

Lajmet
Sulmet e zemërimit dhe ushtrimet ekstreme mund të çojnë në goditje në tru
Të dhënat tregojnë se zemërimi shoqërohet me rreth 30 për qind rritje të rrezikut të goditjes në tru.
Published
3 years agoon
By
UBT newsNë një studim të publikuar së fundmi në Gazetën Evropiane të Zemrës të Shoqatës Evropiane të Kardiologjisë, një ekip studiuesish ndërkombëtarë studiuan më shumë se 13.000 pacientë në 32 vende që pësuan një goditje në tru, si pjesë e një studimi të quajtur “Interstroke”.
Duke përdorur “qasjen e eliminimit të rastit”, ekipi u përpoq të përcaktojë nëse shkaktari brenda një ore nga fillimi i simptomave ishte i lidhur me një goditje akute, në krahasim me të njëjtën periudhë një ditë më parë, shkruan Fox News.
Analiza e nxitjes
Parandalimi i goditjes në tru është prioritet për mjekët dhe pavarësisht progresit, është ende e vështirë të parashikohet se kur do të ndodhë një goditje. Shumë studime janë fokusuar në rreziqet afatmesme deri në afatgjata, si hipertensioni, obeziteti ose pirja e duhanit.
“Studimi ynë synoi të shikonte rreziqet akute që mund të veprojnë si shkaktarë”, tha në një deklaratë studiuesi dhe profesori kryesor Andrew Smith nga Universiteti Kombëtar i Galway në Irlandë.
Studimi analizoi modelet në pacientët që vuanin nga goditje ishemike dhe hemorragji intracerebrale më pak të shpeshta.
Një në njëmbëdhjetë të mbijetuar kishte përjetuar një episod zemërimi ose mërzitje brenda një ore më parë, dhe një studim global nga Interstroke zbuloi se një në 20 pacientë ishte nën një përpjekje të rëndë fizike.
Zemërimi, shqetësimi emocional dhe sforcimi i rëndë fizik
Të dhënat e mbledhura tregojnë se zemërimi ose shqetësimi emocional shoqërohet me rreth 30 për qind rritje të rrezikut të goditjes në tru brenda një ore pas episodit.
Përpjekjet e rënda fizike, të tilla si ushtrimet ekstreme, mund të shoqërohen me një rritje prej rreth 60 për qind të rrezikut të hemorragjisë intracerebrale, një formë e rrallë e goditjes në tru që shkakton gjakderdhje në tru.
Lajmet
Ende nuk ka nisur numërimi i votave të kandidatëve për deputetë në qendrën “1 Tetori”
Published
6 minutes agoon
February 11, 2025By
UBTnews
Ndonëse Komisioni Qendror i Zgjedhjeve kishte njoftuar që sot do të nis numërimi i votave të kandidatëve për deputet, në Qendrën komunale të Numërimit në sallën “1 Tetori” në Prishtinë ende nuk ka nis ky proces.
Përveç materialit zgjedhor për të cilin po kujdeset Policia e Kosovës në hapësirat e qendre “1 Tetori” ishin edhe disa zyrtarë të KQZ-së por që nuk ndan informacione se kur pritet të nis numërimi i votave të kandidatëve për deputetë.
Komisioni Qendror i Zgjedhjeve (KQZ) ka numëruar 99.17 qind për qind të votave nga 2,512 qendra votimi nga gjithsej 2.533, deri në orën 19:10, sipas të cilave vazhdon të prijë Lëvizja Vetëvendosje me 40.83 për qind ose 339 mijë 350 vota.
Partia Demokratike e Kosovës (PDK) renditet e dyta me 22.15 për qind ose 184 mijë e 40 vota, Lidhja Demokratike e Kosovës (LDK) e treta me 17.59 për qind ose 146 mijë 241 vota.
AAK-NISMA-Konservatorët-Intelektualët-Ideal renditet subjekti i katërt me 7.47 për qind ose 62 mijë e 66 vota.
Lajmet
Rama për Veliajn: U mor pa gjyq nga zyra e u mbyll në qeli, kryeqyteti u la pa kokë
Published
9 minutes agoon
February 11, 2025By
UBT NEWS
