Sport

Lampard: Nuk jam i shqetësuar për këtë, kam pritur se do të kemi periudha të vështira këtë vit

Publikuar

Trajneri i Chelseat, Frank Lampard, ka këmbëngulur se thashethemet për të ardhmen e tij në Chelsea nuk e shqetësojnë dhe se është i përqendruar vetëm për të punuar me skuadrën, pas humbjes kundër Manchester City.

Të kaltërit e Londrës e kanë fituar vetëm njërën prej shtatë ndeshjeve të fundit në të gjitha garat pas disfatës 3:1 kundër City të dielën në Stamford Bridge, transmeton Gazeta Express.

Si pasojë e një ecurie të rezultateve të dobëta, Chelsea ka rënë në pozitën e tetë në Premierligë.

Kjo ka nxitur thashetheme se drejtuesit e Chelseat po mendojnë ta shkarkojnë Lampardin, por edhe pse nën presion, ai nuk iu kushton vëmendje thashethemeve.

I pyetur rreth presionit në rritje ndaj tij, Lampard tha: “Nuk jam i shqetësuar për këtë. Kam pritur se do të kemi periudha të vështira këtë vit. E thashë këtë kur fituam kundër Leeds kur të gjithë na vlerësonin si kandidat për titull”.

“Nuk ka rëndësi se a jam nën presion apo jo. Sepse para një muaji të gjithë më pyesnin se kur do ta nënshkruaja zgjatjen e kontratës dhe tani njerëzit po flasin për shkarkimin menjëherë, në një periudhë të vështirë ne i humbëm katër ndeshje”, shtoi ai.

“Presioni mbetet i vazhdueshëm në një punë si kjo dhe unë kam qenë i vetëdijshëm për këtë”, ka përfunduar Lampard.

Lajmet

Djali i legjendës Johan Cruyff e refuzon stolin e Barcelonës

Publikuar

nga

Jordi Cruyff u rikthye te Barcelona pas eksperiencës si trajner në Kinë me Shenzhen, ndërkohë që më parë ka drejtuar edhe Maccabi Tel Aviv, Chongqing Dangdai Lifan dhe kombëtaren e Ekuadorit.

Djali i legjendës Johan Cruyff është këshilltar sportiv te katalanasit tani, por së fundmi i është ofruar edhe një mundësi për ta drejtuar ekipin.

Gazetari i “Sport”, Toni Juanmarti, shkruan se Jordi është përgjigjur se për momentin nuk e pranon opsionin për t’u bërë trajner i Barcelonës.

Vazhdo të lexosh

Sport

​Coman i nënshtrohet një operimi në zemër

Publikuar

nga

Kingsley Coman i është nënshtruar një operimi në zemër, dhe lajmin e ka konfirmuar trajneri i Bayern Munich, Julian Nagelsmann.

Sulmuesi francez e ka përfunduar operimin dje, që kishte të bëjë me rregullimin e ritmit të zemrës së tij dhe pritet që së shpejti të rikthehet në seancat përgatitore.

Nagelsmann tregoi që ishte një rrezik i vogël i menaxhuar në mënyrë të duhur, dhe shpjegoi që nuk ishte diçka e zakonshme.

“Ritmi i tij i zemrës kishte një problem të vogël që kishte rrahje më të ngadalta. Në disa momente ai kishte probleme me frymëmarrje”, tha Nagelsmann.

“Ai është në gjendje shumë të mirë, ka vetëm dhimbje të vogla në plagë. Kur plaga të shërohet, ai do të fillojë seancat përgatitore përsëri dhe nuk do të mungojë më shumë se një javë eventualisht dy, para se ai të rikthehet në stërvitje”, shtoi trajneri i “Bavarezëve”.

Po ashtu, Nagelsmann tregoi që Coman do të fillojë stërvitjet kardio ditën e marte.

Vazhdo të lexosh

Sport

​Roma dëshiron rinovimin e kontratës me Lorenzo Pellegrinin

Publikuar

nga

Skuadra italiane, AS Roma po përgatit një kontratë të re pesëvjeçare për Lorenzo Pellegrinin, raporton gazetari i njohur Fabrizio Romano.

Klauzola e lirimit prej 30 milionë eurove në kontratën aktuale të Pellegrinit do të largohet. Po ashtu, raportohet që gjatë afatit kalimtar veror të transferimeve dy skuadra angleze kanë qenë të interesuara në shërbimet e mesfushorit 25-vjeçar.

Lajmin për rinovimin e kontratës e konfirmoi edhe trajneri i klubit romak Jose Mourinho.

“Ai do të nënshkruajë kontratën e re së shpejti”, tha Mourinho.

Këtë sezon, në 6 paraqitje në të gjitha garat, Lorenzo Pellegrini ka kontribuar në 7 gola, respektivisht 5 gola dhe 2 asistime.

Vazhdo të lexosh

Sport

​Klopp flet rreth kontratës së Salah

Publikuar

nga

Gjiganti anglez, Liverpooli ka disa lojtarë që tanimë iu ka ofruar kontrata afatgjate për t’i shpërblyer për kontributin e dhënë drejt triumfit të Ligës së Kampionëve dhe Premier Ligës angleze.

Ndër ta janë portieri Alisson Becker, mesfushori Fabinho, dhe mbrojtësi Virgil Van Dijk. Po ashtu, krerët e Liverpoolit janë në bisedime me agjentët e Salah për t’i rinovuar kontratën “Mbretit egjiptian”.

Trajneri i “Të Kuqve”, Jurgen Klopp në një konferencë për media sot foli rreth situatës aktuale të Salah, duke mos dhënë shumë detaje mbi rinovimin e kontratës së tij.

“Shikoni, nuk kam ndonjë gjë për të thënë, veçanërisht unë sepse unë nuk jam i përfshirë. Kështu që nuk ka ndonjë detaj të ri”, tha Klopp.

“Sigurisht që gjërat në të cilat jam i interesuar janë paraqitjet e tij, sa është i vëmendshëm, sa është i përkushtuar në këto momente. Dhe kjo është e gjitha. Asgjë e re për tu thënë”, shtoi trajneri gjerman.

Mohamed Salah ka kontratë me gjigantin anglez deri në qershor të vitit 2023.

Vazhdo të lexosh

Të kërkuara