Aktualitet

Në Ferizaj kabllot e rrymës po futen nëntokë

Publikuar

Largimi i këtyre shtyllave elektrike të tensionit të mesëm në qytetin e Ferizajt të cilat tashmë janë jashtë funksionit pas vendosjes së rrjetit nëntokësor, përveç që po rrit sigurinë në furnizim e në komunitet, po i jep edhe një pamje shumë më të bukur qytetit që ditëve të fundit ka pësuar një transformim përmes projektit të “Bashkimit të Qytetit”.

Në këtë komunë, Kompania Kosovare për Distribuim të Energjisë Elektrike në Kosovë (KEDS) po investon afër 4 milionë euro, për vendosjen e rrjetit nëntokësor të linjave të tensionit të mesëm.

Janë rreth 50 kilometra të rrjetit elektrik që tashmë janë vendosur nëntokë, derisa i gjithë projekti do të përmbyllet shumë shpejt.

Zyrtari për Komunikim në KEDS, Adlum Ramadani, potencoi se ky investim që po bëhet në Komunën e Ferizajt është ndër më të rëndësishmit në fushën e energjisë elektrike.

“Bëhet fjalë për një ndër projektet më të rëndësishme sa i përket fushës së energjisë elektrike në Komunën e Ferizajt. Këtu KEDS është duke realizuar një projekt investiv në vlerë prej afro 4 milionë eurosh, ku parashihet vendosja e rrjetit nëntokësor të linjave të tensionit të mesëm me një distancë prej rreth 50 kilometra”, theksoi ai.

Ramadani tha se në Komunën e Ferizajt kanë trashëguar një rrjet në gjendje jo të mirë dhe se KEDS është vënë në veprim për të larguar qindra shtylla dhe eliminuar kabllot të cilat qëndronin varur në këtë qytet.

Largimin e shtyllave elektrike e vendosjen e rrjetit nëntokësor e kanë mirëpritur qytetarët e kësaj komune, të cilët e cilësojnë një si një investim që ka përmirësuar sigurinë e tyre.

KEDS gjithandej vendit është duke realizuar investime për shtrirjen e rrjetit nëntokësor, duke iu dhënë qendrave të qytetit një pamje shumë më të mirë.

Aktualitet

​Falimenton kompania e sigurimeve “Kosova e Re”

Guvernatori i BQK-së, Fehmi Mehmeti ka thënë se sot bordi ekzekutiv i BQK-së ka marrë vendim t’ia marrë licencën kësaj kompanie.

Publikuar

nga

Banka Qendrore e Kosovës shpalli likuidimin e kompanisë së njohur të sigurimeve “Kosova e Re”. Guvernatori i BQK-së, Fehmi Mehmeti ka thënë se sot bordi ekzekutiv i BQK-së ka marrë vendim t’ia marrë licencën kësaj kompanie të sigurimeve pasi nuk i është përgjigjur kërkesave ligjore në fuqi.

Mehmeti ka treguar edhe për qytetarët të cilën kanë pasur marrëveshje me këtë kompani për sigurime.

“Me qëllim të parandalimit të rreziku të polic-mbajtësve dhe kreditorëve, bordi ekzekutiv i BQK ka marrë vendim për revokimin e licencës së Kosova e re, BQK njofton fton polic-mbajtësit e sigurimeve se sigurimet e tyre mbeten të vlefshme”, tha ai.

Guvernatori Mehmeti bëri me të ditur se vendimi lë pa punë 80 punëtorë dhe 60 agjenrë të sigurimeve. Derisa edhe në vitin 2019 kishte falimentuar një kompani e sigurimeve, “Insig”.

Vazhdo të lexosh

Aktualitet

Algjeria mbyll hapësirën ajrore për avionët marokenë

Autoritetet marokene ende nuk kanë komentuar mbi vendimin e Algjerisë.

