Lajmet nga UBT

Studentja e UBT-së, Sihana Metrama punësohet në studion e arkitekturës “Maden Group”

Mbështetja dhe angazhimi i profesorëve, infrastruktura moderne e UBT-së, si dhe kurrikula e veçantë e programit Arkitekturë dhe Planifikim Hapësinor, sipas studentes Sihana Metrama, kanë qenë ndër pikat kryesore të formimit të saj si arkitekte.

Publikuar

Studentja e nivelit master në programin Arkitekturë dhe Planifikim Hapësinor në UBT, Sihana Metrama pas suksesit të arritur përgjatë studimeve në nivelin bachelor është punësuar në cilësinë e arkitektes në studion e arkitekturës, ndërtimit dhe dizajnit të enterierit “Maden Group”.

Mbështetja dhe angazhimi i profesorëve, infrastruktura moderne e UBT-së, si dhe kurrikula e veçantë e programit Arkitekturë dhe Planifikim Hapësinor, sipas studentes Sihana Metrama, kanë qenë ndër pikat kryesore të formimit të saj si arkitekte.

“Rrugëtimi i përbashkët me studentët e tjerë të të njëjtit program, si dhe ndikimi dhe mbështetja e profesorëve të kualifikuar përgjatë studimeve të mia akademike, më kanë ndihmuar në zgjerimin e njohurive përmes bashkëpunimit konstruktiv, teknikave dhe përvojës së tyre shumëvjeçare”, ka thënë Metrama.

Sihana ka vlerësuar se ka përfituar shumë nga eksperiencat e ndryshme përgjatë studimeve bachelor, sikurse vizitat studimore, punëtoritë në kuadër të lëndëve praktike, ligjëratat tematike nga profesorë ndërkombëtarë, si dhe pjesëmarrja në konferenca e forume të ndryshme rreth fushës së arkitekturës.

“Përveç ngritjes akademike, UBT më ka ofruar eksperienca nga më të ndryshmet, të cilat i kanë karakterizuar studimet e mia akademike dhe i kanë bëre ato të rëndësishme për rrugëtimin tim si arkitekte”, është shprehur ajo.

Lajmet nga UBT

UBT i bashkohet rrjetit të 153 universiteteve nga 25 shtete të ndryshme të anëtarësuara në UNIMED

Ky anëtarësim mundëson bashkëpunimin e UBT-së me institucione dhe universitete të tjera në fusha të ndryshme në zonën euro-mesdhetare.

Publikuar

nga

Në vazhdën e shumë anëtarësimeve në organizata dhe institucione ndërkombëtare të arsimit dhe jo vetëm, UBT së fundmi i është bashkuar rrjetit të 153 universiteteve nga 25 shtete të ndryshme të botës, si anëtari më i ri i Unionit të Universiteteve Mesdhetare (UNIMED – Mediterranean Universities Union).

Rektori i UBT-së, Prof. Dr. Edmond Hajrizi, me rastin e anëtarësimit të UBT-së në Unionin e Universiteteve Mesdhetare të cilat vijnë nga shtete të ndryshme të Evropës, ka thënë se institucioni të cilin ai e udhëheq fuqishëm po dëshmon promovimin e Kosovës në arenën ndërkombëtare në organizata të ndryshme të arsimit dhe shkencës.

“Anëtarësimi i UBT-së në Unionin e Universiteteve Mesdhetare – UNIMED, është një lajm shumë i mirë për të gjithë ne, mbi të gjitha për Kosovën. Kjo pasiqë përmes këtij anëtarësimi po dëshmohet se Kosova ka mekanizma dhe se UBT ka cilësinë e nevojshme për të qenë krahë institucioneve më prestigjioze evropiane mesdhetare”, ka thënë rektori Hajrizi.

Ky anëtarësim mundëson bashkëpunimin e UBT-së me institucione dhe universitete të tjera në fusha të ndryshme në zonën euro-mesdhetare, duke përfshirë fushën shkencore, kulturore, sociale dhe ekonomike.

Unioni i Universiteteve Mesdhetare (UNIMED – Mediterranean Universities Union) i themeluar që nga vitet e 90-ta, numëron mbi 150 universitete nga 24 vende të ndryshme të Evropës dhe Mesdheut, e që ka për synim kërkimin dhe edukimin universitar në zonën euro-mesdhetare për të kontribuar në bashkëpunimin shkencor, kulturor, social dhe ekonomik.

