Lajmet

Studimi: Thatësira në Evropë mund të jetë më e keqja në 500 vitet e fundit

Parashikimet u njoftuan nga studiuesi i lartë, Andrea Toreti.

Publikuar

Qendra e Përbashkët Kërkimore e Komisionit Evropian (KE-JRC) ka paralajmëruar se thatësira aktuale mund të jetë më e keqja në 500 vitet e fundit.

Dhe ka parashikuar që thatësira e madhe do të përkeqësohet në Evropë, duke arritur potencialisht 47% të kontinentit.

“Nuk e kemi analizuar plotësisht ngjarjen (thatësirën e këtij viti), sepse është ende në vazhdim, por në bazë të përvojës time mendoj se kjo është ndoshta edhe më ekstreme se viti 2018”, tha ai.

“Thjesht për t’ju dhënë një ide, thatësira e vitit 2018 ishte aq ekstreme sa duke parë të paktën 500 vitet e fundit, nuk kishte ngjarje të tjera të ngjashme me thatësirën e 2018, por këtë vit mendoj se është vërtet më keq se 2018”.

Sipas Toretit, është shqetësuese pasi“duke parë tre muajt e ardhshëm, ne shohim ende një rrezik shumë të lartë të kushteve të thata në Evropën Perëndimore dhe Qendrore, si dhe në Mbretërinë e Bashkuar”.

Ai tha se zonat e prekura nga thatësira dhe mungesa e ujit do të shtohen dhe nëse nuk merren masa“ky intensitet dhe frekuencë do të rritet në mënyrë dramatike në Evropë, si në veri ashtu edhe në jug”.

Italia, veçanërisht lumi Po, është ndër më të prekurit, si dhe Franca jugore dhe zona të mëdha të Spanjës dhe Portugalisë.

“Lumi Rhine, për shembull, po shkakton telashe të mëdha në Holandë”, tha ai.

Franca është në mes të valës së saj të katërt të të nxehtit të vitit: qeveria thotë se temperaturat në rritje dhe mungesa e shiut po shkaktojnë thatësirën e saj më të keqe në histori. Meteo France thotë se vala e të nxehtit që filloi në jug pritet të përhapet në të gjithë vendin dhe të zgjasë deri në fundjavë.

Edhe në Britaninë e Madhe, e cila nuk njihet për verat e saj të nxehta, një paralajmërim katërditor i nxehtësisë ekstreme prej më shumë se 35 gradë Celsius është lëshuar edhe një herë për Anglinë jugore dhe qendrore./UBTNews/

Lajmet

​Shënohet Dita Ndërkombëtare për Lirinë e Informimit me moton “Tash më lehtë”

Kilian Wahl përgëzoi komuna për respektimin e Ligjit për qasje në dokumente publike.

Publikuar

nga

Agjencia për Informim dhe Privatësi (AIP), me moton “Tash më lehtë” ka nisur shënimin e Ditës Ndërkombëtare për Lirinë e Informimit me ç’rast është organizuar edhe konferencë me Kryetarë të Komunave.

Komisionerja e Agjencisë për Informim dhe Privatësi, Krenare Sogojeva- Dërmaku tha se e drejta për qasje në një sistem qeverisës më efikas dhe më transparent i përmbush premisat për mirë qeverisje.

Ajo tha se këtë vit me moton “Tash më lehtë” po synojnë ngritjen e ndërgjegjësimit për qasje në dokumente publike me qëllim që komunat të bëhen më të hapura për qytetarët.

Kurse, Kilian Wahl zëvendës shefi i Misionit të OSBE-së në Kosovë përgëzoi komuna për respektimin e Ligjit për qasje në dokumente publike.

Kryetari i Asociacionit të Komunavë të Kosovës, Sazan Ibrahimi tha se për shkak të reformava kryetarët e komunave janë bërë më të afërt me qytetarët.

Ai tha se më heret web faqet nuk kanë pasur shumë qasje, por tashmë kjo është përmirësuar.

Sipas tij komunat e Kosovës prijnë në rajon për transparencë.

Vazhdo të lexosh

Lajmet

​Fillon mbledhja e Kryesisë së Kuvendit

Ndër te tjera në rend dite janë interpelanca me ministrin e Financave, Punës dhe Transfereve, Hekuran Murati.

Publikuar

nga

Ka filluar mbledhja e Kryesisë së Kuvendi të Kosovës.

Ndër te tjera në rend dite janë interpelanca me ministrin e Financave, Punës dhe Transfereve, Hekuran Murati për cënimin e të drejtave të punëtorëve në administratën shtetërore me ndalimin e pagave, si dhe presioni mbi pushtetin lokal, ndërhyrja në autonominë e komunave, shqyrtimi i parë i projektligjit për sanksionet e shёnjestruara kundër shkelësve të huaj të të drejtave të njeriut dhe formimi i komisionit Ad-hoc për përzgjedhjen e kandidatëve për dy anëtarë të Komisionit të Pavarur të Mediave.

Vazhdo të lexosh

Lajmet

Kryeshefi ekzekutiv i Pfizer rezulton pozitiv me COVID-19 për herë të dytë

“Ndonëse kemi bërë progres, virusi është ende në mesin tonë”, shkroi ai në Twitter.

Publikuar

nga

Kryeshefi ekzekutiv i Pfizer, Albert Bourla konfirmoi të shtunën se rezultoi pozitiv me COVID-19 për herë të dytë brenda dy muajsh.

“Ndonëse kemi bërë progres, virusi është ende në mesin tonë”, shkroi ai në Twitter.

Bourla, i cili më parë rezultoi pozitiv për COVID-19 kah mesi i muajit gusht, tha se nuk ka simptoma. Ai shtoi se nuk e ka marrë ende përforcuesin e ri të COVID-19, pasi po ndjek udhëzimet nga Qendrat për Kontrollin dhe Parandalimin e Sëmundjeve (CDC)./UBTNews/

Vazhdo të lexosh

Lajmet

ShBA paralajmëron Rusinë për ‘pasoja katastrofike’ nëse përdor armë bërthamore në Ukrainë

Sullivan tha se Shtetet e Bashkuara do t’i përgjigjen çdo përdorimi rus të armëve bërthamore kundër Ukrainës.

Publikuar

nga

Shtetet e Bashkuara të Amerikës paralajmëruan Moskën për “pasoja katastrofike” nëse përdor armë bërthamore në Ukrainë pasi Rusia premtoi mbrojtje për rajonet ukrainase pas referendumeve.

Qytetarët në katër rajone të Ukrainës po votojnë për të katërtën ditë radhazi të hënën në referendumet e organizuara nga Rusia, të cilat Kievi dhe Perëndimi i kanë cilësuar si të rreme.

Por duke përfshirë katër rajonet – Luhansk dhe Donetsk në lindje dhe Zaporizhzhia dhe Kherson në jug – Moska mund t’i portretizojë përpjekjet e Ukrainës për t’i rimarrë ato si sulme ndaj vetë Rusisë, një paralajmërim për Kievin dhe aleatët e tij perëndimorë.

Këshilltari i Sigurisë Kombëtare i ShBA-së, Jake Sullivan tha se Shtetet e Bashkuara do t’i përgjigjen çdo përdorimi rus të armëve bërthamore kundër Ukrainës dhe e ka paralajmëruar Moskën rreth “pasojave katastrofike” me të cilat do të përballet./UBTNews/

Vazhdo të lexosh

Të kërkuara