Lajmet

Raporti amerikan: FSK të transformohet në ushtri operacionale deri më 2027

Publikuar

Qendra amerikane për studime rajonale “Wilson Center” ka publikuar një raport për Kosovën të titulluar “Konsolidimi i Pavarësisë së Kosovës: Pse ka rëndësi dhe çfarë duhet bërë”.

Në këtë raport qendra amerikane rekomandon që partnerët ndërkombëtarë të Kosovës(ShBA dhe BE) duhet ripërtrijnë angazhimin për konsolidim të sovranitetit të Kosovës përfshirë edhe lehtësimin e transformimit të FSK-së në ushtri plotësisht operacionale deri më 2027 raporton Gazeta Express.

Forumi amerikan “Wilson Center” poashtu ka bërë disa rekomandime për ShBA-në, BE-në, Britaninë e Madhe dhe NATO-n në raporton me Kosovën.

Mes tjerash thuhet që partnerët ndërkombëtarë duhet të dyfishojnë mbështetjen për pranim të Kosovës në organizata ndërkombëtare, të liberalizohen vizat për Kosovën, të inkurajohen pesë shtetet mosnjohëse të BE-së që të ndryshojnë qëndrim për pavarësinë e Kosovës si dhe të lehtësohet zhvillimi i FSK-së drejt një ushtrie plotësisht operacionale deri në vitin 2027.

“Shtojeni bashkëpunimin mes Kosovës dhe NATO-s. Lehtësojini zhvillimin e Forcës së Sigurisë së Kosovës në ushtri plotësisht operacionale deri më 2027 dhe bashkëpunimin shtesë në ushtrimet e përbashkëta ushtarake”, thuhet në raportin e “Wilson Center”.

Në këtë raport poashtu flitet për sfidat e Serbisë, ku përmendet presidenti Aleksander Vuçiq i cili cilësohet si i rrezikshëm për paqen dhe stabilitetin në rajon e poashtu edhe lidhjet e ngushta të Serbisë me Rusinë e Kinën.

“Rritja e udhëheqësisë joliberale, nacionaliste në Serbi, e udhëhequr nga Presidenti Aleksander Vuçiq, përbën një rrezik tjetër të konsiderueshëm ndaj paqes dhe stabilitetit rajonal, siç janë edhe lidhjet e ngushta të Serbisë me Rusinë dhe Kinën. Qeveria serbe vazhdon që haptazi ta sfidojë sovranitetin e Kosovës, e kërcënon unitetin e Bosnjës dhe Hercegovinës përmes inkurajimit të ndarjes së Republikës Serbe dhe bashkimit të saj me Serbinë dhe punon për ta minuar sovranitetin e Malit të Zi përmes grupeve pro-serbe në qeverinë e re. Këto politika rajonale përçarëse dhe destabilizuese, si dhe përforcimi i ushtrisë serbe, përkrahen nga Rusia, e cila ka ndërhyrë drejtpërdrejt në shtete në mbarë Ballkanin, sidomos në Mal të Zi dhe në Maqedoni Veriore”, thuhet ndër të tjera në raportin e “Wilson Center”.

Vazhdo të lexosh

Lajmet

UBT zyrtarisht hap Qendrën për Realitet Virtual dhe të Shtuar “EON Reality, Augmented and Virtual Center”

Publikuar

nga

Në Parkun Shkencor Inovativ të UBT-së, dy gjigantë nga dy fusha të ndryshme, njëri nga teknologjia virtuale e njëri nga arsimi, “EON Reality” dhe UBT, kanë inauguruar Qendrën për Realitet Virtual dhe të Shtuar “EON Reality, Augmented and Virtual Center”, qendër kjo më e madhja dhe e vetmja në Ballkan.

Në ceremoninë solemne të inaugurimit të kësaj qendre pjesëmarrës ishte rektori njëherit edhe themelues i UBT-së, prof.dr Edmond Hajrizi, presidenti i kompanisë gjigante të teknologjisë virtuale “EON Reality”, Dan Lejerskar, ministrja e Ministrisë së Industrisë, Ndërmarrësisë dhe Tregtisë, Rozeta Hajdari, si dhe zëvendësministrja e Ministrisë së Arsimit, Shkencës, Teknologjisë dhe Inovacionit, Edona Maloku-Bërdyna.

