Sport

Cristiano Ronaldo feston sot ditëlindjen, mbush 40 vite jetë

Published

on

Sot është një ditë e veçantë për një nga futbollistët më të mirë të të gjitha kohërave e bëhet fjalë për Cristiano Ronaldo.

U lind më 5 shkurt 1985, në Funchal të ishullit portugez Madeira dhe sot ai mbush 40 vite jetë.

Duke qenë një nga emrat më të spikatur të botës së sportit, në karrierën e tij ka fituar shumë trofe e ka luajtur për disa skuadra të njohura si: Sporting Lisbona, Manchester United, Real Madrid, Juventus dhe së fundmi luan për skuadrën nga Arabia Saudite, Al Nassr.

Tre trofe të Premier League, dy të La Liga-s, dy të Serie A, pesë Champions League, katër trofe të Kupës së Botës për klube, tre Superkupa të Evropës, edhe me kombëtaren e Portugalisë, si kapiten i saj e ka fituar edhe një titull të Kampionatit Evropian.

Në aspektin individual, CR7, i ka hiç më pak se pesë “Topa të artë”. Ai i ka thyer thuajse të gjitha rekordet në botën e futbollit, lojtarin e vetëm që e ka fituar pesë herë Ligën e Kampionëve, golashënuesin më të mirë të Portugalisë, golashënuesin më të mirë të Real Madridit, dhe golashënuesin më të mirë në histori të futbollit. Deri më tash, 40-vjeçari i ka realizuar 923 gola në karrierën e tij profesionale.

Në një moshë kur shumë futbollistë vendosin t’i ‘varin’ këpucët, ai duket se është në top formë duke dominuar me paraqitjet aktive, si me skuadrën Al Nassr si me kombëtaren portugeze. Cristiano Ronaldo është i martuar me modelen Georgina Rodriguez, dhe i ka pesë fëmijë.

Sport

Play off-i i Championist, sot radha e Milanit dhe Bayernit

Published

on

Sot, në orën 18:45, starton një ditë e ngarkuar me futboll në fazën e play-off-it të Ligës së Kampionëve. Katër ndeshje të rëndësishme do të luhen, ndërsa emra të mëdhenj si Bayern Mynih dhe AC Milan do të jenë në qendër të vëmendjes.

Për ndeshjen e parë, Club Brugge do të presë Atalantën. Mbrojtësi i Kombëtares Shqiptare, Berat Gjimshiti, do të jetë aktiv në këtë përballje, ku Atalanta konsiderohet favorit për të kaluar në fazën tjetër, pavarësisht faktit që ekipi belg është i njohur për befasi në Ligën e Kampionëve.

Në orën 21:00, ndeshjet do të shtohen me tre përballje të tjera interesante. Celtic do të luajë në shtëpi përballë Bayern Mynih, kampionëve të Gjermanisë, të cilët janë të favorizuar për të vazhduar më tej.

Në një tjetër ndeshje të fortë, Feyenoord do të përballet me AC Milan. Milani është konsideruar favorit në këtë përballje, sidomos pas largimit të sulmuesit të Feyenoord, një goditje e madhe për holandezët që u humb në merkaton e janarit. Përfundimisht, Monaco do të luajë përballë Benficës në një tjetër ndeshje që premton shumë emocione./UBTNews/

Continue Reading

Sport

Spektakël dhe ‘dramë’ në ‘Etihad’, Reali përmbys Manchester Cityn

Published

on

Në një ndeshje spektakolare të Ligës së Kampionëve, Real Madridi arriti të mposht Manchester Cityn 3-2 në “Etihad Stadium” në ndeshjen e parë të play-off-it. Madrilenët e nisën ndeshjen me dominim, duke krijuar mundësi shënimi që i rrezikuan portën e kampionëve të Premier League.

