Lajmet

Sindikata e Zjarrfikësve letër të ‘zjarrët’ Kryeministrit

Shërbimi i Zjarrfikjes thotë se punojnë në kushte të vështira.

Publikuar

Sindikata e zjarrfikësve kanë shprehur shqetësimin e tyre lidhur me zjarrin që ka përfshirë disa vatra në Kosovë.

Në letrën drejtuar kryeministrit të Kosovës, Albin Kurti dhe ministrive të linjës, nga Sindikata thonë se shërbimi i Zjarrfikjes dhe shpërthimit që nga paslufta vepron dhe punon në kushte të vështira në të gjitha komunat. Ata kërkojnë që zjarrfikësit dhe të gjitha forcat në teren të mbështeten me të gjitha kapacitetet e mundshme. Po ashtu kërkojnë që të sigurohen mjete financiare për kompensim gjatë mobilizimit në komunat tjera, orarin e tej zgjatur.

Në letrën drejtuar kryeministrit të Kosovës, Albin Kurti dhe ministrive të linjës, nga Sindikata thonë se shërbimi i Zjarrfikjes dhe shpërthimit që nga paslufta vepron dhe punon në kushte të vështira në të gjitha komunat.

“Të shqetësuar me pozitën e vështirë që ka kapluar shërbimin e zjarrfikjës dhe Shpëtimit në të gjitha Komunat e Kosovës edhe një herë ju drejtohemi si përgjegjës të institucioneve më të larta Shtetërore, më shpresë se do të shqyrtohet kjo gjendje e rëndë dhe e pa përballueshme që po na përcjell vite me radhë. Shërbimi i Zjarrfikjes dhe shpëtimit që nga pas lufta vepron dhe punon në kushte mjaft të vështira në të gjitha Komunat e Kosovës, sepse asnjëherë nuk ju dha prioritet në zhvillimin, avancimin dhe përgatitjen, rritjen e kapaciteteve operative emergjente sipas misionit të Zjarrfikjes, shpëtimin e jetës së Njeriut dhe të mirave Materiale, vite me radhë kemi ngrit shqetësimet dhe kemi evidentua te gjitha mangësitë dhe problemet qe ballafaqohen zjarrfikësit e Kosovës sa i përket organizimit dhe përgatitjes për t’u ballafaquar me sfidat të cilat munden te paraqiten në situata emergjente”, thuhet në letrën e sindikatës dërguar institucioneve të vendit.

Veç shqetësimit për zjarrin, ata janë të shqetësuar edhe me problemet që zjarrfikësit janë duke u përballur me vatrat e zajrrit, angazhimet shtesë, orare të zgjatura dhe papërkrahje.

Për çka kanë potencuar se tani është momenti që të kërkohet angazhim dhe përkushtim maksimal i të gjitha institucioneve që zjarrfikësit të trajtohen ashtu siç e meritojnë.

“Tash është momenti qe kërkon angazhim dhe përkushtim maksimal i te gjithëve, por ne te ardhmen institucionet duhet te angazhohen qe shërbimi i zjarrfikjes dhe shpëtimit te trajtohet ashtu siç e meritojnë shpëtimtarët sipas themelimit dhe misionit te Shpëtimit te jetës se njeriut dhe te mirat materiale te shtetit. Me shqetësim jemi duke i përcjell vatrat e zjarrit qe janë duke ndodhur ne vendin tonë, ne këto momente zjarrfikësit edhe pse me kushte te vështira dhe pa mjete adekuate, me te gjitha forcat janë duke dhanë maksimumin qe situata te vihet ne kontroll, por duhet mobilizim dhe angazhim i të gjithë mekanizmave te sigurisë qe situata sa me shpejt te vihet ne kontroll, te ruhet jeta e qytetareve dhe pronat e tyre. Jemi te shqetësuar me problemet qe zjarrfikësit janë duke u përballur me vatrat e zjarrit, angazhimet shtese, me orar te zgjatur dhe pa përkrahje ne teren sa i përket pajisjeve dhe gjithashtu edhe mbështetja me ushqim, zjarrfikësit veprojnë me kushte shumë te vështira dhe gjithsesi duhet te intervenohet ne ketë drejtim. Prandaj nga Kryeministri dhe kabineti qeveritar ne koordinim me komunat e Kosovës urgjentisht te analizojnë situatën e krijuar dhe tu delen ne ndihmë zjarrfikësve te cilët me dite te tëra janë ne luftë me vatra te zjarrit. Qeveria urgjentisht duhet te siguroj mjete financiare shtesë qe zjarrfikësve tu sigurohen kushte ne këto rrethana, është e nevojshme qe te sigurohen edhe pajisje ( shpinore lopata dhe fshesa metalike, dhe pajisje tjera qe do te mund ti përdorin edhe qytetaret vullnetar te cilët janë te gatshëm te kontribuojnë ne situatën e krijuar. Zjarrfikësit dhe te gjitha forcat ne teren duhet te mbështeten me te gjitha kapacitetet e mundshme, duhet gjithsesi qe te sigurohen edhe mjete financiare për kompensim gjatë mobilizimit dhe mobilizimet ne komunat tjera, per orarin e tej zgjatur dhe ne kushte shumë te vështira”, thuhet në letrën e dërguar institucioneve.

