Art

Studentët e Dizajnit të Integruar realizojnë sfilatën “POP-UP” (Video)

Publikuar

Studentët dhe profesorët e Fakultetit të Dizajnit të Integruar kanë realizuar një sfilatë  mode me krijime të përzgjedhura të studentëve të vitit të tretë dhe vitit të dytë.  Koleksioni i kësaj sfilate si tërësi është bazuar dhe titulluar sipas trendit e fundit të modës në botë, “POP-UP”, që ka qenë karakteristikë tipike e modës së zhvilluar gjatë këtyre muajve të pandemisë nga stilistët dhe dizajnerët  më të njohur.

Profesoresha dhe organizatorja e sfilatës, Afërdita Statovci potencoi se fillimi i muajit Mars 2020, u shënua me fillimin e një periudhe sfiduese për të gjitha industritë, përfshirë këtu edhe industrinë e modës.

“E ardhmja e shfaqjeve, ekspozitave dhe sfilatave të modës ishte e pa sigurt dhe kjo paraqiti një sfidë për dizajnerë të modës, për studentë të modës dhe për brende të tejkalojnë krizën e pandemisë dhe përkufizimeve sociale që e përcollën atë. Të ballafaquar me domosdoshmërinë e përkthimit të modës në një format digjitale, ne në specializimin Dizajn Mode dhe Tekstil, kaluam javët e para të izolimit në muajin Mars duke diskutuar mënyrën se si të bashkëdyzojmë glamurin dhe shkëlqimin e një sfilatë mode me ‘ftohtësinë’ e internetit. Përgjigja:  Sfilatë Virtuale”, potencoi Statovci.

Sipas profesoreshës, video lojërat dhe zhanri fantastiko-shkencor kanë qenë prej kohësh një mjet për të ndërtuar një utopi, duke u mbështetur në idenë se përtej realiteteve fizike mund të ndërtohet diçka më e mirë.

“Tema e sfilatës ishte ‘POP-UP’, që në dizajn të modës nënkupton diçka që shfaqet papritmas. Si koncept ‘POP-UP’, në dizajn të modës është përqafuar fuqishëm nga dizajnerët dhe brendet e modës në tërë globin si një eksperiencë e re, dhe si mjet i cili ofron përvoja të reja për të krijuar lidhje më të thella me publikun duke i lejuar atij të analizojë dhe të shijojë më shumë dizajnet e shfaqura”, vlerësoi ajo.

Sfilatën mund ta gjeni në linkun:

Vazhdo të lexosh

Art

​Nxënësit e Deçanit përmes ekspozitës nderojnë të rënët për liri

Publikuar

nga

Me rastin e Ditës së Dëshmorëve të Deçanit, nxënësit e shkollave fillore dhe të mesme të kësaj komune kanë organizuar një ekspozitë përmes së cilës përkujtohen figurat kombëtare të historisë sonë.

Kryetari i komunës së Deçanit, Bashkim Ramosaj, tha se është krenar që nxënësit e shkollave të Deçanit, përmes kësaj ekspozite kujtojnë figurat kombëtare dhe historinë e kaluar dhe të lavdishme të popullit tonë.

“Deçani ka vendos që me një datë të caktuar t’i përkujtojë dëshmorët dhe martirët e kombit. Është një vendim që e kemi marr në fund të vitit 2019 dhe e kemi zbatuar në vitin 2020, mirëpo për shkak të pandemisë nuk kemi mundur të bëjmë ndonjë organizim të dinjitetshëm edhe pse në kushte pandemike në këtë rast u bë diçka përtej me një numër tepër modest të pjesëmarrësve. Është një simbolikë ku neve na përkujton të kaluarën tonë historinë tonë. Unë ndjehem krenar kur nxënësit e shkollës së mesme të ulët memorizojnë figurat kombëtare dhe historinë e kaluarës tonë”, tha ai.

Duke vlerësuar lart angazhimin e nxënësve, drejtori i Arsimit, Bekim Vishaj tha se kjo ekspozitë me piktura të nxënësve të Deçanit ka për qëllim përkujtimin e dëshmorëve të rënë në këtë komunë. Ai tha se përvec që kjo ekspozitë simbolizon respektin ndaj atyre që ranë për lirinë e Kosovës, do të shërbejë edhe si një hapësirë për nxënësit që të tregojnë talentin e tyre në fushën e artit.

“Është merita më e madhe e nxënëseve që janë akterë të kësaj ngjarje kryesore… ky aktivitet ka vend ne kalendarin shkollor… Motivi për organizimin e kësaj ekspozite në fillim ka për qëllim përkujtimin e dëshmorëve në këtë rast të komunës sonë, që është me rastin e Ditës së Dëshmorëve 5 dhe 6 maj. Është ekspozitë që simbolizon kujtesën, simbolizon respektin për ata qe ranë për liri të Kosovës, njëkohësisht u japin hapësirë talentit të nxënësve që në të ardhmen ndoshta do të ndjekin këtë rrugë dhe do të bëhen artistë të mirëfilltë të artit”, tha ai.

