Sport

United kërkon një mesfushor pas lëndimit të Eriksenit

Lajmi vjen në një kohë kur United do të përballet me 19 ndeshje në 57 ditët e ardhshme.

Published

on

Manchester United po e shqyrton mundësinë për të ndërhyrë në treg për një mesfushor, nëse rezultatet e skanimit mjekësor konfirmojnë se Christian Eriksen do të mbetet jashtë fushës për disa javë.

Danezi u lënduar pas një përplasje me Andy Carroll në përballjen me Reading të shtunën mbrëma, gjë që e detyroi Eriksenin të largohej nga fusha.

Eriksen iu është nënshtruar testeve mjekësore për këtë çështje dje dhe United ka frikë se ai mund të mbetet jashtë fushës për disa javë.

Lajmi vjen në një kohë kur United do të përballet me 19 ndeshje në 57 ditët e ardhshme, me një mesatare prej një ndeshjeje çdo tre ditë.

Me Donny van de Beek që po ashtu është i lënduar, United ka mungesa të konsiderueshme në mesfushë dhe Ten Hag do të kërkojë një mesfushor të ri në 48 orët e ardhshme nëse dëmtimi i Eriksen është i rëndë.

Duke qenë se ka kaq pak kohë në këtë afat kalimtar, United ka të ngjarë të detyrohet të kërkojë huazimin e ndonjë lojtari.

Sport

Donjeta Sadiku në ring për medalje në Kupën Botërore të Boksit

Published

on

Në kuadër të “World Boxing Cup”, që po mbahet në Foz do Iguaçu nga 20 deri më 27 prill 2026, nesër  në ring do të ngjitet boksierja e njohur kosovare Donjeta Sadiku, medaliste botërore dhe evropiane.

Sadiku, e cila garon në kategorinë deri në 60 kilogramë, do të përballet me boksieren nga Polonia, Aneta Elżbieta Rygielska, në një duel vendimtar për sigurimin e medaljes në këtë kompeticion prestigjioz. Trajnerja e saj, Marjola Sallauka, është shprehur optimiste për paraqitjen e sportistes kosovare, duke besuar se Sadiku do të arrijë fitore dhe do të sigurojë medaljen. Megjithatë, synimi kryesor i ekipit mbetet medalja e artë.

Kjo Kupë Botërore ka rëndësi të veçantë në procesin e kualifikimit për Lojërat Olimpike Los Angeles 2028, pasi pikët e grumbulluara ndikojnë drejtpërdrejt në renditjen ndërkombëtare dhe rrugën drejt kualifikimit olimpik.

Continue Reading

Lajmet

Fitore bindëse e Donjeta Sadikut në Kupën Botërore të boksit

Published

on

Boksierja kosovare Donjeta Sadiku ka shënuar fitore bindëse në kuadër të turneut prestigjioz “Kupa Botërore e Boksit”, që po mbahet në Foz do Iguaçu të Brazilit.

Në mbrëmjen e 22 prillit, në kategorinë deri në 60 kilogramë, Sadiku e mposhti përfaqësuesen e Zelandës së Re, Jordan Wilson, me rezultat të pastër 5:0. Ajo e nisi meçin fuqishëm që në raundin e parë, duke e rrëzuar dy herë kundërshtaren në knockdown. Dominimi i saj vazhdoi edhe në raundin e dytë, ku realizoi një tjetër knockdown, duke detyruar gjyqtarin të ndërhyjë me numërim dhe të ndalë përkohësisht kundërshtaren. Në raundin e tretë, Sadiku ruajti kontrollin e plotë të meçit dhe e përmbylli duelin me epërsi të thellë.

Ky turne ka rëndësi të veçantë, pasi pikët e fituara ndikojnë drejtpërdrejt në procesin e kualifikimit për Lojërat Olimpike “Los Angeles 2028”.

Meçi i radhës për Donjeta Sadikun është caktuar më 24 prill, duke filluar nga ora 16:00.

Continue Reading

Sport

Chelsea shkarkon Liam Rosenior pas serisë së rezultateve negative

Published

on

Chelsea ka shkarkuar trajnerin Liam Rosenior pas humbjes së thellë 3-0 të martën mbrëma ndaj Brighton në Premier League.

Kjo humbje ishte e pesta radhazi për klubin londinez në kampionat, pa arritur të shënojë asnjë gol, duke shënuar serinë më të dobët të klubit në 114 vjet. Vendimi vjen vetëm tre muaj e gjysmë pas emërimit të Rosenior, i cili kishte nënshkruar një kontratë pesëvjeçare e gjysmë si pasardhës i Enzo Maresca-s.

Në komunikatën zyrtare, Chelsea bëri të ditur se vendimi nuk ishte i lehtë, por u mor për shkak të rezultateve dhe performancave që kanë rënë nën standardet e kërkuara. Klubi gjithashtu e falënderoi Rosenior dhe stafin e tij për profesionalizmin dhe integritetin e treguar gjatë periudhës në krye të ekipit, duke i uruar suksese në të ardhmen.

Rosenior ishte emëruar më 6 janar dhe qëndroi në stolin e “Stamford Bridge” për 106 ditë.

Continue Reading

Lajmet

Bashkimi shpallet kampion pas finales dramatike ndaj Pejës 03

Published

on

Bashkimi i Prizrenit ka vazhduar dominimin në Superligën e Kosovës në basketboll për femra, duke e fituar titullin e kampionit të mërkurën mbrëma në palestrën “Karagaçi” në Pejë.

Në praninë e një numri të madh shikuesish, prizrenaset e mposhtën Pejën 03 me rezultat 71:61 në ndeshjen e shtatë dhe vendimtare të finales, duke e mbyllur serinë 4:3. Ky është titulli i katërt radhazi dhe i dhjeti në histori për Bashkimin.

Skuadra mysafire dominoi pjesën më të madhe të ndeshjes, duke fituar çerekun e parë 23:17 dhe të dytin 19:7. Peja 03 tentoi rikthimin në pjesën e dytë dhe u afrua në rezultat, por Bashkimi arriti ta ruajë epërsinë deri në fund, pavarësisht presionit. Më e dalluara te Bashkimi ishte Alexis Mead me 26 pikë, 8 asistime dhe 4 kërcime. Kontribut të rëndësishëm dhanë edhe Saranda Daci me 16 pikë e 8 kërcime dhe Dontavia Waggoner me 12 pikë e 6 kërcime. Te Peja 03, Paige Powell realizoi 21 pikë dhe 10 kërcime, ndërsa Adrienne Godbold shtoi 17 pikë, 10 kërcime dhe 4 asistime.

Bashkimi këtë edicion ka fituar edhe Kupën e Kosovës dhe Ligën Unike, ndërsa Peja 03 e përfundon sezonin me trofeun e Superkupës.

Continue Reading

Të kërkuara