Sport

Vendet baltike dhe Polonia i bashkohen thirrjeve për ndalimin e sportistëve rusë nga aktivitetet sportive

Ata kanë shprehur frikën se mund të kërcënohen nga Rusia nëse kjo e fundit lejohet të fitojë në Ukrainë.

Published

4 years ago

on

Lituania, Estonia, Letonia dhe Polonia kanë bërë thirrje që sportistët nga Rusia dhe Bjellorusia të ndalohen nga çdo ngjarje sportive, kjo përderisa lufta në Ukrainë të vazhdojë.

Katër vendet, që kufizojnë Rusinë dhe Bjellorusinë, kanë qenë mbështetës të fortë të Ukrainës dhe ndër të parat që dërguan armë pas pushtimit të Moskës pothuajse një vit më parë.

Ata kanë shprehur frikën se mund të kërcënohen nga Rusia nëse kjo e fundit lejohet të fitojë në Ukrainë.

Deklarata e sotme, e lëshuar nga Lituania në emër të tyre, vjen pas njoftimit të djeshëm të Letonisë se do të bojkotonte Lojërat Olimpike dhe kualifikueset e vitit 2024 nëse përfshihen atletët rusë dhe bjellorusë.

Atletët nga Rusia dhe fqinji i saj Bjellorusia, që ndihmuan pushtimin e Ukrainës janë përjashtuar nga shumë gara ndërkombëtare që atëherë.

Komiteti Olimpik Ndërkombëtar ka thënë se po shqyrton një mënyrë që atletët nga të dy vendet të jenë në gjendje të marrin pjesë si konkurrentë “neutralë” në Lojërat 2024 në Paris./UBTNews/

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

3 days ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

3 days ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

3 days ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara