jeni duke iu nënshtruar një operacioni ose ndonjë lloj procedure që përfshin anestezinë, do t’ju kërkohet të agjëroni, për të shmangur të përzierat dhe për t’u siguruar që asnjë ushqim ose lëng nuk futet në mushkëri.

Çdo lloj forme e agjërimit ka listën e vet të përfitimeve dhe rreziqeve që duhet të merren parasysh me kujdes bazuar në statusin dhe qëllimet tuaja kryesore shëndetësore.

AgroWeb.org ju njeh më poshtë me disa nga gjërat që duhet të dini para se të provoni të agjëroni.

Agjërimi mund të nxisë djegien e dhjamit

Kur agjëroni, trupi juaj konsumon glukozën e ruajtur në mëlçi për energji dhe pikërisht atëherë filloni të digjni yndyrën. Kjo quhet ketosis dhe mund të çojë në humbje peshe.

Mund të sigurojë qartësi mendore

Një studim në të cilin AgroWeb.org u mbështet, tregoi se agjërimi mund të përmirësojë kujtesën verbale tek njerëzit e rritur.

Ky studim ende vazhdon për të kuptuar më mirë mënyrën se si kjo gjë funksionin.

Ndikon tek cilësia e gjakut 

Agjërimi mund të ndihmojnë në përmirësimin e kolesterolit, presionit të gjakut, niveleve të sheqerit në gjak ose glukozës, ndjeshmërinë ndaj insulinës dhe problemeve të tjera shëndetësore.

Ata që agjërojnë rregullisht mund të jetojnë më gjatë

Në dy studime të ndryshme, ku personat vullentatë kishin probleme me zemrën, u vu re se mbas disa vitesh agjërim, patën një ulje të rrezikut të vdekshmërisë, krahasuar me ata pacientë që nuk agjëruan.

Studimi ishte vëzhgues, kështu që nuk provon shkakun dhe pasojën. Por agjërimi mund të jetë tregues për një mënyrë jetese të shëndetshme.

Çfarë ha para dhe pas agjërimit, ka shumë rëndësi

Studiuesit sugjerojnë të hani ushqime të shëndetshme para agjërimit, duke përfshirë fruta, perime dhe proteina.

Kur të keni përfunduar agjërimin, rivendosni gradualisht ushqimet në mënyrë që të mos e teproni.

Struktura e agjërimit mund të jetë e dobishme

Për disa njerëz që luftojnë me peshën e tyre, struktura e agjërimit mund t’i ndihmojë ata të arrijnë qëllimin e tyre.

Pra, nëse ju mund të ushqeheni vetëm nga ora 11 e mëngjesit deri në orën 6 të pasdites, kjo mund të jetë një strukturë e vlefshme për ju.

Agjërimi nuk është për të gjithë

Lista e njerëzve që nuk duhet të agjërojnë përfshin njerëzit nën moshën 25 vjeç, gratë shtatzënë ose që ushqejnë gji, njerëzit me diabet që marrin ilaçe, individët me çrregullim të të ngrënit dhe ata që bëjnë punë të rënda./AgroWeb.org

Vazhdo të lexosh

Shëndeti

Si të flini më shpejt kur jeni të lodhur dhe të stresuar? – Këshillat e mjekëve

Breus ka rrëfyer metodat më të mira që të të zërë gjumi më shpejt.

Publikuar

nga

Kur nuk arrin të flesh atëherë kur është e vetmja gjë që do të bësh, gjendja psikologjike dhe mendore bëhet më e rëndë. Diçka që duhet të provosh për të fjetur më shpejt pas një dite të lodhshme dhe me stres është një ushtrim mendor.

Është shumë më e thjeshtë të thuhet se sa të bëhet, këtë e dinë të gjithë, por kjo këshillë, në fakt, vjen nga mjekët specialistë për gjendjen e gjumit, shkruan “Health Line”.

Ke dëgjuar ndonjëherë për numërimin e deleve? Me siguri që po, por është shaka – nuk është kjo mënyra për të fjetur më shpejt (Të numërosh delet nëse nuk arrin të flesh, në fakt, është një metodë që funksionon, por jo në atë mënyrë që ta ka treguar mami).

Në një intervistë për Business Insider, Dr. Michael Breus, mjek specialist për gjumin dhe anëtar i Akademisë Amerikane të Mjekësisë së Gjumit, ka rrëfyer metodat më të mira që të të zërë gjumi më shpejt – një prej të cilave është edhe numërimi i deleve, por jo sipas metodës së vjetër.

Në vend të numërimit të deleve për një kohë të caktuar, Breus sugjeron numërimin mbrapsht nga 300 duke zbritur 3. Kështu, 300, 297, 294, 291… e me radhë.

Sigurisht, duket si një lloj metode që kërkon të gjithë fuqinë e trurit, por pikërisht kjo është çështja. Nuk do të jesh në gjendje të mendosh asgjë tjetër, veçse të gjesh cili është numri pasardhës. Derisa gjumi do të të vijë shumë shpejt./Burimi:Panorama

Vazhdo të lexosh

Shëndeti

Si të pastroni veshkat nga kripa e tepërt në katër hapa?

Veshkat duhen pastruar rregullisht nga toksinat dhe kripa e tepërt për të garantuar një shëndet të mirë.

Publikuar

nga

Veshkat janë përgjegjëse për pastrimin e trupit nga toksinat dhe shëndeti i tyre është i rëndësishëm për mbarëvajtjen e të gjitha organeve.

Ato duhen pastruar rregullisht nga toksinat dhe kripa e tepërt për të garantuar një shëndet të mirë.

