Lajmet

Qeveria kundër nismës së deputetëve për ndryshimin e Ligjit për tatimin në pronë

Përmes këtij projektligji, PDK kishte propozuar pezullimin për një vit të vlerësimit të pronave.

Publikuar

11 muaj më parë

më

Qeveria e Kosovës i është përgjigjur negativisht nismës së disa deputetëve, të cilët kanë iniciuar një projektligj të ri për tatimin në pronë. Kryeministri Albin Kurti tha se një nismë e tillë është e dëmshme për buxhetin e Kosovës, ku shtoi se një gjë të tillë e konstaton edhe opinioni i Departamentit të Buxhetit të Ministrisë së Financave.

Përmes këtij projektligji, PDK kishte propozuar pezullimin për një vit të vlerësimit të pronave.

Në mbledhjen e sotme të qeverisë është marrë vendim edhe që të lejohet hyrja pa viza të shtetasve të Singaporit.

Kryeministri Albin Kurti tha se inicimi i projektligjit të ri për tatimin ne pronë, nuk është i dobishëm për qytetarin.

“Shqyrtimi i propozim-vendimit me të cilin Qeveria e Kosovës në pajtim me Kuvendin të datës 24 maj 2023 jep mendim lidhur me nismën legjislative për nismën për plotësimin dhe ndryshimin e ligjit për tatimin në pronën e paluajtshme. Qeveria e Kosovës ka propozuar plotësim-ndryshimin e ligjit të tatimit në pronë duke propozuar veprime konkrete dhe me qëllim të zvogëlimit të barrës për qytetarin, përshirë këtyre faljen e borxhit prej 100 euro për vitin 2023, por edhe për propozimin e shkallës progresive të tatimit në pronë. Ky projektligj tashmë është në procedurat para Kuvendit të Kosovës, inicimi i projektligjit të ri për tatimin në pronë përderisa janë në zhvillim e sipër procedurat para Kuvendit të Kosovës nuk krijon dobi për qytetarin. Përtej kësaj propozimet e dërguara nga disa deputetë shkaktojnë edhe dëmtim të buxhetit të Kosovës, gjë që shihet qartë nga opinion i Departamentit të Buxhetit të Ministrisë së Financave, e që do i procedohet Kuvendit. Për këtë propozoj që Qeveria t’i përgjigjet negativisht kërkesës së deputetëve të Kuvendit”, theksoi ai.

Tutje, kabineti qeveritar ka marrë vendim që shtetasve të Singaporit tu lejohet hyrja në Kosovë pa viza. Ministrja e Punëve të Jashtme dhe Diasporës, Donika Gërvalla tha se përmes këtij plotësim-ndryshimi mundësohet lirimi nga pajisja me viza për hyrje, transit dhe qëndrim në Kosovë për 90 ditë.


“Paraqes para jush kërkesën për shkak se meqë shteti i Singaporit nuk figuron në listën e shteteve ndaj të cilëve Republika e Kosovës nuk aplikon regjim të vizave, me qëllim të eliminimit të qartësive eventuale, propozojmë që të bëhet plotësim i aneksit 1 të vendimit të qeverisë, numër 15 158 të datës 29 nëntor 2013. Përmes këtij plotësim-ndryshimi shteteve të Singaporit ju mundësohet të lirohen nga pajisja me vizë për hyrje, tranzit dhe qëndrim në territorin e Kosovën deri në 90 ditë, për një periudhë prej gjithsej gjashtë muaj. Pra, propozojmë të zbatohet i njëjti regjim i vizave dhe e njëjta procedurë për hyrje, kalim tranzit dhe qëndrim në territorin e Republikën e Kosovës ndaj shtetasve të Singaporit, ashtu siç është përcaktuar edhe për shtetasit e vendeve të tjera”, ka shtuar ajo.

Po ashtu, gjatë mbledhjes së sotme qeveria ka ndarë 11 milionë euro në përkrahjen e Fondit për Garanci Kreditore, në kuadër të masës 2.2 të pakos së ringjalljes ekonomike.

Ministri i Financave, Punës dhe Transfereve, Hekuran Murati, ka theksuar se disbursimi i radhës sipas kërkesës së fondit është në shumën prej 11 milionë euro.


