Lajmet nga UBT

Studentët e programit Inxhinieri e Energjisë Efiçiente në UBT kanë realizuar një vizitë studimore në Impiantin e ngrohjes me Biomasë në Gjakovë

Ky impiant mbulon 35 për qind të kapacitetit ekzistues të ngrohjes qendrore në qytet.

Publikuar

Studentët e vitit të tretë të programit Inxhinieri e Energjisë Efiçiente në UBT, në kuadër të lëndës “Menaxhimi i rrjedhës së materialeve”, të udhëhequr nga profesoresha Afete Musliu, kanë realizuar një vizitë studimore në Impiantin e ngrohjes me Biomasë në Gjakovë, i cili impiant mbulon 35 për qind të kapacitetit ekzistues të ngrohjes qendrore në qytet, duke shfrytëzuar biomasën, me synime të rritjes së kapacitetit në vitet në vijim.

Studentët e UBT-së u mirëpritën nga menaxhmenti i kryesuar nga Albulena Skivjani, Arben Meka, Adrian Bunjaku dhe stafi operativ, të cilët i njoftuan studentët për procesin e prodhimit hap pas hapi, në mënyrë të detajuar, duke demonstruar analizat dhe kontrollin e cilësisë gjatë procesit të prodhimit.

Ndër të tjera, studentët patën mundësinë që të njoftohen me proceset e prodhimit të biomasës, duke përfshirë lëndën e parë, analizimin e lëndës duke përcaktuar llojin dhe lagështinë, si dhe përpunimin e saj deri në përfundim të procesit dhe përfitimin e biomasës si produkt final.

Lajmet nga UBT

Përfito nga partneriteti prestigjioz UBT – “University of Northern Iowa”

Të gjithë studentët e regjistruar në programet e Menaxhmentit, Biznesit dhe Ekonomisë, si dhe në programin e Mekatronikës në UBT, do të kenë mundësinë e rrallë për të marrë diplomë të dyfishtë nga prestigjiozi University of Northern Iowa!

Publikuar

nga

Falë partneritetit dhe të arriturave të përbashkëta, UBT dhe University of Northern Iowa ofrojnë mundësinë e jashtëzakonshme për studentët e tyre.

Të gjithë studentët e regjistruar në programet e Menaxhmentit, Biznesit dhe Ekonomisë, si dhe në programin e Mekatronikës në UBT, do të kenë mundësinë e rrallë për të marrë diplomë të dyfishtë nga prestigjiozi University of Northern Iowa! Ky program inovativ zgjat për 2 vite në UBT dhe vazhdon për 2 vitet e fundit në SHBA në University of Northern Iowa.

Për më tepër, kjo mundësi shkollimi ofrohet me kosto shumë më të ulët se sa studimet e rregullta, duke e bërë një zgjedhje financiare të arsyeshme për studentët tanë. Në të njëjtën kohë, University of Northern Iowa me një reputacion të lartë për programin MBA që ofron, është i njohur për shkollën e tij të lartë të biznesit, e vlerësuar si një nga “Shkollat më të mira të biznesit” nga Princeton Review.

University of Northern Iowa ofron një eksperiencë akademike të jashtëzakonshme, duke e bërë këtë partneritet një rrugëtim të jashtëzakonshëm për të ndjekur ëndrrën tuaj të arsimit të lartë dhe për të ju përgatitur për një karrierë të suksesshme në botën e biznesit dhe teknologjisë!

Përfitoni nga kjo mundësi e rrallë që ofron UBT për të ngritur nivelin tuaj akademik dhe për të hedhur hapin e parë drejt një të ardhme të ndritur dhe të suksesshme. Ky është rasti juaj për të shkëlqyer, për të përmirësuar veten, dhe për të bërë gjëra të mëdha!

Vazhdo të lexosh

Lajmet nga UBT

Bashkëpunimi për zhvillim: Një delegacion nga UBT zhvillon një takim konstruktiv me stafin e Qendrës së Komptencës në Skenderaj

Takimi ka qenë një rast për të konfirmuar angazhimin e vazhdueshëm dhe bashkëpunimin mes fakultetit dhe UBT-së me Qendrën e Kompetencës.

Publikuar

nga

Fakulteti i Ndërtimit dhe Infratrukturës në UBT, në kuadër të partneritetit dhe vizitave të ndryshme, ka zhvilluar një takim të rëndësishëm në Qendrën e Kompetencës në Skënderaj.

Takimi ka qenë një rast për të konfirmuar angazhimin e vazhdueshëm dhe bashkëpunimin mes fakultetit dhe UBT-së me Qendrën e Kompetencës.

Diskutimet gjatë takimit janë përqendruar në edukimin dual dhe potencialin për lidhje të ngushta me kompanitë, si dhe në përmirësimin e kushteve për nxënësit dhe studentët.

Dekani i Fakultetit të Ndërtimit dhe Infratrukturës, Prof. Visar Krelani, ka theksuar rëndësinë e kontakteve me nxënësit dhe trajnimeve për stafin.

