Sport

Rashica u këshillua me Xhakën dhe Shaqirin para se të transferohej në Angli

Published

on

Transferimi i Milot Rashicës te Norwich City në Premierligë nuk është vetëm për të ose familjen e tij, por për vendin e tij, Kosovën.

“Rashica është pjesë e një gjenerate të talenteve të futbollit nga Kosova. Ai përfaqëson Kosovën, që për herë të parë morën pjesë në vitin 2016 në kualifikimet për Kupën e Botës” – thuhej në artikullin e Pinkun, një media lokale në Norwich.

Rashica zbuloi të enjten se kishte folur me Granit Xhakën dhe Xherdan Shaqirin para transferimit të tij në verë në Angli. Dyshja kanë prejardhje kosovare dhe Rashica e di se çfarë do të thotë në vendlindjen e tij ta shikosh atë të luajë në Premier League.  

“Është një histori e madhe në Kosovë. Ata janë shumë të ngazëllyer. Edhe në Mbretërinë e Bashkuar kam pasur një mikpritje të ngrohtë nga shumë njerëz kosovarë dhe shqiptarë në Norwich ose Londër. Mendoj se udhëtimi im është pak më ndryshe, sepse unë fillova në Kosovë dhe më pas nga Liga e Kosovës u transferova në Holandë dhe më pas në Gjermani. Por gjithçka që kam pasur gjatë rrugës dhe gjithçka që ka ndodhur në të kaluarën thjesht më bën më të fortë dhe unë jam shumë i lumtur dhe shumë krenar për vendin tonë” – u shpreh Rashica.

“Kjo është ajo që na jep mbase një mentalitet të fortë pune dhe të jemi të fortë mendërisht. Kjo është një gjë e veçantë për ne, sepse kurrë nuk harrojmë nga kemi ardhur. Ne gjithmonë ia kujtojmë vetes. Ne shikonim ekipe të tjera kombëtare dhe lojtarë të tjerë, por tani ju mund të shihni fëmijët atje kanë emrat tanë në fanella. Kur ne luajmë si një ekip kombëtar askush nuk punon atje. Të gjithë duan të shkojnë në stadium ose diku për të parë ndeshjen. Kjo na bën shumë të lumtur dhe shumë krenarë” – u shpreh Rashica. /Gazeta Express/

Sport

Vdekja e Diogo Jota-s: Liverpool merr vendimin, përjetëson fanellën me numrin 20

Published

on

By

Ikja para kohe dhe në mënyrë tragjike e futbollistit Diogo Jota ka tronditur botën e futbollit dhe jo vetëm, ndërsa ka shkaktuar reagime të shumta, ku personazhe të të gjitha fushave, skuadra, lojtarë, por dhe tifozë i shprehën ngushëllimet familjarëve. Në Anfield, flamuri i Liverpool u ul në gjysmë shtizë, ndërsa tifozët e kuq bënë homazhe në nderim të yllit portugez të futbollit.

Pasi kënduan vargjet e Jota, si dhe himnin YNWA tifozët i kanë bërë një kërkesë drejtuesve të klubit për heqjen nga qarkullimi të fanellës me numrin 20.

Numri 20 duhet të mbetet përjetësisht i tij. Ai nuk ishte vetëm lojtar i madh, por një shpirt i pastër dhe njeri i jashtëzakonshëm”, deklaronin tifozët e ndryshëm.

Pak orë më pas ishte skuadra ajo e cila mori vendimin për përjetësimin e kësaj fanelle, duke e hequr përfundimisht nga qarkullimi, në nderim të lojtarit që humbi jetën.

Diogo Jota dhe vëllai i tij Andre humbën jetën në orët e para të mëngjesit të së enjtes si pasojë e një aksidenti automobilistik në Zamora të Spanjës. Ata ishin duke u kthyer nga Spanja drejt Anglisë, pasi sipas asaj që raportohet në mediat spanjolle, Jota e kishte të ndaluar të udhëtonte me avion për shkak të një ndërhyrje në mushkëri, duke preferuar linjën tokësore. Makina me të cilin dyshja udhëtonin shpërtheu në flakë pas një përplasje të fuqishme, duke mos i dhënë asnjë mundësi shpëtimi.

Continue Reading

Sport

Zyrtare: Nico Williams rinovon me Athletic Bilbao deri në vitin 2035

Published

on

Ylli i Spanjës dhe kampion i Euro 2024, Nico Williams, ka firmosur një kontratë të re afatgjatë me Athletic Bilbao që do ta mbajë në “San Mamés” deri më 30 qershor 2035.

Nëpërmjet një njoftimi zyrtar dhe një videoje të veçantë në rrjetet sociale, Athletic Bilbao konfirmoi se ka arritur marrëveshje për rinovimin e kontratës me një nga futbollistët më të talentuar të brezit të ri. Klauzola e lirimit të tij është rritur me mbi 50% krahasuar me marrëveshjen e mëparshme.

“Kur merr vendime, gjëja më e rëndësishme është të dëgjosh zemrën. Jam aty ku dua të jem, me njerëzit e mi. Kjo është shtëpia ime. Aupa Athletic!”, u shpreh vetë Williams në videon promovuese të klubit.

Nico Williams ishte pranë transferimit te Barcelona, por përfundimisht ka mbetur në Bilbao.

 

 

Continue Reading

Sport

Fluminense dhe Al Hilal përballen për një vend në gjysmëfinale

Published

on

By

Nga ora 21:00, skuadra braziliane Fluminense dhe ajo arabe Al Hilal do të përballen për herë të parë në histori, në një duel emocionues që zhvillohet në stadiumin “Camping World” në Orlando.

Të dyja skuadrat kanë qenë surpriza të mëdha, duke eliminuar gjigantë të futbollit evropian. Fluminense mposhti Interin me rezultat 2-0, ndërsa Al Hilal shkroi histori duke e eliminuar kampionin në fuqi Manchester City.

Ky takim do të përcaktojë një tjetër finalist të mundshëm të këtij edicioni të pasur me surpriza, dhe pritet të ofrojë emocione të forta për të gjithë adhuruesit e futbollit.

Continue Reading

Sport

Tyson Fury e paralajmëron rikthimin

Published

on

Ish-kampioni i botës në boksin profesionist, Tyson Fury e ka paralajmëruar rikthimin nga pensionimi.

Boksieri i deridjeshëm britanik u mposht dy herë nga ukrainasi Oleksandr Usyk, i cili është kampion aktual i padiskutueshëm në boksin profesionist.

Por, gjiganti britanik nuk e ka ndërmend të dorëzohet dhe e ka paralajmëruar përmes një postimi në rrjetet sociale përballjen e tretë me Usyk.

“Trilogy”, shkroi Fury në llogarinë e tij zyrtare në rrjetin social “Instagram”, ndërsa këtij shkrimi ia përcolli dy fotot, një të tij dhe një të Usyk.

 

Continue Reading

Të kërkuara