Sport

Llapi e Dukagjini luftojnë për trofeun e parë në histori

Published

on

Kupa e Kosovës është një turne i kupës kombëtare në futbollin e Kosovës. KF.Llapi nga Podujeva dhe KF.Dukagjini nga Klina, janë dy ekipet finaliste të Kupës së Kosovës në futboll në sezonin 2020/2021. Ndeshja finale do zhvillohet më 12 maj 2021, në stadiumin Fadil Vokrri në Prishtinë, duke filluar nga ora 20:45.

Në vitin 1991 nga Federata e Futbollit të Kosovës u formua turneu i kupës kombëtare në futbollin e Kosovës dhe zhvillohet çdo vit. Në këtë turne garojnë ekipet nga Superliga e Kosovës, Liga e Parë dhe Liga e Dytë.

Këtë vit dy ekipet finaliste janë me komplet synime të kundërta në ligat e tyre. KF.Llapi është pjesë e Superligës dhe dëshiron qëndrimin aty edhe më tej, por synon daljen në Europë. Ai ka zgjedhur rrugën më të shkurtër që të dërgon aty, pra Kupën e Kosovës. KF.Dukagjini që garon në Ligën e Parë, nga fillimi vëmendjen e ka pasur te rikthimi në Superligë dhe Kupa nuk ishte në planet e tyre.

Arritja deri në finale nuk ishte e lehtë për asnjërën skuadër. Llapi eleminoi Ballkanin, Trepçën ’89 e në gjysmëfinale e mposhti Prishtinën, kurse Dukagjini u ndesh me 2 Korrikun, Drenicën dhe në gjysmëfinale në lojën e parë mposhti Istogun me rezultat 2:1, por pas një lëshimi të bërë nga ekipi i Istogut, ndeshja u regjistrua me rezultat 3:0 në favor të Dukagjinit dhe u kualifikua direkt në finale.

Për trajnerin e Dukagjinit, Armend Dallku, finalja e Kupës së Kosovës është “qershia mbi tortë”.

“ Po të jem i sinqertë edhe unë nuk e kisha menduar qe të jemi në finale sepse misioni im ka qenë rikthimi i ekipit në superligë, mirëpo edhe në kupë kam kërkuar nga lojtarët e mi qe çdo ndeshje do t’ia bëjmë hyzmetin për ta fituar dhe do të bëjmë gjithçka që të jemi deri në fund në këtë kompeticion. Në finale e para pres ndeshje kualitative, shumë të pëlqyeshme nga dy ekipet. Personalisht unë dhe ekipi im kemi bërë maksimumin e mundshëm për këtë ndeshje edhe pse jemi në finale do të jemi shumë të qetë, pa presion”, deklaroi ai.

Ky është viti i dytë i tij finalist i Kupës si trajner, pasi që vitin e kaluar ishte fitues i Kupës me ekipin e KF.Prishtinës.

Nga ana tjetër Tahir Batatina, trajner i Llapit e kishte mision nga fillimi Kupën.

“Ne kemi humbur një finale vite më parë, por kemi tentuar të bëjmë ndeshje cilësore dhe gjithmonë kemi synuar trofe, por ndoshta na ka munguar edhe përvoja viteve të kaluara. Tashmë kemi një ekip të komponuar dhe me lojtarë kampionë dhe që kanë fituar tituj dhe mendoj që finalja e 12 majit na gjen të përgatitur maksimalisht për të triumfuar. Gjithashtu nuk do kemi mungesa sepse na u kanë rikthyer nga lëndimet Zhdrella, Leci e Haliti”, tha ai.

Për të dyja klubet ky do të jetë trofeu i parë në histori të tyre./UBTNews

(Alketë Zejnullahu, studente në Media dhe Komunikim në UBT)

Sport

Jurgen Klopp me mesazh pikëllues për humbjen e ish-lojtarit të tij, Diogo Jota

Published

on

Jurgen Klopp e ka marrë me pikëllim të thellë humbjen e ish-lojtarit të tij, Diogo Jota.

Dyshja kishte punuar së bashku në Liverpool dhe sukseset nuk iu kishin munguar. E ditën e sotme, njëjtë si krejt të tjerët, edhe trajneri gjerman u informua për vdekjen e futbollistit portugez, së bashku me vëllain e tij, në një aksident të tmerrshëm që e pësuan në Spanjë.

