Lajmet

​Osmani: Nuk duhet të harrojmë ata që ishin krah Millosheviqit dhe sot krah Putinit

Osmani ka thënë se fitorja e Ukrainës është fitore për secilin që beson në vlerat e demokracisë.

Published

3 years ago

on

Në një vjetorin e invazionit rus në Ukrainë, Kosova ka ndarë letra falënderimi për gazetarët ukrainas që janë strehuar në Kosovë. Përfaqësuesit e institucioneve shtetërore kanë deklaruar se Kosova do të mbështesë Ukrainën deri në fund të kësaj lufte që sipas tyre është luftë për të mbrojtur vlerat e lirisë dhe demokracisë kudo në botë.

Presidentja e vendit, Vjosa Osmani ka thënë se fitorja e Ukrainës është fitore për secilin që beson në vlerat e demokracisë.

“Kjo nuk është vetëm luftë e tyre, lufta e Ukrainës është luftë për të mbrojtur vlerat e lirisë dhe demokracisë kudo në botë. Prandaj futorja e tyre e tyre është fitore e gjithsecilit që beson në këto vlera. Është e në veçanti fitore edhe e popujve që kanë sakrifikuar shumë për liri e demokraci siç është populli i Kosovës. Ne kemi hapur zemrat dhe dyert duke mbështetur gazetarë nga Ukraina sepse ua njohim dhimbjen, e njohim rëndësinë e rrëfimit dhe mbrojtjes të së vërtetës, dhe sepse jemi me ta në këto orë të errëta të historisë së tyre. Ukraina nuk do të jetë asnjëherë vetëm sepse atje po mbrohet çdo ditë Evropa e tërë dhe e lirë”, ka thënë Osmani.

Osmani ka thënë se në vitin 1999 në Kosovë është dëshmuar se një popull liridashës e me miq në krah del gjithmonë triumfues dhe sipas saj ashtu do të ndodh edhe me shtetin e Urkainës.

“Më 1999 bota demokratike u vu në anën e Kosovës duke na mbrojtur nga shfarosja prej regjimit gjenocidale të Millosheviqit. Sot, bota demokratike është në anën e Ukrainës sepse e drejta është në anën e saj. Por viti 1999 në Kosovë dhe ky vit që po e lëmë pas në Ukrainë duhet të na mësojë edhe shumë mësime të tjera, mbi të gjitha nuk duhet të harrojmë se kush ishin ata që ishin në krah të Millosheviqit në vitin 1999 e që qëndrojnë në krah të Putinit sot në vitin 2023. E të kuptojmë njëherë e mirë se ata që avokojnë për gjenocid njëherë nuk mund të shndërrohen në agjendë të paqes asnjëherë”, ka shtuar Osmani.

Ndërsa kryetari i Kuvendit, Glauk Konjufca ka thënë se 12 gazetarët e Ukrainës që janë strehuar në Kosovë po e kompensojnë mungesën e afërsisë në mes të dy popujve që ishte me dekada.

“Ju i keni shkrirë këta akuj me zemrat tuaja, me dashamirësinë tuaj, duke e respektuar dhe falënderuar shtetin e Kosovës dhe duke e bërë më të mirën që populli juaj i cili është atje dhe po lufton, po vuan dhe po sakrifikon, ta dijë të vërtetën e cila e vërtetë na bashkon, e kjo e vërtetë është rruga nëpër të cilën kemi kaluar. Qytetarët e Kosovës para 24 vitesh ishin në këpucët tuaja, ne u përballem me një regjim gjenocidal i cili vrau qytetarë të pafajshëm, të paarmatosur, fëmijë, gra e pleq të popullit tonë dhe i cili regjim e shtet jo vetëm që i bëri të gjitha këto por kurr nuk u distancua nga këto veprime dhe nga këto krime të luftës e nga këto akte të gjenocidit që i bëri mbi popullin tonë të pafajshëm”, ka thënë Konjufca.

