Lajmet

Shërbimi për Fertilizim të Asistuar Mjekësor do të fillojë gjatë këtij viti

Kështu kanë deklaruar sot presidentja dhe ministri i Shëndetësisë.

Publikuar

6 muaj më parë

më

Gjatë këtij viti në Gjinekologji do të fillojë ofrimi i shërbimit për Fertilizim të Asistuar Mjekësor (FAM). Kështu kanë deklaruar sot presidentja dhe ministri i Shëndetësisë, të cilët kanë potencuar deri më tani qytetarët kanë shpenzuar me miliona euro edhe jashtë vendit për tu bërë prindër. Ministri Arben Vitia ka njoftuar se kanë ndarë mbi 1 milion euro për blerjen e aparaturave të nevojshme.

Pas vizitës në këtë Klinikën e Gjinekologjisë, presidentja Vjosa Osmani ka thënë se kjo klinikë do të fillojë të ofrojë shërbime të Fertilizimit të Asistuar Mjekësor, me ç’rast ka potencuar se për dekada të tëra u kanë munguar dhe kushtuar shumë qytetarëve në vend.

”Një shërbim që çifteve në republikën tonë deri më tani u ka kushtuar diku rreth 5 milionë euro dhe që tani e tutje pas procedimit edhe me blerjen e aparaturës, e cila siç diskutuam edhe me ministrin, pritet të përfundojë gjatë këtij viti. Do të jenë shërbime që do të ofrohen edhe në institucionet publike shëndetësore, në një repart i cili ishte i rinovuar dhe është tërësisht i ri dhe do të mund të ofrojë shërbime jashtëzakonisht cilësore për çiftet e reja që dëshirojnë të bëhen prindër”, ka thënë Osmani.

Në takimin me ministrin dhe stafin mjekësor, Osmani ka deklaruar se kanë diskutuar edhe për mundësinë që sa më parë të trajtohet ndryshimin e Ligjit për Prokurim Publik. Sepse, siç ka thënë ajo, vonesat që bëhen në procedurat e prokurimit shkaktojnë vonesa të paarsyeshme për furnizim.

Edhe ministri i Shëndetësisë, Arben Vitia ka deklaruar se për këtë shërbim, qytetarët deri më tani kanë shpenzuar me miliona euro.

Ai ka njoftuar se MSh ka ndarë mbi 1 milion euro për kompletimin e aparaturave.

“Një investim, i cili ka filluar para një kohe dhe ka mbaruar tash para një muaji apo dy dhe në të njëjtën kohë janë bërë edhe trajnime të stafit shëndetësor edhe do të vazhdojnë ato trajnime. Në të njëjtën kohë nga Ministria e Shëndetësisë janë ndarë mbi 1 milion e gjysmë euro për kompletimin e aparaturave që gjatë këtij viti, pacientet, çiftet nga Republika e Kosovës të kenë mundësi që këtë shërbim kaq të domosdoshëm, për të cilin janë hargjuar 5 milionë euro në Kosovë dhe miliona të tjera jashtë Kosovës të kenë mundësinë ta marrin pa pare edhe në Klinikën e Gjinekologjisë”, ka njoftuar Vitia.

E drejtori i Klinikës së Gjinekologjisë, Zef Ndrejaj ka folur për rëndësinë e këtij shërbimi, për të cilin ka thënë se qytetarët do të kursejnë buxhetin e tyre familjar.

“Reparti nga ana infrastrukturore është i përfunduar, presim vetëm investimet ose sjelljen e aparaturave dhe të fillojmë punën. Ne ju premtuam që nga ana jonë puna do të fillojë sa më shpejt dhe jemi të gatshëm, ndërsa edhe këta na premtuan edhe besojmë me aktivitetet që po shihen janë shumë aktiv në funksionalizimin e këtij reparti të fillojë puna sa më shpejt. Mos të themi me muaj apo me vit, por brenda këtij viti besoj që do të fillojmë punën”, ka përfunduar ai.

Etiketa
Vazhdo të lexosh

Lajmet

Dhuna dhe mosndëshkimi po përkeqësohen në Haiti, paralajmëron shefi i OKB-së

Bandat brutale po forcojnë kontrollin e tyre në Haiti.

Publikuar

42 minuta më parë

më

28 Shtator, 2023

nga

Haiti i rrënuar nga bandat po zhytet më tej në gjakderdhje dhe gjëra të jashtligjshme, paralajmëroi shefi i Kombeve të Bashkuara në një raport, duke i kërkuar bashkësisë ndërkombëtare që të garantojë siguri dhe ndihmë financiare për vendin.

Bandat brutale po forcojnë kontrollin e tyre në Haiti, gjë që i shtyn grupet vigjilente të përgjigjen me më shumë dhunë.

“Dhuna e lidhur me bandat ka vazhduar të rritet në intensitet dhe brutalitet, me bandat që zgjerojnë kontrollin e tyre brenda dhe përtej Port-au-Prince”, tha Sekretari i Përgjithshëm i OKB-së, Antonio Guterres në një raport.

“Dhuna seksuale, përfshirë përdhunimin kolektiv, vazhdon të përdoret nga bandat për të terrorizuar popullatat nën kontrollin e bandave rivale”, shtoi ai.

