Kronika e zezë

Vendos Gjykata: Dënohet me 2 vite burg dhe trajtim psikiatrik Fitim Lladrovci për përkrahje të xhihadistëve

Publikuar

Gjykata Themelore e Prishtinës, të premten, e ka shpallur fajtor të akuzuarin për kryerjen e veprës penale “shtytja në kryerjen e veprave terroriste”, Fitim Lladrovci.

Sipas aktgjykimit të shpallur nga kryetari i trupit gjykues, gjykatësi Valon Kurtaj, i akuzuari Lladrovci është dënuar me 2 vite burgim, si dhe i është caktuar masa e trajtimit të detyrueshëm psikiatrik në liri, e cila do të mbetet në fuqi deri në plotësimin e rrethanave.

Në rast të mosrespektimit të kësaj mase, gjykatësi Kurtaj tha se të njëjtit do t’i zëvendësohet me ndalim në institucionet shëndetësore.

Ndërsa, në dënimin me burgim, gjykatësi Kurtaj tha se atij do t’i llogaritet koha e kaluar në paraburgim dhe në arrest shtëpiak, e cila masë i është ndërprerë me aktvendim.

I akuzuari Lladrovci është liruar nga shpenzimet e procedurës penale, raporton “Betimi për Drejtësi”.

Prokuroria Speciale e Republikës së Kosovës, më 19 nëntor 2019, ka ngritur aktakuzë ndaj Fitim Lladrovcit për veprën penale “shtytja për kryerjen e veprave terroriste”, nga neni 134 të KPRK-së.

Ai akuzohet se ka bërë shtytje në kryerjen e veprave terroriste, në atë mënyrë që prej vitit 2018, e deri më 24 prill 2019, përmes rrjetit social në Facebook, me anë të një postimi ka shprehur gëzimin dhe ka përkrahur sulmet e fundit terroriste që kishin ndodhur në kisha dhe hotele në Sri Lanka, ku humbën jetën të paktën 139 persona, në mesin e të cilëve 45 fëmijë.

Në aktakuzë thuhet se ai komentuar “Me ndihmën e Allahut, bijtë e Unmetit sulmuan aty ku dhemb më shumë, në kishat dhe hotelet në Sri Lankë dhe nesër do të sulmojnë përsëri, por kësaj here në Paris, Londër, Uashington dhe Neë York. Andaj, pritni se me të vërtetë edhe ne presim nga ju dhe Akidja e Hilafetit është në zemrat dhe mendjet tona, në realitet jemi gjithkund, çdo mysliman është projekt për Xhihadin në të ardhmen, Allahu ka premtuar se Xhihadi do të qëndroj deri në orën e fundit (kijametit) dhe besojnë në Allahu”.

Gjithnjë sipas aktakuzës, thuhet se i akuzuari Lladrovci ka postuar video-incizime, fotografi dhe komente në formë të shkruar, duke shprehur haptazi përkrahjen dhe simpatinë ndaj organizatës terroriste “ISIS”, përmes të cilave postime shpreh urrejtje ndaj pjesëtareve tjerë të komunitetit dhe propagandon islamizmin, ashtu që nga fotografitë e publikuara që paraqesin “Xhihadistë” dhe “Sulmues vetëvrasës”, ku dhe i ka komentuar me qëllim që të shtysë kryerjen e aktit terrorist, duke shkaktuar rrezik serioz që vepra të tilla edhe të kryen.

Vazhdo të lexosh

Kronika e zezë

​Dhunë në familje në Viti, i dyshuari dërgohet për tretman në neuropsikiatri

I dyshuari është dërguar për trajtim mjekësor në neuropsikiatri.

Publikuar

nga

Policia e Kosovës ka njoftuar për një rast të dhunës në familje në Viti. Në raportin 24-orësh të Policisë thuhet se i dyshuari mashkull ka kosovar pas një mosmarrëveshje verbale ka sulmuar fizikisht viktimën mashkull kosovar, duke i shkaktuar lëndime të lehtë trupore.

I dyshuari është dërguar për trajtim mjekësor në neuropsikiatri.

“Viti 27.03.2024 18:35. I dyshuari mashkull kosovar pas një mosmarveshje verbale ka sulmuar fizikisht viktimën mashkull kosovar duke i shkaktuar lëndime të lehta trupore për të cilat lëndime nuk ka dashur tretman mjekësor. I dyshuari është dërguar per trajtim mjeksor ne neuropsikiatri”, njofton policia.