Rektori i UBT-së, prof.dr Edmond Hajrizi, hapjen e kësaj qendre të madhe virtuale e vlerësoj si shumë të rëndësishme për Kosovën dhe të rinjtë në vendin tonë, duke thënë se kjo qendër do të jetë në shërbim të të rinjve në fushat e edukimit, shkencës, teknologjisë dhe inovacionit.

“Ne jemi duke përmbyllur një investim 30 milionë dollarësh dhe me këtë ne mendojmë se do të ketë indikator shumë të rëndësishëm në edukim, në rritje të vendeve të punës, në eksport, poashtu edhe në promovimin e aftësive digjitale të Kosovës në aspektin e inovacionit. Gjeneratat e reja do të mësojnë me teknologjitë më të reja botërore që ndikojnë në krijimin e kompetencave më të qëndrueshme, dhe ky është vetëm fillimi i një epoke digjitale që UBT po e zbaton në Ballkan”, ka thënë rektori Hajrizi.

Presidenti i kompanisë së teknologjisë virtuale “EON Reality”, Dan Lejerskar, u shpreh i lumtur që është edhe njëherë në Kosovë, konkretisht në UBT, kësaj radhe për të bërë inaugurimin e një qendre shumë të rëndësishme për të rinjtë e Kosovës dhe Ballkanit në tërësi, që atyre u kontribuon shumë në zhvillimin e aftësive të tyre për shkencë, teknologji, edukim dhe inovacion, duke theksuar se ky investim do të mund të rritet edhe më shumë viteve të ardhshme.

“Unë jam shumë i lumtur që jam këtu për ta zyrtarizuar këtë qendër. Siç ju e dini, ju keni bërë një punë të jashtëzakonshme tashmë, dhe më duhet të them se jam i super impresionuar me vullnetin dhe gatishmërinë tuaj, të studentëve dhe stafit të fakultetit për teknologjinë e re. Gjithashtu, jam shumë i kënaqur të ju njoftoj se ne jemi duke diskutuar, dhe kam qenë në gjendje të siguroj fonde shtesë përmes organizatave ndërqeveritare, kështu që një nga arsyet pse jam këtu është që t’i ofroj Kosovës aftësinë për të zgjeruar këtë projekt në një grant prej 150 milionë dollarëve, duke e zgjeruar në nivel kombëtar përmes arsimit dhe inovacionit, duke ndërvepruar me industrinë”, ka thënë presidenti i kompanisë gjigante të teknologjisë virtuale “EON Reality”, Dan Lejerskar.

Ministrja e Ministrisë së Industrisë, Ndërmarrësisë dhe Tregtisë, Rozeta Hajdari, ka mirëpritur këtë investim të bërë, i cili sipas saj i kontribuon shumë imazhit të vendit, si dhe rinisë kosovare, e cila sipas saj është e përkushtuar dhe ka shumë talent.

“Duke pasur një rini me shumë talent, shumë përkushtim, shumë zotim dhe shumë dëshirë për të mësuar, ky investim është një mesazh që përçon te të gjithë investitorët në Republikën tonë dhe jashtë, sepse tani pas covid-19 janë shumë kriza që kanë ardhur nga disa industri dhe shumë industri rreth botës të cilat krijojnë diversifikim të furnizimeve”, ka thënë ministrja Hajdari.

Zëvendësministrja e Ministrisë së Arsimit, Shkencës, Teknologjisë dhe Inovacionit, Edona Maloku-Bërdyna, ka thënë se inaugurimi i kësaj qendre Kosovës po i sjellë një teknologji të re dhe të dobishme në fushat e arsimit, shkencës, teknologjisë dhe inovavionit, duke thënë se ky bashkëpunim i UBT-së me “EON Reality” ofron mundësi të reja të pasurimit pedagogjik në klasë.

“Unë sot kam nderin dhe kënaqësinë që të marr pjesë në inaugurimin e Qendrës për Realitet Virtual dhe të Shtuar që sjell në Kosovë një teknologji të re, të dobishme në fushat e arsimit, shkencës, teknologjisë dhe inovacionit. Përurimi i kësaj qendre sot këtu është sa i nevojshëm e i mirëseardhur për komunitetin arsimor në Kosovë, aq edhe inspirues për ne për shkak se shndërrohet në pikëtakim ku arsimi, teknologjia, inovacioni dhe shkenca bashkëveprojnë për të mirën e komunitetit dhe të gjithë shoqërisë”, ka thënë, zëvendësministrja e Ministrisë së Arsimit, Shkencës, Teknologjisë dhe Inovacionit, Edona Maloku-Bërdyna.

