Lajmet

Zjarret, “kokëçarje” për shumë vende të rajonit dhe Evropës

Në disa rajone të Kosovës gjatë ditëve të fundit janë përhapur disa vatra zjarri.

Publikuar

Si pasojë është shënuar një viktime në fshatin Novosellë të Malishevës. Sipas deklaratave të familjarëve, dyshohet se viktima pas mesnate dhe kishte shkuar te stalla e tij, që të sigurohej nëse zjarri ishte shuar plotësisht apo nëse është riaktivizuar. Vdekja e tij dyshohet të jetë shkaktuar nga tymi. Në Shqipëri shumica e vatrave të zjarrit janë shuar. Zjarri është vënë nën kontroll edhe në Gjirokastër ku një ditë më pare u shënua një viktimë, ndërsa vazhdon situata kritike në Gadishullin e Karaburunit.

Edhe shtetet e Evropës Perëndimore vazhdojnë të jenë të “pushtuara” nga vatrat aktive të zjarrit që kanë shkrumbuar sipërfaqe të mëdha të pyjeve dhe zonave të banuara. Më e rrezikshmja vazhdon të mbetet Turqia ku zjarret i kanë marrë jetën 8 personave ndërsa Italia dhe Greqia mbeten vetëm me dëme materiale.

152 nga 163 vatrat e zjarrit që ishin aktive nga 28 korriku janë shuar ndërkohë që 11 ndër to mbeten akoma aktive. Nga këto zjarre janë prekur 18 rrethe, 78 fshatra, 2 mijë e 219 fermerë në 5 krahina të ndryshme. Turqisë i kanë ardhur në ndihmë edhe shumë vende të tjera si Azerbajxhani, Irani, Rusia, Kroacia, Spanja dhe Ukraina përfshirë edhe Bashkimin Evropian. Edhe shteti Grek po përballet gjithashtu me vatra të mëdha të zjarrit të cilat fatmirësisht deri më tani nuk kanë shkaktuar dëme njerëzore vetëm materiale.

Shumë njerëz kanë humbur çdo pasuri që kishin, shtëpi e bagëti ndërsa po përballen edhe me një fenomen tjetër ku shumë njerëz kanë përfituar nga rasti për të grabitur çdo gjë me vlerë që mbeti pas nga zjarri. Ndërkohë Sardenja, Siçili, Kalabria dhe bregdeti i Adriatikut janë më të prekur nga zjarret në Itali ku shkak për vatrat e zjarrit janë bërë temperaturat e larta në disa vende e në disa të tjera mendohet se ka qenë e qëllimshme. Mijëra zjarrfikës luftojnë me flakët, por nuk kanë arritur ti mposhtin ato, për ti dhënë qetësi vendit nga ‘ferri’ që e ka kapluar. Rreth 20 mijë hektarë tokë janë djegur me pyje e kullota dhe 1.500 persona janë evakuuar. Sipas studimeve do të duhen të paktën 15 vite që ekosistemi të ripërtërihet.

Vazhdo të lexosh

Lajmet

Çka duhet të dini për vitaminën F?

Vitamina F është një term për dy yndyrna – acidi alfa-linolenik (ALA) dhe acidi linoleik (LA).

Publikuar

nga


Vitamina F nuk është një vitaminë në kuptimin tradicional të fjalës. Përkundrazi, vitamina F është një term për dy yndyrna – acidi alfa-linolenik (ALA) dhe acidi linoleik (LA). Ato janë thelbësore për funksionet e rregullta të trupit, përfshirë aspektet e shëndetit të trurit dhe zemrës.

ALA është anëtare e familjes së yndyrnave omega-3, ndërsa LA i përket familjes omega-6. Burimet e zakonshme të të dyjave këtyre yndyrnave përfshijnë vajrat vegjetale, arrat dhe farat.

Ato u zbuluan në vitet 1920 kur shkencëtarët zbuluan se dietat pa yndyrë kishin efekte të dëmshme te minjtë. Fillimisht, shkencëtarët dyshuan se minjtë kishin mungesë tek një vitaminë e re që ata e quajtën vitamina F-dhe më vonë u zbulua se bëhej fjalë për ALA dhe LA.

