Lajmet nga UBT

Një delegacion nga “University of Northern Iowa” dhe qyteti Cedar Falls, vizituan Parkun Shkencor Inovativ të UBT-së në Lipjan

Rektori i UBT-së, Prof. Dr. Edmond Hajrizi mirëpriti delegacionin nga Iowa, me ç’rast shprehu mirënjohje dhe nderim për mbështetjen dhe partneritetin korrekt që po vazhdon të rritet dhe të sjell benefite për të rinjtë nga të dy vendet.

Publikuar

4 muaj më parë

më

23 Maj, 2023

nga

UBTNews

Në Parkun Shkencor Inovativ të UBT-së në Lipjan ka qëndruar për vizitë një delegacion nga “University of Northern Iowa” dhe nga qyteti Cedar Falls nga shteti i Iowa-s, të cilët vizituan ekosistemin inovativ dhe me këtë rast zhvilluan një diskutim të hapur me studentë dhe profesorë të UBT-së.

“Së pari, ne shohim vlera dhe vizione të përbashkëta me Universitetin e Iowa-s Veriore, me këtë rast kemi ndërtuar një partneritet strategjik për të ngritur nivelin e zhvillimit dhe për krijuar mundësi të reja për të rinjtë e të dyja vendeve. Së dyti, ne kemi ndërtuar partneritetin me një universitet që vjen nga një shtet si Iowa që ka ndihmuar dhe ka kontribuar shumë në zhvillimin politik, ekonomik dhe sigurisë në Kosovë. Prandaj, i falënderojmë për kontributin e vazhdueshëm për ta bërë një Kosovë më të sigurt dhe të qëndrueshme”, ka thënë rektorit Hajrizi.

Presidenti i “University of Northern Iowa”, Dr. Mark A. Nook, theksoi nevojën e krijimit të partneritetit në mes institucioneve arsimore dhe më këtë rast vlerësoi lartë bashkëpunimin e parë në Kosovë, me UBT-në, duke u ofruar edukim cilësor dhe mbështetje të rinjve nga të dy vendet.

“Është kënaqësi të jesh në Kosovë dhe veçanërisht të jesh në UBT. Ka qenë vërtetë partneriteti i parë këtu në Kosovë me UBT-në për të punuar në fusha si: biznesi, planifikimi, inxhinieria dhe inteligjenca artificiale. Udhëtimin tonë këtu në Kosovë e nisëm duke vizituar Kompleksin Memorial të Familjes Jashari në Prekaz. Është shumë e rëndësishme të fillojmë nga atje, sepse është vendi ku fillon gjithçka për Kosovën. Është e rëndësishme për ne që të kemi partner në mbarë botën, dhe me këtë rast ndihemi të kënaqur që kemi partneritet edhe këtu në Kosovë, me UBT-në. Të mund të dërgojmë studentin tonë dhe të mund të presim studentët tuaj, duke i mbështetur ata në edukimin dhe arritjen e qëllimeve të tyre akademike e profesionale”, tha Dr. Mark A. Nook.

Në fjalën e tij, kryebashkiaku i Cedar Falls, Rob Green vlerësoi bashkëpunimin ndërmjet dy institucioneve dhe njëherit potencoi se ajo çfarë ka gjetur në kulturën e Kosovës dhe ka dëshirë të marr në Iowa është ruajtja dhe dashuria në familje.

“Është nder të jem këtu me ju. Unë me profesion jam zhvilluesi i uebit, kjo ishte puna ime para se të bëhem kryetar bashkie. Por, unë do të doja t’ju them se në qeveritë tona ne kemi nevojë për të gjithë pavarësisht profesioneve. Sa e rëndësishme është të dihet se qeveria është për të gjithë. Ajo çfarë do të doja të merrja me vete kur të kthehem në Iowa, është lidhja që mbani në familjet tuaja. Sa është e rëndësishme të doni familjen. Atë e shohim në kulturën tuaj dhe kjo është një gjë shumë e mrekullueshme”, u shpreh kryebashkiaku i Cedar Falls, Rob Green.

Delegacioni nga “University of Northern Iowa”, ditëve në vijim pritet që të vizitojë edhe degët e tjera të UBT-së në Kosovë, për të parë nga afër zhvillimin e institucionit dhe mundësitë që po ofron UBT në qendra të ndryshme të Kosovës.

