Sport

Eriksen ka vendosur defibrilator kardioverter, por karriera e tij në Serie A është në rrezik

La Gazzetta dello Sport shpjegon se në Itali, është e ndaluar të luash me një defibrilator të zemrës të implantuar, sipas protokollit të Komitetit Kardiologjik Organizativ për Fitnes Sportiv.

Publikuar

Christian Eriksen është operuar dhe ka vendosur një defibrilator kardioverter në zemër, por karriera e tij në Serie A thuhet se ka mbaruar nëse ICD-ja është e përhershme.

Sipas mediumit La Gazzetta dello Sport, mesfushori i Danimarkës dhe Interit iu nënshtrua një operacioni dje (e enjte) për të implantuar një defibrilator të zemrës, pasi të shtunën, ai pësoi një arrest kardiak gjatë ndeshjes hapëse të ekipit të tij kombëtar në Euro 2020 kundër Finlandës.

Gazeta italiane raporton se nëse pajisja për rregullimin e ritmit të zemrës është e përhershme, karriera e Eriksen në Serie A do të ketë mbaruar.

La Gazzetta dello Sport shpjegon se në Itali, është e ndaluar të luash me një defibrilator të zemrës të implantuar, sipas protokollit të Komitetit Kardiologjik Organizativ për Fitnes Sportiv, i cili u azhurnua në vitin 2017.

Çdo sport me kontakt është i ndaluar në Itali me një pajisje të tillë të vendosur, por Eriksen mund të vazhdojë të luajë në liga tjera, të tilla si Eredivisie ose Liga Premier.

Mbrojtësi i Ajaxit dhe Holandës, Daley Blind është një shembull pasi qendërmbrojtësi holandez ka vendosur një defibrilator kardioverter.

Ish-mesfushori i Interit, Khalilou Fadiga u diagnostikua me sëmundje të zemrës me mbërritjen e tij në Inter në vitin 2002 dhe kurrë nuk luajti me fanellën e tyre, por vazhdoi karrierën e tij në Ligën Premier.

Autoritetet italiane nuk lejojnë të luhet asnjë sport kontakti me një defibrilator të zemrës të implantuar pasi çdo kontakt ose goditje mund të prishë pajisjen.

Sidoqoftë, nëse ICD-ja nuk është e përhershme, Eriksen mund të ketë një shans të kthehet për të luajtur në Itali, por ai do të duhet të kalojë një proces të komplikuar dhe disa kontrolle rigoroze mjekësore për të marrë dritën e gjelbër.

Eriksen do të lëshohet nga spitali sot (e premte) dhe do të kryejë ekzaminime të reja mjekësore në 4-5 javë në Milano.

Edhe nëse mjekët vërtetojnë se problemi ishte i përkohshëm dhe ICD mund të hiqet, Eriksen do të duhej ekzaminime të mëtejshme për të marrë leje për të luajtur në Serie A.

Atij do të duhet të jepet drita jeshile nga një komision i posaçëm mjekësor në fund të një ‘procesi shumë të komplikuar’ dhe me shumë ‘pika kritike’ që i japin përgjegjësi të drejtpërdrejtë institutit që duhet të vendosë për aftësinë e lojtarit. 

Sport

Kosovës U19 i bashkohet edhe një “Dardan”

Publikuar

nga

Futbollisti Drilon Përgjeçaj është ardhja më e re për kombëtaren e Kosovës U19.

Kjo është konfirmuar në takimin që pati me të parin e Federatës së Futbollit të Kosovës, Agim Ademi.

Përgjeçaj është pjesë e klubit FC Freiburger në Gjermani dhe luan në pozicionin e mesfushorit defanziv. Ndërsa më herët ka qenë pjesë e disa ekipeve të grumposhave të reja.

Ndërkohë, grumbullimi i Kosovës U19 pritet të jetë në muajin tetor kur nis faza kualifikuese, ku Dardanët në grup janë bashkë me Norvegjinë, Gjeorgjinë dhe Uellsin.

Vazhdo të lexosh

Sport

Benzema negativ për Covid-19, nis përgatitjet me Realin

Publikuar

nga

Benzema i është bashkuar Real Madridit në stërvitje.

Karim Benzema e ka mposhtur virusin COVID-19. Ai tashmë ka nisur stërvitjet me klubin dhe përgatitjet me sezonin e ri.

Benzema gjeti shumë risi në skuadër, trajner të ri (Carlo Ancelotti), staf të ri, përgatitës fizik të ri – pothuajse gjithçka më ndryshe.

Ai e njeh shumë mirë Carlon nga koha që kanë punuar së bashku dhe edhe këtë sezon, premtojnë gjëra të mëdha.

Benzema është lider i skuadrës tani, bashkë me Marcelon pas largimit të Sergio Ramos. 

Vazhdo të lexosh

Sport

​Luiza Gega renditet e 13 në finale

Publikuar

nga

Sportistja nga Shqipëria Luiza Gega ka përfunduar garën në Lojërat Olimpike “Tokio 2020”, ku në finalen e madhe të vrapimit në 3000 metra me pengesa regjistroi kohën 9:34.10 minuta.

Koha të cilën e regjistroi atletja shqiptare nuk ishte e mjaftueshme për t’i siguruar asaj medalje olimpike, ku u rendit në vendin e 13-të nga 16-të atletë sa ishin.

Tre vendet e para i takuan atleteve nga Uganda, Amerika dhe Kenia, respektivisht Peruth Chemutai nga Uganda, Courtney Frerichs nga Amerika dhe Hyvin Kiyeng.

Peruth Chemutai me kohën 9:01.45 minuta renditet e para në disiplinën e vrapimit 3000 metra me pengesa, duke lënë në vend të dytë amerikanen Courtney Frerichs me kohën 9:04.79 minuta, dhe në vend të tretë Hyvin Kiyeng të Kenisë që regjistroi kohën 9:05.39 minuta.

Vazhdo të lexosh

Sport

Louis van Gaal emërohet për herë të tretë trajner i Holandës

Van Gaal e ka drejtuar kombëtaren e vendit të tij në periudhën 2000-2002 dhe 2012-2014.

Publikuar

nga

Louis van Gaal është emëruar si trajneri i ri i Holandës, duke marrë këtë detyrë për herë të tretë në karrierën e tij. 69-vjeçari zëvendëson Frank de Boer, i cili dha dorëheqjen muajin e kaluar pas humbjes në fazën e 1/8-ave të Euro 2020, kundër Çekisë.

Më parë, Van Gaal e ka drejtuar kombëtaren e vendit të tij në periudhën 2000-2002 dhe 2012-2014. Më pas ai u bë trajner i Manchester United dhe që prej shkarkimit nga detyra nga klubi anglez në vitin 2016 nuk ka drejtuar më skuadër tjetër.

“Futbolli holandez gjithmonë ka qenë pranë zemrës sime dhe pozicioni i trajnerit të skuadrës kombëtare është kyç për ta çuar përpara futbollin holandez”, tha Van Gaal. Aventura e tij nis në shtator, me 3 ndeshje kualifikuese të Botërorit 2022.

Gjatë karrierës, Van Gaal ka fituar më shumë se 20 trofe, mes të cilëve një Champions League me Ajax dhe tituj kampion te Barcelona dhe Bayern Munchen.

Vazhdo të lexosh

Të kërkuara