Lajmet

Kremlini i hodhi poshtë kritikat e kryeministrit polak ndaj Putinit

Morawiecki ka thënë se presidenti rus, Vladimir Putin është më i rrezikshëm se Adolf Hitleri ose Josef Stalin.

Publikuar

Kremlini iu kundërpërgjigj të premten thirrjeve të kryeministrit polak, Mateusz Morawiecki për të rrënjosur ideologjinë ‘monstruoze ruse’.

“Kjo është thelbi i asaj urrejtjeje ndaj rusëve që fatkeqësisht, si një metastazë, ka infektuar të gjithë udhëheqjen polake dhe në shumë mënyra, shoqërinë polake”, tha zëdhënësi i Kremlinit, Dmitry Peskov, para gazetarëve në konferencë.

Morawiecki ka thënë se presidenti rus, Vladimir Putin është më i rrezikshëm se Adolf Hitleri ose Josef Stalin për shkak të armëve të avancuara që disponon, për gazetën britanike Telegraph të martën.

“Kjo deklaratë tronditëse, për fat të keq, është histerike dhe e papranueshme”, tha Peskov.

Marrëdhëniet midis Polonisë, anëtares së NATO-s dhe Rusisë, tashmë të tensionuara, janë keqësuar edhe më tej qëkur Rusia dërgoi trupa në Ukrainë, fqinjin e Polonisë, më 24 shkurt.

Nga 6 milionë personat që janë larguar nga Ukraina, më shumë se gjysma kanë kaluar në Poloni.

Varshava ka argumentuar vazhdimisht për sanksione më të ashpra perëndimore ndaj Moskës dhe ka dëbuar 45 diplomatë rusë, duke nxitur një reagim të ashpër nga Moska.

Ambasadorit rus i hodhën bojë të kuqe protestuesit të hënën teksa vendosi kurora lulesh në varrezat ushtarake sovjetike në Varshavë.

Rusia ka kërkuar falje zyrtare dhe paralajmëroi për hapa të mëtejshëm nëse nuk është e kënaqur me përgjigjen e Polonisë./UBTNews/

Lajmet

Shefi i OKB-së: Lufta në Ukrainë “një thirrje zgjimi” për të rregulluar sistemin global të energjisë

“E vetmja e ardhme e qëndrueshme është ajo e rinovueshme” tha ai.

Publikuar

nga

Sekretari i Përgjithshëm i OKB-së, António Guterres, ka njoftuar një plan për të përshpejtuar kalimin e botës në energjinë e rinovueshme, duke thënë se lufta në Ukrainë ishte një thirrje zgjimi për globin që të heqë dorë nga karburantet fosile.

“Lufta në Ukrainë dhe efektet e saj të menjëhershme në çmimet e energjisë është një tjetër thirrje zgjimi. E vetmja e ardhme e qëndrueshme është ajo e rinovueshme. Ne duhet t’i japim fund ndotjes nga karburantet fosile dhe të përshpejtojmë tranzicionin e energjisë së rinovueshme, përpara se të djegim shtëpinë tonë të vetme”, tha ai, duke shtuar “koha po mbaron”./UBTNews/

Vazhdo të lexosh

Lajmet

Gucati e Haradinaj dënohen me nga katër vjet e gjysmë burgim

Ish-drejtuesit e OVL-UÇK-së u dënuan për publikimin e dokumenteve të Gjykatës Speciale.

Publikuar

nga

Dhomat e Specializuara në Hagë shpallën fajtorë dy ish-drejtuesit e Organizatës së Veteranëve të Luftës së Ushtrisë Çlirimtare të Kosovës, Hysni Gucatin dhe Nasim Haradinaj, duke i dënuar me nga katër vjet e gjysmë burgim dhe me gjobë prej 100 eurosh.

Në dënim do të llogaritet edhe koha e kaluar në paraburgim që nga shtatori i vitit 2020.

