Që prej hapjes së afatit për regjistrim, studentë të shumtë kanë nisur rrugën për t’u bërë profesionistë në shumë programe inovative dhe unike studimi, të akredituara nga Agjencia e Kosovës për Akreditim, në kuadër të MAShTI.

Mijëra të rinj nga mbarë trojet shqiptare tashmë e kanë marrë statusin e studentit të rregullt të UBT-së, duke e lënë të ardhmen e tyre në duart e sigurta të profesionistëve të dëshmuar, të cilët tash e 20 vite i kanë dërguar mijëra gjenerata studentësh nëpër vende të sigurta pune.

Përpos regjistrimit, studentë e rinj po vizitojnë edhe kampuset dhe degët e UBT-së, për të parë nga afër infrastrukturën moderne që do të jetë në dispozicionin e tyre përgjatë tri viteve të studimit.

Të gjithë të interesuarit e tjerë për të vijuar studimet duhet që së pari të aplikojnë online dhe më pas të bëjnë regjistrimin përmes sjelljes së dokumenteve në UBT.

Të interesuarit mund të regjistrohen në kampuset dhe degët e UBT-së në Prishtinë, Ferizaj, Prizren, Pejë dhe Gjilan.

Aty ku nuk arrin politika, arrin arsimi dhe sporti. UBT ka nënshkruar marrëveshje bashkëpunimi me Universitetin Teknik të Valencias në Spanjë. Kjo marrëveshje është realizuar pas shumë angazhimeve dhe në këtë rast është arritur të krijohet bashkëpunim dhe njohje e ndërsjellë e studimeve dhe bashkëpunimit me bursa nga Bashkimi Evropian.

Pas një pune të gjatë të përbashkët të dy palëve, si nga ana Fakultetit të Ndërtimtarisë dhe dy institucioneve shumë të rëndësishme, si: Universiteti Politeknik i Valencias nga Spanja dhe UBT-së në Kosovë, që po i prinë inovacionit dhe teknologjisë, nënshkruan marrëveshje Erasmus + për shkëmbim stafi dhe studentësh të mbuluara me bursa Erasmus, për të dy anët.

Kjo marrëveshje nuk mund të arrihej pa përkrahjen e Profesorit Pedro Serna dhe Zyres Ndërkombëtare nga ana e Valencias, Rektorit të UBT-së, Prof. Dr. Edmond Hajrizi, Dekanit të Fakultetit Inxhinieri e Ndërtimit (Ndërtimtari) dhe Infrastrukturë, Prof. Muhamet Ahmeti, Prodekanit Prof. Visar Krelani, dhe me përkrahjen e të gjitha zyreve të UBT-së, Drejtorisë për Çështje Akademike dhe Rektoratit të UBT-së.

Tashmë, stafi i Ndërtimtarisë dhe studentët e UBT-së po ashtu edhe stafi  nga Universiteti Politeknik i Valensias do të kenë mundësi që të kenë mobilitete të përkrahura nga bursat Erasmus +.

Kjo marrëveshje është iniciuar që shumë vite ku kontaktet dhe bashkëpunimi ndërmjet Prof. Pedro Serna dhe Prof. Visar Krelani datojnë që nga viti 2013 dhe tashmë janë shndërruar në mundësi për studentët dhe stafin e interesuar.

Bashkëpunimi veçse do të fillojë duke filluar nga semestri i ardhshëm në disa pika:

• Tema master dhe bachelor eksperimentale të zhvilluara në laboratorët e Valencias;
• Vizita nga stafi i Valencias në Prishtinë dhe anasjelltas;
• Udhëheqje e përbashkët e temave, dhe
• Pritje e studentëve (income) nga Universiteti i Valencias në UBT në Prishtinë.

UBT është duke vazhduar bashkëpunimin e frytshëm me University of Cambridge, në kuadër të Qendrës për Simulimin e Politikave Publike, ku si rezultat i këtij bashkëpunimi me Centre for Resilience and Sustainable Development, University of Cambridge, është arritur kristalizimi i simulimit bazuar në studimin me temë: “Cambridge Policy Boot Camp (CPBC) on Feeding Children Nutritiously for Kosovo”.

Realizuar nga grupi punues, stafi akademik i UBT-së, së bashku me grupin punues të Cambridge International, parashihet që në muajin nëntor të përfundohet simulimi i këtij studimi, përpara target grupeve të ndryshme të politikbërjes në Kosovë.

Qendra “Cambridge Public Policy Simulation Lab” përdorë një qasje sistematike dhe gjithpërfshirëse, duke qenë kështu e para e këtij lloji, jo vetëm në Kosovë apo në rajonin e Ballkanit, por në të gjithë Evropën Juglindore.

Duke kombinuar metodologjitë, platformat dhe njohuritë që janë zhvilluar ndër vite nga University of Cambridge, si dhe sistemet inovative me një ekspertizë të lartë dhe ndërdisiplinore që ka ndërtuar UBT, me fokus në rolin e qeverisë në Kosovë, kjo qendër synon ngritjen e vlerave, cilësisë së politikave publike, cilësinë e jetesës, konkurrencën, vendet e punës, inovacionin, teknologjinë, digjitalizimin, si dhe të gjitha kompetencat kryesore të politikave publike.

Studentët e Fakultetit të Psikologjisë, Anila Shala dhe Elmedina Cimili, nxënësit e Shkollave të Mesme të UBT-së, Eda Palushi dhe Muhamed Shala, të udhëhequr nga Prof. Ejona Icka, realizuan aktivitetin e radhës në Selinë e Kombeve të Bashkuara në Vjenë (United Nations).

Kjo vizitë është realizuar në kuadër të “IAYSP EUME Autumn Assembly 2023”.

Gjatë këtij qëndrimi ata u njohën nga afër me objektin dhe historikun e krijimit të Kombeve të Bashkuara, si dhe mësuan më shumë rreth funksionimit të kësaj organizate dhe planet e saj për të ardhmen.