Funksionet kryesore të vitaminës F në trupin tuaj

Të dy llojet e yndyrnave që përmban vitamina F – ALA dhe LA – klasifikohen si acide yndyrore thelbësore, domethënë ato janë të nevojshme për shëndetin. Meqenëse trupi juaj nuk është në gjendje t’i prodhojë këto yndyrna, ju duhet t’i merrni ato përmes dietës ushqimore.

ALA dhe LA luajnë rolet e mëposhtme thelbësore në trup:

  • Shërbejnë si burim kalorish. Si yndyrna, edhe Ala edhe La sigurojnë 9 kalori për gram.
  • Mbrojnë strukturën e qelizave. Jo vetëm këto dy yndyrna por edhe yndyrnat e tjera ofrojnë strukturë dhe fleksibilitet për të gjitha qelizat në trupin tuaj duke qenë një përbërës kryesor i shtresës së tyre të jashtme.
  • Ndihmon në rritjen dhe zhvillimin e trupit. ALA luan një rol të rëndësishëm në rritjen normale, shikimin dhe zhvillimin e trurit.
  • Konvertohen në yndyrna të tjera. Trupi juaj e konverton edhe acidin alfa-linolenik edhe acidin linoleik në yndyrna të tjera të nevojshme për shëndetin.
  • Ndihmon për komponimet sinjalizuese. ALA dhe LA përdoren për të bërë komponime sinjalizuese që ndihmojnë në rregullimin e presionit të gjakut, mpiksjen e gjakut, përgjigjet e sistemit imunitar dhe funksionet e tjera kryesore të trupit.

Mungesa e vitaminës F është e rrallë.  Mungesa e dy yndyrnave  ALA dhe LA mund të çojë në simptoma të ndryshme, të tilla si tharje të lëkurës, rënie të flokëve, shërim i ngadaltë i plagëve, rritje e dobët e fëmijëve, problemet e trurit dhe shikimit etj.

Përfitimet e mundshme shëndetësore

Sipas studimit, yndyrnat që përbëjnë vitaminën F (ALA dhe LA) mund të ofrojnë disa përfitime unike shëndetësore.

Përfitimet shëndetësore të acidit alfa-linolenik

ALA është yndyra kryesore në familjen omega-3, një grup yndyrash që mendohet se kanë shumë përfitime shëndetësore. Në trupin e njeriut,  ALA shndërrohet në acide yndyrore të dobishme omega-3, duke përfshirë acidin eikosapentaenoik (EPA) dhe acidin dokosheksaenoik (DHA).

  • Ulja e inflamacionit. Një rritje e konsumit të yndyrave omega-3 si ALA është shoqëruar me ulje të inflamacionit në nyje, traktin tretës, mushkëri dhe tru.
  • Përmirëson shëndetin e zemrës. Rritja e konsumimit te ALA në dietën tuaj mund të ndihmojë në uljen e rrezikut nga sëmundjet e zemrës.
  • Ndihmon në rritje dhe zhvillim. Gratë shtatzëna kanë nevojë për 1.4 gram ALA në ditë për të mbështetur rritjen dhe zhvillimin e fetusit.
  • Mbron shëndetin mendor. Nevojiten më shumë hulumtime, por disa studime sugjerojnë që konsumimi i rregullt i yndyrave omega-3 mund të ndihmojë në përmirësimin e simptomave të depresionit dhe ankthit

Përfitimet shëndetësore të acidit linoleik

Acidi linoleik (LA) është një yndyrë parësore në familjen omega-6. Si ALA, edhe LA shndërrohet në yndyrna të tjera në trupin tuaj.

Ajo ofron shumë përfitime të mundshme shëndetësore kur konsumohet në moderim, veçanërisht kur përdoret në vend të yndyrnave të ngopura më pak të shëndetshme:Mund të zvogëlojë rrezikun e sëmundjeve të zemrës. Në një studim në mbi 300,000 të rritur, konsumimi i LA në vend të yndyrnave të ngopura u shoqërua me një ulje të rrezikut prej 21% të vdekjes në lidhje me sëmundjet e zemrës.