“Disbursimi i radhës sipas kërkesës së fondit është në shumën prej 11 milionë euro dhe këto mjete do të përdoren si mundësim i rritjes së portfolios, garantimit të mëtutjeshëm të kredive investive për këto lloj biznese”, ka thënë ministri i Financave, Hekuran Murati. 

Etiketa
Vazhdo të lexosh

Lajmet

​15.1% e popullsisë së Turqisë përbëhej nga të rinjtë në vitin 2023

Publikuar

6 orë më parë

më

17 Maj, 2024

nga

Rinia e Turqisë përbënte 15.1% të popullsisë së saj në fund të vitit 2023, sipas shifrave zyrtare të publikuara të premten.

Në vend kishte gjithsej 12.87 milionë të rinj, të moshës nga 15 deri në 24 vjeç, 51.3% e të cilëve ishin meshkuj dhe 48.7% femra, tha byroja e statistikave e vendit TurkStat.

Raporti i të rinjve në popullsinë e përgjithshme pritet të jetë 14% në vitin 2030, 13.4% në 2040, 11.8% në 2060 dhe 11.1% në 2080.

Krahina me përqindjen më të madhe të të rinjve ishte Hakkari, me 21.5%, në vitin 2023, i ndjekur nga Sirnak dhe Siirt me 21.1% secili dhe Bayburt me 20.2%.

“U pa se përqindja e popullatës së të rinjve të Turqisë me 15,1% ishte më e lartë se ajo e 27 vendeve anëtare të Bashkimit Evropian (BE)”, vuri në dukje byroja e statistikave.

Mesatarja e BE-së e përqindjes së popullsisë rinore ishte 10.6% në vitin 2023./AA/

Vazhdo të lexosh

Lajmet

Ministria e Mbrojtjes shpall konkurs për kadetë të rinj që do të studiojnë në disa qendra universitare

Publikuar

6 orë më parë

më

17 Maj, 2024

nga

Ministria e Mbrojtjes ka shpallë konkurs për pranim të kadetëve të rinj që do të studiojnë në disa qendra universitare.

Konkursi do të jetë i hapur nga data 03.06.2024 deri më 17.06.2024, ndërsa mosha e kërkuar është 18 deri 22 vjeç.

“Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike”, thuhet në njoftimin e shpërndarë nga ministri Ejup Maqedonci.

Njoftimi i plotë:

𝐌𝐢𝐧𝐢𝐬𝐭𝐫𝐢𝐚 𝐞 𝐌𝐛𝐫𝐨𝐣𝐭𝐣𝐞𝐬 𝐬𝐡𝐩𝐚𝐥𝐥 𝐤𝐨𝐧𝐤𝐮𝐫𝐬 𝐩𝐞̈𝐫 𝐯𝐢𝐭𝐢𝐧 𝐚𝐤𝐚𝐝𝐞𝐦𝐢𝐤 𝟐𝟎𝟐𝟒/𝟐𝟎𝟐𝟓 𝐩𝐞̈𝐫 𝐩𝐫𝐚𝐧𝐢𝐦 𝐭𝐞̈ 𝐤𝐚𝐝𝐞𝐭𝐞̈𝐯𝐞 𝐭𝐞̈ 𝐜𝐢𝐥𝐞̈𝐭 𝐝𝐨 𝐭𝐞̈ 𝐬𝐭𝐮𝐝𝐢𝐨𝐣𝐧𝐞̈ 𝐧𝐞̈ 𝐤𝐞̈𝐭𝐨 𝐪𝐞𝐧𝐝𝐫𝐚 𝐮𝐧𝐢𝐯𝐞𝐫𝐬𝐢𝐭𝐚𝐫𝐞:

  1. Qendra për Studime Universitare e FSK-së;

– Universiteti Amerikan në Kosovë

  1. Republika e Shqipërisë/Akademia Ushtarake;

– Teknologji Informative në fushën e mbrojtjes

– Marrëdhënie Ndërkombëtare në fushën e mbrojtjes

– Shkenca Komunikimi në fushën e mbrojtjes

  1. Republika e Turqisë;

-Akademia Ushtarake Tokësore

-Akademia Ushtarake Mjekësore

  1. Republika e Kroacisë- Akademia Ushtarake/Universiteti i Zagrebit;

– Lidershipi dhe Menaxhmenti Ushtarak

𝐊𝐨𝐧𝐤𝐮𝐫𝐬𝐢 𝐝𝐨 𝐭𝐞̈ 𝐣𝐞𝐭𝐞̈ 𝐢 𝐡𝐚𝐩𝐮𝐫 𝐧𝐠𝐚 𝐝𝐚𝐭𝐚 𝟎𝟑.𝟎𝟔.𝟐𝟎𝟐𝟒 𝐝𝐞𝐫𝐢 𝐦𝐞̈ 𝟏𝟕.𝟎𝟔.𝟐𝟎𝟐𝟒.

