Sport

Qeveria spanjolle jep leje për zhvillimin e ndeshjes me Kosovën në Spanjë

Publikuar

4 ditë më parë

më

Qeveria e Spanjës e ka dhënë lejen për zhvillimin e ndeshjes kualifikuese për Botërorin 2022 mes Kombëtares spanjolle dhe asaj kosovare në Spanjë, duke i hedhur poshtë thashethemet se vendi i Gadishullit Iberik do të kërkojë të takohet me Kosovën në një terren neutral.

Federata e Futbollit e Spanjës e ka caktuar tashmë Stadiumin “Estadio de la Cartuja” në Sevillë, si vendin ku do ta mirëpresë Kosovën më 31 mars për ndeshjen kualifikuese për Kupën e Botës dhe sipas gazetës “Sport”, është vetëm në pritje të autorizimit nga qeveria në Madrid, për të cilin thotë se do të bëhet publik së shpejti.

“Qeveria e ka dhënë dritën e gjelbër për zhvillimin e ndeshjes në Spanjë dhe nuk ka gjetur terren neutral. Ky vendim, megjithatë, nuk nënkupton se Spanja e njeh pavarësinë e Kosovës”, shkruan e përditshmja spanjolle.

Kosova është pjesë e Grupit B bashkë me Spanjën, Suedinë, Greqinë dhe Gjeorgjinë, katër kombëtare, tri prej të cilave s’e kanë njohur pavarësinë e saj.

Verdhekaltërve i ra shorti të luajnë në Grupin A, në fakt, por duke qenë se në atë grup ishte edhe Serbia, atëherë ata u zhvendosën në Grupin B, sipas rregullave të shortit të FIFA-s. Për çështje politike, Kosova nuk mund të ishte në një grup me Serbinë, Rusinë dhe Bosnjën.

Spanja s’e njeh Kosovën kryesisht për shkak të Katalonjës, rajonit të vet verilindor, e cila kishte votuar unanimisht në një referendum në vitin 2017 për t’u pavarësuar nga Spanja.

Në të kaluarën, Spanja nuk i kishte njohur simbolet e shtetit të Kosovës në organizimet e saj të ngjarjeve sportive.

Kosova ishte detyruar të marrë pjesë në Lojërat Mesdhetare në Tarragona dhe në Kampionatin Botëror të Karatesë në Madrid në vitin 2018 pa simbole shtetërore, për shkak të qëndrimit të qeverisë spanjolle.

Por vetëm një vit më vonë, Spanja i vuajti pasojat e mos pranimit të simboleve shtetërore të Kosovës.

Në vitin 2019, UEFA ia hoqi Spanjës organizimin e ndeshjeve kualifikuese për Kampionatin Evropian U-17, sepse kishte refuzuar t’i njihte simbolet shtetërore të Kosovës.

Spanja duhej t’i organizonte ndeshjet e Grupit 5, në të cilin bënin pjesë vetë ajo, Kosova, Greqia dhe Ukraina. UEFA vendosi që ndeshjet të zhvilloheshin në Zvicër.

Federata e Futbollit e Spanjës u detyrua t’i paguajë të gjitha shpenzimet e dy ndeshjeve me Kosovën në Nyon.

Lajme të ndërlidhura
Vazhdo të lexosh

Sport

Unitedi në pritje të Cavanit

Publikuar

11 orë më parë

më

26 Shkurt, 2021

nga

Manchester Unitedi do të vendosë për të ardhmen e Edinson Cavanit, pasi të rikthehet nga lëndimi sulmuesi.

Sipas “ESPN”, klubi anglez është duke e pritur sulmuesin uruguaian, fillimisht të rikthehet nga lëndimi për të vendosur se a do të mbetet te “Djajtë e Kuq”.

Cavani ka kontratë me Unitedin deri në fund të këtij sezoni, por me opsion për të vazhduar edhe për një vit.

Krerët e klubit anglez thuhet se do t’i ofrojnë kontratë njëvjeçare 34-vjeçarit.

Këtë edicion Cavani, në të gjitha garat ka shënuar shtatë gola dhe dy asistime.

Vazhdo të lexosh

Sport

Torino vatër e koronavirusit, tetë lojtarë pozitivë

Publikuar

11 orë më parë

më

26 Shkurt, 2021

nga

Torino ka 10 raste të koronavirusit dhe Nicolas Nkoulou raportohet se është lojtari i tetë që rezulton pozitiv në klubin italian.

Tuttomercatoweb zbulon se mbrojtësi është rasti i tetë pozitiv në grupin e ekipit, me 10 raste në total, duke përfshirë dy nga anëtarët e stafit.

Alessandro Buongiorno dhe Nicola Murru testuan pozitivisht më 18 shkurt, me Karol Linetty që udhëtonte në shtëpi nga Cagliari para ndeshjes të premten dhe më pas doli pozitiv të shtunën.

Daniele Baselli, Andrea Belotti, Wilfried Singo dhe Bremer kanë testuar pozitiv gjithashtu.

Ndeshja kundër Sassuolos, e planifikuar për mbrëmjen e sotme, është shtyrë për 17 mars në orën 15:00 dhe Granata rrezikon që të shtyjë edhe ndeshjen e mesjavës kundër Lazios.

Vazhdo të lexosh

Sport

Joan Laporta mbështet mbetjen e Koemanit s’i trajner nëse zgjidhet president i Barcelonës

Publikuar

11 orë më parë

më

26 Shkurt, 2021

nga

Kandidati presidencial i Barcelonës, Joan Laporta, këmbëngul se trajneri Ronald Koeman do të jetë i sigurt nëse ai fiton zgjedhjet e marsit.

Gjatë muajit të ardhshëm është parashikuar të mbahen zgjedhjet për president të ri të klubit katalunas, Barcelona.

Tre emra janë në garë për t’u zgjedhur në krye të klubit nga Camp Nou, ku njëri nga ta është edhe ish-presidenti, Laporta.

Laporta shihet si favorit dhe thotë se Koeman mund të sigurohet për mbështetjen e tij nëse zgjidhet ai president.

“Koeman ka një kontratë aktuale dhe ne do të mbështesim trajnerin tonë dhe skuadrën aktuale”, ka thënë shkurtimisht Laporta.

Ish-presidenti i Barcës paraqiti stafin e tij dje, i cili përfshinte ish-kapitenin Carles Puyol dhe Mateo Alemany, dikur drejtor sportiv i Valencias.

Vazhdo të lexosh

Sport

Pioli: Manchester United është favoriti më i madh

Publikuar

12 orë më parë

më

26 Shkurt, 2021

nga

Trajneri i Milanit, Stefano Pioli tha që Manchester United janë favoritët më të mëdhenj në Europa League, por kujtojnë momente të lavdishme në historinë e Rossonerëve.

Rossonerët do të përballen me Manchester United për herë të parë në 11 vjet në kuadër të Evropa Ligës.

Ndeshja e fundit përfundoi me një humbje 4-0 në Old Trafford, por ishte hera e vetme që United eliminoi Milanin nga një garë evropiane dhe Pioli vuri në dukje historinë e lavdishme nga takimet e mëparshme.

“Do të jetë një ndeshje stimuluese dhe motivuese për ne. Ne ndeshemi me favoritët më të mëdhenj të garës. Një kundërshtar dhe një stadium që kujtojnë momente të lavdishme në historinë tonë”, u shpreh Pioli.

Milan kaloi tutje dje falë më shumë golave të shënuar si mysafir ndaj Crvena Zvezdës.

Vazhdo të lexosh

Të kërkuara