Lajmet

​Kryesisë së Kuvendit i kërkohet që në mbledhjen e radhës të shfuqizojë benefitet e deputetëve

Kompensimi i shpenzimeve të derivateve për të zgjedhurit e popullit po konsiderohet i paarsyeshëm.

Publikuar

2 vjet më parë

më

Pas raportimeve për shpenzimet e deputetëve për derivate, Kryesisë së Kuvendit po i kërkohet që në mbledhjen e radhës të shfuqizojë vendimin për përfitimet e parlamentarëve. Kompensimi i shpenzimeve të derivateve për të zgjedhurit e popullit po konsiderohet i paarsyeshëm, madje në shpërputhje me punën joefikase të tyre në legjislativ.

Monitoruesi i Kuvendit të Kosovës, Eugen Cakolli nga KDI thotë se deputetët kompensohen katër herë për punën që e kryejnë. Sipas tij, të njëjtit, krahas pagës bazë, marrin mëditje për pjesëmarrje në seancë dhe komisione parlamentare, kompensohen për derivate, për shujta ushqimore si dhe mbushje telefonike. Këtë e konsideron jonormale, derisa Kuvendi nuk përmbush agjendën legjislative dhe çalon në mbikëqyrje parlamentare.

“Qysh në mbledhjen e parë të Kryesisë së Kuvendit, kurdo që e njëjta do të mbahet gjatë javës së ardhshme, të merret vendimi për të shfuqizuar vendimin e vitit 2011 që përcakton këto beneficione. Nëse veçse ka interes që të vazhdohet me subvencionim të tyre të paktën të ketë mekanizma më të rreptë të kontrollit. Ajo çka kemi parë, deputetët edhe mund të vijnë në seancë dhe të nënshkruhen, por pastaj dalin. Ata në këtë formë përveçse marrin mëditje për pjesëmarrje, ata kompensohen edhe për transportin dhe shpenzime të tjera që mund të kenë gjatë ditës”, thotë ai.

Ai e sheh joserioz edhe qëndrimin e Grupit Parlamentar të Lëvizës Vetëvendosje se tani e tutje do të tërhiqen nga kompensimi i shpenzimeve të udhëtimit.

Cakolli thotë se po të kishte pasur interes që këto mjete financiare të kthehen, nuk do të ishin marrë fare.

“Po të kishte pasur interes që të kthehen këto mjete që janë marrë nga ana e deputetëve, nuk ishin marrë në radhë të parë fare. Duke marrë parasysh performancën e Kuvendit në ushtrimin e funksionit të tij dhe duke përfshirë një pjesë të madhe të deputetëve që ishin pjesë e këtyre listave të pagesave, ato janë krejtësisht të paarsyeshme. Pasi nga qindra, mijëra euro që kanë marrë deputetët për të kompensuar derivatet e tyre, nuk është përkthyer në punë në Kuvend. Shumica e pikave të rendit të ditës, qofshin më mbledhje të Kuvendit apo komisione parlamentare kanë dështuar pikërisht në mungesë të kuorumit. Zakonisht ka pasur një numër të madh të deputetëve, duke përfshirë edhe ata që ishin pjesë e këtyre listave që nuk kanë marrë fare pjesë në seanca. Kjo përbënë përveç papërgjegjësisë edhe keqpërdorim të parasë publike. Nuk është normale që dikush të paguhet aq shumë dhe mjete t’i dedikohen për të kryer një punë që është i obliguar edhe në bazë të Kushtetutës. Po të kishim mbase një performancë më të mirë të deputetëve nuk do të ishte aq problematike kjo çështje. Por kur shihet se Kuvendi çalon si në përmbushje të agjendës legjislative, nuk ka mbikëqyrje efektive parlamentare dhe gjitha të tjerat dhe krahasohen me shpenzimet që deputetët i kushtojnë buxhetit të vetit, atëherë kjo e bënë situatën të papranueshme”, deklaron ai.

Cakolli thotë se duhet adresuar masa disiplinore për të gjithë deputetët që kanë inskenuar vendbanime për të shfrytëzuar të drejtën për kompensimin e derivateve.