Mund të zvogëlojë rrezikun e diabetit tip 2. Një studim në më shumë se 200,000 njerëz zbuloi se LA ishte e lidhur me një rrezik të zvogëluar 14% të diabetit të tipit 2 kur konsumohet në vend të yndyrës së ngopur. Mund të përmirësojë kontrollin e sheqerit në gjak. Disa studime sugjerojnë që LA mund të ndihmojë kontrollin e sheqerit në gjak kur konsumohet në vend të yndyrnave të ngopura.

Vazhdo të lexosh

Lajmet

Pse Warren Buffett nuk u dorëzua asnjëherë?

Buffett zotëron një pasuri me vlerë 77 miliardë dollarë.

Publikuar

nga

Biznesmeni, guruja financiar dhe filantropisti Warren Buffett mund t’ju mësoj një apo dy gjëra për jetën.

Që në moshë të re, miliarderi investitor ishte i destinuar për sukses – shiste qese mbeturina për komshinjtë dhe shpërndante gazeta. Në moshën 15 vjeçare, Buffett filloi të investonte në pasuritë e patundshme.

Sot në moshën 70 vjeçare “Orakulli i Ohamas” zotëron një pasuri me vlerë 77 miliardë dollarë, vlerë kjo që e bën të jetë njeriu i dytë më i pasur në botë. Prandaj në fillim të artikullit ju thashë që keni çfarë të mësoni prej tij.

Këto janë 8 thënie nga Warren Buffett:

“Nuk ka rëndësi sa i madh është talenti apo përkushtimi, disa gjëra kanë kohën e tyre. Nuk mund të lindësh një bebe brenda muajit duke lënë 9 gra shtatëzënë.”

“Unë nuk kërkoj të kalojë shtatë shkallë menjëherë. Unë kërkoj atë shkallë të cilnë mund ta kalojë.”

“E vetmja gjë që nuk duhet të bëni kur bini në gropë është të mos vazhdoni të gërmoni.”

“Mjafton të bësh disa gjëra mirë në jetë për sa kohë që nuk bën shumë gjëra gabim.”

“Ti bën gjëra vetëm kur të vijën mundësitë.”

“Duhen 20 vite për të ndërtuar një reputacion dhe vetëm pesë minuta për ta shkatërruar atë. Nëse e mendoni në këtë mënyrë, do të filloni t’i bëni gjërat ndryshe.”

“Dikush është ulur nën hije sot sepse dikush tjetër ka mbjellë një pemë kohë më parë.”

“Të parashikosh shiun nuk është ndonjë shpikje. Të ndërtosh anije po.”

Vazhdo të lexosh

Lajmet

Gjëra që lënë të kuptohet se jeni në një lidhje toksike!

Publikuar

nga

Kur jeni në një lidhje, është e vështirë të identifikoni tiparet e caktuara të partnerit tuaj që mund të duken toksike. Jeni mësuar aq shumë me sjelljen e tyre saqë turbulloheni nga personaliteti i tyre dhe harroni personalitetin tuaj.

Një palë e tretë, megjithatë, mund të jetë në gjendje të tregojë shenjat që ju jeni në një marrëdhënie toksike dhe se personi nuk është i duhuri për ju.

Andaj më poshtë ju sjellim disa gjëra që e bëjnë toksike lidhjen tuaj:

Kontrolli

Nëse mendoni se partneri juaj po kontrollon çdo lëvizje tuajën, sigurisht që është një alarm i keq. Partneri juaj duhet të mbështesë e jo të ju pengojë. Ju duhet të keni hapësirën e kërkuar për t’u bërë versioni më i mirë i vetes, në mënyrë që ju dhe marrëdhënia të lulëzoni, përcjell Klankosova.tv

Tjetërsimi

Nëse mendoni se partneri juaj po ju tjetërson nga miqtë dhe familja, atëherë është padyshim toksik. Partneri juaj është një përparësi në jetën tuaj, por nuk është e gjithë jeta juaj.