Etiketarektori Hajrizi ubt

E rradhës

Nxënësit dhe studentët e UBT-së u certifikuan dhe fituan mbështetje financiare për implementim e projekteve të propozuara në konferencën ballkanike “Pristina Forum 2023”

Mos e humb

UBT modeli i suksesit në WURI 2023 – Rektori Hajrizi vuri në dukje ndërtimin e ekosistemit inovativ brenda universitetit

Vazhdo të lexosh

Lajmet nga UBT

Me ftesë të komunitetit arbëresh, Rektori Hajrizi qëndroi për vizitë në Itali

Rektori Hajrizi përgjatë vizitës së tij në qytezën arbëreshe Firmo, mori pjesë në një konferencë që u organizua atje, ku u prit miqësisht nga shqiptarët që jetojnë dhe veprojnë atje.

Publikuar

10 orë më parë

më

28 Shtator, 2023

nga

UBTNews

Me ftesë të Shoqatës së Diasporës Shqiptare dhe Arbëreshe “Korabi”, Rektori i UBT-së, Prof. Dr. Edmond Hajrizi për disa ditë qëndroi për vizitë në qytezën Firmo të Italisë, me ç’rast mori pjesë në një ceremoni të arbëreshëve të Italisë, ku u promovua busti i Nënës Terezë.

Rektori Hajrizi përgjatë vizitës së tij në qytezën arbëreshe Firmo, mori pjesë në një konferencë që u organizua atje, ku u prit miqësisht nga shqiptarët që jetojnë dhe veprojnë atje.

“Jam i lumtur dhe i privilegjuar që ndodhem pranë jush dhe njëkohësisht dua të ju falënderoj për kontributin që keni dhënë në ruajtjen e traditës, kulturës, gjuhës dhe identitetit kombëtar shqiptar. Ne do të vazhdojmë që t’ju qëndrojmë afër dhe t’ju mbështesim në vazhdimësi në ruajtjen e këtyre traditave”, ka thënë Rektori Hajrizi

Në këtë vizitë, bërë disa fshatrave dhe qyteteve në Itali, Rektori Hajrizi takoi kryetarë të bashkive, klerikë fetarë, profesorë, përfaqësues të organizatave kulturore, si dhe banorë arbëreshë të kësaj rrethine.

“Jemi të nderuar me ftesën për të marr pjesë në promovimin e bustit të Nënës Terezë në Qytezën Firmo, një vend i veçantë në regjionin e Kalabrisë dhe kryesisht i populluar nga arbëreshët që flasin gjuhën shqipe. Mikpritja e tyre ishte e ngrohtë, po aq sa dashuria e ruajtur përgjatë shekujve për gjuhën, kulturën dhe traditat tona”, ka thënë Rektori Hajrizi.

Promovimi i bustit të Nënës Terezë ishte një ngjarje e rëndësishme për këtë komunitet, duke vlerësuar lartë punën humanitare dhe dashurinë ndaj njerëzve. Pjesëmarrja e Rektorit Hajrizi në këtë ngjarje të rëndësishme, me ftesë nga Shoqata e Diasporës Shqiptare dhe Arbëreshe “Korabi”, ishte një moment i veçantë që shpreh respektin dhe dashurinë ndaj bashkëkombësve përtej kufijve.

Gjatë qëndrimit disa ditor, Rektori Hajrizi, vizitoi manastire, muze, bizneset, si dhe shtëpinë ku ka jetuar shkrimtari shqiptar Jeronim De Rada, teksa mori pjesë në koncertin e organizuar enkas për vizitorët në qytezën Firmo.

Rektori i UBT-së, Prof. Dr. Edmond Hajrizi, takoi edhe profesorë arbëreshë të Italisë, me të cilët diskutoi rreth fushës së arsimit dhe shkencës, teksa nga komuniteti i arbëreshëve u ftua që të bashkëpunojnë në të ardhmen për projekte të përbashkëta zhvillimore.

Vazhdo të lexosh

Lajmet nga UBT

Ekipi përfaqësues i Kosovës gati për një tjetër sfidë ndërkombëtare që do të mbahet në Singapor

Edhe kësaj radhe Kosova falë UBT-së do të përfaqësohet në mesin e 200 vendeve të botës.

Publikuar

1 ditë më parë

më

27 Shtator, 2023

nga

UBTNews

Ekipi përfaqësues i Kosovës tash e disa muaj është duke u përgatitur dhe po punon në laboratorët inovativ të mekatronikës në UBT, për të prezantuar vendin në garën më të madhe të robotikës First Global Challenge që mbahet në muajin tetor në Singapor.

Edhe kësaj radhe Kosova falë UBT-së do të përfaqësohet në mesin e 200 vendeve të botës. Ekipi i përbërë nga të rinjtë të pasionuar për shkencë, teknologji, inxhinieri dhe matematikë, do të sfidojë njohuritë e tyre në fushën e robotikës.

