Lajmet nga UBT

CEREMONIA E GRADIMIT 2020

Publikuar

Lajmet nga UBT

Laboratori i Mikrobiologjisë së Ushqimit “UBT”, mundëson analizat mikrobiologjike të ushqimeve

Publikuar

nga

UBT në Parkun Shkencor Inovativ të saj, posedon Laboratorin e Mikrobiologjisë Ushqimore, i kompletuar me të gjitha standardet ndërkombëtare që iu mundëson kryerjen e testeve laboratorike në aspektin mikrobiologjik.

Me qëllim të mbrojtjes së shëndetit të konsumatorëve nga rreziku i agjentëve mikrobiologjik, Laboratori i Mikrobiologjisë Ushqimore “UBT” mundëson analizat ushqimore për qumështin dhe produktet e qumështit, mishin dhe produktet e mishit, ujërat e pijes dhe industriale, etj.

Laboratori i Mikrobiologjisë Ushqimore “UBT” kryen analizat mikrobiologjike të ushqimeve të ndryshme të cilat tregojnë se a janë të përpunuara ose jo dhe se a janë gati për konsum, si dhe bëhen analiza bakterologjike dhe analiza mykologjike.

Ky laborator mundëson edhe zhvillimin e veprimtarive kërkimore në fushën e shkencave të ushqimit dhe bioteknologjisë me të gjitha pajisjet e nevojshme, në mënyrë që studentët ta kenë më të lehtë punën praktike në këtë laborator.

Për të kompletuar ekosistemin në fushat e shkencave të ushqimit dhe bioteknologjisë, UBT ka ndarë një hapësirë të veçantë për disa parcela ku janë ndërtuar serra të tipit shkollor, në mënyrë që studentëve t’u krijohet një ambient atraktiv, praktik dhe motivues për mësim në fushat përkatëse, e që janë mbjellë produkte bujqësore.

Të ndërlidhura me teknologjinë, në këto serra UBT është duke kultivuar qindra bimë të perimeve të llojit të domateve trangujve dhe specave. Kësisoj, serra është duke shërbyer si një laborator fushor ku po prodhohen produkte për eksperimente të ndryshme që shfrytëzohen nga studentët dhe stafi akademik, nga ku rezultatet e fituara do të përcillen në sektorin e prodhimit si produkt i UBT-së në përmirësimin e cilësisë dhe sasisë së prodhimeve bujqësore.

Vazhdo të lexosh

Kulturë

Biblioteka e UBT-së, një ndërlidhje mes librit fizik dhe atij elektronik

Publikuar

nga

Të gjithë miqtë e librit, shkencës e dijes, tashmë e kanë një vend gjigant ku mund të studiojnë e gjejnë tituj nga më të ndryshmit që biblioteka e UBT-së i posedon.

Biblioteka e UBT-së ka bërë gërshetimin e librit dhe teknologjisë, duke u ofruar studentëve dhe lexuesve një vend unik, me hapësira të veçanta për lexim, për të studiuar dhe hulumtuar çështje të ndryshme të shkencës.

Biblioteka e UBT-së ofron një ambient të këndshëm për të lexuar, me më shumë se 250 mijë libra fizik dhe 52 mijë tituj në dispozicion. Ky ambient i veçantë i institucionit përmban tituj nga të gjitha drejtimet të cilat i ofron UBT, duke përfshirë këtu edhe enciklopedi dhe fjalorë të ndryshëm. Librat të cilat gjenden në bibliotekën universitare të UBT-së janë në gjuhën shqipe, angleze, gjermane dhe në atë serbe.

Përpos kësaj, për të gjithë studentët e rinj dhe ambicioz që dëshirojnë t’i zgjerojnë njohuritë e tyre, UBT ka bërë digjitalizimin e bibliotekës, duke e shndërruar në bibliotekë elektronike, duke u anëtarësuar në tri bibliotekat më të njohura elektronike, përfshirë EBSCO-n, SAGE Journals dhe J-Store.

Biblioteka gjendet në magjistralen Prishtinë – Ferizaj afër rrethit të QMI-së, në Parkun Shkencor Inovativ të UBT- së, në Lipjan.

Vazhdo të lexosh

Lajmet nga UBT

UBT dhe AKK nënshkruajnë marrëveshje mirëkuptimi për rritjen e numrit të ekspertëve të konkurrencës

Publikuar

nga

Rektori i UBT-së, prof.dr. Edmond Hajrizi, ka pritur në takim kryetarin e Autoritetit Kosovar të Konkurrencës, Valon Prestreshi, me të cilin ka nënshkruar një memorandum bashkëpunimi.

Përmes këtij memorandumi synohet bashkëpunimi për zhvillimin e moduleve dhe programeve të ndryshme të studimit, konkretisht përfshirja e një lënde në fushën e politikave të konkurrencës.

Ky memorandum parasheh organizimin e veprimtarive shkencore dhe profesionale si: simpoziume, konferenca, seminare, tryeza, shkolla verore, trajnime, etj.

Rektori i UBT-së prof.dr. Edmond Hajrizi ka thënë se kjo marrëveshje është e rëndësishme për institucionin, për faktin se do të jetë në shërbim të studentëve, për të shkëmbyer përvoja dhe praktika më të mira me stafin e Autoritetit Kosovar të Konkurrencës.

Qëllimi i kësaj marrëveshje është promovimi i përpjekjeve të përbashkëta që ka UBT me Autoritetin Kosovar të Konkurrencës në sferën e avancimit të çështjeve me interes reciprok, në zhvillimin e programeve të ndryshme të studimit, si dhe rritja e numrit të ekspertëve në fushën e politikave të konkurrencës.

Vazhdo të lexosh

Kronika nga stafi

”Newborn” me pamje të re në 13-vjetorin e Pavarësisë së Kosovës

Publikuar

nga

Intervistë me ideatorin e monumentit “Newborn”, Fisnik Ismaili.

Vazhdo të lexosh

Të kërkuara