Nga të gjithë të pranishmit, ky investim u vlerësua si investim madhor dhe i qëlluar duke marrë parasysh zhvillimin e shpejtë të teknologjisë virtuale dhe nevojën e krijuar së fundmi për këtë teknologji në fusha të ndryshme, duke krijuar kështu edhe një botë bindëse dhe shumë atraktive për mësim dhe mundësi të artë për të eksploruar në fusha të ndryshme studimi.

UBT është qendra më e madhe e teknologjisë virtuale në Ballkan, ku këtë platformë dëshiron ta instalojë në sistemin arsimor në Kosovë, me qëllim që gjithë studentët e të gjitha institucioneve arsimore në vend, publike dhe private, të përjetojnë teknologjinë e shekullit 21, njëherësh edhe të përfitojnë aftësitë e duhura në përgatitjen profesionale duke përdorur teknologji si kjo.

Vazhdo të lexosh

Lajmet

E fshehën drogën në bishtin e tiganit, zbulohet nga stafi i Burgut të Dubravës

Publikuar

nga

Në Qendrën e Korrektuese Dubravë, pas një informacioni konfidencial nga Njësiti i Inteligjencës së SHKK-së, përmes rrugëve operative, oficerët korrektues kanë arritur të parandalojnë futjen e kontrabandës brenda kësaj qendre.

Stafi përgjegjës për siguri ka lokalizuar dy pako të ardhura për dy të burgosur, në të cilat bastisja ka rezultuar pozitive, ku brenda pakove në mënyrë të kamufluar është gjetur substancë e dyshuar narkotike.

“Të burgosurit e dyshuar se pakot me gjëra të kamufluara kanë qenë të dedikuar për ta janë veçuar dhe ndaj tyre është iniciuar procedurë disiplinore, ndërsa për rastin është njoftuar edhe policia”, thuhet në komunikatën e SHKK-së.

Vazhdo të lexosh

Lajmet

​Lajçak sërish në takim me Kurtin

Publikuar

nga

Përfaqësuesi special i Bashkimit Evropian për dialogun Kosovë-Serbi, Miroslav Lajçak, ka arritur në ndërtesën e qeverisë së Kosovës, ku pritet të takohet me kryeministrin Albin Kurti.

Ky është takimi i dytë i Lajçak me kryeministrin Kurti, pasi që ishin takuar edhe ditën e parë të qëndrimit të Lajçak në Kosovë.

Vazhdo të lexosh

Lajmet

​Rama pranon ftesën e Kurtit

Publikuar

nga

Kryeministri i Shqipërisë, Edi Rama i është përgjigjur me anë të një postimi në Twitter homologut të tij kosovar, Albin Kurti për ftesën në Kosovë.

“Faleminderit Albin Kurti! Patjetër do ta vizitoj me shumë kënaqësi Kosovën, me t’u kthyer nga Asambleja e OKB! Le t’ia nisim menjëherë me përgatitjen e Mbledhjes së Përbashkët. Uroj me gjithë zemër dhe kam besim se do të bëjmë plot punë të mira në dobi të të dy shteteve tona”, shkruan Rama.

Kryeministri i Kosovës, Albin Kurti, i ka dërguar letër urim Edi Ramën, me rastin e zgjedhjes për herë të tretë kryeministër i Shqipërisë.

Kurti ka theksuar se ky mandat i tretë është po ashtu mundësi e tretë për të realizuar projekte të cilat kaherë priten nga shqiptarët në të dy anët e kufirit. Ai ka shprehur gatishmërinë e tij të plotë dhe të Qeverisë së Republikës së Kosovës për rritjen e bashkëpunimit ekonomik, shkëmbimit tregtar dhe integrimin e tregut, duke hequr barrierat mes shqiptarëve.

Kryeministri Kurti i uroi suksese gjatë mandatit qeverisës dhe e ftoi kryeministrin Rama të vizitojë Kosovën për të diskutuar rreth përgatitjeve për mbledhjen e përbashkët të të dy qeverive.

Vazhdo të lexosh

Të kërkuara