Kryeministri i Shqipërisë, Edi Rama, ka reaguar për arrestimin e kryetarit të Bashkisë së Tiranës, Erion Veliaj, duke e cilësuar këtë si një ngjarje të rëndësishme dhe të pazakontë. Në rubrikën e tij “Sy m’Sy” në Facebook, Rama u shpreh se ky rast e ka bërë të ndryshojë qasjen e tij përballë vendimeve të drejtësisë. Sipas tij, largimi i Veliajt nga zyra pa një vendim gjyqësor ka lënë Tiranën pa drejtuesin që qytetarët kishin zgjedhur.
Duke komentuar situatën politike të krijuar pas arrestimit të Veliajt, Rama tha se nuk do të qëndrojë më i heshtur përballë vendimeve të sistemit të drejtësisë. Ai u shpreh se nuk mund të qëndrojë indiferent ndaj një vendimi që, sipas tij, ka pasoja të mëdha për funksionimin e kryeqytetit dhe proceset demokratike.
Në lidhje me protestat e paralajmëruara nga opozita, ku kërkohet edhe dorëheqja e tij, Rama ironizoi atmosferën politike të krijuar, duke thënë se kundërshtarët e tij janë të nxitur nga “era e mishit me gjak” dhe se janë të gatshëm të shfrytëzojnë çdo situatë për të kërkuar largimin e tij nga posti i kryeministrit./UBTNews/
Lajmet
Italia mbështet anëtarësimin e vendeve të Ballkanit Perëndimor në BE deri në vitin 2030
Published
16 minutes agoon
February 11, 2025By
UBT NEWS
Italia ka riafirmuar mbështetjen e saj të fuqishme për anëtarësimin e vendeve të Ballkanit Perëndimor në Bashkimin Evropian deri në vitin 2030, duke theksuar rëndësinë e përshpejtimit të këtij procesi. Zëvendëskryeministri dhe ministri i Jashtëm i Italisë, Antonio Tajani, gjatë një takimi në Romë, ka deklaruar se vendet e rajonit kanë bërë përparim të konsiderueshëm dhe se viti 2029 shihet si një afat i përshtatshëm për integrimin e tyre në BE.
Tajani ka nënvizuar se megjithëse Bosnje-Hercegovina mund të ketë nevojë për më shumë kohë për t’u përshtatur me kriteret e anëtarësimit, vendet e tjera si Serbia, Mali i Zi, Shqipëria dhe Maqedonia e Veriut kanë avancuar në rrugën e tyre drejt integrimit evropian.
“Ne jemi në favor të anëtarësimit të të gjitha vendeve në BE para vitit 2030. Ndoshta Bosnjë-Hercegovinës i duhet më shumë kohë, por të tjerët kanë bërë përparim dhe mendoj se viti 2029 është një kohë e mirë”, deklaroi ai.
Takimi, i cili po zhvillohet në rezidencën shtetërore Villa Madama në Romë, ka mbledhur ministrat e jashtëm të vendeve të Ballkanit Perëndimor, Shqipërisë, Bosnje-Hercegovinës, Kosovës, Maqedonisë së Veriut, Malit të Zi dhe Serbisë – si dhe ministrat e jashtëm të vendeve të Grupit të Miqve të Ballkanit Perëndimor, përfshirë Italinë, Austrinë, Kroacinë, Greqinë, Republikën Çeke, Sllovakinë dhe Slloveninë. Në këtë takim marrin pjesë edhe Përfaqësuesja e Lartë e BE-së për Politikën e Jashtme dhe Sigurinë, Kaja Kallas, si dhe Komisionerja e BE-së për Zgjerimin, Marta Kos.
Ministria e Jashtme italiane ka bërë të ditur se qëllimi i këtij takimi është forcimi i koordinimit dhe përcaktimi i prioriteteve për vitin 2025, me synimin e rritjes së sigurisë në rajon dhe përshpejtimit të integrimit të vendeve të Ballkanit Perëndimor në BE. Tajani ka theksuar gjithashtu rëndësinë e stabilitetit në rajon dhe ka shprehur shpresën se tensionet mes Kosovës dhe Serbisë nuk do të vazhdojnë, duke theksuar se dialogu dhe bashkëpunimi janë kyç për progresin e gjithë rajonit./UBTNews/
Lajmet
Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë
Published
30 minutes agoon
February 11, 2025By
UBTnews
