Ezgjan Alioski pritet të largohet gjatë verës nga Leeds United për t’iu bashkuar skuadrës së Galatasarayt.

Mediumet në Turqi kanë raportuar të martën se Alioski është në planet e gjigantit turk.

Zërat se futbollisti shqiptar i krahut të majtë pritet të largohet është për faktin se së fundi e ka humbur vendin e titullarit te skuadra elitare e Anglisë.

Madje, futbollisti i Maqedonisë së Veriut me Leeds United ka kontratë deri në verën e këtij viti. Këtë edicion në 24 ndeshje ka shënuar dy gola.

Chelsea po kërkon ta bind portierin e Milanit, Gianluigi Donnarumman për të firmosur parakontratë, të cilën thuhet se italiani e ka në tavolinë.

Bëhet e ditur se londinezët i kanë ofruar Donnarummas pagë vjetore prej dhjetë milionë eurosh, të cilën po e kërkon te Milani për të rinovuar kontratën që i skadon në verë.

Donnarumma ende nuk ka vendosur për të ardhmen e tij pasi është në negociata me Milanin por paga vjetore prej 7.5 milionë eurosh nuk e ka bindur portierin italian që të mbetet në “San Siro” pas përfundimit të këtij edicioni.

Te Chelsea po e shohin si mundësi të mirë transferimin e Donnarummas si lojtar të lirë në fund të këtij edicioni por konkurrenca është e fortë. Mësohet se në garë për portierin e Italisë janë edhe Paris Saint-Germaini e Juventusi.

Donnarumma si 22-vjeçar këtë edicion ka 32 paraqitje kurse pjesë e ekipit të parë të Milanit është prej vitit 2015.

“Citizens” do të mundohen ta mposhtin Wolverhamptonin për t’iu afruar edhe më shumë titullit të kampionit në Premierligë.

Manchester City do ta hapë sonte xhiron e 27-të të Premierligës, ku Citizens do të kenë punë me Wolverhamptonin, të cilin do ta presë në “Etihad Stadium”.

Skuadra e Pep Guardiolës do ta kërkojë trepikëshin e radhës, në mënyrë që të shkëputet edhe më shumë në krye të tabelës. City aktualisht i ka 62 pikë, 12 më shumë se përcjellësi kryesor, rivali lokal, Manchester United.

Prandaj, çdo fitore tash e tutje do t’i afrojë “Qytetarët” me titull të kampionit. Nga ana tjetër, Wolves do të ishin të kënaqur me një pikë në këtë udhëtim të vështirë.

Ndeshja në mes të Manchester Cityt me Wolverhamptonin do të zhvillohet sonte duke filluar nga ora 21:00. 

Kalidou Koulibaly do të largohet nga Napoli gjatë merkatos së verës dhe e ardhmja e tij mund të jetë në Gjermani.

Për mbrojtësin interesohen shumë klube të mëdha mes të cilëve, së fundmi, është shtuar edhe Bayern Munich.

Klubi bavarez, me largimin e David Alabas është i detyruar të gjejë sa më parë një zëvendësues perfekt për repartin e prapavijës.

Drejtuesit e klubit gjerman kanë piketuar pikërisht 29-vjeçarin si zëvendësuesin ideal të austriakut, duke nisur kështu edhe kontaktet e para me drejtuesit e klubit Italian për të mposhtur konkurrencën për blerjen e mbrojtësit franko-senegalez.