Aplikimi është online në adresën https://rekrutimi.fsk-rks.org/Apply

Njoftimi për shpalljen e konkursit gjendet në ëeb faqen e MM-së: https://mod.rks-gov.net/Page/15.

Mosha për aplikim 18 deri 22 vjeç (Turqi: Të mos ketë mbushur 21 vjet).

Për informata shtesë, mund të kontaktoni në nr. tel. 038- 555584 2044 dhe 038- 555584 2045 ose në email: [email protected]

Ministria e Mbrojtjes u shërben të gjithë qytetarëve të Kosovës dhe mirëpret aplikacione të femrave dhe meshkujve për kadetë të FSK-së, pa dallim nga përkatësia e tyre etnike.

𝐁𝐞̈𝐡𝐮 𝐨𝐟𝐢𝐜𝐞𝐫 𝐢 𝐮𝐬𝐡𝐭𝐫𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬!

Vazhdo të lexosh

Lajmet

Dështimi i anëtarësimit të Kosovës në KiE, Çitaku: Fitoi pushteti, jo shteti

Publikuar

6 orë më parë

më

17 Maj, 2024

nga

Pasi Komiteti i Ministrave të Këshillit të Evropës për seancën e 17 majit nuk e ka futur në rend dite anëtarësimin e Kosovës në këtë organizatë, ka reaguar Sekretarja e Përgjithshme e PDK-së, Vlora Çitaku.

Çitaku përmes një postimi në Facebook ka thënë se “Edhe një herë gjatë këtyre katër viteve, fitoi pushteti dhe jo shteti”.

“Sot, Kosova, qytetarët tanë, është dashur të festojnë pranimin në Këshillin e Evropës. Sot, do të duhej të konkretizonim një sukses që do të forconte demokracinë, sundimin e ligjit dhe shtetësinë tonë – për të cilin është punuar gjatë”, ka shkruar Çitaku.

Ajo ka thënë se “pas përjashtimit të Rusisë në vitin 2022, PDK ka insistuar që Kosova të bëhet pjesë e kësaj organizate, duke dhënë mbështetjen e saj të parezervë”.

“Fatkeqësisht, për arsye të ditura tashmë, edhe kjo mundësi u humb – e nuk e dijmë se kur do të na paraqitet prapë”.

Zyrtarja e lartë e PDK-së ka thënë se “Edhe një herë gjatë këtyre katër viteve, fitoi pushteti dhe jo shteti. Shkurtpamësi me pasoja të mëdha e të gjata. Keq – shumë keq!”.

Vazhdo të lexosh

Lajmet

​Degradimi i Drinit të Bardhë, sekuestrohen një kamion dhe eskavator

Publikuar

6 orë më parë

më

17 Maj, 2024

nga

Pas një inspektimi të kryer nga Ministria e Mjedisit dhe Planifikimit Hapësinor në bashkëpunim me Policinë e Kosovës, në disa fshatra të Rahovecit është bërë e ditur se po degradohet ambienti si rezultat i nxjerrjes ilegale të zhavorrit gjatë shtratit të lumit Drini i Bardhë.

Prokuroria Themelore në Gjakovë njofton se prokurori koordinator për hetimin e Krimeve Kundër Mjedisit, Kastriot Memaj, ka urdhëruar inicimin e rastit për veprën penale “Ndotja, degradimi ose shkatërrimi i mjedisit”.

Po ashtu, është urdhëruar sekuestrimi i një kamioni transportues dhe një ekskavatori si mjete të përdorura në kryerjen e veprës penale.

Njëkohësisht, në koordinim me policinë, janë duke u ndërmarrë veprime aktive me drejtim të kapjes së kryesve të kësaj vepre penale.

Vazhdo të lexosh

Të kërkuara