Presidenti i Serbisë, Aleksandar Vuçiq, tha të hënën se Lista Serbe e ka shënuar një “fitore të madhe dhe të rëndësishme për Serbinë” në zgjedhjet parlamentare të 9 shkurtit në Kosovë, duke treguar “përkushtimin e fortë të popullit serb për t’i ruajtur vatrat e tyre dhe për t’u mbështetur te Serbia e tyre”.
“Ata [serbët në Kosovë] kanë një president të tyre, një atdhe të tyre dhe atë atdhe, Serbinë, e duan më shumë se çdo gjë në botë. Jam pafundësisht mirënjohës ndaj tyre dhe ata kanë treguar se si një popull sillet në mënyrë të përgjegjshme dhe serioze në një situatë të vështirë”, tha Vuçiq gjatë një interviste për televizionin Pink.
Vuçiq tha se “nuk dëshiron” të spekulojë apo “të ndërhyjë në marrëdhëniet ndërshqiptare”, por se kushdo që do ta formonte një qeveri me Albin Kurtin “do të ishte i vdekur politikisht”.
Me 99 për qind të votave të numëruara nga zgjedhjet e 9 shkurtit, Lista Serbe – partia më e madhe serbe në Kosovë, e cila gëzon mbështetje absolute nga Beogradi zyrtar – siguroi 36.784 vota, ose 4.43 për qind.
Ndërsa, Partia për Liri, Drejtësi dhe Mbijetesë e Nenad Rashiqit i mori rreth 3.861 vota, ose 0.46 për qind.
Vuçiq shtoi se Lista Serbe “me gjithë dobësitë, mangësitë dhe gabimet e saj, ka arritur të fitojë besimin më të madh të serbëve” në Kosovë.
Por, sipas rezultateve aktuale, Lista Serbe e humbi mbështetjen e gati 15 mijë personave, krahasuar me zgjedhjet parlamentare të vitit 2021.
Rashiq, në anën tjetër, e rriti mbështetjen për rreth 2.000 vota.
Subjektet tjera politike nga komuniteti serb, që morën pjesë në zgjedhjet e 9 shkurtit, nuk do të hyjnë në Kuvendin e Kosovës.
Demokracia Serbe e Aleksandar Arsenijeviqit mori rreth 1.700 vota, Lëvizja Popullore Serbe e Branimir Stojanoviqit mori rreth 1.405 vota, Nisma Qytetare Drejtësia Popullore mori rreth 597 vota dhe Partia e Serbëve të Kosovës mori 348 vota.
Që nga themelimi i saj në vitin 2013, Lista Serbe ka fituar mbi 90 për qind të votave të komunitetit serb në të gjitha zgjedhjet në të cilat ka marrë pjesë, por Misioni Monitorues i BE-së ka vënë në dukje “monopolin dhe presionet” nga zyrtarët e saj.
Në dy vjetët e fundit, kjo parti ka ndjekur një “politikë bojkotimi”, në përputhje me vendimin e saj për t’u tërhequr nga institucionet e Kosovës në veri.
Nuk është ende e qartë nëse, në periudhën e ardhshme, ajo do të marrë pjesë aktive në institucionet e Kosovës, apo do të vazhdojë me bojkotim./REL/

Ende nuk ka nisur numërimi i votave të kandidatëve për deputetë në qendrën “1 Tetori”

Tirana, 105 vjet kryeqytet i Shqipërisë

Rama për Veliajn: U mor pa gjyq nga zyra e u mbyll në qeli, kryeqyteti u la pa kokë

Italia mbështet anëtarësimin e vendeve të Ballkanit Perëndimor në BE deri në vitin 2030

Zvicra pa Granit Xhakën në dy miqësoret e marsit

13 vite nga vdekja e ikonës së muzikës botërore Whitney Houston

Trumpi i jep detyrë të re Richard Grenellit

Vuçiq thotë se Lista Serbe arriti “fitore të rëndësishme për Serbinë” në zgjedhjet në Kosovë

Pika e përbashkët kufitare ndërmjet Maqedonisë së Veriut dhe Kosovës pritet të fillojë prej 1 marsit
Të kërkuara
-
Lajmet3 months ago
Rektori Hajrizi: Çdo sukses i joni është një sukses për Kosovën!
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota2 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks ago
Fluturimet e dëbimit kanë filluar, thotë Shtëpia e Bardhë