Sport

Xavi: Udhëtojmë drejt Bayernit vetëm për fitore

Xavi nuk ka qenë i kënaqur me ndeshjen e mbrëmshme kundër Benficas.

Publikuar

Trajneri i ri i Barcelonës Xavi nuk ka qenë i kënaqur me ndeshjen e mbrëmshme kundër Benficas në Ligën e Kampionëve, në të cilën të dy skuadrat barazuan me rezultat 0:0.

“Blaugranët” dështuan që të sigurojnë biletën drejt fazës eliminatore të kësaj gare, pavarësisht një paraqitjeje ku u treguan dominues në të gjithë ndeshjen, përcjell KosovaPress.

Sidoqoftë, Xavi tani është bërë trajneri i 13 në histori të Barcelonës që nuk pëson humbje në ndeshjen e tij të parë në Ligën e Kampionëve.

Pas barazimit mbrëmë, Barcelonës i duhet ta mposhtë Bayernin në “Allianz Arena” për të siguruar kualifikimin tutje, dhe tani trajneri Xavi ka insistuar që do të udhëtojnë drejt gjigandit gjerman me një mentalitet pozitiv.

“Ne ishim më shumë superiorë se Benfica. Nëse do të kishim shënuar ne do të ishim tani duke folur për një ndeshje të mirë. Ne e marrim këtë pikë që do të thotë shumë. Kemi edhe një xhiro, dhe duhet të shkojmë drejt Gjermanisë për fitore”, tha Xavi.

“Ne kemi vetëm një gol në dy ndeshje që prej se jam trajner, dhe e kemi shënuar nga penalltia. Është e qartë që duhet të jemi më efektiv. Duhet të shkojmë drejt Munichut vetëm për të fituar, ne jemi Barcelona”, shtoi trajneri i “Blaugranëve”.

Pas ndeshjes së mbrëmshme, Barcelona tani renditet në vendin e dytë me vetëm shtatë pikë, dy sosh larg vendit të tretë dhe kundërshtarit të mbrëmshëm Benficas që zë vendin e tretë në Grupin E.

Sport

​Zyrtare: Ferrero jep dorëheqje nga posti i presidentit të Sampdorias

Sampdoria ka lëshuar një deklaratë zyrtare ku ka njoftuar se Ferrero ka dhënë dorëheqje si president i klubit.

Publikuar

nga

Klubi i Sampdorias ka njoftuar se presidenti i tyre, Massimo Ferrero ka dhënë dorëheqjen pasi u arrestua mëngjesin e sotëm.

“Guardia di Finanza” e arrestoi Ferreron nën dyshimin për keqpërdorime financiare dhe falimentim në një hetim të kryer nga Prokurori Publik Paola në rajonin e Kalabrisë.

Tani Sampdoria ka lëshuar një deklaratë zyrtare ku ka njoftuar se Ferrero ka dhënë dorëheqje si president i klubit.

“Ishte një habi e madhe që mësuam për ekzekutimin sot të një urdhri të paraburgimit kundër Massimo Ferreros. Ishte një kërkesë e Prokurorisë Publike të Republikës së Paolës për falimentim lidhur me ngjarje të shumë viteve më parë. Është ende e paqartë pse nevojiteshin kërkesat paraprake. Këto ngjarje janë krejtësisht të pavarura si nga menaxhimi ashtu edhe nga pronësia e Sampdoria-s dhe nga aktivitetet e Ferreros në lidhje me botën e kinemasë. Megjithatë, për të mbrojtur interesat e aktiviteteve të tjera në të cilat ai operon, dhe konkretisht, për të shmangur çdo spekulim në lidhje me Sampdorian dhe botën e futbollit, Ferrero synon të zyrtarizojë dorëheqjen e menjëhershme nga posti i tij në klub.”, thuhet më tutje në këtë njoftim.

Vazhdo të lexosh

Lajmet

Si u shfaq flamuri i Kosovës në Beograd?

Kjo është hera e parë që ka ndodhur kjo gjë.

Publikuar

nga

Gembi Juniku është atleti nga Gjakova i cili mori pjesë në turneun ndërkombëtar “Brasilian Jiu Jitsu AJP Tour” i cili u mbajt në Beograd.

“Brasilian Jiu Jitsu” është sport luftarak Grappling, i ngjajshëm me mundjen dhe judon në të cilin lufta zgjatë deri sa njëri nga garuesit të dorëzohet, humb me pikë ose dhe shkakton ndonjë thyerje ose lëndim te kundërshtari.

Në këtë turne, Juniku mori vendin e dytë duke e mposhtur malazezin Nikola Sekovic i cili garonte për klubin serb Gracie Barra Beograd.