Ai ka theksuar se Kosova do të qëndrojë deri në fudn të kuaj lufte me populli ne Ukrainës dhe sipas tij fitorja e merituar do të vijë në ditët në vijim.

E kryeministri i vendit, Albin Kurti ka thënë se Ukraina duhet të fitojë sepse vetëm në këtë mënyrë do të ruhet paqja dhe demokracia në kontinentin e Evropës.

“Të paktën 487 fëmijë janë vrarë dhe 954 janë plagosur, gati 18 milion njerëz kanë nevojë urgjente për ndihmë humanitare kurse 14 milion njerëz janë zhvendosur nga shtëpitë e tyre. Kostoja e dëmeve të luftës ka arritur në 138 miliardë dollarë kurse kostoja e rindërtimit llogaritet të jetë në 350 miliardë. Populli i Kosovës i kupton shumë mirë këto shifra, vajtjet dhe dhimbjet që shkaktojnë për vitet e dekadat që vinë. E në një ditë të zymtë si kjo, megjithatë jemi të lumtur që Kosova jonë është bërë shtëpi e 12 gazetarëve ukrainas, Me urimin që është bërë shtëpi edhe si ndjenjë përveç si strehë do të jemi pranë jush si popull, si shoqëri, si institucione, si dje, si sot, si nesër. Rezistencë, solidaritet, mbështetje deri në fitore. Ukraina duhet të fitojë sepse vetëm kështu do të ruhet paqja dhe demokracia në kontinentin e Evropës”, ka thënë Kurti.

Ndërsa në emër të gazetarëve ukrainas ka folur Liudmyla Makei e cila ka treguar përkrahjen që po e marrin nga institucionet dhe qytetarët e Kosovës.

“Po ndjehemi mirë dhe të qetë, çdo ditë ndjejmë mbështetjen e politikanëve, kolegëve gazetarë të Asociacionit të gazetarëve të Kosovës dhe qytetarëve të thjeshtë që na ofrohen bë rrugë dhe na pyesin se si i kemi familjet. Këtu nuk fluturojnë raketat, mendime tona janë gjithmonë me Ukrainën, ju më kuptoni më së miri sepse vet kosovarët i mbijetuan luftës dhe ende e mbajnë në mend këtë dhimbje dhe në të njëjtën kohë ju si askush tjetër e dini çmimin e fitores dhe besoj që edhe Ukraina do të fitojë, së bashku do ta festojmë fitoren Ukraina dhe Kosova të cilat janë afruar shumë me njëra tjetrën këtë vit”, ka thënë ajo.

Gazetarët ukrainas janë strehuar në Kosovë në kuadër të programit :Journalists in Residence-Kosovo”, iniciuar nga Eurpoean Centre for Press And Media Freedom ECPMF dhe mbështetur nga financiarisht nga Qeveria e Kosovës.

Më 24 shkurt 2022 ka filluar invazionit rus në Ukrainë, luftë kjo e cila ka shkaktuar humbje jete të njerëzit, shpërngulje si dhe janë shkatërruar qytete.

Related Topics:
Continue Reading

Rajoni

Koncert Koral në kuadër të Ditëve të Artit dhe të Dizajnit dhe 25-vjetorit të UBT-së

Published

46 minutes ago

on

June 8, 2026

By

Në kuadër të Ditëve të Artit dhe të Dizajnit dhe shënimit të 25-vjetorit të themelimit të UBT-së, u mbajt një koncert koral i veçantë, i cili solli para publikut fuqinë e muzikës, artit dhe bashkëpunimit artistik.

Të pranishmit patën kënaqësinë të shijojnë performancën e Korit të Fakultetit të Muzikës Moderne, Prodhimit Digjital dhe Menaxhmentit në UBT, nën dirigjimin e profesoreshës dhe dirigjentes, Lindita Isufi. Me përkushtimin dhe profesionalizmin e saj, kori prezantoi një program të pasur artistik, rezultat i punës së vazhdueshme, disiplinës dhe dashurisë së studentëve për muzikën.

