Tashmë dihet mirë se sporti është një ilaç për shëndetin kardiovaskular dhe metabolik, shkruan corriere.it.

Stërvitja përmirëson mirëqenien psikofizike pasi, pas një ndeshjeje tenisi në mëngjes ose një noti para darkës, çlirimi i endorfinës jep kënaqësi dhe lumturi, aq sa ndihmon në tolerimin më të mirë të stresit.

Megjithatë, justifikimi më i popullarizuar për t’u kënaqur me dembelizmin është shpesh i njëjti, ai që nuk kemi kohë.

Sipas ekspertëve nga Universiteti i Tsukuba, në Japoni, disa minuta vrap ju lejojnë të rrisni rrjedhjen e gjakut në zonat e korteksit dypalësh paraballor, pjesa e trurit që luan një rol të rëndësishëm në kontrollin e humorit dhe funksionet ekzekutive.

“Për të kryer lëvizjen shtytëse të vrapimit, nevojiten funksione koordinimi dhe ekuilibri, të cilat përcaktojnë aktivizimin neuronal të korteksit paraballor dhe pritet që funksionet e tjera që i referohen këtij rajoni të trurit të mund të përfitojnë nga rritja e burimeve të trurit”, shpjegon biokimisti Hideaki Soya, autor kryesor i studimit.

“Ne tashmë e dimë, nga kërkime të tjera se aktiviteti fizik në përgjithësi përmirëson shëndetin fizik dhe mendor, por janë bërë relativisht pak analiza mbi përfitimet konkrete të vrapimit në krahasim me sportet e tjera, si çiklizmi”, shtoi ai.

Ju mjaftojnë një palë atlete dhe pak vullnet i mirë për t’u ndjerë shkëlyeshëm./ATA

Shëndeti i stomakut mund të tregojë shenja për mbarëvajtjen e të gjithë organizmit.

Njihet ai nga dhimbjet më të zakonshme dhe më të shpeshta tek njerëzit, por që nuk duhet neglizhuar në asnjë rast.

Në këtë artikull AgroWeb.org ju tregon disa nga sëmundjet e fshehura që tregon një stomak i acaruar e që shkakton dhimbje.

Dhimbja sipër barkut

Dhimbja në zonën e sipërme e barkut është zakonisht një shenjë e gazrave të tepërt.

Mund të jetë rezultat i ngrënies shumë shpejt, ngrënies së diçkaje që irriton stomakun apo edhe gëlltitjes së ajrit të tepërt aksidentalisht.

Nëse vuani nga ky lloj dhimbje së barkut largimi nga dieta juaj i ushqimeve si pijet me gaz, birra dhe bulmetrat mund të jenë zgjidhja e duhur për të ndaluar dhimbjen.

Dhimbja poshtë gjoksit

Nëse po përjetoni dhimbje në pjesën e poshtme të kraharorit ka të ngjarë që ju të vuani nga urthi. Kjo gjendje karakterizohet tipikisht nga një shije acidike dhe një lloj djegie në pjesën e poshtme të kraharorit.

Ushqimet pikante dhe pijet acidike si kafeja dhe alkooli janë fajtorët më të zakonshëm që provokojnë këtë dhimbje.

Dhimbja në zonën e poshtme të barkut

Një dhimbje e mprehtë në zonën e poshtme të djathët të barkut tuaj është tregues i problemeve të apendesitit.

Kjo dhimbje shoqërohet zakonisht me të përziera, të vjella dhe marrje mendsh.

Nëse po përjetoni këtë lloj dhimbje kërkoni mënjëherë ndihmë mjeksore.

Problemet me tretjen

Një nga problemet më të zakonshme me stomakun është tretja e keqe.

Ajo mund të shkaktohet nga ngrënia e tepërt, ankthi, pirja e duhanit ose ngrënia e ushqimeve të yndyrshme.

Ndryshimet në stilin e jetës, të tilla si ngrënia e vakteve të vogla, të shpeshta dhe shmangia e ushqimeve me yndyrë, ose përdorimi i ilaçeve mund të ndihmojnë në shumë prej këtyre situatave. Sidoqoftë nëse dhimbja është e vazhdueshme mund të tregojë gjithashtu kancer në stomak, ulçera, sindromë të zorrës së irrituar ose pankreatit kronik.

Këto gjendje janë serioze kërkojnë një vlerësim dhe trajtim nga mjeku.

Fryrja e barkut

Fryrja e barkut është një nga simptomat më të zakonshme që njerëzit mund të përjetojnë për një mori arsyesh.

Gazrat apo ndjesia e kapsllëkut janë faktorët kryesorë të fryrjes së barkut. Dieta e përditëshme është një tjetër shkak  i fryrjes së barkut.

Ushqime të caktuara, veçanërisht produktet e qumështit, mund të shkaktojnë fryrje dhe gazra.

Kjo përfshin qumësht, djathë, akullore apo çdo gjë që përmban qumësht.

Të vjellat dhe diarreja

Kjo mund të jetë për shkak i një morie gjendjesh të trupit duke nisur që nga helmimi nga ushqimi ose ftohja, por mos përjashtoni as COVID-19.

Një analizë e fundit e më shumë se 200 personave të pranuar në tre spitale në Hubei, Kinë – provinca ku filloi virusi i quajtur SARS-CoV-2, zbuloi se pothuajse 1 në 5 kishte të paktën një simptomë gastrointestinale si diarreja, të vjella ose dhimbje barku.