Kylian Mbappé provoi me një goditje të mrekullueshme në minutën e 11-të, por Ederson ishte në vendin e duhur për ta shpëtuar Cityn. Edhe Vinicius Junior pati mundësi të shënonte, por goditjet e tij u ndalën në momentet e fundit nga mbrojtja e Cityt.

Në minutën e 19-të, erdhi ndëshkimi për Realin: Josko Gvardiol asistoi për Erling Haaland, i cili shënoi golin e parë të ndeshjes për Cityn. Goli i vetëm në pjesën e parë ishte një goditje e saktë e Haaland, duke e dërguar ndeshjen në pushim me epërsinë 1-0 për Manchester Cityn.

Në pjesën e dytë, ndeshja u ndez më shumë. Në minutën e 60-të, Kylian Mbappé shënoi një gol të bukur, duke e barazuar rezultatin në 1-1 me një asistim brilant nga Dani Ceballos. Pavarësisht lojës së bukur të Realit, City kaloi sërish në avantazh me një penallti të fituar në minutën e 80-të, e cila u shndërrua në gol nga Haaland për të shënuar 2-1.

Megjithatë, Brahim Diaz ishte i ftuar për të ndryshuar rrjedhën e ndeshjes. Në minutën e 86-të, ai shënoi golin e barazimit 2-2 me një asistim të Vinicius Junior. Më pas, Jude Bellingham shkaktoi një goditje befasuese për Cityn, duke shënuar për 3-2, duke i dhënë epërsinë e parë Real Madridit dhe duke përmbysur gjithçka në një ndeshje emocionuese dhe plot drama./UBTNews/

Continue Reading

Sport

​Pesë përballje të forta në Kupën e Kosovës në futboll

Published

on

By

Do të vazhdojë edhe sot rrugëtimi i skuadrave në Kupën e Kosovës në futboll për edicionin 2024/25.

Në program janë pesë ndeshje jashtëzakonisht interesante me skuadra të Superligës që do të ballafaqohen edhe në këtë kompeticion.

Katër ndeshjet e para zhvillohen nga ora 12:30 ku do të ndeshjen Dinamo Ferizaj-Malisheva, Drita-Dukagjini, Llapi-Vushtrria dhe Vëllaznimi-Bashkimi.

Ndërsa nga ora 17:00 në stadiumin “Fadil Vokrri”, Prishtina e pret Suharekën.

Continue Reading

Sport

Trepça apo Bashkimi, sonte mësohet fituesi i Kupës së Kosovës

Published

on

By

Super finalja e ProCredit Kupës së Kosovës në basketboll ka vënë përballë Trepçën dhe Bashkimin. Përballja pritet të jetë me spektakël, duke marrë parasysh rivalitetin mes skuadrave, por edhe formën e treguar në këtë edicion.

Mitrovicasit kanë fituar shtatë herë Kupën e Kosovës, duke përfshirë edhe tri herët e fundit. Bashkimi ka fituar vetëm një herë këtë trofe të rëndësishëm, më 2001.

Në pesë takimet e fundit direkte mes tyre, mitrovicasit kanë tri fitore derisa prizrenasit dy.

Sa i përket garave në ProCredit Superligë, të dy skuadrat kanë nga 14 fitore e gjashtë humbje.

Rruga drejt finales nuk ishte aspak e lehtë. Mitrovicasit në çerekfinale eliminuan Proton Cable Prizrenin, kurse në gjysmëfinale rivalin e vjetër, Sigal Prishtinën, ku edhe pse humbën ndeshjen e parë, u rikthyen në atë të dytë për të siguruar biletën për finale.

Bashkimi në çerekfinale eliminoi Borën, derisa në gjysmëfinale Vëllaznimin. Në ndeshjen e parë pësuan nga kuqezinjtë, derisa në përballjen e dytë arritën rikthimin për të siguruar finalen.

Ndeshja finale zhvillohet sonte nw Pallatin e Rinsiw në Prishtinë nga ora 19:00.

Continue Reading

Të kërkuara