Kulturë, Lifestyle

Reagon Dua Lipa, e tmerruar nga komentet homofobike të reperit DaBaby

Publikuar

Ylli i muzikës pop, Dua Lipa, ka reaguar pas komenteve homofobike të reperit DaBaby, me të cilin e ka realizuar hitin e suksesshëm,“Levitating”, duke thënë se është e befasuar dhe e tmerruar nga fjalët që reperi kishte thënë gjatë performancës së tij në festivalin “Rolling Loud” në Miami.

DaBaby, emri i vërtetë i së cilit është Jonathan Kirk, po merr kritika të shumta online rreth disa komenteve që i kishte bërë në koncert gjatë fundjavës, me ç’rast në skenë e kishte ofenduar komunitetin e homoseksualëve dhe të gjithë personat HIV pozitiv.

Reperi në përpjekje për të nxitur brohoritje nga audienca e tij kishte thënë: “Nëse nuk keni ardhur këtu sonte me virusin HIV dhe sëmundjen SIDA, ndizni dritat e telefonit”, duke vazhduar tutje me komente tjera ku përmendeshin pjesët intime të grave dhe duke iu drejtuar burrave që nuk janë homoseksual, që të brohorisin për të.

Nga e diela, kur reperi i bëri këto komente kontroverse, sidomos në këtë kohë kur publiku online di të tregohet shumë i ashpër ndaj artistëve, DaBaby ka pranuar kritika të shumta nga përfaqësues të komunitetit LGBTQ, organizata të ndryshme por edhe persona nga komuniteti i artistëve.

Një prej tyre është edhe Dua Lipa, e cila e kishte përfshirë reperin në remixin e hitit të vitit 2020, “Levitating”, me ç’rast përmes një postimi në “Instagram Story” ka deklaruar: “Jam e befasuar dhe e tmerruar nga komentet e DaBaby. Unë vërtetë nuk po e njoh këtë person me të cilin kam punuar. E di që adhuruesit e mi e njohin atë që e kam në zemër dhe që jam 100 për qind përkrahëse e komunitetit LGBTQ. Ne duhet të bëhemi bashkë për t’i luftuar stigmat dhe injorancën e personave të caktuar rreth virusit HIV dhe sëmundjes SIDA”.

Në anën tjetër, organizata bamirëse britanike e cila i del në ndihmë të gjithë personave të prekur me virusin HIV, “Terrence Higgins Trust”, i është përgjigjur komenteve të reperit të njohur amerikan duke thënë se “ai e ka përjetësuar stigmën dhe diskriminimin ndaj personave HIV pozitiv, si dhe ka përhapur dezinformata në lidhje me këtë virus”.

DaBaby i ka mbrojtur veprimet e tij përmes 19 videove të realizuar në “Insta Story” dhe të postuara gjatë ditës së martë, ku ndër të tjera ka deklaruar: “Ajo që unë e bëjë dhe them në koncertet e mia live, janë vetëm për publikun e pranishëm në sallë. Fjalët e mia nuk mund të tingëllojnë në mënyrën e duhur, nëse dikush i dëgjon ato përmes klipeve disa pjesësh në telefonin e tyre mobil”.

Tutje reperi vazhdoi duke thënë se personat që nuk kanë qenë të pranishëm në koncert, duhet ta mbyllin gojën dhe të mos komentojnë fare.

Ejani dhe ndiqni performancat e mia live, pavarësisht nëse jeni vrasës, homoseksual apo heteroseksual”.

Por kishte edhe artistë të cilët i dolën në mbrojtje yllit DaBaby. Një prej tyre është reperi kontrovers T.I., i cili i krahasoi komentet e kolegut të tij me lirinë e këngëtarit Lil Nas X për ta shfaqur hapur seksualitetin në muzikën e tij.

DaBaby megjithëkëtë përfundoi duke kërkuar falje publike në rrjetin social Twitter, me ç’rast deklaroi: “Çdo kush që është i prekur nga virusi HIV apo sëmundja SIDA, ka të drejtë të mërzitet, sepse ajo që e kam thënë ishte e pandjeshme, ani pse asnjëherë nuk kam për qëllim ta ofendojë dikë. Prandaj, ju kërkojë falje. Por komuniteti LGBTQ… unë nuk merrem me ju. Ajo çka ju bëni, është puna juaj”.

Në një postim të fundit, reperi i kritikoi artistët, markat, kompanitë dhe grupet tjera që u pëlqen të përfitojnë nga ndikimi i reperëve afrikano-amerikan në kulturë, pa i kuptuar ata.