Kur duhet të shkoni tek mjeku?

Siç e përmendëm edhe më parë, dhimbja e stomakut është një simptomë që absolutisht nuk duhet të injorohet.

Nëse dhimbja në ndonjë zonë të stomakut apo barkut tuaj përkeqësohet ose vazhdon për një periudhë të zgjatur kohore sigurohuni të kontaktoni menjëherë me një mjek./AgroWeb.org

Ju e keni të qartë se koha e gjatë në kompjuter dhe fakti që qëndroni ulur për orë të tëra është problematik për shëndetin tuaj fizik, por çfarë mund të mos dini është sesi ndikojnë dritat blu të ekranit në lekure dhe mënyrën sesi e bëni gjumin.

Koha që kaloni me pajisjet elektronike ka një ndikim në lëkurë që krahasohet me atë të dëmtimit nga dielli (ose edhe më keq).

Shkaktari është niveli i lartë i energjisë së dukshme të dritës që është i njohur si ndriçimi blu dhe emetohet nga TV juaj, kompjuteri dhe smartphone. Kërkimet për efektet e këtij ndriçimi janë ende në zhvillim. Ajo çfarë shkencëtarët dinë është që ai penetron në lëkurën tonë më shume se rrezet UV dhe efektet qe ka ne ADN-n tonë bëjnë të besojnë se ajo shkakton plakjen e lëkurës njësoj si dëmi që shkaktohet nga dielli.

Edhe pa një përgjigje konkrete në lidhje me masën e këtij dëmi që shkaktohet është për t’u shqetësuar fakti sesa kohë kemi pa ditur këte dhe nuk kemi folur për mundësitë për të mbrojtur veten. Por ndërkohë që ne mund të shmangim diellin, ekranet e PC-ve janë pjesë e pandashme e përditshmërisë sonë, prandaj duhet të gjejmë një rrugë të mesme.

Industria e bukurisë po fillon të marrë masa për të mbrojtur lëkurën nga dëmtimi prej ndriçimit elektronik në të njëjtën mënyrë siç bën me rrezet e diellit: duke përdorur kremra. /prive.al

Tashmë ju duhet të keni dëgjuar për përfitimet e limonit dhe lëngut të tij në organizëm.

Edhe pse ende mungojnë provat shkencore, askush nuk mund ta mohojë se ky frut ka një sasi të madhe lëndësh ushqyese.

Lëngu i limonit është i pasur me vitaminë C, që përmirëson dhe forcon funksionin e imunitetit.

Në fakt, vetëm një gjysmë filxhani me këtë lëng ofron më shumë se gjysmën e sasisë së rekomanduar ditore të vitaminës C.

Lëngu i limonit është gjithashtu një burim i mirë i vitaminave të kompleksit B, magnezit, bakrit dhe shumë antioksidantëve. Për më tepër, ai përmban shumë pak kalori, karbohidrate dhe sheqerna.

Antioksidantët tek vitamina C mbrojnë nga stresi oksidativ, ruajnë funksionin normal të sistemit nervor, rrisin sintezën e kolagjenit dhe mund të përmirësojnë shëndetin e lëkurës.

Por se cilat janë efektet e tij në shëndetin e mëlçisë, AgroWeb.org ju t’i mësoni më poshtë.

Limoni dhe shëndeti i mëlçisë

Kjo pije freskuese përdoret gjerësisht për efektet e saj të dobishme në shëndetin e mëlçisë.

Nëse bëni një kërkim të shpejtë në internet do të gjeni dhjetëra faqe që paraqesin programe pastrimi, ku disa kërkojnë që të konsumoni lëng limoni për javë apo edhe muaj.

Edhe pse nuk ka asnjë provë shkencore që programet e detoksit funksionojnë, konsumi i limonit mund të përmirësojë funksionin e mëlçisë.

Sipas të dhënave të mbledhura nga AgroWeb.org efektet e flavonoideve tek agrumet lujanë një rol të rëndësishëm në shëndetin kardiometabolik.

Këta antioksidantë reduktojnë inflamacionin, pastrojnë radikalet e lira dhe përmirësojnë aftësinë e trupit tuaj për të përpunuar glukozën.

Disa studime sugjerojnë se flavonoidet e agrumeve mund të ulin sheqerin në gjak dhe nivelet e kolesterolit.

Ato gjithashtu mund të përmirësojnë simptomat e diabetit dhe të mbrojnë kundër sëmundjeve kardiovaskulare.

Gjithashtu naringenina, një përbërës flavonoid, mund të zvogëlojë sasinë e yndyrës në mëlçi.

Megjithatë, shumica e hulumtimeve janë kryer te kafshët, kështu që rezultatet mund të mos vlejnë për njerëzit.

Për shembull, një studim tjetër ku AgroWeb.org u mbështet zbuloi se lëngu i limonit mund të zvogëlojë dëmtimin kronik të mëlçisë të shkaktuar nga alkooli tek minjtë.

Kjo për shkak të vetive të tij antioksiduese por asnjë studim i tillë nuk është kryer ende tek njerëzit.

Siç vërejnë shkencëtarët, limoni përmban vitaminë C, flavonoidë, karotenoidë dhe komponime të tjera bioaktive që mbrojnë mëlçinë./AgroWeb.org