Lajmet

‘Selfiet’ mund të çojnë në rritje të kërkesave për kirurgji plastike

Është një trend që ka nisur që nga viti 2014.

Published

4 years ago

on

Me ardhjen e telefonave inteligjentë erdhi rritja e ‘selfieve’, të shpërndara çdo ditë nga miliona persona që kërkojnë “like” në mediat sociale.

Por një studim i vogël i ri sugjeron se, ndryshe nga fotot e bëra me kamera të rregullta, ‘selfiet’ e smartfonëve shtrembërojnë tiparet e fytyrës në një mënyrë jo shumë të këndshme. Dhe ato rezultate jo tërheqëse, mund të ushqejnë dëshirën për kirurgji plastike.

“Mediet sociale kanë çuar në një rritje të kërkesave për kirurgji plastike nga pacientët për shkak të rritjes së ndërgjegjësimit për pamjen e tyre”, shpjegoi autorja e studimit Dr. Bardia Amirlak.

Është një trend që ka nisur që nga viti 2014, shtoi Amirlak, një profesor i kirurgjisë plastike në Qendrën Mjekësore Jugperëndimore të Universitetit të Teksasit në Dallas.

Ky zbulim u bazua në punën me 23 gra dhe shtatë burra, të cilët të gjithë dolën vullnetarë për t’i bërë fotot e tyre në tre mënyra të ndryshme.

Pjesëmarrësit varionin nga mosha 24 deri në 62 vjeç (në një moshë mesatare 34 vjeç). Shtatë prej tyre kishin kryer më parë një operacion estetik dhe/ose kishin kryer procedura që përfshinin injeksione kozmetike.

Një fotografi jo-‘selfie’ është bërë me një aparat fotografik standard, i vendosur rreth pesë metra larg çdo subjekti. Por dy fotot e tjera ishin ‘selfie’ me smartfonë. Njëra është marrë në një distancë prej 30 centimetrash, për të pasqyruar ‘selfiet’ e marra me bërryl të përkulur, ndërsa tjetra është bërë në gjysmë metra distancë, përcjell Klankosova.tv

“Ne zbuluam se gjatësia e hundës në selfie ishte më e gjatë në krahasim me fotografinë e rregullt klinike. Dhe raporti i bazës së hundës me gjerësinë e fytyrës u ul në selfie. Ndërkohë, gjatësia e mjekrës ishte më e shkurtër në ‘selfie’, krahasuar me fotografinë klinike”, tha Amirlak.

Krahasuar me një imazh standard portreti,’selfiet’ 12 inç bënë që hunda të dukej 6.4 për qind më e gjatë, ndërsa ‘selfiet’ 18 inç prodhonin hundë që dukeshin të ishin 4.3 për qind më të gjata, zbuluan hetuesit.

Kur iu kërkua të rishikonin fotot, vullnetarët e kuptuan qartë problemin e ‘selfieve’. Shumë pjesëmarrës vunë re gjithashtu se fytyra e tyre dukej “më proporcionale” në fotot konvencionale.

Amirlak tha se gjetjet theksojnë sesi telefonat inteligjentë mund të dëmtojnë vetëbesimin e atyre që kërkojnë kirurgji plastike.

Related Topics:
Continue Reading

Lajmet

Esmeralda Kazia shpallet “Cybersecurity Woman of the World 2026”, shqiptarja e parë që merr këtë çmim

Published

8 minutes ago

on

July 31, 2026

By

Shqipëria ka shënuar një arritje të rëndësishme në fushën e sigurisë kibernetike, pasi Esmeralda Kazia është shpallur “Cybersecurity Woman of the World 2026”.

Kazia është shqiptarja e parë që fiton këtë titull prestigjioz, i cili vlerëson lidershipin, vizionin dhe kontributin në zhvillimin e sigurisë kibernetike në nivel ndërkombëtar.

Çmimi iu dorëzua gjatë ceremonisë së organizuar nga United Cybersecurity Alliance në Austri dhe Lihtenshtajn, ku morën pjesë përfaqësues të institucioneve shtetërore, organizatave ndërkombëtare, universiteteve, kompanive dhe ekspertë të sigurisë kibernetike nga më shumë se 30 vende.

Pas marrjes së çmimit, Kazia në një intervistë për transmetuesin publik austriak ORF theksoi rëndësinë e sigurisë kibernetike për mbrojtjen e institucioneve dhe besimit publik.

“Siguria kibernetike nuk ka të bëjë vetëm me mbrojtjen e teknologjisë, por me mbrojtjen e besimit”, u shpreh ajo.