Ekspozita e nxënësve të shkollave fillore dhe të mesme do të mbetet e hapur tri ditë në oborrin e objektit të Komunës së Deçanit.

Vazhdo të lexosh

Art

Pamje mbresëlënëse të Azisë

Publikuar

nga

Ka mjaft vende të bukura të cilat shumica prej jush i keni parë. Por nganjëherë syri i një fotografi të talentuar mund t’ju tregojë kënde tjera të mrekullive të botës.

Fotografi japonez, Ryosuke Kosuge shfaq pamje mahnitëse të Azisë përmes aparatit të tij, dhe rezultatet thjesht do t’ju shokojnë./UBTNews

Vazhdo të lexosh

Art

Artistja avangardë japoneze dhe instalacionet e pafundësisë

Publikuar

nga

Shfaqja e artistes japonezë, Yayoi Kusama, “Natyra Kozmike” është çelur këtë pranverë në Kopshtin Botanik të Nju Jorkut, pas vonesave të konsiderueshme të shkaktuara nga Covid 19.

Ekspozita në natyrë do të shfaqë instalimin e saj të parë me pjesëmarrje, si dhe një dhomë krejt të re të ‘pafundësisë’.

Vepra të tjera të dukshme të artit përfshijnë Dhoma e Mbarimit (2002), në të cilën vizitorët janë të ftuar të zbulojnë një dhomë të bardhë me ngjitësa shumëngjyrësh polka, kungull (1994), një skulpturë e madhe e kungujve e vendosur në ishullin japonez të Naoshima, dhe Shpërthim anatomik seri ( 1968).  

Kufizimet për shkak të pandemisë ka të ngjarë të ndikojnë në numrin e njerëzve pjesëmarrës, pasi në të kaluarën interesi I lartë për artisten bashkëkohore ka çuar në radhë me orë të zgjatura. Ekspozitat e saj në vende të ndryshme të botës numërojnë miliona vizitorë.

“Menaxhimi i dendësisë brenda kopshtit ka qenë prioritet,” tha një zëdhënës. “Biletat do të kufizohen në jo më shumë se 33% kapacitet për vendet e jashtme, dhe jo më shumë se 25% kapacitet për vendet e mbyllura.”

Artistja avangardë, fituese e shumë çmimve, Kusama kondiderohet një figurë me ndikim në skenën e artit të pasluftës në New York, ku organizoi instalacione provokuese dhe ekspozoi vepra të tilla si “Net Infinity”, piktura haluçinante me pika. Që nga kthimi i saj në Japoni në vitet 1970, puna e Kusama ka vazhduar t’i pëlqejë imagjinatës dhe shqisave, duke përfshirë instalacione marramendëse, skulptura publike dhe pikturat “Dots Obsessions”.

Ekspozita do të qendrojë e hapur për vizitorët deri në fund të muajit tetor.

Vazhdo të lexosh

Art

Hapet ekspozita “Vullkani i Republikës” dhe “70 vjet Arkiv”

Publikuar

nga

Agjencia Shtetërore e Arkivave e Kosovës ka hapur ekspozitën njëditore “Vullkani i Republikës”, për nder të 40-vjetorit të demonstratave të viti 1981, si dhe ekspozitën “70 vjet Arkiv” për shënimin e 70-vjetorit të themelimit të Arkivit të Kosovës.

Kryeshefi i Agjencisë Shtetërore të Arkivave, Bedri Zyberaj tregoi se dy ekspozitat janë realizuar muajt e fundit.

Në ekspozitën e parë “Vullkani i Republikës” ai tha se qytetarët mund të shohin pjesë të shtypit të kohës, i cili ka bërë përpjekje për të deformuat të vërtetën.

“Sot kemi hapur dy ekspozita të cikat i kemi realizuar muajve të fundit. E para ka të bëjë si koincidencë, se marsi i këtij viti na solli para një akti të rëndësishëm, e para ishte përvjetori i demonstratave të vitit 1981 dhe e dyta që ka të bëjë ekskluzivisht me institucionin tonë, 70 vjetori i Arkivit tonë. Për t’i shënuar të dy këto jubile, ne kemi përgatitur ekspozitën ‘Vullkani i Republikës’ dhe ’70 vjet arkiv’. Në ekspozitën e parë qytetarët mund të shohin pjesë të shtypit të kohës, i cili ka pasur përpjekje për të deformuar të vërtetën”, tha ai.

Vazhdo të lexosh

Të kërkuara