Sport

​Varane tërhiqet nga Kombëtarja e Francës

Ai njoftoi pensionimin nga Franca.

Publikuar

Mbrojtësi i Manchester United, Raphael Varane ka lëshuar një mesazh befasues në rrjetet sociale ku njoftoi tërheqjen e tij nga futbolli ndërkombëtar, përkatësisht pensionimin nga Franca.

29-vjeçari bëri 93 paraqitje dhe shënoi pesë gola për “Les Bleus”, në një periudhë nëntëvjeçare që filloi me debutimin e tij në mars të vitit 2013 dhe përfshinte triumfin e Kupës së Botës në vitin 2018.

Varane ndihmoi gjithashtu skuadrën e Didier Deschamps të përfundonte si nënkampion në Katar 2022. Tani duket se humbja në finalen e Kupës së Botës ndaj Argjentinës më 18 dhjetor, në një nga ndeshjet më të mëdha të kompeticionit të të gjitha kohërave, ishte paraqitja e tij e fundit për vendin e tij.

Ai falënderoi edhe trajnerin, shokët e skuadrës dhe tifozët, në një postim që mund ta lexoni të plotë më poshë:

“Përfaqësimi i vendit tonë të madh për një dekadë ka qenë një nga arritjet më të mëdha të jetës sime”, shkroi Varane.

“Sa herë që vishja këtë fanellë të veçantë , ndjeva krenari të madhe. Detyra për të dhënë gjithçka, për të luajtur me zemër dhe për të fituar sa herë që hynim në fushë nuk ka munguar. Unë kam menduar për këtë për disa muaj dhe kam vendosur që është koha e duhur për mua të tërhiqem nga futbolli ndërkombëtar”, shtoi ai.

“Si fëmijë, mbaj mend që kam ndjekur Francën e vitit 1998, këtë ekip, këta lojtarë që na bënë të përjetojmë emocione të papërshkrueshme. Ëndërroja të isha siheronjtë tanë dhe 20 vjet më vonë përjetova një nga përvojat më të mira të jetës sime, ato që më bënë vërtet krenare. Ne sollëm kupën në shtëpi!”

“Nuk do ta harroj kurrë. Ende i ndjej të gjitha emocionet e ndjera në atë ditë, 15 korrik 2018. Ky ishte një nga momentet më mahnitëse dhe më të paharrueshme të jetës sime”.

“Kjo fitore që fituam të gjithë së bashku nuk do të ishte e mundur kurrë pa mbështetjen e Didier Deschamps, çdo anëtari të menaxhmentit dhe stafit ndër vite, dhe bashkëlojtarët e mi që kanë mbrojtur fanellën tonë në çdo ndeshje që kemi luajtur”.

“Por më e rëndësishmja, kjo fitore nuk do të ishte e mundur pa na mbështetur secili prej jush gjatë rrugës. Zelli juaj, festimet dhe kujtimet e kthimit tonë në Francë do të mbeten përgjithmonë të gdhendura në mua. Edhe pas humbjes në finale vitin e kaluar, ju na pritët si heronj kur u kthyem. Secilit prej jush, FALEMINDERIT një mijë herë!”.

“Do të më mungojnë këto momente me ju me siguri, por ka ardhur koha që brezi i ri të marrë përsipër ecurinë tutje. Ne kemi një grup lojtarësh të rinj të talentuar që janë gati të marrin përsipër përgjegjësi të reja, që meritojnë një shans dhe që kanë nevojë për ju. Nga thellësia e zemrës sime, faleminderit. Rafa”.

Sport

Ushtroi dhunë ndaj gruas, një muaj paraburgim ndaj burrit në Gjilan

Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit.

Publikuar

nga

Gjykata Themelore në Gjilan ka informuar sot se ka caktuar masën e paraburgimit prej një muaji ndaj të pandehurit P.C për veprën penale “Dhunë në familje”.