Gjatë këtij edicioni janë zhvilluar edhe diskutime për mundësinë që ceremonia “Cybersecurity Woman of the World 2027” të organizohet në Shqipëri. Nëse realizohet, vendi pritet të mirëpresë ekspertë, institucione dhe përfaqësues ndërkombëtarë të fushës së sigurisë kibernetike.

Duke komentuar vlerësimin, Kazia tha se ky titull përfaqëson një përgjegjësi për të vazhduar punën në forcimin e sigurisë kibernetike dhe mbrojtjen e infrastrukturave kritike.

Esmeralda Kazia aktualisht është Drejtoreshë Ekzekutive e Teknologjisë për Teknologjinë Operacionale, Sistemet e Kontrollit Industrial dhe Automatizimin në Korporatën Elektroenergjetike Shqiptare (KESH). Më herët ajo ka udhëhequr operacionet kombëtare të monitorimit dhe reagimit ndaj incidenteve kibernetike në Autoritetin Kombëtar për Sigurinë Kibernetike.

Me mbi 13 vite përvojë në sigurinë kibernetike, transformimin digjital dhe mbrojtjen e infrastrukturave kritike, Kazia ka përfaqësuar Shqipërinë në forume ndërkombëtare si NATO, OSBE dhe iniciativa globale kundër sulmeve kibernetike. Ajo është gjithashtu pedagoge universitare dhe kërkuese shkencore, me fokus në inteligjencën artificiale dhe ekosistemet digjitale./Albinfo.ch//A.K/

Continue Reading

Lajmet

Sean “Diddy” Combs do të lirohet nga burgu më herët, data caktohet për janar 2028

Published

10 minutes ago

on

July 31, 2026

By

Reperi amerikan Sean “Diddy” Combs pritet të lirohet nga burgu më herët sesa ishte planifikuar fillimisht, pavarësisht një incidenti të fundit ku raportohet se u përfshi në një përleshje me një të burgosur tjetër.

Sipas të dhënave më të fundit të Byrosë Federale të Burgjeve, lirimi i Combs është caktuar për 24 janar 2028. Fillimisht, data e lirimit ishte parashikuar për maj të vitit 2028, por ajo është ndryshuar disa herë gjatë muajve të fundit.

Combs, 56 vjeç, u shpall i pafajshëm për akuzat më të rënda, përfshirë trafikimin e qenieve njerëzore dhe reketimin, por u dënua për organizim të prostitucionit.

Shkurtimi i dënimit lidhet me zbatimin e ligjit amerikan “FIRST STEP Act”, i cili u mundëson disa të dënuarve përfitime për lirime më të hershme.

Ndryshimi i fundit i datës së lirimit vjen vetëm një javë pasi reperi raportohet se u përfshi në një përleshje fizike me një të burgosur tjetër në burgun federal Fort Dix në New Jersey. Sipas raportimeve, konflikti nisi pas një përplasjeje verbale dhe më pas kaloi në përleshje fizike, derisa ndërhynë rojet e burgut.

Pas incidentit, Combs raportohet se është vendosur përkohësisht në izolim, megjithëse autoritetet e burgut nuk kanë konfirmuar detaje për ngjarjen.

Byroja Federale e Burgjeve ka deklaruar se, për arsye sigurie dhe privatësie, nuk komenton kushtet e qëndrimit të të burgosurve apo arsyet e ndryshimit të datave të lirimit./A.K/

Continue Reading

Lajmet

Haxhiu takon sot krerët e partive, në fokus seanca konstituive

Published

20 minutes ago

on

July 31, 2026

By

Sot është paraparë të mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike.

Kjo mbledhje vjen në kuadër të përgatitjeve për Seancën konstituive të Legjislaturës XI të Kuvendit të Republikës së Kosovës.

Takimi pritet të mbahet në ambientet e Kuvendit me fillim nga ora 11:00./A.K/

Continue Reading

Lajmet

Seancë gjyqësore për 21 të akuzuar për krime lufte në Prishtinë

Published

21 minutes ago

on

July 31, 2026

By

Sot në Gjykatën Themelore në Prishtinë pritet të mbahet seanca gjyqësore ndaj 21 personave të akuzuar për krime lufte kundër popullsisë civile.

Seanca është caktuar të nisë në ora 10:00, ndërsa të akuzuarit përballen me akuzën për veprën penale “Krime lufte kundër popullsisë civile”.

Në këtë rast janë të akuzuar: Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.

Procesi gjyqësor lidhet me hetimet për krime të kryera gjatë luftës në Kosovë./A.K/

Continue Reading

Të kërkuara