Publikuar

nga

Vendimi u mor pas një takimi të Këshillit të Lartë të Sigurisë të Algjerisë të kryesuar nga presidenti Abdelmadjid Tebboune.

Autoritetet algjeriane njoftuan mbylljen e hapësirës ajrore për të gjithë avionët marokenë, transmeton Anadolu Agency (AA).

“Këshilli vendosi të mbyllë menjëherë hapësirën ajrore algjeriane për të gjithë avionët civilë dhe ushtarakë marokenë dhe të gjithë avionët që mbajnë licencë të regjistruar në Marok që nga e mërkura”, thuhet në deklaratën e këshillit.

Këshilli tha gjithashtu se masa u mor pas “provokimeve të vazhdueshme dhe praktikave armiqësore nga pala marokene”.

Autoritetet marokene ende nuk kanë komentuar mbi vendimin e Algjerisë.

Kjo masë erdhi pasi Algjeria vendosi të ndërpresë marrëdhëniet me fqinjin e saj Marokun më 24 gusht, duke e akuzuar Rabatin se kishte “prirje armiqësore”.

Lidhjet Algjeri-Marok kanë qenë të tensionuara për dekada të tëra për shkak të kontestit mbi rajonin e Saharasë midis Rabatit dhe Frontit Polisario të mbështetur nga Algjeria.

Vazhdo të lexosh

Aktualitet

Besnik Pula emërohet këshilltar për marrëdhënie ekonomike ndërkombëtare

Publikuar

nga

Kryeministri i Kosovës, Albin Kurti ka emëruar sot Besnik Pulën, këshilltar të jashtëm politik (pro-bono) për marrëdhënie ekonomike ndërkombëtare.

Sipas një njoftimi të Qeverisë, Besnik Pula është profesor i asociuar në departamentin e shkencave politike të universitetit Virginia Tech (ShBA), ku është gjithashtu drejtor i Asociuar i Qendrës për Studime të Bashkimit Evropian, Studimeve Transatlantike dhe të Hapësirës Trans-Evropiane (CEUTTSS), e mbështetur nga programi Erasmus+ i Komisionit Evropian.

“Studimet e doktoratës për sociologji i ka mbaruar në Universitetin e Miçiganit (University of Michigan), kurse ato të masterit në universitetin Georgetoën, ndërsa paraprakisht ka qenë i asociuar në role hulumtuese dhe ligjëruese me Universitetin Princeton, Neë York University dhe Universitetin e Binghamtonit. Puna e tij hulumtuese është mbështetur dhe shpërblyer nga Fondacioni Kombëtar i Shkencës (ShBA), Shoqata Sociologjike Amerikane (ASA), programi Fulbright-Hays i Departamentit të Arsimit (ShBA), American Council for Learned Societies (ACLS) dhe International Research and Exchanges Board (IREX)”, thuhet në njofitm. 

Vazhdo të lexosh

Aktualitet

Orban: Ballkani mund të bëhet motori ekonomik i BE-së

Orban: Vendet e Ballkanit nuk duhet të bëhen zona fërkimesh, por ato duhet të integrohen në Bashkimin Evropian.

Publikuar

nga

 Për kryeministrin hungarez Viktor Orban, rajoni i Ballkanit mund të përfaqësojë një mundësi të madhe për rifillimin e Bashkimit Evropian, nga ku mund të bëhet një motor i mirëfilltë ekonomik.

”Së bashku me vendet e Grupit të Vishegradit, Ballkani është i aftë të formojë një rajon ekonomikisht shumë të rëndësishëm në Evropë. Për këtë është i rëndësishëm përshpejtimi i rrugës së integrimit evropian i këtyre vendeve të rajonit”, theksoi Orban.

“Vendet e Ballkanit nuk duhet të bëhen zona fërkimesh, por ato duhet të integrohen në Bashkimin Evropian”, theksoi Orban në një konferencë të kryetarëve të Parlamenteve të Grupit të Vishegradit.

Vazhdo të lexosh

Të kërkuara