Lajmet nga UBT

UBT modeli i suksesit në WURI 2023 – Rektori Hajrizi vuri në dukje ndërtimin e ekosistemit inovativ brenda universitetit

Në këtë konferencë, rektori Hajrizi prezantoi ndërtimin e një ekosistemi inovativ dhe konceptet e reja që përfshijnë inovacionin, sipërmarrjen, përgjegjësinë dhe menaxhimin e krizave, duke u bazuar në vlerat sociale që ka institucioni.

Publikuar

Si një nga modelet më të mira, më inovative dhe më të suksesshme UBT është prezantuar nga rektori Prof. Dr. Edmond Hajrizi, në konferencën e World’s Universities with Real Impact – WURI 2023.

Në këtë konferencë, rektori Hajrizi prezantoi ndërtimin e një ekosistemi inovativ dhe konceptet e reja që përfshijnë inovacionin, sipërmarrjen, përgjegjësinë dhe menaxhimin e krizave, duke u bazuar në vlerat sociale që ka institucioni.

Në konferencën e WURI 2023, rektori Hajrizi prezantoi UBT-në si një nga modelet më të mira, më inovative dhe më të suksesshme në fushën e arsimit dhe zhvillimit të shoqërisë në Kosovë dhe rajon. Ai vuri në dukje ndërtimin e një ekosistemi inovativ brenda universitetit, i cili inkorporon koncepte të reja dhe vlera sociale.

Rektori Hajrizi shpalosi konceptin e inovacionit në kontekstin e UBT-së, duke treguar se si universiteti promovon kulturën e kreativitetit, hulumtimit të avancuar dhe zhvillimit të teknologjisë. Ai theksoi përpjekjet e UBT-së për të krijuar një mjedis të përkrahjes së ideve të reja dhe për të inkurajuar studentët dhe stafin akademik të shprehin potencialin e tyre inovativ.

Sipërmarrja, përgjegjësia sociale dhe menaxhimi i krizave ishin aspekte të tjera për të cilat rektori Hajrizi theksoi se, UBT si mision ka edhe ndikimin e tij në zhvillimin e shoqërisë dhe angazhohet në projekte sociale dhe ndërkombëtare që kanë impakt pozitiv në jetën e njerëzve dhe në zgjidhjen e sfidave të shoqërisë.

Lajmet nga UBT

Në UBT u mbajt Konferenca “Elementet e Sigurisë në Rrugë dhe Auditimi i tyre”

Paneli ishte i përbërë nga rektori i UBT-së, Prof. Dr. Edmond Hajrizi, profesorët: Nol Dedaj, Beni Kizolli, Visar Baxhuku, nga Ministria e Mjedisit, Planifikimit Hapësinor dhe Infrastrukturës, Milaim Ahmetaj, si dhe përfaqësuesit nga Policia e Kosovës, Nazmi Zogaj dhe Naim Latifi.

Publikuar

nga

Në qendrën e UBT-së në Prishtinë, është mbajtur konferenca: “Elementet e Sigurisë në Rrugë dhe Auditimi i tyre”, organizuar nga Fakulteti Inxhinieri e Ndërtimit dhe Infrastrukturë në UBT.

Paneli ishte i përbërë nga rektori i UBT-së, Prof. Dr. Edmond Hajrizi, profesorët: Nol Dedaj, Beni Kizolli, Visar Baxhuku, nga Ministria e Mjedisit, Planifikimit Hapësinor dhe Infrastrukturës, Milaim Ahmetaj, si dhe përfaqësuesit nga Policia e Kosovës, Nazmi Zogaj dhe Naim Latifi.

Në fjalën e tij, rektori Hajrizi vlerësoi organizimin e kësaj konference dhe trajtimin e temave të tilla, të cilat janë me karakter sensibilizues dhe informues, teksa theksoi nevojën për siguri më të shtuar në komunikacionin rrugor.

Panelistët e tjerë me ekspertizën e tyre të thellë dhe përvojën në fushën e sigurisë rrugore, kontribuuan në trajtimin e temave dhe prezantuan informacione të rëndësishme për audiencën.

Në këtë konferencë u prezantuan edhe gjetje të një hulumtimi shkencor lidhur me sigurinë në komunikacion, shkaqet e aksidenteve, si dhe statistika të tjera të cilat lidhen me komunikacionin rrugor.