Në AgroWeb.org do të mësoni si të pastroni veshkat në vetëm 4 hapa jo të vështirë.

Kujdes me kripën

Ushqimet e kripura rrisin tensionin e gjakut dhe shkaktojnë një dëm të madh në veshka.

Ekspertët këshillojnë kufizimin e përdorimit të kripës në ushqime dhe ngrënien e sa më shumë frutave dhe perimeve.

Kujdes me ilaçet

Shumë ilaçe shoqërohen me efekte anësore që manifestohen tek veshkat.

Ekspertët këshillojnë përdorimin e kufizuar të medikamenteve që merren pa recetën e mjekut.

Mos e teproni me përdorimin e barnave kundër dhimbjeve siç është ibuprofeni. Barna të tilla që konsumohen pa fre shkaktojnë një dëm të rëndë në veshka.

Pini shumë ujë

Dehidratimi, sidomos ai afatgjatë, pengon ndjeshëm funksionin e veshkave.

Ekspertët këshillojnë që të pini ujë jo vetëm sa herë keni etje por minimalisht 8 gota ujë në ditë.

Nivelet e rrezikshme të dehidratimit dallohen tek ngjyra e urinës e cila tregon se sa më e errët të jetë, aq më të dehidratuar jeni.

Ushqimet më të mira për veshkat

Ushqimet janë shumë të rëndësishme për shëndetin e veshkave.

Ekspertët thonë se një regjim i shëndetshëm dhe i ekuilibruar është një aspekt i rëndësishëm i shëndetit të veshkave.

Shalqini është një frut i rëndësishëm për shëndetin e veshkave.

Ai është i pasur me ujë dhe ndihmon në eliminimin e toksinave nëpërmjet urinës.

Frutat e pyllit në veçanti boronicat e kuqe janë të domosdoshme për pastrimin e veshkave nga toksinat.

Farat e kungullit përmbajnë shumë antioksidantë të cilat përmirësojnë funksionin e veshkave.

Ato duhen konsumuar rregullisht por jo në sasi të mëdha.

E fundit por jo nga rëndësia, një regjim i shëndetshëm ushqimor është thelbësor për parandalimin e tensionit të lartë të gjakut dhe diabetit, dy sëmundje që nxisin përkeqësimin e veshkave. /AgroWeb.org

Vazhdo të lexosh

Shëndeti

​Fibrat ndihmojnë në luftimin e sëmundjeve

Ngrënia e më shumë fibrave largon rrezikun e prekjes nga sëmundjet.

Publikuar

nga

Të ushqehesh mirë është thelbësore për një shëndet të mirë. Për ta bërë këtë, është e nevojshme të ndiqni një dietë të shëndetshme dhe të ekuilibruar që është gjithashtu e pasur me ushqime që mund të mbështesin trupin duke e ndihmuar atë të punojë më mirë. Ndër ushqimet më të rëndësishme janë ato të pasura me fibra. Ndërsa gjithnjë ka qenë e ditur që konsumi i fibrave është i dobishëm për trupin, nga ana tjetër është zbuluar se konsumimi i tyre ndihmon për të mbajtur larg sëmundje të ndryshme kronike. Një arsye më shumë për të provuar t’i përfshini sa më shumë që të jetë e mundur (padyshim pa e ekzagjeruar) në dietën tuaj.

Ngrënia e më shumë fibrave largon rrezikun e prekjes nga sëmundjet. Zbuloni pse?

Për të bërë të njohur rëndësinë e fibrave në dietës ishte një studim i botuar në 2019 në The Lancet. Studim i cili u pasua nga të tjerë që çuan në konfirmime të mëtejshme. Sipas asaj që doli, sasia e fibrave që duhen konsumuar është rreth 30 gramë në ditë. Një masë që deri më sot ende nuk është përfshirë në mesin e atyre që janë konsumuar mesatarisht.

Shkaku është një dietë që përqendrohet veçanërisht në drithërat dhe sheqernat e rafinuar dhe që merr pak parasysh ato ushqime që, në vend të kësaj, duhet të preferohen sepse ato janë me të vërtetë të pasura me fibra. Por cilat janë përfitimet e sakta? Sipas Nicola Veronese, një nga nënshkrimet e traktatit, ngrënia e fibrave do të ndihmonte në uljen e kolesterolit në gjak, duke ngadalësuar gjithashtu sheqernat dhe kështu të shmangte rritjen e insulinës. Të gjithë faktorët që shkaktojnë inflamacion në trup. Inflamacion që shpesh është shkak i shumë sëmundjeve të tilla si, për shembull, ato kardiovaskulare.

Përkundrazi, rritja e konsumit të fibrave e bën më të lehtë mbajtjen e peshës trupore dhe nga kjo përfitojnë organe të ndryshme si zorra e trashë, mëlçia, endometriumi, prostata, gjiri dhe ezofagu. Organe që me dietën e duhur janë edhe më të mbrojtur nga shfaqja e tumoreve. Përveç kësaj, me fibra shmangen më lehtë problemet e tilla si kapsllëku. Me pak fjalë, përfshirja e ushqimeve bimore dhe karbohidrateve të plota mund të përmirësojë vërtet gjendjen e shëndetit.

Ushqimet më të pasura me fibra:

Bishtajoret

Perimet

Krunde gruri

Miell gruri i plotë

Fruta të thata

Disa fruta me lëvore

Të shëndetshëm dhe të lehtë për tu gjetur, ushqime që duhet të konsumohen në mënyrë korrekte. Kjo është arsyeja pse, në rast dyshimesh, gjithmonë mund të jetë e dobishme të kontaktoni një nutricionist.

Vazhdo të lexosh

Të kërkuara