Me rastin e ndarjes së çmimeve, në ekranet televizive që ndodheshin brenda sallës u shfaqën edhe simbolet e Republikës së Kosovës, përkatësisht flamuri i Kosovës, gjë e cila ka ndodhur për herët të parë në këtë shtet.

Juniku tha se nuk ka pasur asnjë tentativë për të mos e lejuar shfaqjen e simboleve të Kosovës dhe se është respektuar maksimalisht nga organizatorët e këtij turneu në Beograd.

“Nuk ka pasur asnjë tentativë për të mos e lejuar shfaqjen e simboleve të Kosovës në këtë turne. Kemi kaluar shumë mirë dhe jemi pritur shumë mirë nga organizatorët atje. Nga Kosova unë jam nisur nga Prizreni dhe kam udhëtuar pas pasur asnjë problem deri atje”, ka thënë Juniku.

Në këtë garë Gembi është paraqitur duke përfaqësuar klubet Tirana MMA Center dhe Fight Club 07.

Vazhdo të lexosh

Sport

​Arrestohet presidenti i klubit të madh italian

Ferrero është dërguar në burg mëngjesin e sotëm.

Publikuar

nga

Sipas “Ansa”, presidenti i Sampdorias, Massimo Ferrero është arrestuar nën dyshimin për disa keqpërdorime financiare por te cilat nuk kanë të bëjnë me klubin.

Ferrero është dërguar në burg mëngjesin e sotëm, ndërsa pesë persona të tjerë janë vënë në arrest shtëpiak.

Policia italiane e njohur si “Guardia di Finanza” arrestoi Ferreron nën dyshimin për krime korporative dhe falimentim në një hetim të kryer nga Prokurori Publik Paola në rajonin e Kalabrisë.

Ai dha një intervistë për gazetën “La Repubblica” dy ditë më parë, duke thënë se ishte i lodhur dhe po kërkon investitorë që mund ta blejnë klubin.

“Pas tetë vitesh sakrificë, pasion, punë të palodhur, por edhe sulme e akuza personale, kam filluar të lodhem”, tha ai.

“Unë do të vazhdoj të bëj më të mirën për Sampdorian, por nëse ka blerës të gatshëm për të blerë klubin, ju lutem më prezantoni me ata, unë jam gati t’i dëgjoj, me kusht që t’i japin vlerën e duhur klubit”, deklaroi ai.

Vazhdo të lexosh

Sport

Klopp kontakton me yllin e Realit dhe i ka dhënë një premtim

Klopp thuhet se i ka premtuar Toni Kroos se do të angazhohet që ta sjellë atë në “Anfield Road”.

Publikuar

nga

Trajneri i Liverpoolit Jurgen Klopp raportohet se është duke mbajtur kontakte të vazhdueshme me mesfushorin e Real Madridit, Toni Kroos, të cilit thuhet se i ka premtuar se do të angazhohet që ta sjellë atë në “Anfield Road”.

“The Reds” kanë një numër të madh opsionesh në mesfushë, por rrallë kanë qenë të gjithë në dispozicion në të njëjtën kohë. Në të vërtetë, Alex Oxlade-Chamberlain dhe Naby Keita kanë vuajtur nga probleme të vazhdueshme me lëndime që nga ardhja e tyre në klubin anglez.

Liverpool gjithashtu nuk solli një zëvendësues me përvojë për Georginio Ëijnaldum i cili kaloi në PSG, për shkak se i riu Harvey Elliott bëri përshtypje të mira me paraqitjet e tij para se ta lëndonte kyçin e këmbës.

“Daily Mirror” pretendon se Klopp e dëshiron mesfushorin e Real Madridit dhe Gjermanisë, Kroos në “Anfield”.

31-vjeçari e ka dëshmuar veten si një nga mesfushorët më të mirë të Evropës si në Madrid ashtu edhe në Bayern Munich. Megjithatë, kontrata e tij aktuale, e nënshkruar në maj të vitit 2019, skadon në vitin 2023.

Trajneri i Liverpoolit dëshiron të përfitojë nga kjo situatë duke i paraqitur një ofertë presidentit të Madridit, Florentino Perez verën e ardhshme. Nëse Kroos nuk rinovon, “El Nacional” pretendon se “Los Blancos” do të vendosin ta shesin atë sesa të rrezikojnë ta humbasin falas.

Klopp raportohet se beson se Kroos është një nga lojtarët më të mirë që ka parë ndonjëherë dhe e dëshiron atë në Liverpool. Si i tillë, klubi ka filluar të planifikojë ofertën e tyre.

Kroos ka luajtur 333 ndeshje për Madridin dhe 205 të tjera për Bayern Munich. Ai gjithashtu ka 106 paraqitje për Gjermaninë.

Vazhdo të lexosh

Të kërkuara