Kronika e zezë

Vidhen stoli me vlerë mbi 12 mijë euro dhe 1 mijë euro para të gatshme, arrestohet një 49 vjeçar

Hetimet në lidhje me këtë rast do të vazhdojnë.

Publikuar

Një 49 vjeçar u arrestua dje në Mitrovicë për veprën penale “Blerja, pranimi ose fshehja e sendeve te përfituara me kryerjen e veprës penale’’.

Policia sot informoi se më 3 nëntor në Stacionin Policor Jugu Mitrovicë ishte raportuar një rast i vjedhjes, ku në një fshat të Mitrovicës persona të panjohur kishin hyrë në një shtëpi, duke shfrytëzuar rastin kur në shtëpi nuk kishte qenë asnjë person dhe kishin vjedhur stoli ari me vlerë rreh 12 mijë e 100 € dhe para të gatshme prej 1 mijë e 100 €.

Lidhur me këtë u arrestua i dyshuari N.H, 49 vjeçar, me ç’rast, me urdhër të gjyqtarit të procedurës paraprake, u kontrollua një lokal argjendarie në Mitrovicë, ndërsa pas kontrollit u sekuestruan stolitë e arit, të cilat dyshohen se ishin vjedhur me datën 03.11.2022 dhe ishin blerë nga i dyshuari.

“I njëjti është intervistuar nga ana e hetuesve në prezencën e avokatit mbrojtës ndërsa pas procedurës së intervsitimit me urdhër të prokurorit të dyshuarit i është caktuar masa e ndalimit policor prej 48 orësh.”, bëri të ditur Policia.

Hetimet në lidhje me këtë rast do të vazhdojnë.

Kronika e zezë

Goditet nga vetura një këmbësor në Gjilan

Dyshohet se aksidenti dyshohet se ka ardhur për shkak të mos dhënies së përparësisë këmbësorit.

Publikuar

nga

Mbrëmë rreth orës 21:00 në Gjilan ka ndodhur një aksident trafiku mes një veture dhe një këmbësori.

Organet e rendit bëjnë të ditur se deri te aksidenti dyshohet se ka ardhur për shkak të mos dhënies së përparësisë këmbësorit dhe se lëndime trupore ka pësuar viktima i cili ka pranuar tretman mjekësor e më pas është liruar.

Ratsi është inicuar si aksident trafiku me lëndime.

“Gjilan 02.02.2023 – 21:00. Ka ndodhë një aksident trafiku në mes të një veture dhe këmbësorit, viktimës mashkull kosovar. Deri te aksidenti dyshohet se ardhur për shkak të mos dhënies së përparësisë këmbësorit. Si pasojë e aksidentit lëndime të trupore ka pësuar viktima i cili ka pranuar tretman mjekësor e më pas është liruar. Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt”, thuhet në njoftimin e policisë.

Vazhdo të lexosh

Kronika e zezë

​Një grua vodhi para, kapet nga kamerat

Rasti është inicuar si vjedhje e rëndë.

Publikuar

nga

Një person në Novobërdë ka raportuar të mërkurën në polici se i janë vjedhur para të gatshme.

Policia ka njoftuar se lidhur me rastin përmes video incizimeve është identifikuar e dyshuara femër kosovare dhe se gjatë deklaratës ajo e ka pranuar veprën.

Me vendim të prokurorit, rasti shkon në procedurë të rregullt.

Rasti është inicuar si vjedhje e rëndë.

Vazhdo të lexosh

Kronika e zezë

​I ndihmoi për test të patent-shoferit, arrestohet zyrtari në Gjilan

Janë sekuestruar për procedura të mëtutjeshme hetimore disa pajisje që dyshohet se shërbejnë për kryerjen e testit.

Publikuar

nga

Një person është arrestuar nën dyshimin se ka kryer veprën “Keqpërdorim i detyrës zyrtare”, duke asistuar dëshmitarin i cili iu ka nënshtruar testit për patent-shofer në Gjilan.

Sipas raportit, janë sekuestruar për procedura të mëtutjeshme hetimore disa pajisje që dyshohet se shërbejnë për kryerjen e testit.

Ndërkaq, me vendim të prokurorit i dyshuari është dërguar në mbajtje.

Rasti është inicuar si keqpërdorim i detyrës zyrtare

“Gjilan 02.02.2023 – 10:10. Është arrestuar i dyshuari mashkull kosovar nën dyshimin se ka kryer veprën e lartcekur duke asistuar dëshmitarin mashkull kosovar i cili iu ka nënshtruar testit për patentë shofer. Janë sekuestruar për procedura të mëtutjeshme hetimore disa pajisje që dyshohet se shërbejnë për kryerjen e testit. Me vendim të prokurorit i dyshuari është dërguar në mbajtje”, thuhet në raportin e policisë.

Vazhdo të lexosh

Kronika e zezë

Mafiozi tejet i kërkuar italian arrestohet në Francë pas 16 vitesh arrati

Kështu ka njoftuar Interpoli.

Publikuar

nga

Një vrasës i dënuar italian, që besohet se i përkiste një prej organizatave më të fuqishme mafioze të vendit, u arrestua të enjten në Francë pas 16 vitesh në arrati, tha Interpol.

Edgardo Greco, 63 vjeç, dyshohet se i përkiste organizatës famëkeqe ‘Ndrangheta’, një organizatë e fuqishme mafioze në Kalabri, Itali jugore.

Ai kërkohet në Itali për të vuajtur një dënim të përjetshëm për vrasjet e Stefano dhe Giuseppe Bartolomeo dhe i akuzuar për tentativën e vrasjes së Emiliano Mosciaros “si pjesë e një lufte mafioze midis bandave Pino Sena dhe Perna Pranno që shënuan fillimin e viteve 1990”, tha Interpoli.

Vëllezërit Bartolomeo u rrahën për vdekje me shufra hekuri në një magazinë peshku, tha policia italiane.

Arrestimi i Grecos në Francën qendrore erdhi me ndihmën e “Bashkëpunimi kundër ‘Projektit Ndrangheta” (I-CAN) i drejtuar nga Interpoli, i cili lehtëson bashkëpunimin policor midis 195 vendeve anëtare të tij.

Ministri i Brendshëm italian Matteo Piantedosi, i cituar në deklaratën e Interpolit, tha se arrestimet treguan përkushtimin e vendit të tij për “luftimin e të gjitha formave të krimit të organizuar dhe gjetjen e të arratisurve të rrezikshëm”.

Ndrangheta konsiderohet grupi mafioz më i gjerë dhe më i fuqishëm i Italisë, tha Interpol, që vepron në mbarë botën./UBTNews/

Vazhdo të lexosh

Të kërkuara