“Përtej përgjegjësisë së tyre morale do të duhej të kishte edhe masa disiplinore. Është e papranueshme që dikush që mëton të përfaqësojë interesin qytetar në Kuvend të bëjë apo inskenojë vendbanime. Kjo e cenon drejtpërdrejt edhe rolin e tij si përfaqësues por edhe e minon besimin e publikut në vet institucionin e Kuvendit… Subvencionimi në masë të tillë qoftë i pagës bazë, kompensimi për pjesëmarrje në seanca, kompensimi për derivate, kompensimi për shujta ditore dhe shumë të tjera e bëjnë deputetin të marrë mjaft shumë të holla që janë në shpërputhje të plotë me punën që e kryejnë në funksion të Kuvendit, si në miratim të ligjeve ashtu edhe mbikëqyrje parlamentare”, shton ai.

Sipas tij, zgjidhja ideale për çështjen e benefiteve të deputetëve është përmes ndryshimit të rregullores.

“Po të shkohej me ndryshim të rregullores dhe futje së dispozitave do të ishte ideale. Por rregullorja e Kuvendit tash e sa vite është në procedura të shqyrtimit dhe ende nuk dihet nëse është arritur dakordim i plotë për të kaluar atë. Pasi nevojiten dy të tretat”, përfundon ai për KosovaPress.

Krahas këtyre, Cakolli thotë se paga bazë e deputetit, por edhe beneficionet e tjera arrijnë dhjetëfishin e pagës mesatare në Kosovë.

Etiketa
Vazhdo të lexosh

Lajmet

MPJD konfirmon se refuzoi kërkesën e patriarkut Porfirije për të vizituar Kosovën

Publikuar

14 orë më parë

më

13 Maj, 2024

nga

Ministria e Punëve të Jashtme dhe Diasporës e Kosovës e ka konfirmuar se e ka refuzuar kërkesën e patriarkut serb Porfirije që të vizitojë Kosovën.

Lajmi është bërë i ditur më herët gjatë ditës nga shefi i Zyrës për Kosovën në Qeverinë e Serbisë, Petar Petkoviq.

Autoritetet e Kosovës kanë thënë se nuk do të lejohen vizita të tilla derisa “Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes”.

Petkoviq ka thënë se përfaqësuesi më i lartë i Kishës Ortodokse Serbe, Porfirije është nisur të hënën drejt Kosovës për të marrë pjesë në Kuvendin e Shenjtë të Ipeshkvijve të Kishës Ortodokse Serbe në Patriarkanën e Pejës, ditën e martë.

“Në orën 1:30 pasdite, patriarku serb është dashur të kalojë pikën administrative të Merdares, për të shkuar në selinë shekullore të kryepeshpokëve dhe patriarkëve, mirëpo në momentin kur është dashur të kalojë pikën, ka ardhur ndalesa prej Prishtinës, me arsyetimin se kreu i Kishës Ortodokse Serbe nuk mund të hyjë në territorin e Kosovës dhe Metohisë”, ka thënë Petkoviq.

Ai ka thënë Zyra Ndërlidhëse e Beogradit, në përputhje me marrëveshjet dhe procedurat valide, e ka dërguar njoftimin për planet e vizitës në Pejë.

“Patriarku serb Porfirije, gjithmonë, në çdo rast dhe vend, bën thirrje për paqe dhe bashkëjetesë të serbëve dhe shqiptarëve në zonën e Kosovës dhe Metohisë. Fatkeqësisht, këto janë vlera dhe mesazhe që askush në Prishtinë nuk i kupton”, ka thënë mes tjerash Petkoviq.

Serbia nuk e njeh shtetësinë e Kosovës – të shpallur në shkurt të vitit 2008 – prandaj dy vendet negociojnë në Bruksel, me ndërmjetësim të Bashkimit Evropian, për t’i normalizuar marrëdhëniet.

Palët kanë nënshkruar një mori marrëveshjesh, por jo të gjitha janë zbatuar./REL

Vazhdo të lexosh

Lajmet

Policia e Prishtinës arreston 131 persona të kërkuar nga gjykata

Publikuar

14 orë më parë

më

13 Maj, 2024

nga

Policia e Kosovës javën e kaluar në disa lokacione të ndshme ka arrestuar 131 persona të kërkuar nga gjykata. 

“Konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa”, thuhet në njoftim.