“Ekziston dyshimi i bazuar se i pandehuri gjatë muajit mars, në kohë të papërcaktuar, në shtëpinë e përbashkët familjare, ka ushtruar dhunë psikike, fizike dhe ekonomike ndaj të dëmtuarës – bashkëshortes së tij, A. C., ashtu që nën ndikimin e substancave narkotike, e humb kontrollin dhe të dëmtuarën e godet me shuplakë, gjithashtu vazhdimisht i bërtet me tonë të lartë të zërit, ku tek e dëmtuara shkakton trauma dhe ka cenuar rëndë dinjitetin e të dëmtuarës, duke shkaktuar frikë, ankth, pasiguri dhe shqetësim permanent emocional”, është bërë e ditur në komunikatë.

Më këtë veprime, sipas gjykatës, P.C dyshohet se ka kryer veprën penale “Dhunë në familje”, vepër e sanksionuar me Kodin Penal të Republikës së Kosovës (KPRK).

Gjyqtari i procedurës paraprake ka vlerësuar se janë plotësuar kushtet për caktimin e masës së paraburgimit ndaj të pandehurit, pasi që i njëjti po të gjendet në liri mund të përsërit veprën penale.

Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit.

Vazhdo të lexosh

Sport

​Çeku: Xhudo do të shtrihet në të gjitha shkollat e Kosovës

Në shkollën “Qamil Batalli” në Prishtinë sot u prezantua ky projekt para nxënësve.

Publikuar

nga

Ministri i Kulturës, Rinisë dhe Sportit, Hajrulla Çeku, ka thënë se me programin “Xhudo në shkolla” synohet që ky sport deri në vitin 2027 të shtrihet në të gjitha shkollat dhe në të gjitha komunat e Kosovës.

Në shkollën “Qamil Batalli” në Prishtinë sot u prezantua ky projekt para nxënësve që synon zbulimin e talentëve të rinj në këtë sport, por edhe kultivimin e një stili të shëndetshëm të jetesës. Këto aktivitete po zhvillohen në kuadër të projektit “Kosova shtet i xhudos”.

Vazhdo të lexosh

Sport

Barça po e mendon shitjen e Ansu Fatit

Kufizimet financiare thuhet se po e detyrojnë klubin që ta shes atë për të mbledhur fonde.

Publikuar

nga

Barcelona ka gjasa të shesë Ansu Fatin menjëherë pasi të përfundoi sezoni aktual.

Ndërsa ata ende e vlerësojnë sulmuesin e ri, i cili është gati të bëjë paraqitjen e 25-të në karrierë në La Liga, kufizimet financiare thuhet se po e detyrojnë klubin që ta shes atë për të mbledhur fonde, raporton “Fishajes.net”.

Kjo është bëhet edhe më shumë e pa shmangshme nëse ata nuk arrinë të shesin mesfushorin Frenkie de Jong, i cili më parë kishte refuzuar të largohej nga “Camp Nou”.

Vazhdo të lexosh

Sport

​Xhaka: Udhëtimi në Serbi nuk ishte vendim i lehtë

“Kam pasur një bisedë shumë të mirë me Murat Yakin para ndeshjes për të shkuar apo jo”, tha ai.

Publikuar

nga

Kapiteni i Zvicrës, Granit Xhaka është ndalur të flas për herë të parë për udhëtimin e tij në Novisad të Serbisë, atje ku u ballafaqua me Bjellorusinë në kuadër të kualifikimeve për në Kampionatin Evropian Euro 2024.

Ai ka thënë se nuk ishte vendim i lehtë për të shkuar atje, por dëshira e madhe për ta ndihmuar Zvicrën bëri që ta marr një vendim të tillë pas konsultimit me trajnerin Murat Yakin.

“Kam pasur një bisedë shumë të mirë me Murat Yakin para ndeshjes për të shkuar apo jo. Ishte gjithmonë e qartë për mua se doja të vija dhe të luaja futboll. Nuk ishte një vendim i lehtë për të gjithë të përfshirët në këtë situatë. Por, më vjen mirë që u kthyem me tre pikë”, ka thënë Xhaka.

Xhaka pritet të luajë ndeshjen e tij të 112-të ndërkombëtare me Zvicrën sonte kundër Izraelit.

Vazhdo të lexosh

Të kërkuara