Prezentimi i Profesorit Krelani për eksperiencat dhe aktivitetet e fakultetit ka inkurajuar nxënësit për angazhimin në fushën e ndërtimit dhe arkitekturës.

Ky takim ka përçuar një mesazh të fuqishëm për përkushtimin për përmirësimin dhe rritjen e cilesisë së arsimit për nxënësit dhe studentët në këto fusha.

Vazhdo të lexosh

Lajmet nga UBT

Rruga e Suksesit për Nezir Spancën: Nga UBT në Master në Universitetin e Shtutgartit dhe punë në Kompaninë “Stadtwerke Tübingen”

Krahas studimeve Neziri është i punësuar me kohë të pjesshme në kompaninë “Stadtwerke Tübingen”, e cila bën shpërndarjen e energjisë elektrike në regjionin ku jeton.

Publikuar

nga

Programi i Inxhinierisë së Energjisë në UBT i dha një kuptim gjithëpërfshirës të parimeve themelore të prodhimit, shpërndarjes dhe përdorimit të energjisë, me fokus të veçantë në fushën e energjisë elektrike, ish-studentit Nezir Spanca, i cili po vazhdon studimet Master në Universitetin e Shtutgartit, në Fakultetin e “Inxhinierisë Elektrike” me specializim në fushën e “Furnizim i Qëndrueshëm me Energji Elektrike”.

Krahas studimeve Neziri është i punësuar me kohë të pjesshme në kompaninë “Stadtwerke Tübingen”, e cila bën shpërndarjen e energjisë elektrike në regjionin ku jeton. Ai është në departamentin e zhvillimit strategjik.

“Edukimi dhe përvojat që kam fituar gjatë kohës sime në UBT kanë qenë thelbësore në formësimin e rrugëtimit tim profesional dhe në përgatitjen time për sfidat dhe mundësitë që kam përpara”, ka thënë Spanca.

Ai veçanërisht vlerëson rëndësinë e tyre në një mjedis akademik të përballueshëm si Gjermania, ku aftësitë analitike janë thelbësore për zgjidhjen e sfidave në fushën e inxhinierisë.

“Por, një gjë që do të dëshiroja të cekja me doemos është se, aftësitë analitike që kam zhvilluar në UBT kanë qenë të paçmueshme në ndjekjen time të arsimit të lartë, veçanërisht në një mjedis akademik konkurrues si Gjermania, e cila është e njohur për theksin në aftësitë analitike dhe përdorimin e këtyre aftësive për zgjidhjen e problemeve në fushën e inxhinierisë”, është shprehur Spanca.

Vazhdo të lexosh

Lajmet nga UBT

Profesorët dhe studentët e Menaxhmentit, Biznesit dhe Ekonomisë përfaqësojnë UBT-në në Universitetin Teknik të Dresdenit në Gjermani

Profesorët gjatë kësaj vizite kanë shkëmbyer informatat dhe idetë rreth digjitalizimit të disa lëndëve të tyre, aplikimin e shumë teknikave në konceptin lokal dhe regjional, duke bashkëpunuar me partnerët e shumtë të projektit.

Publikuar

nga

Në kuadër të projektit COWEB (Virtual Collaborative Learning in WB HEIs) profesorët e UBT-së nga Fakulteti MBE (Menaxhment, Biznes dhe Ekonomi) Gonxhe Beqiri, Engelbert Zefaj dhe Kestrim Avdimetaj së bashku me studetet Edisa Brahimaj, Klarita Macula dhe  Aorsa Hoti janë duke përfaqësuar UBT-në në Universitetin Teknik të Dresdenit në Gjermani, duke participuar dhe kontribuar në shumë aktivitete të organizuara nga projekti. Projekti ka për qëllim të ndikoj në aplikimin e teknikave të Bashkëpunimit Virtual në Mësimdhënie (VCL).

Profesorët gjatë kësaj vizite kanë shkëmbyer informatat dhe idetë rreth digjitalizimit të disa lëndëve të tyre, aplikimin e shumë teknikave në konceptin lokal dhe regjional, duke bashkëpunuar me partnerët e shumtë të projektit.

Studentet nga ky projekt do kenë mundësinë të çertifikohen si e-Tutors, në mënyrë që të kontribuojnë më tutje në projekt dhe në aktivitetet që do implementohen në nivelin lokal të UBT-së. Gjatë këtij procesi studentet kanë monitoruar dhe kanë dhënë sygjerimet e tyre rreth një aktiviteti me rëndësi për projektin që është “Smart City Tirana’.

Po ashtu përgjatë kësaj vizite janë ofruar sesione dhe ligjerata se si duhet aplikuar vegla dhe teknika te ndryshme digjitale të cilat mundësojnë një bashkveprim me cilësor në mes të studentëve dhe stafit akademik, të cilat mbeshteten plotësishtë  në teknologjitë e fundit të bazuar në AI.

Vazhdo të lexosh

Të kërkuara