Pjesa e parë e koncertit iu kushtua krijimtarisë shqiptare, duke sjellë interpretime të veprave:

  • Dashnor tu bana – Shime Deshpali
  • Ishin dy kunata – Rafet Rudi
  • Po vijnë krushqit – Tish Daija
  • Unë biri yt Kosovë – Feim Ibrahimi

Përmes këtyre veprave u pasqyruan tradita, kultura dhe identiteti ynë muzikor, duke përcjellë emocione të veçanta te publiku.

Në pjesën e dytë, kori solli disa nga këngët më të njohura të repertorit ndërkombëtar:

  • Creep – nga Radiohead
  • Mamma Mia – nga ABBA
  • Siyahamba
  • Shkon djali termale – Çesk Zadeja

Koncerti dëshmoi edhe një herë rëndësinë e artit dhe muzikës si ura komunikimi ndërmjet kulturave, duke bashkuar zërat, emocionet dhe shpirtin krijues në një harmoni të vetme.

Continue Reading

Lajmet nga UBT

Politikat institucionale dhe praktikat artistike në fokus të diskutimit në Ditët e Artit dhe të Dizajnit në UBT

Published

2 hours ago

on

June 8, 2026

By

Në kuadër të Ditëve të Artit dhe të Dizajnit, Fakulteti i Artit dhe Medias Digjitale në UBT organizoi panelin me temë “Politikat Institucionale dhe Praktika Artistike”, një aktivitet që mblodhi artistë, përfaqësues institucionesh kulturore, restauratorë dhe studentë për të diskutuar mbi sfidat dhe zhvillimet e artit bashkëkohor në Kosovë dhe më gjerë.

Aktiviteti u mbajt në Bibliotekën e Kampusit Inovativ të UBT-së në Lipjan, duke shërbyer si një platformë e rëndësishme për shkëmbimin e ideve dhe përvojave mbi funksionimin e institucioneve të artit, proceset e aplikimit, koleksionet publike, konservimin e veprave artistike dhe raportin ndërmjet artistit dhe institucioneve kulturore.

Dekania e Fakultetit të Artit dhe Medias Digjitale në UBT, Ariana Gjoni, në fjalën hapëse vlerësoi rëndësinë e organizimeve të tilla për studentët dhe komunitetin artistik, duke potencuar se UBT vazhdon të krijojë hapësira të nevojshme për debat profesional dhe zhvillim kreativ.

Të ftuara në panel ishin edhe Alisa Gojani-Berisha, drejtoreshë e Galerisë Kombëtare të Kosovës, si dhe Arlinda Hajrullahu, drejtoreshë e Muzeut të Artit Bashkëkohor, të cilat ndanë përvojat e tyre mbi menaxhimin institucional të artit dhe zhvillimin e politikave kulturore.

Pjesë e diskutimit ishte edhe restauratorja dhe konservatorja me përvojë ndërkombëtare, Elena Prieto Bello, e cila foli mbi rëndësinë e konservimit të trashëgimisë artistike dhe sfidat profesionale në këtë fushë.

Ky aktivitet u organizua nga profesori Burim Berisha, në kuadër të aktiviteteve të shumta që po zhvillohen gjatë Ditëve të Artit dhe të Dizajnit në UBT, me fokus promovimin e dialogut ndërdisiplinar, artit bashkëkohor dhe bashkëpunimit ndërinstitucional.

Continue Reading

lajme

Dr. Xhida Lumi ndan përvojën klinike dhe shkencore me studentët e Fakultetit të Psikologjisë në UBT

Published

2 hours ago

on

June 8, 2026

By

Në kuadër të angazhimit të vazhdueshëm për të ofruar një edukim bashkëkohor dhe të ndërlidhur me praktikën profesionale, Fakulteti i Psikologjisë në UBT organizoi një ligjëratë të veçantë për studentët e programit Master, në kuadër të lëndës “Psikologji e Avancuar Zhvillimore”, të udhëhequr nga prof. Fatbardha Qehaja Osmani.