Ish-drejtuesit e OVL-UÇK-së u dënuan për publikimin e dokumenteve të Gjykatës Speciale./UBTNews/

Vazhdo të lexosh

Lajmet

Ish-presidenti rus: Ne nuk do të lejojmë të ndodhë Lufta e Tretë Botërore

“Ne mund të zmbrapsim çdo agresion që kërcënon shtetin tonë”, tha ai.

Publikuar

nga

Moska duhet t’u kujtojë vazhdimisht të tjerëve aftësinë e saj për “të dhënë një përgjigje të menjëhershme dhe jashtëzakonisht të fuqishme kundrejt një sulmi ndaj vendit tonë”, ka thënë ish-presidenti, ish-kryeministri dhe zëvendëskryetari i sigurisë së Rusisë.

“Ne mund të zmbrapsim çdo agresion që kërcënon shtetin tonë”, shkroi Dmitry Medvedev në kanalin e tij në Telegram pas një vizite në qytetin rus Sarov, qendra e vendit për kërkimin bërthamor.

Postimi në Telegram përfshinte një video në të cilën Medvedev foli me shkencëtarët në Institutin e Kërkimeve Shkencore Gjith-Ruse të Fizikës Eksperimentale, ku bomba e parë bërthamore sovjetike u zhvillua në vitet 1940.

“Historia e qendrës bërthamore në Sarov është e lidhur përgjithmonë me emrat e atyre që krijuan mburojën bërthamore të vendit tonë. Arsenali i armëve moderne, të besueshme dhe efektive ftoh ambiciet e atyre që janë gati të fillojnë Luftën e Tretë Botërore me duart e tyre dhe të të tjerëve. Ne nuk do të lejojmë të ndodhë një situatë e tillë”, tha ai në Telegram./UBTNews/

Vazhdo të lexosh

Lajmet

Klinaku para shpalljes së vendimit për Gucatin e Haradinajn: Nëse ka drejtësi, do të shpallen të pafajshëm

Dhomat e Specializuara duhet të hetojnë veten për shkak të rrjedhës së dokumenteve e më pas të tjerët, sipas tij.

Publikuar

nga

Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, para shpalljes së vendimit për Hysni Gucatin e Nasim Haradinajn deklaroi se nëse do të kishte drejtësi, të dy do të shpalleshin të pafajshëm.

Në një deklaratë për KosovaPress, Klinaku u shpreh se Dhomat e Specializuara duhet të hetojnë fillimisht veten për shkak të rrjedhës së dokumenteve dhe më pas të tjerët.

“Faktikisht ne Gjykatën Speciale e kemi konsideruar gjykatë politike e njëanshme dhe nuk mund të paragjykoj se çfarë do të ndodhë. Nëse do të kishte drejtësi të mirëfilltë këta do të shpalleshin të pafajshëm sepse nuk ka pasur arsyeje t’i dërgojnë atje, por edhe të mos i marrin por ta hetojnë veten për skandalet qe i kanë ndodhur atje, nëse do të kishte drejtësi ata do duhej ta hetojnë veten pastaj të vijnë tek ne, ne shpresojmë që gjykatësit apo trupi gjykues të bien pre e provokimeve të prokurorisë e cila është një prokurori e skandaleve prokurori që nuk e heton veten por as të tjerët dhe shpresojmë të marrin vendim lirues për ta”, tha Klinaku.

Hysni Gucati dhe Nasim Haradinaj janë arrestuar më 25 shtator 2020 në Prishtinë prej ku janë dërguar në paraburgim në Hagë.

Arrestimi i tyre dhe hapja e procesit gjyqësor ishte bërë pasi disa dokumente kishin arritur në zyrat e OVL-UÇK, nga persona ende të panjohur, ndërsa krejt këto ishin bërë publike nga Gucati dhe Haradinaj. ZPS nuk ka hetime të hapura se si kanë rrjedhë këto dokumente nga gjykata.

Trupi gjykues në krye me Charles L. Smith III do të shpallë aktgjykimin ndaj tyre.

Vazhdo të lexosh

Të kërkuara