Mosrespektimi

Në asnjë rrethanë ju dhe partneri juaj nuk duhet të jeni mos respektues ndaj njëri -tjetrit. Marrëdhëniet do të kenë ulje -ngritjet e tyre, por mënyra se si i trajtoni rëniet është ajo që përcakton një marrëdhënie të shëndetshme. E vërteta është se sapo të arrijë në fazën e mosrespektimit, do të jetë e vështirë të keni një lidhje ​​të shëndetshme.

Pandershmëria

Gënjeshtra thyen besimin. Pa besim, nuk ka vend për një marrëdhënie të shëndetshme. Pra, nëse jeni në një lidhje ku të dy mund të jeni të sinqertë pavarësisht çfarëdo, atëherë kjo është ajo që ju duhet, por nëse partneri juaj vazhdimisht ju gënjen atëherë ky nuk është personi i duhur për ju.

Konkurrenca

Partneri juaj nuk duhet të konkurrojë me ju. Ata duhet të duan të festojnë arritjet tuaja. Edhe nëse jeta e tyre nuk po shkon ashtu siç duan, ata gjithsesi duhet të jenë gjithmonë të lumtur për ju. Nëse mendoni se partneri juaj është në një betejë të vazhdueshme me ju, atëherë ai nuk është dikush që mund të jetë vërtet dashamirësi juaj.

Vazhdo të lexosh

Kulturë, Lifestyle

“Përsëri ngrihem”, poezia fantastike nga Maya Angelou

Në këtë poezi, autorja mundohet të jetë sa e brishtë, aq dhe e ashpër ndaj tjerëve që duan ta shohin të rrënuar.

Publikuar

nga

Më poshtë do të keni mundësinë të lexoni një ndër poezitë më të bukura frymëzuese për femrat, se si duhet të qëndrojnë të forta përpara çdo situate kur i ulin të tjerët. 

Në këtë poezi, autorja Maya Angelou është munduar të jetë sa e brishtë, aq dhe e ashpër ndaj të tjerëve që e ulin dhe duan ta shohin të rrënuar.

Në fund, ajo e mbyll poezinë me mesazhin më të madh “Unë përsëri ngrihem”, duke mos njohur disfata. Ajo nuk njeh humbje, për sa kohë në fund e gjen forcën të ngrihet përsëri dhe të ecë përpara edhe mëfuqishëm se më parë.

Mund të gëzohesh se po më braktisë,
Se nga dhimbja e gjitha po mpihem
Ti mendon se po më shkel me këmbë,
Por si pluhur, unë përsëri do ngrihem.

Të shqetëson kryelartësia ime?
Ç’gjë të shkaktoi, papritur mërzinë?
Se unë rri sikur kam puse me naftë,
Që burojnë aty poshtë në kuzhinë?

Njësoj si dielli, njësoj si hëna
Në baticat në harmoni
Njësoj si shpresa që çohet lart,
Unë do ngrihem përsëri.

Dëshiroje të më shihje të thyer,
Me kokë të ulur e sy me lot,
Me supe varur si lule tharë,
Grua e mjerë që një fjalë se thotë?

Mos të lëndon krenaria ime,
Mos ndoshta kujton se po lajthis,
Se qesh sikur kam miniera ari,
Atje prapa, në oborrin e shtëpisë?

Mund të më qellosh me fjalët e tua,
Mund t’i plagosësh syte e mi,
Mund të më vrasësh me urrejtjen tënde,
Por njësoj si era do ngrihem përsëri.

Brengosesh se jam e bukur, seksi,
Pse te kapi papritur habia?
Se une eci sikur kam diamante
Aty ku takohen kofshët e mija?

Nga kasollet e turpit te historisë
Unë ngrihem
Nga e kaluara e hidhur, mes bukurisë
Unë ngrihem;
Jam ujëvarë e lartë, e zezë, freskuese,
Po fryhem e derdhem po aq tmerruese.

Duke lënë pas frikën e natës së gjatë
Unë ngrihem
Në një agim mrekullisht të qartë
Unë ngrihem
Duke bartur dhuntitë e të parëve të mi
Jam ëndrra dhe shpresa e skllaves për liri
Unë ngrihem përsëri,
përsëri ngrihem
Ngrihem përsëri!/BOTA.AL

Vazhdo të lexosh

Të kërkuara