Tutje DaBaby i ftoi fansat t’i ndjekin koncertet e tij të ardhshme, duke u bërë thirrje që të qetësohen, relaksohen dhe të jenë krenarë me vetveten, sepse askush nuk mund ta bëjë atë të ndihet keq me veten.

Kulturë, Lifestyle

Grupi “BTS” performoi në selinë e Kombeve të Bashkuara

Është hera e tretë që ky grup mban fjalim në Kombet e Bashkuara.

Publikuar

nga

Diskutimet në selinë e Kombeve të Bashkuara filluan të hënën mbrëma me performancën e pop grupit BTS.

Grupi është emëruar i dërguari i posaçëm presidencial për brezat dhe kulturën e ardhshme nga presidenti i Koresë së Jugut, Moon Jae-In.

Pop grupi mbajti edhe një fjalim. Kjo është hera e tretë që grupi i famshëm jep fjalim në Kombet e Bashkuara, pas rasteve të kaluara në vitin 2018 dhe 2020./UBTNews

Vazhdo të lexosh

Kulturë, Lifestyle

Koncerti i parë i “Rolling Stones” pa të ndjerin Charlie Watts

Bateristi Charlie Watts vdiq muajin e kaluar.

Publikuar

nga

Grupi “Rolling Stones” mbajti koncertin e parë që nga vdekja e bateristit Charlie Watts, muajin e kaluar.

Koncerti u mbajt në stadiumin Gillette në Masaçusets, ku të pranishëm ishin rreth 300 persona.

Këngëtari Mick Jagger ia dedikoi këtë koncert të ndjerit Watts, që vdiq nga një sëmundje e panjohur, në moshën 80-vjeçare.

“Është një natë pak prekëse për ne sepse është turneu i parë në 59 vjet që kemi bërë pa Charlie Watts-in tonë të dashur. Na mungon shumë, si në grup, si shok – dhe në skenë”, deklaroi ai.

Stones kishin bërë një provë në Boston gjatë verës, dhe për shkak të kufizimeve të udhëtimit të lidhura me pandeminë, nuk morën pjesë në funeralin e Watts në Angli, raportoi The Sun në fillim të këtij muaji./UBTNews

Vazhdo të lexosh

Kulturë, Lifestyle

Adele po rikthehet me album dhe koncert televiziv

Adele rikthehet pas katër vitesh pauzë.

Publikuar

nga

Këngëtarja e mirënjohur, Adele po planifikon të rikthehet në kohën e Krishtlindjeve, me albumin e saj të shumëpritur, i katërti me radhë dhe me një koncert televiziv në Las Vegas.

Me këtë paraqitje, Adele do të rikthehet në skenës pas katër vitesh pauzë, pas turneut të saj rekord në vitin 2017.

Një burim për The Sunday Mirror tha se: “Ka kaluar shumë kohë, por label i saj dëshiron që ajo të dalë para Krishtlindjeve dhe të kenë shenjën e tyre në një shfaqje në Vegas”.

“Adele dhe menaxhmenti i saj kanë qenë në bisedime me BBC America për ta transmetuar atë në të gjithë botën. Kjo do të jetë një nga shfaqjet e pakta si pjesë e turneut të saj promovues”, shoti ky burim.

Kujtojmë se këngëtarja Adele kohët e fundit ka marrë shumë vëmendje pas zyrtarizimit të lidhjes me agjentin sportiv, Rich Paul./UBTNews

Vazhdo të lexosh

Kulturë, Lifestyle

Netflix po sjellë diçka unike me tregimet e Roald Dahl

Bashkojnë forcat dy kompanitë.

Publikuar

nga

Netflix ka blerë të drejtat për librat klasikë të fëmijëve të Roald Dahl nga familja e autorit. Kjo nënkupton që me marrëveshjen e arritur gjiganti do të ketë tregime sikurse “Charlie and the Chocolate Factory” dhe “The BFG”.

Nga Netflix përmes një komunikate shtypi thanë se dy kompanitë “bashkuan forcat për të sjellë storiet më të dashura për fansat në forma shumë kreative”.

Marrëveshja erdhi tri vite pasi Netflix dhe RDSC punuan bashkërisht në disa seri të animuara, përfshirë edhe një që u bazua në “Charlie and the Chocolate Factory”.

Autori britanik Dahl vdiq në vitin 1990 në moshën 76-vjeçare. Ai ishte krijuesi i roleve sikurse Matilda, the BFG, Fantastic Mr.Fox, Willy Wonka dhe the Twits. Librat e tij janë shitur në më shumë se 300 milionë kopje dhe janë përkthyer në 63 gjuhë, sipas deklaratës së Netflix./UBTNews

Vazhdo të lexosh

Të kërkuara