Sport

Zyrtare: Pensionohet Ribery

Ribery u bë një emër i njohur gjatë kohës së tij me Marseille, por shpërtheu në skenë kur u bashkua me Bayern Munich në verën e vitit 2007.

Publikuar

Franck Ribery edhe zyrtarisht është pensionuar dhe ka njoftuar tërheqjen e tij nga futbolli aktiv, duke e konfirmuar se ai do t’i bashkohet stafit të Davide Nicola në Salernitana.

39-vjeçari francez ka luftuar vazhdimisht me lëndime gjatë viteve të fundit, duke e detyruar atë të humbasë rregullisht ndeshjet në sezonin e kaluar për Salernitanan.

Ribery u bë një emër i njohur gjatë kohës së tij me Marseille, por shpërtheu në skenë kur u bashkua me Bayern Munich në verën e vitit 2007, ku edhe e gjeti suksesin dhe lavdinë.

Ribery kaloi 12 vjet me gjigantin gjerman, duke bërë 425 paraqitje në të gjitha garat, dhe duke regjistruar 124 gola dhe 182 asistime mbi emrin e tij.

Ai fitoi nëntë tituj të Bundesligas, gjashtë kupa të Gjermanisë, titullin e Ligës së Kampionëve dhe Kupën e Botës për klube. Pas largimit nga Bayerni, francezi kaloi dy vjet me Fiorentinën përpara se të mbyllte karrierën e tij me Salernitanan.

Duke shkruar sot në faqet e tij në rrjetet sociale, Ribery konfirmoi tërheqjen e tij, duke thënë: “Topi ndalon. Emocionet brenda meje jo. Faleminderit të gjithëve për këtë aventurë të madhe”.

Ribery do t’u thotë lamtumirë tifozëve të Salernitanas përpara ndeshjes së tyre kundër Spezias nesër përpara se të kalojë si pjesë e stafit të klubit.

Trajneri i Salernitanas e konfirmoi lëvizjen e Riberyt në dhomën e pasme të klubit në një konferencë për shtyp sot.

“Të kemi atë në stafin tonë është një kënaqësi, ai mund të kishte bërë gjithçka kudo në botë dhe në vend të kësaj ai ka pranuar të qëndrojë me ne. Ai do të jetë një bashkëpunëtor i gjithanshëm, ai është një trajner i mundshëm për shkak të personalitetit të tij, njohurive dhe aftësisë për të ulur dhe lexuar momente”, tha Davide Nicola.

“Ai tani është në anën tjetër të futbollit dhe do të jetë në gjendje të perceptojë dinamika të ndryshme. Dhe akoma më pëlqen gatishmëria e tij për të mësuar. Shpresoj që nesër të jetë pranë meje në bankën rezervë”, shtoi më tej Nicola.

Përgjatë karrierës së tij, Franck Ribery ka arritur të bëjë 632 paraqitje në të gjitha garat me skuadrat ku ka luajtur, duke regjistruar 151 gola dhe 224 asistime mbi emrin e tij.

Sport

Klopp për shpenzimet e Chelseat: Nuk flas asgjë pa avokatin tim

Vetëm në merkaton dimërore, Chelsea shpenzoi plot 330 milionë euro në transferimet e lojtarëve.

Publikuar

nga

Merkatoja e janarit e këtij viti solli befasi të shumta, ku të gjithë vëmendjen e morri skuadra e Chelseat me shpenzimet e saja marramendëse.

Vetëm në merkaton dimërore, Chelsea shpenzoi plot 330 milionë euro në transferimet e lojtarëve si Enzo Fernandez, Mykhalo Mudryk, Benoi Badiashile, Noni Madueke, Malo Gusto, Andrey Santos, David Datro Fofana, Joao Felix dhe Gabriel Slonina.

Në anën tjetër, njëri nga rivalët e Chelseat, Liverpooli kishte një merkato të qetë, ku bëri vetëm një transferim, atë Cody Gakpos nga PSV.

Jurgen Klopp nuk e kishte mundësinë ekonomike për ta përforcuar më shumë skuadrën, edhe pse mesfusha e Liverpooli po çalon, që ka ndikuar në formën aktuale të skuadrës.

Klopp ka folur për shpenzimet marramendëse të Chelseat, duke thënë se do t’i nevojitej avokati i tij për ta komentuar këtë situatë.

“Nuk do të flas asgjë pa avokatin tim. Nuk e kuptoj këtë pjesë të biznesit, janë shifra të mëdha. Ata me të vërtetë janë lojtarë shumë të mirë, kështu që urime. Unë nuk e kuptoj si është e mundur, por nuk është puna ime që ta shpjegoj”, tha Klopp.

Vazhdo të lexosh

Sport

Miliarderi nigerian jep një injeksion të madh parash për gjigantin historik të futbollit

Situata financiare e Sheffield United është dëshmuar si një problem i madh në klub gjatë gjithë sezonit.