“Jam me zemër të thyer për ndarjen nga jeta të Diogo Jota dhe vëllait të tij André. Diogo nuk ishte vetëm një lojtar fantastik, por ai ishte gjithashtu një mik i shkëlqyer, një bashkëshort dhe baba i dashur dhe i kujdesshëm!”.

“Do të na mungosh shumë! Të gjitha lutjet, mendimet dhe fuqinë time për bashkëshorten, fëmijët, familjen, miqtë dhe këdo që i donte”.

“U prehsh në paqe, Diogo”.

Continue Reading

Sport

​Klopp i jep lamtumirëm Diogo Jotas: Ishte një mik i shkëlqyer

Published

on

By

Diogo Jota, sulmuesi i Liverpool-it dhe kombëtares portugeze, humbi jetën së bashku me vëllanë e tij, Andre Jota, në një aksident tragjik automobilistik në provincën spanjolle të Zamorës. Ngjarja e rëndë që ndodhi në orët e para të së hënës ka lënë të tronditur jo vetëm familjarët, por edhe bashkëlojtarët, tifozët dhe figura të njohura të futbollit ndërkombëtar.

Mes shumë mesazheve prekëse që kanë mbërritur nga bota e sportit, bie në sy edhe ai i ish-trajnerit të Liverpool-it, Jurgen Klopp, i cili nuk i fshehu dot emocionet e forta në një reagim prekës. Klopp ishte personi i cili kërkoi që Jota t’i bashkohej Liverpool në vitin 2020, ku ai ishte vetëm 23-vjeç.

Ky është një moment ku unë kam vështirësi! Duhet të ketë një qëllim më të madh, por unë nuk mund ta shoh! Jam i trishtuar kur dëgjova për ndarjen nga jeta të Diogos dhe vëllait të tij, Andres. Diogo nuk ishte vetëm një lojtar fantastik, por edhe një mik i shkëlqyer, një bashkëshort dhe baba i dashur e i kujdesshëm. Do të na mungosh shumë,”- shkroi Klopp në një postim emocional në Instagram.

Në fund të mesazhit, tekniku gjerman përcolli ngushëllimet më të thella për familjen e ish-sulmuesit të Liverpool-it:

“Të gjitha lutjet, mendimet dhe fuqia ime për Ruten, fëmijët, familjen, miqtë dhe të gjithë ata që i deshën! Pusho në paqe – Me dashuri, J.”

Diogo Jota dhe vëllai i tij, Andre, humbën jetën pasi automjeti tip Lamborghini me të cilin udhëtonin doli nga rruga dhe u përplas me një objekt, për të shpërthyer më pas në flakë.

Continue Reading

Sport

Zbulohen datat e “El Clasicos” për sezonin e ri

Published

on

La Liga e ka publikuar orarin e ri për sezonin e ri.

Një nga derbit kryesor në botën e futbollit, është “El Clasico”, e cila zgjon interesim tepër të madh te futbolldashësit.

Tashmë dihen edhe datat se kur do të përballen mes vete Real Madrid dhe Barcelona.

Loja e parë në edicionin 2025/2026 do të luhet më 25 ose 26 tetor 2025 në “Santiago Bernabeu” si dhe ndeshja kthyese në “Camp Nou” do të zhvillohet më 9 ose 10 maj 2026.

 

Continue Reading

Sport

Vjen reagimi i Liverpoolit pas vdekjes se Jotas

Published

on

By

Klubi anglez Liverpool, ka reaguar përmes një komunikate zyrtare në lidhje me vdekjen e futbollistit të tyre, Diogo Jota ne një aksident trafiku, përcjellë KosovaPress.

Klubi i Futbollit Liverpool është i shkatërruar nga ndarja tragjike e Diogo Jotës. Klubi është informuar se 28-vjeçari ka ndërruar jetë pas një aksidenti rrugor në Spanjë së bashku me vëllain e tij, Andre. Liverpool FC nuk do të bëjë asnjë koment të mëtejshëm në këtë kohë dhe kërkon që privatësia e familjes, miqve, shokëve të ekipit dhe stafit të Diogos dhe Andres të respektohet, ndërsa ata përpiqen të përballen me një humbje të paimagjinueshme. Ne do të vazhdojmë t’u ofrojmë atyre mbështetjen tonë të plotë”, thhet në komunikatën e Liverpoolit.

Continue Reading

Të kërkuara