Sport

Berisha ndihet si lider te Reimsi

Publikuar

Mesfushori i Përfaqësueses së Kosovës, Valon Berisha ka pranuar se është adaptuar shumë mirë te skuadra e Reimsit, gjë që po dëshmohet edhe me paraqitjet e tij të mira këtë edicion.

Ai ka thënë se i është nevojitur pak kohë te Reimsi derisa e ka marrë veten pasi i është dashur të njihet më mirë me bashkëlojtarët dhe të kuptojë filozofinë e lojës së trajnerit David Guion.

“Te Reimsi po ndihem si në shtëpi edhe pse në fillim më është dashur pak kohë që të adaptohem. Të njëjtën situatë që po e shijoj te Reimsi e kam përjetuar te Salzburgu dhe më pëlqen shumë”, është shprehur Berisha.

“Më pëlqen të jem paksa lider dhe kam pasur ndjenjën se projekti i Reimsit ishte i duhuri për mua. Krahas paraqitjeve të mira, unë mundohem tu ndihmoj edhe lojtarëve të rinjë dhe kjo më bën të ndihem se në ekip kam një rol të rëndësishëm”.

Berisha ka thënë se këtë edicion, trajneri Guion i ka kërkuar atij të sulmojë më shumë dhe të marrë përgjegjësi më të madhe, gjë që po mundohet edhe ta bëjë. 27-vjeçar këtë sezon ka një gol e dy asistime për Reimsin në 18 paraqitje në të gjitha garat.

Ai te ekipi francez u transferua vitin e shkuar dhe firmosi kontratë deri në vitin 2024. Berisha karrierë ka bërë edhe te Lazio, Fortuna Duesseldorfi, Salzburgu e Vikingu.

Sport

Juventusi me ofertë për Bellerinin

Publikuar

nga

Juventusi është futur fuqishëm në garë për shërbimet e mbrojtësit të krahut të djathtë, spanjollit Hector Bellerin, i cili do të largohet këtë verë nga skuadra e Arsenalit.

Madje, mediumet angleze kanë raportuar të martën se Juventusi i ka bërë ofertë konkrete Arsenalin për transferimin e Bellerinit.

Për kartonin e Bellerinit, drejtuesit e Juventusit i kanë ofruar Arsenalit në shkëmbim njërin prej futbollistëve midis Douglas Costas dhe Adrien Rabiotit.

Te Juventusi janë të bindur se Arsenali do të pranojë këtë propozim të tillë pasi më herët ekipi anglez pati shprehur interesim për francezin Rabiot, i cili nuk ka bindur me paraqitjet e tij te ekipi italian.

Ndërkohë, Costa para fillimit të këtij edicioni është huazuar te Bayerni, ekip që nuk do ta shfrytëzoj opsionin e blerjes së tij në verë.

Vazhdo të lexosh

Sport

Galatasaray interesohet për Alioskin

Publikuar

nga

Ezgjan Alioski pritet të largohet gjatë verës nga Leeds United për t’iu bashkuar skuadrës së Galatasarayt.

Mediumet në Turqi kanë raportuar të martën se Alioski është në planet e gjigantit turk.

Zërat se futbollisti shqiptar i krahut të majtë pritet të largohet është për faktin se së fundi e ka humbur vendin e titullarit te skuadra elitare e Anglisë.

Madje, futbollisti i Maqedonisë së Veriut me Leeds United ka kontratë deri në verën e këtij viti. Këtë edicion në 24 ndeshje ka shënuar dy gola.

Vazhdo të lexosh

Sport

Chelsea kërkon Donnarumman

Publikuar

nga

Chelsea po kërkon ta bind portierin e Milanit, Gianluigi Donnarumman për të firmosur parakontratë, të cilën thuhet se italiani e ka në tavolinë.

Bëhet e ditur se londinezët i kanë ofruar Donnarummas pagë vjetore prej dhjetë milionë eurosh, të cilën po e kërkon te Milani për të rinovuar kontratën që i skadon në verë.

Donnarumma ende nuk ka vendosur për të ardhmen e tij pasi është në negociata me Milanin por paga vjetore prej 7.5 milionë eurosh nuk e ka bindur portierin italian që të mbetet në “San Siro” pas përfundimit të këtij edicioni.

Te Chelsea po e shohin si mundësi të mirë transferimin e Donnarummas si lojtar të lirë në fund të këtij edicioni por konkurrenca është e fortë. Mësohet se në garë për portierin e Italisë janë edhe Paris Saint-Germaini e Juventusi.

Donnarumma si 22-vjeçar këtë edicion ka 32 paraqitje kurse pjesë e ekipit të parë të Milanit është prej vitit 2015.

Vazhdo të lexosh

Sport

City e synon thellimin e distancës

Publikuar

nga

“Citizens” do të mundohen ta mposhtin Wolverhamptonin për t’iu afruar edhe më shumë titullit të kampionit në Premierligë.

Manchester City do ta hapë sonte xhiron e 27-të të Premierligës, ku Citizens do të kenë punë me Wolverhamptonin, të cilin do ta presë në “Etihad Stadium”.

Skuadra e Pep Guardiolës do ta kërkojë trepikëshin e radhës, në mënyrë që të shkëputet edhe më shumë në krye të tabelës. City aktualisht i ka 62 pikë, 12 më shumë se përcjellësi kryesor, rivali lokal, Manchester United.

Prandaj, çdo fitore tash e tutje do t’i afrojë “Qytetarët” me titull të kampionit. Nga ana tjetër, Wolves do të ishin të kënaqur me një pikë në këtë udhëtim të vështirë.

Ndeshja në mes të Manchester Cityt me Wolverhamptonin do të zhvillohet sonte duke filluar nga ora 21:00. 

Vazhdo të lexosh

Të kërkuara