Sport

Konfirmohet kundërshtari i radhës për Joshuan

Bëhet fjalë për Jermaine Franklin.

Publikuar

10 muaj më parë

më

Jermaine Franklin është një fitore larg fitimit të një lufte shumëmilionëshe kundër Anthony Joshuas.

Amerikani i pamposhtur bokson në Londër në një përpjekje për të prishur festën e kthimit të Whyte të shtunën në “Wembley Arena”.

Promovuesi, Eddie Hearn ka thënë tashmë se fituesi do të shpërblehet me një pagese mega-milionëshe kundër Joshuas që pritet të rikthehet vitin e ardhshëm.

“Nëse e fiton këtë luftë, do të marrësh luftën e Anthony Joshua. AJ dëshiron të luftojë Dillian Whyte. Ndoshta kjo është një për të ardhmen”, tha Hearn.

“Por, që ju të vini si amerikan për të mposhtur një britanik në Londër, do ta merrni atë luftë dhe do të fitoni miliona dollarë. Pra, gjithçka që duhet të bëni është të kaloni përmes këtij boksieri për të fituar miliona dollarë”, shtoi më tej Hearn.

Franklin, 29 vjeç, me gjakftohtësi u kundërpërgjigj, “Do të mendoj për këtë pasi të marr këtë fitore”.

Whyte, 34 vjeç, mposhti Joshuan, 33 vjeç, në vitin 2009, por u mposht në revanshin e tyre gjashtë vjet më vonë.

Joshua pas humbjeve të njëpasnjëshme ndaj 35-vjeçarit ukrainas, Oleksandr Usyk, po merr kohë jashtë ringut për t’u rikuperuar nga disfata. 

Etiketa
Vazhdo të lexosh

Sport

Rusia shpreson t’i bashkohet familjes olimpike

Rusia tha se Moska nuk do t’i bojkotojë Lojërat e vitit 2024.

Publikuar

1 ditë më parë

më

22 Shtator, 2023

nga

Kremlini të premten tha se shpreson që Rusia edhe njëherë mund t’i bashkohet komunitetit olimpik pavarësisht sanksioneve kundër atletëve rusë pas pushtimit të Ukrainës.

Komiteti Olimpik Ndërkombëtar rekomandoi që atletëve nga Rusia dhe Bjellorusia t’iu lejohet pjesëmarrja në Lojëra Olimpike që do të mbahen vitin e ardhshëm në Paris si individ neutral.

“Shpresojmë se në fund logjika do të mbizotërojë, ideja e olimpizmit do të triumfojë dhe se ne do të ri-integrohemi edhe njëherë në familjen olimpike”, tha zëdhënësi i Kremlinit, Dmitry Peskov.

Rusia tha se Moska nuk do t’i bojkotojë Lojërat e vitit 2024 dhe se çdo atlet është i lirë të zgjedh të konkurrojë apo jo nën një flamur neutral./UBTNews/

Vazhdo të lexosh

Sport

Kuka: Me zjarr, ujë e xhudon e Kosovës s’ka lojë!

Nora Gjakova fitoi medaljen e artë në kategorinë deri në 57 kilogramë.

Publikuar

2 ditë më parë

më

22 Shtator, 2023

nga

Trajneri i ekipit kosovar të xhudos, Driton Kuka ka reaguar pas medaljeve të fituara të Distria Krasniqit dhe Nora Gjakovës në Grand Slam-in që po mbahet në Baku të Azerbajxhanit.

Në kategorinë deri në 52 kilogramë, Distria Krasniqi u stolis me medaljen e argjendtë në këtë garë.

Ndërkaq, Nora Gjakova fitoi medaljen e artë në kategorinë deri në 57 kilogramë.

Pas këtyre sukseseve ka reaguar edhe trajneri Driton Kuka, i cili tha se me zjarr, ujë dhe xhudon e Kosovës s’ka lojë.

“Nora e artë 1000 Pikë

Disi e argjendtë 700 pikë

Tashmë do jenë me siguri bartëse në Lojëra Olimpike!

Grand Slam Baku Azerbeijan

Të shkelqyeshme dhe tashmë drejt Parisit 2024 drejt sukseseve të reja!

Me zjarr,ujë e xhudon e Kosovës ska lojë!

Ditë e bukur atje në Baku për vendin tonë e popullin Shqiptar

Neser garojnë Laura,Loriana e Akili ju urojmë suksese!

Në krye të detyres Majlinda e Tosi”, shkroi Kuka në Facebook.

Vazhdo të lexosh

Sport

Nora Gjakova, e artë në Grand Prix Baku të Azerbajxhanit

Fitorja ndaj Bozkurt e kualifikoi Norën në finale.

Publikuar

2 ditë më parë

më

22 Shtator, 2023

nga

Pas medaljes së argjendtë të Distria Krasniqit, Nora Gjakova i ka sjellë tjetër medalje Kosovës, kësaj radhe me ngjyrë ari, nga Grand Prix-i që po mbahet në Baku të Azerbajxhanit.

Në kategorinë deri në 57 kilogramë, Nora Gjakova e ka mposhtur në finale xhudisten nga Gjeorgjia, Eteri Liparteliani për ta fituar të artën në këtë Grand Slam.

Deri te medalja e artë, Gjakova raundin e parë e kaloi pa luftë, në të dytin e mposhti polaken, Arleta Podolak, kurse në raundin e tretë fitoi ndaj xhudistes nga Gjermania, Seija Ballhaus.

Gjakova vazhdoi me fitore edhe në çerekfinale, ku e mposhti francezen Priscilla Gneto, ndërsa në gjysmëfinale fitoi ndaj xhudistes nga Turqia, Hasret Bozkurt.

Fitorja ndaj Bozkurt e kualifikoi Norën në finale, ku edhe e mposhti gjeorgjianen Liparteliani për ta fituar medaljen e artë në këtë kategori. 

Vazhdo të lexosh

Sport

Distria fiton medaljen e argjendtë në Grand Slam të Azerbajxhanit

Deri te e argjendta, Krasniqi raundin e parë e kaloi pa luftë, kurse në të dytin e mposhti Jessica Pereira.

Publikuar

2 ditë më parë

më

22 Shtator, 2023

nga

Xhudistja jonë, Distria Krasniqi e ka fituar medaljen e argjendtë në Grand Slam-in që po mbahet në Baku të Azerbajxhanit.

Në kuadër të kategorisë deri në 52 kilogramë, Distria u stolis me të argjendtën pasi në finale u mposht nga xhudistja japoneze, Kisumi Omori.

Deri te e argjendta, Krasniqi raundin e parë e kaloi pa luftë, kurse në të dytin e mposhti brazilianen, Jessica Pereira.

Në çerekfinale ajo mposhti xhudisten nga Maroku, Soumiya Iraoui, ndërsa në gjysmëfinale e mposhti me tri dënime për Ippon në vazhdime italianen, Odette Giuffrida.

Në finale, Krasniqi u mposht nga japonezja, Kisumi Omori. 

Vazhdo të lexosh

Të kërkuara