​Ndërkohë që aktivitete policore janë shtrirë edhe në segmente të tjera të sigurisë.

Gjatë periudhës së njëjtë, janë sekuestruar dhjetë armë të ftohta (thika) dhe gjashtë armë zjarri. Ndërkaq aktivitetet policore në sferën e sigurisë në trafikun rrugor.

Në po të njëjtën periudhë kohore, kanë rezultuar me shqiptimin e 3 mijë e 160 masave administrative me gjobë për lloje të ndryshme të kundërvajtjeve dhe shkeljeve të kodit rrugor.

Vazhdo të lexosh

Lajmet

​Kalon periudha transitore, disa qytetarë serbë në Graçanicë ende përdorin dinarin

Publikuar

15 orë më parë

më

13 Maj, 2024

nga

Ndonëse ka përfunduar periudha transitore e Bankës Qendrore të Kosovës rreth çështjes së dinarit, ku sipas Rregullores për Operacione me Para të Gatshme, valuta e vetme për të kryer shërbime për shit-blerje është euro, kjo ende nuk po zbatohet nga disa biznese në komunën e Graçanicës.

Në këtë komunë shkëmbimet tregtare në disa biznese vazhdojnë të bëhen me dinarë, megjithatë disa të tjera nga sot e kanë ndalur së përdoruri këtë valutë pas përfundimit të periudhës transitore të Rregullores së BQK-së.

Qytetarja Vaska Kostiq thotë se vazhdon të blejë me dinar në dyçane edhe pas vendimit të BQK-së.

“Për ne si me euro si me dinar, më mirë me dinar se në markete me dinar. (Sot) me dinarë kam blerë”, tha ajo.

Ndërkaq disa biznese tjera në këtë komunë janë duke e respektuar vendimin e BQK-së, në këtë mënyrë shitblerjet e mallrave po bëhen vetëm me euro.

“Nuk guxoj, vetëm euro, nuk guxoj të marrë dinar. E keni kembimoren atje”, thotë një tregtar prapa kamerës.

Kjo rregullore ka hyrë në fuqi më 1 shkurt, por BQK kishte vendos një fazë tranzitore, që mundësonte lehtësim për zbatimin e këtij vendimi.

Në kuadër të kësaj periudhe, nuk janë shqiptuar masa ndëshkuese, por janë ofruar informacione për qytetarët rreth zbatimit të rregullores për pagesa me para të gatshme. Ndërsa, bankat komerciale që operojnë në Kosovë janë udhëzuar që të hapin degë të reja në veri.

Banka Qendrore e Kosovës ka njoftuar të hënën për efektet nga Plani për Zbatim të Lehtësuar të Rregullores për Operacione me Para të Gatshme.

Zëdhënësi i Bashkimit Evropian, Peter Stano, ka thënë të hënën se më 15 maj Kosova dhe Serbia do të zhvillojnë takimin e radhës për çështjen e ndalimit të përdorimit të dinarit serb në Kosovë.

Ky do të jetë takimi i shtatë me radhë në nivel të kryenegociatorëve kushtuar kësaj teme, teksa në gjashtë takimet e mëhershme kryenegociatori i Kosovës, Besnik Bislimi, dhe ai i Serbisë, Petar Petkoviq, nuk kanë arritur pajtim për ndonjë zgjidhje kompromisi.

Vazhdo të lexosh

Lajmet

Shefi i OKB-së kërkon armëpushim të menjëhershëm

Publikuar

15 orë më parë

më

13 Maj, 2024

nga

Sekretari i Përgjithshëm i NATO-s, Antonio Guterres ka ripërsëritur thirrjen për “armëpushim të menjëhershëm” në Gaza pasi forcat izraelite kanë vrarë mbi 35 mijë palestinezë që nga fillimi i sulmeve në muajin tetor.

Gjithashtu Guterres bëri thirrje për “lirimin e pakushtëzuar të të gjithë robërve të mbajtur nga Hamasi, si dhe rritjen e menjëhershme të ndihmës humanitare” në Gaza.

“Armëpushimi mund të jetë vetëm fillimi”, deklaroi ai teksa shtoi se “do të jetë rrugë e gjatë nga shkatërrimi dhe trauma e luftës”./UBTNews/

Vazhdo të lexosh

Të kërkuara