Gati 2,800 vrasje u regjistruan midis tetorit 2022 dhe qershorit 2023, përfshirë gati 80 që synonin të miturit, sipas raportit./UBTNews/

Vazhdo të lexosh

Lajmet

Haxhiu paralajmëron fletarrest ndërkombëtar ndaj Milan Radojiçiqit

Ajo u shpreh se lidhur me aktet terroriste të Radojiçiqit do të veprojnë pa vonesa.

Publikuar

1 orë më parë

më

28 Shtator, 2023

nga

Ministrja e Drejtësisë, Albulena Haxhiu, ka paralajmëruar fletarrest ndërkombëtar për nënkryetarin e Listës Serbe, Milan Radojiçiq, udhëheqës i grupit kriminal për aktet terroriste të 24 shtatorit në Banjskë, por dhe vepra tjera penale. Ajo u shpreh se lidhur me aktet terroriste të Radojiçiqit do të veprojnë pa vonesa.

”Atëherë bazuar në legjislacionin në fuqi, Prokuroria e Specializuar e Republikës së Kosovës (PSRK), parashtron kërkesë për fletërreshtim ndërkombëtar. Kërkesa drejtohet në Gjykatë dhe më pas adresohet përmes Ministrisë së Drejtësisë. Ne jemi në pritje të Gjykatës. Do të veprojmë menjëherë dhe pa vonesa”, deklaroi ajo mes tjerash.

Vazhdo të lexosh

Lajmet

Putin lavdëron zgjedhjet e mbajtura në rajonet e aneksuara të Ukrainës

Komuniteti ndërkombëtar i ka hedhur poshtë zgjedhjet si një mashtrim.

Publikuar

2 orë më parë

më

28 Shtator, 2023

nga

Presidenti rus Vladimir Putin lavdëroi zgjedhjet e fundit në rajonet e shpallura të aneksuara të Ukrainës, duke i përshkruar ato në një takim me krerët rajonalë si “të mbajtura hapur, në mënyrë të drejtë dhe konkurruese”.

Komuniteti ndërkombëtar i ka hedhur poshtë zgjedhjet si një mashtrim.

“Sigurisht, kjo është një ngjarje e rëndësishme, një hap i rëndësishëm drejt hyrjes së plotë të rajoneve të reja në hapësirën e vetme ligjore, shtetërore të vendit tonë të madh”, tha Putin të enjten.

Sipas Putin, “pjesëmarrja e lartë” në zgjedhje tregoi “pjekurinë qytetare në rritje të shoqërisë”./UBTNews/

Vazhdo të lexosh

Lajmet

​Elshani: Jemi të përgatitur për çfarëdo situate në veri

Ai ka vlerësuar se situata është aktualisht e qetë.

Publikuar

2 orë më parë

më

28 Shtator, 2023

nga

Pas zhbllokimit të rrugës që çon për në Banjskë të Zveçanit, gjendja në këtë fshat është e qetë. Megjithatë Policia e Kosovës mbetet përgatitur për çfarëdo situate që ndodhë në veri të vendit.

Pjesëtarët e policisë, të cilët vërehen në numër më të shtuar, janë pozicionuar nëpër lokacione të ndryshme, ku përveç kujdesit për ruajtjen e rendit dhe qetësisë, po vazhdojnë bastisjen e zonës, ku gjatë tri ditëve të fundit nxorën arsenal të madh armësh prej grupit terrorist nga Serbia.

Drejtori i Policisë së Kosovës për rajonin e Mitrovicës, Veton Elshani, ka bërë të ditur se situata në këtë pjesë të vendit është e qetë dhe se Njësitet policore, duke përfshirë edhe Njësitin K-9, janë duke vazhduar gjurmimet në zonat e caktuara, ndonëse siç u shpreh ai, deri tani nuk është gjetur ndonjë gjë.

Nënkoloneli Elshani potencoi se pjesëtarët e Policisë janë të përgatitur për çfarëdo situate që ndodhë.

“Situata e sigurisë këtu është e qetë, nuk ka ndonjë problem. .. Ne kemi kontrolluar shumicën e zonës, ku kohë pas kohe sjellim njësitë e specializuara siç shihet njësiti K-9 me qen, të cilët janë duke verifikuar komplet zonën… Sot jo (nuk është gjetur asgjë)… Kemi shumë policë sot këtu, jemi duke bërë kërkimin përsëri në disa zona të caktuara, situata është e qetë, mirëpo jemi të përgatitur për çfarëdo situate që ndodhë… Deri tani nuk kemi gjetur diçka, kemi kërkuar goxha mirë”, ka thënë Elshani.

Në anën tjetër, banorët e këtushëm ndihen të frikësuar pas krejt asaj që ka ndodhur këtu, ndërsa nuk kanë pranuar të flasin para kamerës.

Prezenca e nënkryetarit të Listës serbe, Millan Radojçiqit dhe grupit të tij në sulmin terrorist që ndodhi të dielën në Banjskë, kanë lënë shumë gjurmë në këtë fshat, ku ende shihen kamionë të demoluar, arka të municioneve e gëzhoja plumbash të kalibrave të ndryshme nëpër rrugë, si dhe mbeturina të ushqimeve në objektet përcjellëse të manastirit, ku ata qëndruan atë ditë.

Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur dy të tjerë.

Vazhdo të lexosh

Të kërkuara