Vazhdo të lexosh

Lajmet nga UBT

Nxënësit e Shkollave të Mesme në UBT prezantuan projekte hulumtuese në Panairin e Shkencës

Publikuar

nga

Nxënësit e Shkollave të Mesme të UBT-së, në kuadër të Panairit të Shkencës prezantuan projektet hulumtuese të realizuara me përkushtim e profesionalizëm nën udhëheqjen e mësimdhënësve të shkencave të natyrës.

Përmes procesit të hartimit dhe realizimit të projekteve të tilla, nxënësit zhvillojnë shkathtësitë hulumtuese, duke ndjekur të gjithë hapat e një hulumtimi shkencor.

Kjo formë e punës me nxënës është një nga rrugët e mësimit dhe zhvillimit të nxënësve, e cila fuqizon zhvillimin kompetentë më shumë se përmbajtjet mësimore.

Vazhdo të lexosh

Lajmet nga UBT

Licencohet Shkolla e Mesme e Mjekësisë UBT në Gjilan dhe Prizren

Publikuar

nga

Shkolla e Mesme e Mjekësisë UBT është licencuar nga Komisioni i Ministrisë së Arsimit, Shkencës, Teknologjisë dhe Inovacionit për Shqyrtimin e Kërkesave për Licencim dhe Rilicencim të IPAAP, në qytetin e Gjilanit dhe Prizrenit, për programet: Bashkëpunëtor Profesional i Infermierisë dhe Teknik i Laboratorit Mjekësor.

Në një vend si Kosova, ku nevoja për mjekë të kualifikuar është gjithnjë në rritje, licencimi i Shkollës së Mesme të Mjekësisë në UBT në Gjilan dhe Prizren paraqet një ngjarje me rëndësi të jashtëzakonshme për zhvillimin e arsimit në fushën e mjekësisë.

Shkolla e Mesme e Mjekësisë UBT në Gjilan dhe Prizren vjen me një koncept të ri të arsimit dhe edukimit mjekësor në Kosovë.

Bazuar në standardet e shkollave më prestigjioze në botë, kjo shkollë synon të ofrojë kurrikula multidisiplinare dhe gjithëpërfshirëse, staf të kualifikuar shëndetësorë, infrastrukturë moderne me pajisje më të sofistikuara të kohës, laboratorë të shumtë që i përshtaten lëndëve kurrikulare, duke garantuar kështu cilësinë e arsimit dhe përgatitjen profesionale të nxënësve për të bërë dallimin dhe ndryshimin në fushën e mjekësisë.

Licencimi i programeve: Bashkëpunëtor Profesional i Infermierisë dhe Teknik i Laboratorit Mjekësor, në Gjilan dhe Prizren, është një mundësi unike dhe e shkëlqyer për të rinjtë që dëshirojnë të bëhen profesionistët e së ardhmes.

Vazhdo të lexosh

Lajmet nga UBT

Studentët e Arkitekturës dhe Planifikimit Hapësinor në UBT kanë realizuar një vizitë studimore në punishte

Qëllimi i kësaj vizite ishte që studentët të njoftohen dhe të informohen më gjerësisht rreth organizimit dhe mbarëvajtjes së punëve të ndërtimit, duke përforcuar njohuritë e fituara përgjatë lëndëve teorike.

Publikuar

nga

Studentët e vitit të tretë të Fakultetit Arkitekturë dhe Planifikim Hapësinor në UBT, në kuadër të lëndës “Puna Praktike”, kanë realizuar vizitë studimore në punishte, për të parë nga afër organizimin dhe mbarëvajtjen e punëve të ndërtimit.

Qëllimi i kësaj vizite ishte që studentët të njoftohen dhe të informohen më gjerësisht rreth organizimit dhe mbarëvajtjes së punëve të ndërtimit, duke përforcuar njohuritë e fituara përgjatë lëndëve teorike.

Vizitat e tilla në kuadër të lëndëve praktike në Fakultetin Arkitekturë dhe Planifikim Hapësinor në UBT, shërbejnë që studentët të përforcojnë njohuritë e tyre rreth profesionit, si dhe për të qenë më të përgatitur në të ardhmen.

Vazhdo të lexosh

Të kërkuara