Shpresojmë se ky shqetësim i zjarrfikësve te Kosovës do jetë edhe shqetësim për ju dhe do ti merrni shumë seriozisht kërkesat tona, qe te reflektoni pozitivisht ne ketë situatë te renduar qe ka kapluar vendin. 

Lajmet

​Sa e dëmshme është të flini pranë telefonit?

Dëmet e shkaktuara nga telefonat ende nuk janë studiuar plotësisht.

Publikuar

nga

Në botën moderne, është mjaft e zakonshme që njerëzit të përdorin telefonat e tyre para gjumit, madje edhe t’i mbajnë nën një jastëk. Por sa e rrezikshme të flini me një celular pranë jush.

Në fillim të epokës së telefonit celular, shumë mjekë dhe shkencëtarë sugjeruan që rrezatimi i emetuar nga këto pajisje mund të kontribuojë në zhvillimin e kancerit. Sidoqoftë, prova për të mbështetur këtë teori nuk janë gjetur kurrë.

Para se të dilnin në treg, telefonat inteligjentë të sotëm i nënshtrohen testimit të gjerë për të marrë certifikatat e nevojshme të sigurisë. Në çdo rast, duhet të jeni të kujdesshëm, veçanërisht gjatë natës.

Duhet të theksohet se dëmet e shkaktuara nga telefonat ende nuk janë studiuar plotësisht. Rregulli i përgjithshëm është që të mos flini duke përqafuar vegël.

Shumica e pajisjeve janë të certifikuara për ekspozim në një distancë prej gjysmë metri. Në këtë distancë, ndikimi i tyre në shëndet është minimal. Për atë arsye, rekomandohet që të mos e mbani telefonin afër kokës.

Është veçanërisht e rëndësishme që njerëzit me një stimulues kardiak të mos e mbajnë telefonin shumë afër, pasi mund të ndikojë në punën e aparatit të zemrës.

Vazhdo të lexosh

Lajmet

Kina zotohet se s’do të ndërtojë termocentrale me qymyr jashtë vendit

Kina ka financuar projekte të thëngjillit në vende si Indonezia dhe Vietnami.

Publikuar

nga

Kina nuk do të ndërtojë termocentrale me qymyr jashtë vendit, një lëvizje që mund të jetë thelbësore në trajtimin e emetimeve globale. Kështu deklaroi presidenti kinez, Xi Jinping, gjatë adresimit të tij në Asamblenë e Përgjithshme të Kombeve të Bashkuara.

Kina ka financuar projekte të thëngjillit në vende si Indonezia dhe Vietnami. Por ka qenë nën presion për t’i dhënë fund financimit, pasi bota po përpiqet të përmbushë objektivat e marrëveshjes së Parisit për klimën.

Xi Jinping theksoi nevojën për të përshpejtuar kalimin në një ekonomi të gjelbër dhe me karbon të ulët dhe për të arritur rimëkëmbjen dhe zhvillimin e gjelbër.

“Kina do të rrisë mbështetjen për vendet e tjera në kalimin në një ekonomi të gjelbër dhe me karbon të ulët, dhe nuk do të ndërtojë projekte të reja të energjisë me qymyr jashtë vendit”, tha Xi në samitin vjetor.

Nuk u dhanë detaje tjera në lidhje me këtë iniciativë./UBTNews

Vazhdo të lexosh

Lajmet

Ronaldo lojtari më i paguar në këtë sezon

Ronaldo lë pas edhe Messin.

Publikuar

nga

Cristiano Ronaldo do të jetë lojtari më i paguar në botë për këtë sezon, duke e kaluar edhe rivalin e tij afatgjatë, Lionel Messi, sipas Forbes.

Pas kthimit të tij në Manchester United, ylli portugez pritet të fitojë 125 milionë dollarë para taksave këtë sezon – 70 milionë dollarë vijnë nga rroga dhe bonuset.

Në anën tjetër, Messi do të fitojë 110 milionë dollarë, duke u bërë lojtari i dytë më i paguar në botë. 34-vjeçari iu bashkua Paris Saint-Germainit nga Barcelona këtë vit dhe pritet të fitojë më shumë se Ronaldo sa i përket pagës – 75 milionë dollarë.

Por Ronaldo, si lojtari më i popullarizuar në mediat sociale me më shumë se 500 milionë ndjekës në Facebook, Instagram dhe Twitter, sipas Forbes – merr 55 milionë dollarë nga rrjetet sociale krahasuar me 35 milionë dollarët e Messit./UBTNews

Vazhdo të lexosh

Lajmet

Australia pas tërmetit të sotëm

Publikuar

nga

Një tërmet me magnitudë 6.0 shkallë të Rihterit ka goditur Melburnin në Australi të mërkurën, një nga tërmetet më të mëdha të vendit të regjistruara, duke shkaktuar dëme në ndërtesa.

Epiqendra e tërmetit ishte pranë qytetit rural Mansfield në shtetin Viktoria, rreth 200 km në verilindje të Melburnit, dhe ishte në një thellësi prej 10 km.

Muret e disa ndërtesave u dëmtuan dhe strukturat metalike u shtrinë mbi rrugët e qytetit të dytë më të madh australian.

Kryeministri Scott Morrison në një konferencë për media deklaroi se nuk raportohet për të lënduar./UBTNews

Vazhdo të lexosh

Të kërkuara