Lajmet

​Një në katër gra që punojnë në media kanë qenë viktima të ngacmimit seksual

Kështu u tha gjatë prezantimit të raporti “Gratë në Media në Kosovë dhe Serbi”, të përgatitur nga Peaceful Change Initiative.

Publikuar

7 muaj më parë

më

Gratë në media dhe në shumicën e vendeve të punës kanë nevojë për një mbrojtje ligjore më adekuate, për politikat dhe ngacmimit seksual në vendet të punës dhe ligj të punës që e bën të mundur ndarjen e përgjegjësive në mënyrë të barabartë.

Kështu u tha gjatë prezantimit të raporti “Gratë në Media në Kosovë dhe Serbi”, të përgatitur nga Peaceful Change Initiative. Ky projekt mbështetet nga Ambasada e Britanisë së Madhe. Ambasadori britanik Nicholas Abbott ka falënderuar të gjitha ata që kanë përgatitur këtë raport, pasi sjellë në pah shumë këndvështrime që meritojnë diskutim.

“Këtu janë një varg çështjesh e problemesh, derisa ne flasim për mediat por ato janë të pranishme edhe në shumë sektor të tjerë dhe mendoj që kjo ngjarje është një rast i mirë për të nisur diskutimin. Jam i impresionuar edhe me rekomandimet. Ky raport duket që ka rekomandime të drejtpërdrejta e që është e mundshme të realizohen”, tha ai.

Tamara Skroza e cila ka udhëhequr projektin në Beogradi, tha se 401 femra në Serbi kanë plotësuar këtë pyetësor dhe shumë prej tyre nuk kanë dashur të japin detaje për përvojat e tyre, por 31 % e tyre deklarojnë se paguhen më pak se sa meshkujt.

Kurse, Dafina Halili e cila udhëhoqi këtë projekt në Kosovë, tha se në këtë mostër janë të përfshirë profilet e të gjitha llojeve të mediave, duke konkluzuar se mungesa e menaxherëve dhe drejtorëve ndikon që në pozitat e lartë të Kosovës të mbesin në duar të burrave.

“Mostra e hulumtimit në Kosovë ka përfshirë 265 gazetare dhe jemi munduar që të kemi profile të gjitha llojeve të mediave në të gjitha qytetet dhe mediat komunitare të Kosovës. 54% janë gazetare, 23% redaktore, 6.4% kryeredaktore, 3.8% moderatorë, 3.8 gazetare dhe asnjë menaxhere apo drejtore. Kjo mungesa e menaxherëve dhe drejtoreve ndikon që në pozitat e lartë të Kosovës të mbesin në duar të burrave….prej të anketuarave në mostrën tonë 24.6%, kjo i bie një në katër gra që punojnë në mediat e Kosovës, janë ose kanë qenë viktimë e ngacmimit seksual. Disa prej tyre kanë deklaruar të kenë qenë viktima të sulmeve seksuale”, tha ajo.

Sipas saj, gratë gazetare kanë nevojë shumë për një mbrojtje ligjore dhe për barazi gjinore.

Kurse, Valmira Rashiti nga Rrjeti i Grave të Kosovës, duke folur mbi gjetjet e kësaj ankete, ka thënë se ajo që po kërkohet është një ndërrim rrënjësorë në kulturën e seksizmit, i ç’normalizimit të nivelit të dhunës të ngacmimeve seksuale ndaj grave në media.

“Iniciativa ka ardhur nga vetë gratë gazetare dhe kjo tregon se sa shumë kanë nevojë gratë gazetare për një mbrojtje ligjore më adekuate, për politikat dhe ngacmimit seksual në vendet të punës dhe ligj të punës që e bën të mundur ndarjen e përgjegjësive në mënyrë të barabartë, për arsye se e pamë 49% e grave gazetare e konsiderojnë familjen si barrierë në aspektin e ushtrimit të veprimtarisë së tyre… Po kërkohet një ndërrim rrënjësorë në kulturën e seksizmit, i ç’normalizimit të nivelit të dhunës të ngacmimeve seksuale ndaj grave në media”, u shpreh Rashiti.

Rashiti tha se në vendin e punës në mediat e Kosovës, gratë përballen shpesh ose janë viktima të ngacmimeve seksuale. Sipas saj, ligji i punës po shkelet vazhdimisht, ku shihet edhe në këtë anketë ku numër i madh i grave kanë thënë që punojnë më shumë se 40 orë në javë pa kompensim financiar.