Publikuar

nga

Pronari i ri i ardhshëm i Sheffield United, Dozy Mmobuosi ka siguruar një injeksion parash me tetë shifra për të shmangur kërcënimin e administrimit të klubit.

Nigeriani, i cili bëri pasurinë e tij në teknologji dhe bashkëthemeloi “Tingo Mobile”, tani i vlerësuar në rreth 6.7 miliardë euro, shpreson të përfundojë një blerje prej 100 milionë eurosh të Sheffield United nga Princi Abdullah në javët e ardhshme.

“Sportsmail” e kupton se duke pasur parasysh pozicionin e rrezikshëm financiar të klubit, Mmobuosi është zotuar t’i financojë ata para kohe, ndërsa skuadra e Paul Heckingbottom përpiqet për t’u ngjitur në Premier Ligë.

Fondet besohet të jenë më shumë se 11 milionë euro, të paguara me këste, të cilat mbulojnë kostot e funksionimit, duke përfshirë pagat e lojtarëve, dhe atyre të mbetura në krye të faturave rutinë.

Gjithashtu besohet të sigurohet që Sheffield të vazhdoj me pagesat për transferimet e mëparshme, duke përfshirë Genk për Sander Berge dhe Liverpool për Rhian Brewster.

Situata financiare e Sheffield United është dëshmuar si një problem i madh në klub gjatë gjithë sezonit, me një frikë shumë reale nga administrata, e cila do të shkaktonte një zbritje prej 12 pikësh.

Kjo do të pengonte ndjeshëm skuadrën e Heckingbottom, e cila është e dyta në Championship dhe 12 pikë larg nga Middlesbrough të vendit të tretë, përpara ndeshjes së shtunës kundër Rotherham United.

Mësohet se Mmobuosi e ka udhëzuar klubin që të mbajë Berge dhe Iliman Ndiaye në ditën e fundit të afatit, me palën subjekt interesi nga klubet e Premier Ligës.

Vazhdo të lexosh

Sport

Arteta shpallet trajneri i muajit për herë të tretë këtë sezon

Ai ishte shpallur trajneri më i mirë i muajit për muajt nëntor dhe dhjetor.

Publikuar

nga

Mikel Arteta e ka fituar çmimin e trajnerit më të mirë në Premier Ligë për muajin janar, duke e fituar kështu plot tre herë këtë sezon.

Arteta ishte shpallur trajneri më i mirë i muajit për muajt nëntor dhe dhjetor, dhe tani e fiton përsëri çmimin pas një muaji fantastik të “Topçinjëve”.

Arteta mposhti kolegët e tij si Steve Cooper (Nottingham Forest), Roberto De Zerbi (Brighton), Unai Emery (Aston Villa) dhe Thomas Frank (Brentford).

Arsenali arkëtoi shtatë pikë nga tre ndeshje kur po e vazhdojnë aventurën drejt titullit të parë të Premier Ligës që nga sezoni 2003/04.

Pas një barazimi pa gola me Newcastle në shtëpi, Arsenali e mposhti Tottenhami si mysafirë për herë të parë që nga viti 2014, para se ta përmbyste rezultatin në 3:2 dhe të fitonte ndaj Manchester United.

Ky është çmimi i tretë i trajnerit më të mirë të muajit për Artetan që nga fillimi i sezonit 2022/23, ku e kishte fituar këtë edhe në muajin gusht.

Vazhdo të lexosh

Sport

Zaniolo: Ka shumë lajme të rreme për mua

“Jam i gatshëm për ta ndihmuar AS Roman dhe që ta jap më të mirën nga vetja për klubin”, shtoi ai.

Publikuar

nga

Njëra nga sagat më të çuditshme të merkatos së janarit është ajo e Nicolo Zaniolos së Romës, i cili e dëshironte largimin nga klubi.

Bournemouthi bëri ofertë për Zaniolon në regjionin e 30 milionë eurove, ofertë kjo e cila u pranua nga Roma, por që lojtari e refuzoi kalimin te skuadra angleze.

Më pas, Roma e dënoi Zaniolon duke e përjashtuar nga skuadra, gjë që bëri t’ia ndërronte mendjen yllit italian dhe ta pranonte kalimin te Bournemouthi, por që ky i fundit vendosi të largohej nga marrëveshja.

Ndërkaq, kishte spekulime se Zaniolo ishte afër transferimit te Leeds fillimisht, pastaj edhe te Evertoni, por që si duket këto ishin të pavërteta.

“Ka shumë lajme të rreme për mua. Jam i gatshëm për ta ndihmuar AS Roman, dhe jam i gatshëm që ta jap më të mirën nga vetja për klubin”, tha Zaniolo.

Zaniolo nuk ishe kurrë afër kalimit te Leeds United ose Evertoni. Bournemouthi kishte një marrëveshje me Romën, por që lojtari e refuzoi.

Vazhdo të lexosh

Të kërkuara