E ftuar ishte Dr. Xhida Lumi, psikiatre dhe psikoterapiste me veprimtari profesionale në Zvicër, e cila ndau me studentët përvojën e saj shumëvjeçare në fushën e shëndetit mendor, psikiatrisë së fëmijëve dhe adoleshentëve, si dhe në edukimin dhe trajnimin profesional të specialistëve të rinj.

Përmes ligjëratës me temën “Zhvillimi, Shëndeti dhe Rezilienca tek Fëmijët (Si t’i njohim, forcojmë dhe shoqërojmë fuqitë e brendshme)”, Dr. Lumi trajtoi aspekte të rëndësishme të zhvillimit psikologjik të fëmijëve, faktorët që ndikojnë në mirëqenien e tyre emocionale dhe mënyrat për të nxitur reziliencën dhe potencialin e tyre individual.

Një vëmendje e veçantë iu kushtua edhe fenomenit të migrimit dhe ndikimit që ai mund të ketë në zhvillimin emocional, social dhe psikologjik të fëmijëve, duke ofruar perspektiva profesionale dhe raste konkrete nga praktika klinike ndërkombëtare.

Studentët patën mundësinë të angazhohen në diskutime interaktive, të shtrojnë pyetje dhe të njihen nga afër me qasje moderne terapeutike dhe klinike, duke përfituar njohuri të vlefshme që ndërlidhin teorinë akademike me realitetin profesional.

Aktivitete të tilla dëshmojnë përkushtimin e Fakultetit të Psikologjisë në UBT për të krijuar një mjedis studimi dinamik, ku studentët kanë mundësi të mësojnë nga ekspertë vendorë dhe ndërkombëtarë, të zhvillojnë kompetenca profesionale të avancuara dhe të përgatiten për sfidat e profesionit në një kontekst global.

Continue Reading

Lajmet

Pas zgjedhjeve, Kurti udhëton në Austri: Do të takojë kancelarin Stocker

Published

8 hours ago

on

June 8, 2026

By

Kryeministri në detyrë i Republikës së Kosovës, Albin Kurti, sot ka udhëtuar për një vizitë zyrtare në Austri, vetëm një ditë pas përfundimit të procesit zgjedhor në Kosovë.

Sipas njoftimit zyrtar nga Zyra e Kryeministrit, gjatë kësaj vizite dyditore, kreu i qeverisë në detyrë do të zhvillojë takime të rëndësishme të nivelit të lartë shtetëror dhe ekonomik. Ndër të tjera, ai do të pritet në takim nga Kancelari i Republikës Federale të Austrisë, Christian Stocker, si dhe do të marrë pjesë në punimet e Forumit Ekonomik të Vjenës (Vienna Economic Forum).

Ky udhëtim zyrtar i Kurtit zhvillohet pikërisht në kohën kur në Kosovë sapo është përmbyllur procesi i numërimit të votave.

Komisioni Qendror i Zgjedhjeve (KQZ) tashmë ka përfunduar 100% numërimin e kutive të votimit (2,498 nga 2,498 vendvotime), duke nxjerrë rezultatet preliminare të zgjedhjeve të parakohshme parlamentare.

Sipas të dhënave përfundimtare të kësaj faze nga KQZ, Lëvizja Vetëvendosje (LVV) ka dalë forca e parë politike në vend duke siguruar 42,91% të votave (299,152 vota). Pas saj renditet Partia Demokratike e Kosovës (PDK) me 21,12% (147,220 vota), e ndjekur nga Lidhja Demokratike e Kosovës (LDK) me 17,58% (122,575 vota). Aleanca për Ardhmërinë e Kosovës (AAK) ka grumbulluar 7,16% të votave, ndërsa Lista Serbe ka marrë 6,18%. Në këto zgjedhje, pjesëmarrja e përgjithshme e qytetarëve me të drejtë vote arriti në 37,05%, teksa rezultatet pritet të certifikohen pasi të përmbyllen procedurat e numërimit të votave të diasporës dhe ato me postë.

 

Continue Reading

Të kërkuara