Lajmet

Japonia raporton pranverën më të ngrohtë në histori

Temperaturat përgjatë marsit, prillit dhe majit ishin 1.59 gradë Celsius më të larta se mesatarja.

Publikuar

Japonia përjetoi pranverën e saj më të ngrohtë këtë vit, tha të enjten agjencia kombëtare e motit, pasi gazrat serrë dhe El Nino shkaktojnë rritje të temperaturave në mbarë botën.

Temperaturat përgjatë marsit, prillit dhe majit ishin 1.59 gradë Celsius më të larta se mesatarja, tha Agjencia Meteorologjike e Japonisë.

Kjo e bëri atë pranverën më të nxehtë që kur agjencia filloi të bënte matje të krahasueshme në 1898.

“Ngrohja globale i ka bërë temperatura të tilla në nivel rekord më të shpeshta dhe ato pritet të bëhen edhe më të zakonshme në të ardhmen me përparimin e ngrohjes globale”, thuhet në deklaratë.

Kombet e Bashkuara thanë muajin e kaluar se ishte pothuajse e sigurt se 2023-2027 do të ishte periudha më e ngrohtë pesëvjeçare e regjistruar ndonjëherë./UBTNews/

Kulturë, Lifestyle

Spanja fillon mbylljen e fondacionit të simpatizantëve të Francos

Publikuar

nga

Ministri i Kulturës, Ernest Urtasun njoftoi se Qeveria e Spanjës ka filluar mbylljen e fondacionit Francisco Franco, një organizatë jofitimprurëse e krijuar nga simpatizantët e diktatorit të ndjerë.

Ligji i “kujtesës demokratike” i miratuar në vitin 2022 nga qeveria socialiste e Spanjës ndalon çdo organizatë, e cila regjimin e Frankos 1939-1975.

Ministria e Kulturës njoftoi se gjykata do ta marrë vendimin përfundimtar për mbylljen e Fondacionit Kombëtar të Franciso Francos.

Ligji synon të bëjë dëmshpërblime për viktimat e diktaturës dhe të luftës civile trevjeçare që i parapriu, në të cilën vdiqën më shumë se gjysmë milioni njerëz.

Historianët vlerësojnë se rreth 150 mijë e njerëz u vranë nga qeveria e Francos, ndërsa 450 mijë të tjerë u detyruan të largoheshin nga vendi./UBTNews/

Vazhdo të lexosh

Lajmet

Japonia sanksionon disa kompani kineze

Publikuar

nga

Japonia ka vendosur kufizime tregtare kundër firmave në Kinë, Indi, Kazakistan dhe Uzbekistan për mbështetjen e tyre të supozuar për luftën e Rusisë kundër Ukrainës.

Këto janë saksionet e para të cilat u vendosën nga Ministria e Punëve të Jashtme të Japonisë për kompanitë kineze, të cilat dyshohet se kanë lidhje me luftën.

Sipas këtyre sanksioneve, kompanive japoneze u ndalohet të eksportojnë mallra nga firmat e sanksionuara, sikurse Asia Pacific Links Ltd me bazë në Hong Kong dhe Yilufa Electronics Limited, me bazë në Shenzhen.

Sanksionet erdhën në periudhën kur Japonia dhe Koreja e Jugut sanksionuan muajin e kaluar kompani dhe individë të akuzuar për furnizimin e Rusisë me armë për përdorim në Ukrainë./UBTNews/

Vazhdo të lexosh

Lajmet

Spanja do të eliminojë taksën për vajin e ullirit për të lehtësuar rritjen e çmimeve

Publikuar

nga

Qeveria e kryeministrit socialist, Pedro Sanchez nga muaji korrik do të përfshijë “përgjithmonë” vajin e ullirit në listën e “nevojave bazë” të cilat janë të përjashtuara nga taksa, njoftoi Ministria e Financave përmes një deklarate.

Ky është “lajm i mrekullueshëm për të gjithë spanjollët”, tha zëdhënësja e qeverisë, Pilar Alegria, gjatë një interviste për stacionin televiziv privat Antena 3.

Kjo masë, e cila do të miratohet gjatë një takimi të kabinetit i cili pritet të mbahet javën e ardhshme, do të “lehtësojë barrën mbi portofolin e spanjollëve” si dhe të mbështesë sektorin e ullirit dhe të stimulojë konsumin e një produkti që është kaq i rëndësishëm.

Supermarketet kanë raportuar rritje të vjedhjeve të shisheve të vajit të ullirit pasi çmimi i tyre është rritur, duke shtyer disa shitës me pakicë t’i vendosin ato me etiketa sigurie që zakonisht shihen në artikuj të kushtueshëm si alkooli, ndërsa shitjet e alternativave më të lira si vaji i farave të lulediellit janë rritur./UBTNews/

Vazhdo të lexosh

Lajmet

Zbulohet anija 3300-vjeçare në brigjet izraelite

Publikuar

nga

Një kompani gazi natyror në brigjet veriore të Izraelit zbuloi papritur një anije të vjetër 3,300-vjeçare dhe ngarkesën e saj, një nga shembujt më të hershëm të një anijeje që lundron larg nga toka.

Anija, që daton në Epokën e Vonë të Bronzit, u gjet larg bregut, duke treguar se aftësitë e navigimit të marinarëve të lashtë ishin shumë më të avancuara se sa besohej më parë. Kjo sugjeron se ata mund të udhëtonin pa pasur pamje nga toka.

Anija u zbulua në një thellësi prej 1,800 metrash nga kompania Energean, e cila operon fusha të gazit natyror në ujërat territoriale të Izraelit. Anija 12 deri në 14 metra e gjatë ishte e varrosur nën fundin me baltë, e mbuluar me qindra qypa mijëvjeçarë.

Energean bashkëpunoi me Autoritetin Antik të Izraelit (IAA) për të nxjerrë dy qypa për hulumtim. IAA i identifikoi qypat si Kanaanite, një grup njerëzish që dikur jetonin përgjatë bregut lindor të Mesdheut.

Vazhdo të lexosh

Të kërkuara