Vazhdo të lexosh

Kronika e zezë

Policia për vdekjen e 48-vjeçares: Është qëlluar derisa ndodhej në automjet pranë shtëpisë së saj

Policia ka bërë të ditur se përpos njërit që ka vdekur në vendin e ngjarjes, një tjetër ka vdekur gjatë ditës së sotme në QKUK.

Publikuar

nga

Policia e Kosovës ka dhënë detaje shtesë për dy vrasjet e mbrëmshme që ndodhën në Prishtinë. Për rastin e vrasjes me armë zjarri në rrugën “Jeronim De Rada”, Policia ka bërë të ditur se përpos njërit që ka vdekur në vendin e ngjarjes, një tjetër ka vdekur gjatë ditës së sotme në QKUK.

Sipas PK-së, viktima e dytë Z.G, femër, 48 vjeç, është qëlluar nga arma e zjarrit derisa ndodhej në automjet pranë shtëpisë së saj dhe se nuk ishte e pjesë e palëve të përfshira në rast.

Në këtë rast, PK-ja ka bërë të ditur se katër persona kanë marrë lëndime nga arma e zjarrit (dy nga ta lëndime të rënda), ndërsa një person tjetër ka pësuar lëndime nga goditja e njërit prej automjeteve të përfshira në rast.

Vazhdo të lexosh

Kronika e zezë

​Prokuroria jep detaje nga vrasja e rëndë në Prishtinë

Derisa në vendin e ngjarjes Ulaj tha se janë sekuestruar gëzhoja, veturë e prova të tjera materiale të cilat do të shërbejnë në procedurën penale.

Publikuar

nga

Pas vrasjes së rëndë në Prishtinë që ndodhi një ditë më parë, prokuroria ka dhënë detaje për rastin.

Zëdhënësja e Prokurorisë Themelore në Prishtinë, Laureta Ulaj, tha se prokurori kujdestar nga Departamenti i Krimeve të Rënda, ka dalë në vendin e ngjarjes dhe bashkë me njësitë relevante kanë ndërmarrë veprime hetimore në vendin e ngjarjes.

“Sipas hetimeve preliminare dyshohet se nga të shtënat me armë zjarri është vrarë një person, ndërsa tre persona të tjerë janë plagosur dhe kanë kërkuar ndihmë mjekësore, ku njëri prej tyre e ka gjendjen më të rëndë shëndetësore”, thuhet në përgjigje.

Derisa në vendin e ngjarjes Ulaj tha se janë sekuestruar gëzhoja, veturë e prova të tjera materiale të cilat do të shërbejnë në procedurën penale.

“Me urdhër të prokurorit trupi i pajetë është dërguar në IML për obduksion, derisa në koordinim me policinë po zhvillohen hetime për arrestimin e të dyshuarve dhe sigurimit të prezencës së të njëjtëve në procedurën penale”, thuhet në njoftim.

Derisa edhe Policia e Kosovës në raportin 24 orësh ka dhënë detaje të këtij rasti.

“Dyshohet se pas një konfrontimi në mes të dy grupeve ka ardhur deri tek gjuajtja me armë zjarri, ku si pasojë një mashkull kosovar ka vdekur, ndërsa një femër kosovare është plagosur dhe e njëjta është dërguar në QKUK. Në vendin e ngjarjes kanë dalë njësitet përkatëse policore. Lidhur me rastin dy të dyshuar meshkuj kosovarë janë në kërkim policor. Me vendim të prokurorit trupi i pajetë dërgohet në IML. Rasti nën procedura hetimore”, përfundon njoftimi i policisë.

Vazhdo të lexosh

Kronika e zezë

Vdes gruaja që u plagos mbrëmë në Prishtinë

Këtë e ka konfirmuar Shaqir Uka, shef i Klinikës Intensive në QKUK.

Publikuar

nga

Ka vdekur gruaja që u plagos mbrëmë në rrugën “Jeronim de Rada” në Prishtinë, ku mbeti një i vrarë dhe dy tjerë të plagosur. Këtë e ka konfirmuar Shaqir Uka, shef i Klinikës Intensive në QKUK. Ai ka thënë se pacientja është sjellë në gjendje shumë të rëndë shëndetësore.

“Pacientes të cilës ju i referoheni është sjellë mbrëmë në Njësinë e Mjekimit Intenziv pas intervenimit kirurgjik që është dashur të kryhet në sallën operative të Qendrës Emergjente ku është sjellë paraprakisht për shkak të lëndimeve që ka pësuar me armë zjarri”, ka thënë Uka, duke e konfirmuar vdekjen e saj.

Uka ka thënë se viktima është e moshës 49-vjeçare.

Vazhdo të lexosh

Të kërkuara