Aktualitet

KRU “Prishtina” rrezikon investimet kapitale, disa konsumatorë nuk paguan borxhe që 20 vjet

Publikuar

Kompania Rajonale e Ujësjellësit “Prishtina”, po rrezikon investimet kapitale, kjo si pasojë e borxhit të madh të akumuluar nga konsumatorët të cilët nuk kanë paguar edhe 20 vite pas luftës.

Ushtruesi i detyrës së kryeshefit ekzekutiv të kësaj kompanie, Sokol Xhafa gjatë një interviste për Ekonomia Online, tha se kjo po i sfidon ata shumë ata, pasi me urdhëresë të autoritetit rregullator për mos shkyçje të konsumatorëve ka bërë që edhe të kenë pengesa në investime kapitale.

“Fati i keq është që ka konsumatorë të tillë që 20 vite pas luftës nuk ka paguar ujë asnjëherë dhe kjo është shqetësuese se si ndodh dhe shumicën e ankesave i pranojmë prej njerëzve të njëjtë, pra kur i marrim të dhënat më të zhurmshit janë këta që nuk paguajnë kurrë. Ne kemi zona urbane dhe rurale që kanë borxhe me qindra e mijëra euro, pra kemi konsumatorë individualë që ka me nga dy mijë e pesë mijë euro për furnizm me ujë”, tha Xhafa.

“Jemi duke dërguar shumë lëndë tek përmbaruesit privatë por nuk po mjafton as kjo, ne gjatë kësaj kohe nuk po i shkyçim sepse kemi një urdhëresë të autoritetit rregullator të mos i shkyçim, por po besoj që shumë shpejtë me menaxhmentin e ri që ka autoriteti rregullator do të mirëkuptojë për këta që nuk kanë paguar edhe para pandemisë do të gjejnë mënyra ligjërisht, sepse kjo situatë na parandalon në investime kapitale”, theksoi tutje ai.

Tutje, Xhafa thotë se në njërën anë kanë shumë kërkesa për furnizim me ujë, por në aën tjetër borxhet shtohen çdoherë e më shumë, duke bërë që kapacitet të jenë më të pakëta.

“Kjo po na sfidon shumë neve sepse në njërën anë kërkesat e mëdha për ujë, ne po obligohemi të gjitha kapacitet tona t’i amortizojmë deri në nivelin ekstrem për të arrit t’i furnizojmë sepse vazhdon të jetë pandemi dhe këtë duhet ta kuptojmë të gjithë e sidomos me këto rastet e fundit po e ndjen secili se ende nuk ka kaluar pandemia, e në njërën anë ne po luftojmë që secili të merr ujë, por fati i keq është që nuk po përgjigjen njëlloj konsumatorët tanë”, deklaroi ai.

Aktualitet

SHSKUK njofton zgjedhjen e kryesuesit të ri të bordit

Publikuar

nga

Bordi Drejtues i Shërbimit Spitalor Klinik Universitar të Kosovës në mbledhjen e sotme e ka caktuar Dren Boshnjakun Kryesues të Bordit Drejtues të SHSKUK-së. Ai u zgjedh për mandat 1-vjeçar.

Boshnjaku falënderoi anëtarët e Bordit Drejtues për besimin e dhënë dhe premtoi angazhim maksimal në funksion të ngritjes së cilësisë të shërbimeve shëndetësore nga SHSKUK./UBTNews/

Vazhdo të lexosh

Bota

BE masa kundër Francës dhe Italisë për nivele të larta të borxhit

Publikuar

nga

Komisioni Evropian ka nisur procedimet disiplinore kundër Francës, Italisë dhe pesë vendeve të tjera anëtare të BE-së për marrjen e borxhit të ri në nivele të larta, në kundërshtim me rregulloret e BE-së.

Belgjika, Hungaria, Malta, Polonia dhe Sllovakia janë kritikuar gjithashtu nga krahu ekzekutiv i Bashkimit Evropian për nivelin e borxhit të tyre kombëtar dhe deficitet buxhetore që ata kanë.

Vendimi i komisionit është hapi i parë në një proces të quajtur – procedura e deficitit të tepërt (EDP) – duke udhëzuar shtatë vendet e BE-së të reduktojnë shpenzimet e tyre publike. Ministrave të Financave të BE-së do t’u kërkohet të miratojnë vlerësimin e komisionit në korrik.

Më pas, nën mbikëqyrjen e komisionit, vendet që i nënshtrohen EDP-së duhet të paraqesin masa për të reduktuar borxhin dhe deficitin e tyre për katër vjet./UBTNews/

Vazhdo të lexosh

Bota

OKB: Përdorimi i bombave nga Izraeli mund të jetë një krim lufte

Publikuar

nga

Izraeli nuk i ka kushtuar vëmendje të mjaftueshme mbrojtjes së civilëve kur përdor bomba gjatë luftës në Gazë, tha sot Zyra e OKB-së për të Drejtat e Njeriut.

“Kërkesa për të zgjedhur mjetet dhe metodat e luftës që shmangin ose të paktën minimizojnë në çdo masë dëmin civil – duket se është shkelur vazhdimisht në fushatën e bombardimeve të Izraelit”, tha komisioneri i Lartë i OKB-së për të Drejtat e Njeriut, Volker Turk, në Gjenevë.

Zyra ka hetuar gjashtë sulme izraelite në Rripin e Gazës midis 9 tetorit dhe 2 dhjetorit. Supozohet se janë përdorur bomba të llojeve GBU-31, GBU-32 dhe GBU-39, të cilat mund të depërtojnë në beton dhe të shkatërrojnë disa kate të një ndërtese.

“Ato u përdorën për të sulmuar ndërtesat e banimit, një shkollë, një kamp refugjatësh dhe një treg”, tha agjencia.

Të paktën 218 persona ishin vrarë./UBTNews/

Vazhdo të lexosh

Bota

Italia mbështet Ukrainën, planifikon ta furnizojë me raketa Storm Shadow

Publikuar

nga

Italia planifikon të furnizojë Ukrainën me raketat me rreze të gjatë veprimi Storm Shadow, sipas mediave italiane. Këto armë do të jenë pjesë e paketës së nëntë të ndihmës ushtarake italiane për Ukrainën për të cilën ministri i mbrojtjes Guido Krosetto pritet të raportojë në fund të këtij muaji para komisionit parlamentar për mbikëqyrjen e shërbimeve të inteligjencës.

Pjesë e kësaj pakete, sipas mediave italiane,  është edhe sistemi i mbrojtjes ajrore SAMP/T. Ukraina ka marrë dhe në vitin 2023 një sistem të tillë mbrojtës nga Italia.  Të gjitha armatimet që Italia ka dërguar deri tani në Ukrainë janë konsideruar si sekret zyrtar dhe nuk është bërë asnjëherë e ditur lista e saktë e këtyre armëve./UBTNews/

Vazhdo të lexosh

Të kërkuara