Zëvendësavokatja e Popullit, Majlinda Lulaj problemet që janë në anketë nuk janë që janë gjetur sot por janë në vazhdimësi, por pa ndëshkimin ligjor nuk do të mund të ketë rezultate progresive.

“Realiteti faktik vazhdueshëm i nxjerr në pah problemet e diskriminimit, qoftë ato që u përmenden për karakteristikat fizike, moshën, përfshirë ngacmimet seksuale të cilave zakonisht iu hapet rruga veçmas në rastet kur nëpër media nuk bëhen as kontrata pune”, tha ajo, megjithatë shtoi se në institucionin e Avokatit të Popullit shumë rrallë vinë të ankohen gratë gazetare.

Etiketa
Vazhdo të lexosh

Lajmet

​Gjermania miraton një strategji të re hapësinore

Gjermania përballet me detyra të reja “në mënyrë që të vazhdojë të mbetet një vend i fortë dhe inovativ i hapësirës”, sipas strategjisë hapësinore.

Publikuar

4 orë më parë

më

27 Shtator, 2023

nga

Qeveria gjermane miratoi të mërkurën një strategji të re hapësinore që fokusohet në promovimin e iniciativave të sektorit privat në hapësirë.

Një dokument strategjie, i përgatitur nga Ministria Gjermane e Ekonomisë nën udhëheqjen e politikanit të Partisë së Gjelbërve, Robert Habeck, bën thirrje gjithashtu për të luftuar ndryshimin e klimës dhe për të vepruar me përgjegjësi dhe të qëndrueshme në lidhje me udhëtimin në hapësirë, raportoi Anadolu Agency.

Gjermania përballet me detyra të reja “në mënyrë që të vazhdojë të mbetet një vend i fortë dhe inovativ i hapësirës”, sipas strategjisë hapësinore.

Dokumenti strategjik përmend gjithashtu dimensionin global në hapësirë. Dokumenti përmend në mënyrë eksplicite Kanadanë, Japoninë, Korenë e Jugut, Indinë, Australinë, Zelandën e Re dhe Singapori, të cilat, sipas qeverisë gjermane, kanë zgjeruar vazhdimisht aktivitetet e tyre hapësinore prej vitesh dhe për këtë arsye janë partnerë interesantë bashkëpunimi.

“Kina ka zgjeruar jashtëzakonisht angazhimin e saj hapësinor si në sektorin civil ashtu edhe në atë ushtarak. Kina dhe Shtetet e Bashkuara kanë hyrë në një garë të re për udhëheqje në hapësirë, fluturime hapësinore astronautike dhe një kthim në Hënë”, thuhet në dokumentin strategjik.

Bashkëpunimi dypalësh me Rusinë nuk ka qenë i mundur që nga fillimi i “luftës së saj të agresionit kundër Ukrainës, e cila shkel ligjin ndërkombëtar”, thuhet po ashtu aty.

“Hapësira duket shumë e largët për shumë njerëz, por është thelbësore për sigurinë tonë, mbrojtjen e planetit tonë dhe jetën tonë të përditshme”, shkroi Anna Christmann, koordinatorja e qeverisë gjermane për hapësirën ajrore gjermane, në një deklaratë për shtyp të mërkurën.

Ajo shtoi: “Sfidat e shekullit të 21-të kërkojnë gjithashtu teknologji të shekullit të 21-të”.

Vazhdo të lexosh

Lajmet

​Çekia do të blejë 24 avionë luftarakë F-35

Paketa F-35, me vlerë 6.5 miliardë dollarë, përfshin të gjitha shpenzimet që lidhen me përgatitjen e operacioneve në Republikën Çeke.

Publikuar

5 orë më parë

më

27 Shtator, 2023

nga

Republika Çeke miratoi blerjen e 24 avionëve luftarakë F-35 të prodhimit amerikan, njoftuan mediat të mërkurën.

Paketa F-35, me vlerë 6.5 miliardë dollarë, përfshin të gjitha shpenzimet që lidhen me përgatitjen e operacioneve në Republikën Çeke, tha ministrja e Mbrojtjes Jana Cerhecova në një konferencë shtypi, sipas agjencisë shtetërore të lajmeve CTK.

Avionët F-35, të cilët do të dorëzohen në vitet 2029-2035, do të zëvendësojnë 14 avionë JAS-39 të prodhimit suedez dhe 24 avionë L-159 të prodhimit çek, tha ajo.

