Sport

​Ky pritet të jetë trajneri i ri i Napolit

Napoli tani është i përqendruar në emërimin e Luis Enriques si trajner të ri të tyre.

Publikuar

Napoli është në kërkim të një trajneri të ri pasi Luciano Spalletti ka kërkuar të largohet nga klubi edhe pse ia doli që ta fitojë titullin e kampionit në Itali.

Presidenti i Napolit, Aurelio De Laurentis tha dje për mediat italian se Spalletti ka kërkuar vet që të largohet nga klubi edhe pse kishte edhe një vit të mbetur në kontratën e tij.

“Spalletti kërkoi të largohej nga Napoli”, tha shkurtimisht De Laurentis.

Si rezultat i kësaj situate, Napoli tani duhet të gjejë një trajner të përshtatshëm për të zëvendësuar Spallettin, duke shpresuar të vazhdojë projektin dhe të konfirmojë rritjen e nivelit të skuadrës.

Siç raportohet nga “Calciomercato”, Napoli tani është i përqendruar në emërimin e Luis Enriques si trajner të ri të tyre, duke përgatitur një kontratë dyvjeçare me vlerë 10 milionë euro neto në sezon për spanjollin.

De Laurentis është i gatshëm të garantojë të ardhmen e Khvicha Kvaratskhelia dhe Victor Osimhen gjithashtu, duke shpresuar se prania e dy yjeve do të bindë më tej Luis Enriques për të pranur ofertën. Shpresa është të përcaktohet një marrëveshje gjatë kësaj jave.

Nëse Napoli nuk arrin të sigurojë Luis Enrique-n, ata do të përqendrohen në objektivat e tyre të tjerë, si Thiago Motta i Bolonjës dhe Vincenzo Italiano i Fiorentinës .

Sport

Pochettino komenton rezultatet negative: Nuk është aq keq sa e kam menduar

Chelsea i rikthehet aksionit nesër ku në Carabao Cup do të përballet me skuadrën e Brightonit.

Publikuar

nga

Mauricio Pochettinos nuk po i ec mirë aventura si trajner i Chelsea-t.

Në gjashtë ndeshje të zhvilluara këtë sezon, Pochettino ka një bilanc prej vetëm një fitoreje, dy barazimeve dhe tre humbjeve te Chelsea.

Tani, trajneri argjentinas ka komentuar rezultatet negative të “Bluve”, duke thënë se nuk është edhe aq keq sa e kishte menduar ai.

“Jam i sigurt që ne e kemi kapacitetin për ta rregulluar këtë gjë. Nuk është aq keq sa e kam menduar. Gjithmonë e kemi ditur se projekti i ri është gjithnjë i vështirë. Kjo periudhë, duket sikur të gjithë janë kundër nesh sepse paraqitjet meritojnë më shumë pikë”, tha Pochettino.

Chelsea i rikthehet aksionit nesër ku në Carabao Cup do të përballet me skuadrën e Brightonit me fillim nga ora 20:45.

Vazhdo të lexosh

Sport

Lajm i keq për Ancelottin

Ai tha se Guler është rikthyer dhe është i gatshëm të marrë minutat e tij të para si lojtar.

Publikuar

nga

Trajneri i Real Madridit, Carlo Ancelotti e konfirmoi në konferencën e sotme për media se Arda Guler është rikthyer nga lëndimi.

Ancelotti tha se Guler është rikthyer dhe është i gatshëm të marrë minutat e tij të para si lojtar i Realit pas lëndimit të tij.

Por, kjo gjë nuk pritet të ndodhë edhe disa javë.

Gjatë fazës së fundit të stërvitjes së sotme, Arda Guler ka pësuar një lëndim të ri në muskulin e tij.

Guler pritet të jetë jashtë fushave për të paktën tri javë. Para dy orëve Ancelotti e konfirmoi se ylli turk është rikthyer dhe është i gatshëm për ndeshjen e nesërme.

Vazhdo të lexosh

Sport

​Ky është roli që Ibra pritet ta marrë te Milani

Cardinale e di se Milani ka nevojë për një figurë që e njeh mirë Milanellon.

Publikuar

nga

Zlatan Ibrahimovic u takua me pronarin e Milanit, Gerry Cardinale kohët e fundit për të filluar hedhjen e bazave për një rikthim të mundshëm në klub.

“Calciomercato.com” detajon se si 41-vjeçari suedez, i cili vari këpucët në fund të sezonit të kaluar, u takua me pronarin kuqezi në Milanello javën e kaluar. Cardinale përsëriti dëshirën e tij që Ibrahimovic të kthehet në klub, i etur për të pasur praninë e tij në mjedis.

Cardinale e di se Milani ka nevojë për një figurë që e njeh mirë Milanellon dhe se si funksionon dinamika e dhomës së zhveshjes, diçka që ka munguar që nga largimi i Paolo Maldinit në verë.

Opsioni më i mundshëm për momentin duket se është që Ibrahimovic të kthehet për të punuar ngushtë me Stefano Piolin, ndoshta si menaxher ekipi, por suedezi nuk dëshiron të nxitojë për një vendim.

Ish-sulmuesi është i prirur të kuptojë strukturën dhe sistemin e ri që do ta lejojë atë të ndihmojë skuadrën, si dhe kufijtë e rolit të tij të mundshëm.

Të dy palët pritet të takohen sërish midis nëntorit dhe dhjetorit për të diskutuar më tej kthimin e mundshëm të Ibrahimovic në Milano.

Vazhdo të lexosh

Sport

​Katër ndeshje evropiane të hendbollit zhvillohen këtë vikend në Kosovë

Kampioni në fuqi, Istogu, do të përballet me skuadrën nga Portugalia, SIR 1Maio/Ada CJB.

Publikuar

nga

Plot katër ndeshje të Kupave Evropiane do të luhen në fundjavë në vendin tonë. Bëhet fjalë për ndeshje të raundit të dytë të Kupës Evropiane (EHF European Cup) për hendbolliste.

Kampioni në fuqi, Istogu, do të përballet me skuadrën nga Portugalia, SIR 1Maio/Ada CJB. Të dy ndeshjet luhen në palestrën “Karagaçi” në Pejë, për shkak të gjendjes jo të mirë të palestrës në Istog. Ndonëse ishte premtuar, renovimi i palestrës në Istog nuk është bërë ende dhe KHF Istogu është detyruar të zhvendoset në Pejë. Në Istog ishin planifikuar edhe ndeshjet e Kombëtares A dhe aktivitete tjera të Kombëtareve, që po ashtu do të mbahen në qytete tjera.

Ndeshja e parë e Istogut është të shtunën prej orës 18:00. Ndërsa ndeshja e dytë është të dielën prej orës 18:00.

Istogu ka fituar Superkupën kohë më parë dhe është i gatshëm për ndeshjet evropiane. Priten dy ndeshje të forta dhe interesante.

Me marrëveshje mes dy klubeve, dy ndeshje në shtëpi i zhvillon edhe KHF Ferizaj. Ferizajaset përballë do ta kenë skuadrën nga Izraeli, Maccabi Arazim Ramat gan. Ndeshja e parë është të shtunën prej orës 20:15 në palestrën “Bill Clinton”. Në të njëjtën arenë të dielën prej orës 19:00 është ndeshja e dytë.

Ferizaj ka angazhuar shumë lojtare të huaj dhe është konsoliduar për kampionatin e ri. Njëjtë si Istogu, synon suksesin në Kupën Evropiane.

Vazhdo të lexosh

Të kërkuara