Vazhdo të lexosh

Lajmet nga UBT

Studentë të shkallës së tretë Phd realizuan me sukses qëndrimet e tyre doktorale në një aktivitet të organizuar nga Fakulteti Psikologji në UBT

Ata kanë prezantuar hulumtimet e tyre për studentët dhe profesorët e Fakultetit të Psikologjisë në UBT rreth psikologjisë klinike dhe edukimit në përgjithësi.

Publikuar

nga

Studentë të shkallës së tretë Phd, njëri shtetas i Austrisë dhe dy të tjerë nga Maqedonia e Veriut, kanë realizuar me sukses qëndrimet e tyre doktorale, në një aktivitet të organizuar nga Fakultetit i Psikologjisë në UBT.

Doktorantët nga Austria dhe Maqedonia e Veriut kanë prezantuar hulumtimet e tyre për studentët dhe profesorët e Fakultetit të Psikologjisë në UBT rreth psikologjisë klinike dhe edukimit në përgjithësi, duke dhënë mendime kritike dhe ide kreative rreth zgjidhjes së problemeve të ndryshme që ndërlidhen me fushën e psikologjisë.

Fakulteti Psikologji në UBT është një program që ofron mbështetjen për studentët e këtij drejtimi dhe si qëllim kryesor ka avancimin e metodologjisë së mësimdhënies dhe të mësuarit, të kontribuojë në komunitet e shoqëri, si dhe të promovojë kërkimin shkencor në fushën e psikologjisë.

Vazhdo të lexosh

Lajmet nga UBT

Profesorë të UBT-së po marrin pjesë në trajnimet rreth betonit të organizuara nga kompania “PENETRON” në Greqi

Si përfaqësues të UBT-së në këto trajnime po marrin pjesë dekani i Fakultetit Ndërtimtari dhe Infrastrukturë, Prof. Muhamet Ahmeti, prodekani Prof. Visar Krelani dhe profesori Driton Kryeziu, të cilët të njëjtat eksperienca do t’i prezantojnë në Kosovë në kuadër të ligjëratave dhe ushtrimeve laboratorike.

Publikuar

nga

Në kuadër të inovacioneve në fushën e ndërtimtarisë nga aplikimi për përmirësimin e vetive të betonit deri te riparimi i strukturave, janë duke u prezantuar në detaje si pjesa teorike, aplikative dhe metodat e testimeve në laboratorët që janë krijuar për testimin e të gjitha këtyre produkteve në Athinë të Greqisë, ku është edhe qendra për trajnime të vazhdueshme rreth betonit nga kompania “PENETRON”.

Si përfaqësues të UBT-së në këto trajnime po marrin pjesë dekani i Fakultetit Ndërtimtari dhe Infrastrukturë, Prof. Muhamet Ahmeti, prodekani Prof. Visar Krelani dhe profesori Driton Kryeziu, të cilët të njëjtat eksperienca do t’i prezantojnë në Kosovë në kuadër të ligjëratave dhe ushtrimeve laboratorike.

Kompania “PENETRON” dhe dega në Kosovë “Penetech” po realizojnë studime dhe hulumtime rreth jetëgjatësisë dhe cilësisë së betonit në laboratorin e materialeve në UBT dhe po ashtu kanë përkrahur aktivitetet e Akademisë Verore dhe të Panairit të Materialeve në UBT.

Vazhdo të lexosh

Lajmet nga UBT

Qendra e Karrierës në UBT mbajti sesionin e radhës informues për nxënësit e Shkollës “Kosovo Leadership Academy” dhe Shkollës së Mesme të Lartë Teknike “Arkitekt Sinani” në Mitrovicë

Ata u informuan rreth mundësive të shumta që ofrohen për studime në UBT.

Publikuar

nga

Qendra e Karrierës në UBT në bashkëpunim me Shkollën “Kosovo Leadership Academy” dhe në Shkollën e Mesme të Lartë Teknike “Arkitekt Sinani” në Mitrovicë, ka zhvilluar sesionin e radhës informues për maturantët e këtyre shkollave, për t’i informuar rreth mundësive të shumta që ofrohen për studime në UBT.

Nxënësit e profileve të ndryshme në këto shkolla u informuan nga përfaqësuesit e Qendrës së Karrierës dhe profesorët në UBT, për programet dhe mundësitë e shumta për studime, për kurrikulat multidisiplinare dhe gjithëpërfshirëse, si dhe rreth infrastrukturës moderne të UBT-së.

Duke shtjelluar mundësitë e shumta për zhvillimin e tregut të punës dhe rëndësinë e madhe të profilizimit, maturantët e këtyre shkollave janë njoftuar në detaje për profesionet të cilat janë trend global në gjithë botën, e të cilat mund t’i gjejnë në programet e studimit që i ofron UBT.

Vazhdo të lexosh

Të kërkuara