Mentorja e ekipit nga Kosova, Elita Hajrizi, tregon se përgatitjet janë në fazën përfundimtare dhe se ekipi ka ndërtuar robotin inovativ që do të jetë pjesë e garës në FIRST Global Challenge 2023.

“Jemi shumë të entuziazmuar për garën e këtij viti në Singapor. Ndjenja e jashtëzakonshme e prezantimit të Kosovës në arenën ndërkombëtare është diçka që nuk e përshkruajmë dot, dhe në fazën finale të përgatitjeve jemi duke e shijuar çdo moment të këtij rrugëtimi”, ka thënë Elita.

Sfida e këtij viti përqendrohet në krijimin e energjisë së ripërtëritshme prej hidrogjenit. Ekipet konkurruese nga vende të ndryshme sipas kreativitetit të tyre do të dizajnojnë robotin që iu përshtatet nevojës së garës.

Kujtojmë se UBT është vlerësuar lartë nga organizatorët e kësaj gare, duke marrë medalje të artë për kontributin dhe mbështetjen që institucioni po shfaq për FIRST Global Challenge, si dhe për zhvillimin e STEM (Science, Technology, Engineering and Mathematics) gjithandej botës ku po merr pjesë.

Vazhdo të lexosh

Lajmet nga UBT

Profesori i UBT-së, Skender Kosumi vlerësohet me çmimin e arkitekturës “Gebaut 2022”

Kosumi ka projektuar kompleksin e gjerë me përmbajtje banimi e komerciale në Aspern, njohur tashmë si pjesë e qytetit Smart të Vjenës.

Publikuar

1 ditë më parë

më

27 Shtator, 2023

nga

UBTNews

Për projektin inovativ të tij smart, me cilësi të lartë dhe stimulues, profesorit të UBT-së, Skender Kosumi, i është dhënë nga qyteti i Vjenës, çmimi i arkitekturës “Gebaut 2022”.

Së bashku me kompaninë HNP Architects, profesori Kosumi ka projektuar kompleksin e gjerë me përmbajtje banimi e komerciale në Aspern, njohur tashmë si pjesë e qytetit Smart të Vjenës.

Në këtë projekt vihen në pah potencialet urbane në shërbim të një qëndrueshmërie me cilësi të lartë. Pamjet dhe tejdukshmëritë promovojnë orientim, siguri dhe rehati në hapësirën e brendshme gjysmë-publike, me ndihmën e një niveli të dytë të përdheses.

Përmes një ngritjeje të butë me shkallë-rampa, tërhiqet parku i afërt publik i një niveli më privat në brendi të kompleksit, skajet hermetike të së cilës gjallërohen përmes një ndërhyrjeje në mes të objektit e quajtur “dritarja e qytetit”. Dizajni i hyrjeve ofron reflektim urban, butësi pranë parkut dhe lozonjar si një tribunë në liqen.

Kontaktet sociale mbështeten nga dizajni i hapësirës për qëndrim në hapësira që sigurojnë aktivitete krijuese, ndërsa jeta dhe puna gërshetohen me kompleksin komercial. Sistemi ngrohjes dhe ftohjes funksionon me energji autonome gjeotermike dhe asaj solare.

Qyteti i Vjenës u jep çmime projekteve inovative, me cilësi të lartë dhe shembuj stimulues që kontribuojnë gjithashtu në qëndrueshmërinë sociale dhe në mbrojtje të klimës.

Vazhdo të lexosh

Lajmet nga UBT

UBT po vazhdon të pranojë abstraktet për Konferencën Ndërkombëtare 2023

Konferenca Ndërkombëtare e UBT-së do të shtrijë aktivitetin në 24 fusha të ndryshme.

Publikuar

2 ditë më parë

më

26 Shtator, 2023

nga

UBTNews

UBT po bën përgatitjet finale për organizimin e edicionit e dymbëdhjetë të Konferencës Ndërkombëtare e UBT-së për Shkencë, Teknologji, Biznes dhe Inovacion, ndërkohë ende po pranohen abstrakte të shumta të shkencëtarëve e hulumtuesve nga Kosova dhe të gjitha vendet e botës.

Kushdo që është i interesuar për t’u bërë pjesë e konferencës më të madhe shkencore që organizohet në Kosovë, si dhe të shkëmbejë informacione me studiues të tjerë pjesëmarrës, këtë mund ta bëjë edhe disa ditë.

Konferenca Ndërkombëtare e UBT-së do të shtrijë aktivitetin në 24 fusha të ndryshme, që do të mbahen njëkohësisht, përfshirë: