Shirat e rrëmbyeshëm në shtetin amerikanoqendror të El Salvadorit u morën jetën të paktën 11 banorëve në fundjavë, raportuan të hënën autoritetet vendase. Shefi i Mbrojtjes Civile, Luis Amaja tha se viktimat janë edhe fëmijë, të cilët janë zënë poshtë nga rrëshqitjet e dheut ose rëniet aksidentale të pemëve në rrugë, shkruhet në Reuters.

“Nëse ju kërkohet të evakuoni zonën, bëjeni. Nëse jetoni pranë një pjerrësire lëvizni drejt një zone më të sigurt. Prioriteti numër një është siguria”, deklaroi Amaja.

900 banorë të El Salvadorit aktualisht po strehohen në godina të përkohshme si pasojë e shirave që ranë mbi brigjet e Paqësorit nga Meksika Jugore drejt Panamasë Perëndimore. Meteorologët kanë parashikuar që moti në vend do të mbetet i lagësht përgjatë gjithë javës dhe situata mund të bëhet më e rrezikshme me praninë e një stuhie, që pritet të formohet në Gjirin e Meksikës. Përmbytjet prekën edhe vendet fqinje me El Salvadorin, si Hondurasi dhe Panamaja, por pa dëme serioze.

Paqësori dhe Atlantiku kanë hyrë në sezonin e uraganeve. Rreziku nga pjesa atlantike do të jetë më i lartë për shkak të efekteve atmosferike nga La Ninja dhe ngrohjes së oqeaneve./UBTNews/

Presidentja e Kosovës, Vjosa Osmani ka marrë pjesë në Samitin e Paqes për Ukrainën.

Përmes një video të shpërndarë në rrjetin social Facebook, Osmani ka thënë se ishte për t’i treguar botës rrëfimin e popullit të Kosovës.

“Në Samitin e Paqes për Ukrainën, për t’i treguar botës rrëfimin e popullit të Kosovës, por edhe përkushtimin e çdoditshëm të vendit tonë për paqe të drejtë e të qëndrueshme në Ukrainë e kudo në botë”, ka shkruar Osmani sipër videos.

Në Samitin e 15-16 Zelensky në 19 muajt e fundit për t’i angazhuar liderët globalë që të ndihmojnë në dhënien fund të luftës më të madhe në Evropë prej Luftës së Dytë Botërore.

Samiti i nivelit të lartë, ka mbledhur liderët botërorë për të diskutuar rëndësinë dhe mënyrat e vazhdimit të mbështetjes për Ukrainën.

Derisa presidentja Osmani ka shprehur përkushtimin e Kosovës për ta vazhduar mbështetjen për Ukrainën.

Sekretari i Përgjithshëm i NATO-s, Jens Stoltenberg, tha se Kina po i ofronte Rusisë teknologji që po zgjat pushtimin rus të Ukrainës dhe i bëri thirrje Pekinit të përballet me pasojat e kësaj mbështetjeje.

“Pekini nuk mund të ketë të dyja anët. Në një moment – dhe nëse Kina nuk ndryshon kursin – aleatët duhet të imponojnë një kosto. Duhet të ketë pasoja”, tha Stoltenberg më 17 qershor në Qendrën Wilson në Uashington.

Stoltenberg tha se në dy vitet e fundit 90 për qind e mikroelektronikës ruse e kishte origjinën në Kinë dhe se ky vend po punon për të përmirësuar aftësitë satelitore ruse.

Zëdhënësi i Këshillit të Sigurisë Kombëtare i Shtëpisë së Bardhë, John Kirby tha gjithashtu se Kina po vazhdon t’i sigurojë Rusisë komponentë për pajisjet ushtarake dhe sistemet e armëve.

Duke folur në një konferencë më 17 qershor, ai tha se mikroelektronika kishte ndihmuar “të forcohej…ajo që do të kishte qenë një bazë industriale e mbrojtjes ruse me të vërtetë e shkatërruar”.

Kirby shtoi se Shtetet e Bashkuara e kishin ngritur këtë çështje me Kinën.

Rusia gjithashtu ka ndërtuar marrëdhënie me Korenë e Veriut.

Presidenti rus, Vladimir Putin do ta vizitojë Korenë e Veriut këtë javë, për herë të parë që 24 vjet.

Një udhëtim i tillë i rrallë do të zhvillohet teksa Moska rrit partneritetin me këtë shtet që ka armë bërthamore.

Lideri verikorean, Kim Jong Un i pati bërë ftesë Putinit për vizitë, gjatë udhëtimit që ai e ka pasur në Lindje të Largët të Rusisë, në shtator të vitit të kaluar.

Marrëdhëniet e thelluara janë një shqetësim për Shtetet e Bashkuara, tha Kirby.

“Ne e dimë se raketat balistike të Koresë së Veriut po përdoren për të goditur objektivat ukrainase”, tha ai.