Raporti tërhoqi vëmendjen për faktin se marrëveshja e F-35 do të ishte kontrata më e madhe e armëve në historinë e Republikës Çeke.

Qeveria çeke vendosi të nisë negociatat në korrik të vitit 2022 me SHBA-në për të blerë 24 avionë luftarakë “F-35 Lightning II” për Forcat Ajrore të vendit.

Republika Çeke miratoi blerjen e 246 automjeteve luftarake të këmbësorisë së rëndë CV-90 të prodhimit suedez për 2.5 miliardë dollarë në maj për të përshpejtuar programin e saj të armatimit pas luftës në Ukrainë.

Vazhdo të lexosh

Kuriozitete

​Tunelet sekrete të Luftës së Dytë Botërore do të hapen për publikun

Ato mbroheshin dikur nga Akti i Sekreteve Zyrtare të Mbretërisë së Bashkuar.

Publikuar

6 orë më parë

më

27 Shtator, 2023

nga

Janë zbuluar planet për atë që premton të jetë atraksioni turistik më spektakolar i nëndheshëm i Londrës ndonjëherë-transformimi prej 268 milionë dollarësh i një serie tunelesh të gjata të Luftës së Dytë Botërore në një eksperiencë të mrekullueshme.

Pra, ato mbroheshin dikur nga Akti i Sekreteve Zyrtare të Mbretërisë së Bashkuar, ish-tunelet e spiunazhit janë vendosur të rinovohen nga një ekip që përfshin arkitektët e “Singapore’s Gardens by the Bay” dhe “London’s Battersea Power Station” – nëse siguron miratimin e planifikimit më vonë këtë vjeshtë, raporton CNN.

Tunelet “Kingsway Exchange”, rreth 40 metra nën stacionin e metrosë Chancery Lane në High Holborn, u ndërtuan në vitet 1940 për të strehuar londinezët nga fushata e bombardimeve Blitz gjatë Luftës së Dytë Botërore.

Kjo ishte hera e fundit që ato ishin të hapura për publikun e gjerë.

Vazhdo të lexosh

Lajmet

Pastori gjerman i Bidenit kafshon përsëri një oficere të Shërbimit Sekret

Oficerja u trajtua nga personeli mjekësor dhe tha se ishte mirë.

Publikuar

8 orë më parë

më

27 Shtator, 2023

nga

Qeni i presidentit Joe Biden të Shteteve të Bashkuara të Amerikës, i quajtur Komandant, kafshoi një oficere tjetër të Shërbimit Sekret të hënën, njoftoi përmes një deklarate një zëdhënës i këtij shërbimi.

Qeni i racës pastor gjerman e kafshoi oficeren e Shërbimit Sekret rreth orës 20:00 të hënën. Oficerja u trajtua nga personeli mjekësor dhe tha se ishte mirë, sipas zëdhënësit të Shërbimit Sekret, raporton “ABC News”.

Ky do të ishte rasti i njëmbëdhjetë i njohur i kafshimit të një oficeri të Shërbimit Sekret nga qeni i presidentit amerikan dhe i sjelljeve agresive të tij.

Në shkresat elektronike të Shërbimit Sekret të SHBA-së, të siguruara nga “Judicial Watch” në korrik përmes kërkesës sipas Aktit për Sigurinë e Informimit, përshkruhen dhjetë incidente të pastorit gjerman që ka kafshuar njerëz për një periudhë katërmujore.

Këtu përfshihet një incident që kishte rezultuar në transportimin e një agjenti të Shërbimit Sekret në spital, pasi kishte marrë trajtim nga personeli mjekësor i Shtëpisë së Bardhë, sipas shkresave elektronike.

Familja Biden ka një qen tjetër, të quajtur Major, i cili është sjellë në mënyrë agresive, përfshirë kafshimin e stafit të Shërbimit Sekret dhe të Shtëpisë së Bardhë. Familja e ka dërguar qenin për të jetuar me miqtë e tyre në Delaware.

“Komandanti” iu bashkua familjes presidenciale në Shtëpinë e Bardhë në dhjetor të vitit 2021. Ai i ishte dhënë dhuratë Bidenit nga vëllai i tij, James, për ditëlindje. Familja ka edhe një mace, që quhet Willow.

Vazhdo të lexosh

Të kërkuara