Si Pheniani ashtu edhe Moska kanë mohuar akuzat për transferimin e armëve të Koresë së Veriut, të cilat do të ishin në kundërshtim me rezolutat e Këshillit të Sigurimit të OKB-së.

Sekretari i Përgjithshëm tha se lufta e vazhdueshme e Rusisë kundër Ukrainës do të jetë “tema më urgjente” për diskutim në samitin e NATO-s që do të mbahet nga 9 deri më 11 korrik, së bashku me shpenzimet e mbrojtjes së NATO-s.

Megjithëse Ukraina nuk do të bëhet anëtare e aleancës në samitin e Uashingtonit, Stoltenberg tha se NATO do të “ndërtojë një urë” për anëtarësimin e ardhshëm të Ukrainës.

“Ne po ndihmojmë që forcat e armatosura të Ukrainës të jenë gjithnjë e më shumë të ndërveprueshme me NATO-n, të përmbushin standardet e NATO-s”, tha Stoltenberg.

“Ideja është t’i afrojmë ata aq afër anëtarësimit, saqë kur të arrijmë një konsensus, t’i bëjmë ata anëtarë menjëherë”.

Ukraina po përballet me pushtimin rus që prej shkurtit të vitit 2022./REL/

Ministri i Mjedisit, Planifikimit Hapësinor dhe Infrastrukturës, Liburn Aliu tregon se cili do të jetë fati i projektit për hekurudhën Prishtinë-Durrës. Derisa ka dhënë më shumë detaje për përfitimet që do të ketë Kosova nga ky projekt madhor ndër shqiptar.

Minisri Aliu ka treguar si po realizohen projektet infrastrukturore për zgjerimin e rrugës Prishtinë-Podujevë, projektin për Bujanoc, dhe rrugën tjetër për Pejë.

Ndërsa, ai thotë se projekti për hekurudhën Prishtinë-Durrës, e shndërron Kosovën në një vend kryesor të transitit dhe një pikë shpërndarëse të mallrave.

“Kosova përmes linjës Durrës-Prishtinë bëhet pjesë e një rrjeti regjional, aktualisht është jashtë korridoreve. Pra, të gjithë transporti i mallrave për gjithë regjionin, qoftë në drejtim të porteve, qoftë nga portat në drejtim të regjionit arrin të bëhet përmes Kosovës. Kjo e shndërron Kosovën në një vend kryesor transitit dhe një hap apo një pik shpërndarëse të mallrave, kjo krijon mandej mundësi për zhvillim ekonomik dhe krijim të zonave ekonomike rreth përqark kësaj zone të shpërndarjes së mallrave”, thotë Aliu.

Ministri Aliu shprehet se janë duke punuar të përfundojë çështja e fizibilitettit në mënyrë që të realizohet sa më shpejtë projekti për hekurudhën Prishtinë-Durrës.

“Nuk kam prit që aq shpejtë do të mund të ketë rritje të interesimit. Pra, nëse para tre vitesh nuk është folë fare për këtë punë, tash është bërë temë e çdo paneli, lidhja hekurudhore e Prishtinës me Durrësin me gjithë regjionin. Nuk është çështja e financave atë që ne si ministri do e shtymë, ne do të merrem me fizibilitetin dhe projektin që ta kemi sa më shpejtë të kemi të realizuar”, shton Aliu.

Ndërsa, tregon edhe për projektet infrastrukturore që janë duke u kryer në nivel vendi, atë për Llap, Dukagjin dhe Luginë.

“Do të fillojmë shpejtë edhe autostradën për Bujanoc që na lidhë tek korridori i Dheut, rruga e Podujevës po shkon mirë, rruga drejt Pejës po ashtu po shkon mirë. Kjo do të na krijojë mundësi që ne të kyçemi dhe Kosova të behet vend transit, njëjtë edhe me hekurudha, por kryesorja është uji. Kosova ka shumë pak ujë, kemi arrit të bëjmë me sukses pesë plane të fizibilitetit, dy prej tyre janë në fazën e projekteve, dizajnëve, do të fillojmë me projektet e shpronësimit për to, do të fillon realizimi e që këto pesë projektet e para, duhet të shoqërohen shumë shpejtë nga pesë fizibilitete tjera që mendojmë t’i bëjmë vitin e ardhshëm. Në projektin me Bankën Botërore e kemi komplet hartën, masterplanin e digave për vendin tonë, që duhet të jemi tepër shumë të kujdesshëm të shfrytëzimin e resurseve ujore që kemi, se pse Kosova ka resurse tepër të limituara ujore, ne kemi tepër pak ujë”, thotë ai.

Në anën tjetër, kryeministri i Shqipërisë, Edi Rama gjatë qëndrimit në Kosovë, ka thënë se po punohet për projektin e hekurudhës Prishtinë-Durrës për opsionet më të mira. Ndërsa, ka shtuar se janë duke pritur studimin e fizibilitetit.